|
ان صحت المفاوضات السلام عليكم ورحمة الله وبركاته قبل ان اطرح موضوعي أتسائل لماذا صدور الناس ضايقه بمجرد تطرح رأي يختلف معه احدهم (وهذا الطبيعي) تجد الأسلوب التهكمي والالفاظ الغير مبررة ؟ طبعا انا اؤد من طرح سؤالي عن ارائكم أن نجد حلول لبعض احتياجات الزعيم حتى وإن لم يسمع لنا ولكن سوف اكتب رأيي بما أراه واتمنى ان تكون هناك آراء ووجهات نظر يما يرى كل منا كان هناك تصريحات من قبل رئيس نادي الخليج بأن ناديه قدم عرض للهلال مقابل الحصول على اللاعب يوسف السالم . انا ارى الموافقه على انتقاله بشرط يكون ضمن الصفقه انتقال ظهيرهم الأيمن علي لاجامي... هناك اخبار عن تقديم هجر والاتفاق طلب استعارة الحافظ . أرى الموافقه على انتقاله إذا كان هجر فيكون المحور أسامة الخلف ضمن الصفقه وإذا كان الاتفاق فيكون المحور الدفاعي عتين ! أيضا هناك اخبار عن عرض من الرائد والنصر والأهلي لشراحيلي اتمنى إعارته للرائد ويكون ضمن الصفقه استعارة مهاجمهم عبدالعزيز القصير وإذا للنصر مبلغ 5 مليون للموسم وايضا الأهلي اخيرا عرض الاتحاد لناصر إذا قلنا يمكن ناصر يبدع ويترك المزاجية فيرفض العرض وإذا قلنا يمكن يلعب بدون نفس فيكون المبلغ 25 مليون ... أتمنى أن أرى وجهات نظركم تجاه ما طرحت وما يمكنكم إضافته تجاه هذه المفاوضات في حال صحتها وللجميع كامل الاحترام |
ماشاء الله عليك تعرف هاللعيبه بتلك الانديه انا اول مره اسمع فيهم ....ناصرليته يروح اذا يبغى يلعب والاجانب احتياط ناصر لاعب هجمه مرتده راح ينفع متى ضمنا النتيجه نزله (سدااااااااااااااااح) الحافظ ليته يعار سنه حتى ينضج ويرجع لنا الامبراطور النعيمه فيه شبه منه |
ما شاء الله عليك مجهز العصابه قبل الفلقه على العموم كله ممتاز ماعدا إعارة الحافظ وبالنسبه لشراحيلي اتمنى اننا نستبدله بالعويس ونعطيهم مبلغ فوقها وخلي الشباب هم الي يبيعونه للي يبون او يشترون عموري ويعطونهم شراحيلي فوق البيعه وناصر الشمراني لايباع إلا للي يدفع مبلغ لايمكن رفضه |
كلامك سليم .. ورائع لكن هنالك معضلة في السالم - وشراحيلي السالم رفض العرض ويطالب يمستحقاته كامله ومخالصة مالية وشراحيلي سوف يعمل نفس العمل .. هنالك من يعمل ضد عملك سيناريو متوقع .. والله العالم سوف يكون هنالك مخالصات وخسائر للهلال ولكن سوف تكون تدريجية .. تبدا مع شراحيلي ثم تنتهي بالسالم وعزوز وبالستة المتواجدين بالنادي التخطيط السابق اسف اني قلت عنه تخطيط اقصد التخبيط الى كان في السابق تخبط وراء تخبط ولا تعلم هو سوء ادارة او تعمد من بعضهم لتخريب الكيان لكن نقول ان شاء الله العودة قوية الان جل تفكيرنا بالدوري القطري نبحث عن لاعب اسيوي |
وجة نظر احترمها اتفق معك في بعضها واختلف معك في البعض وبعدين الانديه مو على كيفك كل نادي يبحث عن مصلحته |
موضوع جيد اخوي بس اختلف معك بموضوع الشمراني والسالم لاعبين مبدعين وراح الايام تثبت ما اقول . يارب اجعل جميع البطولات من نصيب الهلال .s13s |
الي اعرفه الانديه الى عليها ديون ما تقدر تسجل يعني استبعد انتقال ناصر للاتحاد |
السالم يبغى نادي يصبر عليه يلعب 7 او8 مباريات اساسي وسوف يبدع ...انا اعرف اللاعب اللي يحب الكوره واجد بغض النظرعما يتقاضى مثله مثل الشلهوب الشلهوب ياجماعة اتمنى لااحد يطالبه بالاعتزال حتى لو وصل عمره خمسين ....لاعب محبوب موهوب خلوق ...صدقوني لو ترك الشلهوب الهلال سيعتريه حزن شديد ...ويكفيه وفاة والديه وهو صغير بالسن انا جبت طاري الشلهوب لان البعض يلمح ......فالشلهوب سيبقى اللاعب الرمز ونريد نراه بالملعب حتى يشيب راسه كله |
الا باختلف معك واسمح لي اقولك انك ما تفهم ولا تفقه في الكوره والمفروض اللي مثلك ما يكتب مره ثانية . الا وش رايك تكون رئيس النادي ولا تدرب الفريق احسن يا امعه يا مندس ويا ويا ويا ..... الخ .. . . . اخي ثائر هذا ما كنت تخشاه في ردود بعض الاعضاء هدانا الله واياهم . اخي ثائر انت وبعض الاعضاء اخوه افاضل واصحاب راي ورؤيا ممتازة .... الي الامام ودائما ننتظر ابداعاتك لانك عاشق ومهتم . واعذرني على بداية التعليق . |
انا اقوووووووووووول اللهم وفق الزعييم الاسيوي وكبير اسيا وجنب لاعبيه الاصابات ولك الشكر احي ثائرعلى موضوعك |
السالم عاجبه الوضع ورافض الانتقال الا بمخالصه الاعب جيد لكن ما ينفع الهلال اطلاقا لا مهارة زي ياسر ولا سرعة مثل الشمراني الحافظ اتوقع الفريق بحاجته خاصه بعد ابعاد الاجانب وعدم جلب بديل لاحدهم بالنسبه لشراحيلي للان مافي طلب رسمي للهلال كله كلام فقط وبصراحه هالاعب زين سوت الادارة فيه قليل بحقه صبرنا عليه سنتين بدل لايشكرنا هذا جزاتنا الشمراني بإذن الله يرجع مثل ما كان مع المدرب الجديد وخطته الهجوميه صعب تفرط في لاعب بثقله لاعب هداف مو فاقع مرارتي الاعزوز ليت الادارة تصرفه بإعاره اذا فلح يرجع للهلال واذا لا يتم مخالصته مو معقول لاعب يستلم خمس ملايين والمحصله صفر مستوى وفائدة وفي الاخير بعد المعسكر راح يكون للمدرب رأي في الاعبين الله يوفقه لما فيه خير للهلال يعطيك العافية |
اعتقد بان الهلال لن يفرط بالحافظ اما شراحيلي اعارته لاحد الاندية او بيع عقده ناصر الشمراني يحتاجه الهلال في الهجوم مع المحترف البرازيلي ليو |
اخي ثائر السلام عليكم ورحمة الله بالنسبة للاعبين الذين تم طلبهم من اندية معينة هم اللاعبين انفسهم رفضوا العروض والإدارة لاتستطيع اجبارهم الاندية التي طلبت هؤلاء اللاعبين لم تقدم لهم رواتب كتلك التي يتقاضونها في الهلال وهم فضلوا البقاء بدون لعب على الانتقال لأندية برواتب أقل وهذا امر يتعلق بطموح اللاعب ورغبته بممارسة الكرة فعلا الإدارة الهلالية طبقت عليهم نظام التدريب الكامل اي 8 ساعات يوميا وبذلك اما تتطور مستوياتهم ويستفيد منهم الزعيم اويرفضون تطبيق البرنامج وبذلك يمكن فسخ عقودهم او يقبلون بعروض اقل من اندية اخرى ولا يمكن للادارة ان تتصرف خارج هذا السياق الحقيقة هذا من الاسباب التي ادت لزيادة نفقات الفريق هي تكديس اللاعبين دون حاجة لهم وهذا امر يطول شرحه فكثير من الفرق المتقدمة بالاحتراف توقع عقود قصيرة مع احقية تمديد العقد لتتأكد من الفائدة من اللاعب او الاكتفاء بالعقد القصير |
شكرا اخوي المهم يستفيد الفريق طرح جميل . |
فيه شغله اتمنى يطبقها النادي و بلا تردد الا و هي كل موسم يختارون ثلاثة او أربعة لاعبين من درجة الشباب او الأولمبي و البحث لهم عن عروض إعارة في أندية الممتاز منها يكتسبون خبرة و منها تتطور هذي التجربة و تلقى نفسك بعد كم سنة عندك مخزون لعيبه في كذا نادي. ان بغيت تستخدمهم كورقة تفاوض او اذا كان مستواهم ممتاز أرجعهم النادي و تنهي إعارتهم للفرق الاخرى |
| الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd