سلامُ الله عليكم يا زُعماء وكل عام وأنتم بخير ..
من قبل رمضان بفتره , ما دخلت إلا الحين لمنتدانا الحلو

المهم شفت كل الحاصل في مواقع التواصل وحبيت أسرد لكم المختصر
وأكيد البعض إذا مو الكل يدري عن ما سأسرده :

1: رئيس فريقنا مجتهد ويريد رضانا ويسير بالفريق لما نتطلع له

2: النادي الأهلي مسوي زوبعه بإعلامه وجمهوره ووده يحتك معنا وكله لجل يكون بالصوره
والمشكله مادرينا عنهم ومايهمونا وبكيفهم يسوون اللي يسوونه

3: حكام لبسوا لبس وتصوروا فيه من فتره ولونه مثل لون نادينا وأنديه أخرى..
وكالعاده حطوها في الهلال!

4: مشاكل أنديه مع لاعبين يخصونها وبقدرة قادر الهلال السبب!!

5: جمهور يُقال إنه هلالي ينتقد الفريق والرئيس والمدرب واللاعبين ووووو ..
نقول له : سمّ بالرحمن وصلّ ع النبي خلنا نحلها بوديّه يا كبييير

6: لاعبين مايبغون الهلال ولاعبين يكرهون الهلال وودهم يطلعون منه ..
ونقول لهم: الهلال مايوقف على لاعب , واللي يبينا فوق الراس وبنجيبه بخشم الريال..
واللي مايبينا الله يوفقه وين ماراح

أمور كثيره دايره هاليومين لكن إحنا مثل ماكنا مع هلالنا ولابنلتفت لمدورين الإحتكاك..
صراحه مافيه أنديه يحتكون فيها غير الهلال, واللي يقول فيه أقول له (كذاب)

قبل الختام: يقولون الكابتن ياسر القحطاني ناوي ع الرجعه ..
وأقول أبركها من ساعه يابوعزوز ننتظرك, (ونشوف)

في الختام عسى أيامكم كلها أعياد دامنا في شهر العيد ..
وعسى أيامكم كلها فلووووس دام الرواتب جات
والله يوفق هلالنا ويوفقنا جميييييع

ودُمنا زُعمااااااااااااااااء