السلام عليكم ورحمة الله
نعرف جميعآ ان الهلال بالمواسم الثلاث الاخيرة تعرض لضغط مباريات واجهاد للاعبين والسبب بهذا الاجهاد هو اعمار اللاعبين اللتي تعدت ال33
عموما تم التفريط بالخمس سنوات الاخيرة بشباب النادي لعيون القحطاني والشلهوب وماهي المحصلة؟ ماهو انجازهم خلال خمس سنوات؟ ام ان العاطفه سبب بظلم الشباب ؟
اتمنى من هذا الثلاثي مراجعة الاتي؛
1/ ياسر ( كم خروج مرير خرجنا به وانت اكثر من يبرر بالاعلام والمحصلة صفر؟ كم مره تعدنا ان يعود ياسر السابق وانت من موسم لاخر بزياده بالوزن. )
2/ الشلهوب ( الا تتذكر بالثلاث البطولات الاسيوية عندما خرجت لنا بتصريح'نعوضها السنة الجاية ونعد الجمهور' )
3/ كريري ( اخرجت لنا دموعك ضد الاتحاد واهديتهم هدف التقدم بتمريره عكسية وصبرنا بعدها ومن ثم خرجت لنا باللعب الخشوني في مبارتين متتاليتين وخرجت فيها بالاحمر دون منفعه)

عموما لهذا الثلاثي المتقدم بالسن ارجوا منكم احترام الزعيم واعلان الاعتزال فاكثركم لم يفعل شي من اكثر من خمس سنوات الا حجز الخانة .

اخيرآ من كان يقول ان هذا مصدر رزقهم فقد حلوا مكان ناس اخرين كانت المنفعه اكثر منهم واعلم ان لهم مشرفين مقربين لهم ولكن لايهم لان مصلحة الزعيم فوق الجميع.
والسلام

كلام عجيب وغريب !!!!!
بعيداً عن الوفاء وجمهور الوفاء
ولتحليل الامر بواقعية وبعيداً عن العواطف
انت ما تبقي احلال وتجديد
انت تبقي تصفية شاملة للاعبين الخبرة
ليصبح الهلال بدون اي لاعبين خبرة وقدوة
الشلهوب والقحطاني ليسوا أساسيين
عشان ياخذوا مكان اللاعبين الشباب
يعني معظم مشاركاتهم لديائق معدودة
وهذا يحتاجة الهلال واللاعبين الصغار اذا وجدوا
كريري لعب معظم المباريات لان مركزه لا يوجد فيه
اي لاعب مميز ومع يدوم الخبيري أكيد راح يكون
خيار ثاني مثلة مثل الشلهوب والقحطاني

من اجل مصلحة الزعيم يجب ان يكون الإحلال
والتجديد تدريجي وعندنا الاتحاد خير دليل
على ان التصفية والاستغناء عن لاعبين الخبرة
مضرتها اكبر من فايدتها ....

احسب كم بطوله حققها الهلال بتواجد محمد الشلهوب وياسر القحطاني وسعود كريري ثم تفلسف

وكلامك بهذا الشكل يدل انك انسان جاحد وناكر للمعروف

وفوقها مسويلي مدرب وتزعم ان كلامك هو الحل... وقدام عيوننا شفنا نادي الاتحاد يوم فجأه شال لاعبين الخبره وش صار فيه!

واصلا الشرهه مب عليك... الشرهه على الي سامح لاشكالك تكتب في المنتدى بلا حسيب ولا رقيب

عزيزي الاتحاد لما شال لاعبي الخبره حقق كأس الملك. هذا ماصار فيه
ولكن الحقيقة مره عالقلوب

إقتباس الرسالة الأصلية كتبت بواسطة madinah boy عزيزي الاتحاد لما شال لاعبي الخبره حقق كأس الملك. هذا ماصار فيه ولكن الحقيقة مره عالقلوب

الاتحاد جاب البطوله لان الاعب يبي يثبت نفسه وبعدها انقلبو على الفريق عشان الدراهم

الشلهوب وياسر ضحو للفريق ولما يلعب اساسي يثبت نفسه

إقتباس الرسالة الأصلية كتبت بواسطة madinah boy عموما تم التفريط بالخمس سنوات الاخيرة بشباب النادي

من هم الشباب ؟................

لو كانت المطالبة بتكريمهم واعطاء الفرصة للشباب وان الاعتزال هو النهاية الحتمية للاعب مهما قدم لكانت مقبولة
المشكلة انك حملتهم كل الاخفاقات وهذا غير صحيح
شخصياً اتمنى تكريم الثلاثي والفريق فيه لاعبي خبرة بفضل الله خاصة ياسر وكريري

اعتقد اذا عندها خبره امداهم نقلوها للعابد والفرج وسالم
كم لهم يلعبون معهم؟! بس ماعندك احد

المسلم والسالم والحمد والبيشي والقرني ليسوا شباب والشامخ والفضل والعليوي والحافظ والواكد والجوعي وغازي والعمار والقطام مستوياتهم عادية السديري أخطأ وشال عليه بعض الجمهور
كروم والسواط لم يمنحوا الفرصة وإذا تم اعارتهم سنرى مستوياتهم
كريري محور فلو تم تنسيق فقد يكون معك حق وايضا عقده يتبقى فيه 7 أشهر فقط أما الشلهوب فرغم كبر سنه إلا أن كروم والسواط لم يلعبوا بغيابه وقد يكون هناك أشياء لا نعلمها
ياسر بكل أسف لا يوجد مهاجم سوى مصعد أو من يمكن التعاقد معه
عموما هذا الموسم ستضطر الإدارة لتقديم مخالصات واعارات ومقايضات لأن هناك 15 لاعب مصعد مستحيل يمثلون الفريق الأول وهناك 7 لاعبين معارين بمعنى يلزمنا التخلص من حوالي 20 لاعب إضافة إلى مشكلة الديون ومع ذلك الإدارة قامت بعمل جيد وان اختلفنا معها ولكن لا نعلم ضروفها.

انا معك في مغادرتهم ...الا واحد ياسر ..وليس اني من مششجعين ياسر .. فقد انتقدته كثيرا .. وارجع لمواضيعي ...لكن السبب انه لايوجد لاعب رأس حربه بمستوى مقبول حتى.... في الالومبي ... ...هناك لاعبين في الالومبي أتوقع اسمه البقعاوي في رأس الحربه ..أتمنى اعرف من اختاره ...؟؟ وأتمنى اعرف ايش في راس هذا المدرب الروماني يوم اختاره ...؟؟ وأتمنى افهم فكر إدارة الالومبي يوم اختارت مثل هذا اللاعب ....سيبريا الروماني لن يطور الأولمبي ...الان لاعبي الالومبي سيئيين فرديا .....
ارجع لموضوع ياسر
لايوجد احد ....
مالك الا ياسر اذن ....
ام الوسط فمكتض الان باللاعبين ... فللاسف سوف نتخلى عن الشلهوب اللي نقول كثر الله الف خيره ..والكوره للأسف هذي سنتها
هو وكرييري

الشلهوب يتم تكريمه ومن ثم تعيينه مسؤلاً عن الفئات السنية ...

ياسر يتم تكريمه وتعيينه إداري بالفريق مكان المفرج ...

سعود يكرم على ماذا ؟!!! لاعب انتقل للهلال بمبلغ ضخم وهذا يكفيه ....

لغة العقل يجب أن تكون هي السائدة والبعد كل البعد عن لغة العاطفة .....

الشلهوب سيبقى حتى 40 سنه اما ياسر وكريري فربما سنه او سنتين فقط

ليت فيه خيار ديسلايك عشان تعرف ان موضوعك فاشل ورأيك سلبي ومفروض وغير منطقي وغير عقلاني ومضر ضرر با جدا جدا جدا ،،،، يفضل ان تراجع نفسك قبل كتابة موضوع او ان تصمت وهو الافضل

نروح ونرجع وما زالت الجماهير تتكلم لغة العاطفة، اللاعبين تقريباً بالسالب في ما يتعلق بالمردود في الملعب
صحيح ياسر والشلهوب هم لاعبين خبرة ومتميزين في وقتهم ويشكرون كل الشكر على انجازهم مع الهلال، خصوصا الشلهوب الي تاريخه يلمع بالذهب.

ياسر وكريري ما عاد عندهم شئ يقدموه الا تكلفة الخزينة بدون مقابل، الغريب ياسر ما زال 33 وأظن انه من المستحيل انه يرجع لياقياً أو حتى تهديفياً مثل زالاتان الي يقود منتخبه ومال زال يسجل.

عموما يستاهلون اعتزال وتكريم لما قدموه ويجب أن يكون الموسم الجاي أخر موسم لهم واذا ارادوا ينتقلوا للعمل الاداري مع الفريق الاول والفئات السنية، أنصح أن يكون الشلهوب قدوة للصغار لانه جيد في التعامل معهم.