اخوي لا يضيق صدرك
رمضان قرب وفيها الروح والسعاده وسعك الصدر كله
كل عام وانتم بخير عسا الله يبلغنا لا فاقدين ولا مفقودين

بالنسبه لكريري
سؤال / هل تم الاعلان عن التجديد ؟
اذا تقصد الاخبار !! ، ترا نفس اللاعب وقع للاتفاق والقادسيه وجدد للهلال ( كريري يلعب بثلاث فرق ) .!!!!

اذا فعلاً تم التجديد له فيجب الاستفاده منه من خلال مسابقة كاس ولي العهد والملك ووضع بجانبه محور شاب يستفيد من خبرة كريري شرط انه مايقرب الدوري او اسيا لانه هذول البطولتين تحتاج جهد كبير الا في حالة الاضطرار له ( نتذكر الموسم اللي مع بداية دونيس كانو لدينا تخمه مهاجمين وناصر وياسر والسالم ،وكنا نقول كثرة مهاجمين عندنا ويكفي اثنين واخرتها خسرنا ناصر للايقاف وياسر اعتقد ان ماخانتني الذاكره للايقاف بالبطاقات الصفرا ، ولعبنا بالسالم يعني نص مهاجم ) يجي وقت وتحتاج لاعبين
وكثرة اللاعبين ليس بمشكله
المشكله ااذا ماعندك لاعبين .
وكثرة اللاعبين تعطي خيارات اكبر واكثر للمدرب القادم من سيحتاج ومن لا يحتاج .


بالاخير ياغالي كل اللي طالع الحين مجرد اخبار لبيع الجرايد ^_*

توقع أم أمنية ..؟
كريري لو يعطي شوط واحد فقط يبقى عنصر مهم في الفريق ..
المسألة ماهي بالعمر ،، الأمور تقاس بالعطاء ي عزيزي ..
العابد والسالم كم عمرهم ..؟؟ ماذا قدموا للفريق هذا الموسم ،،؟؟

..

الاجانب نحتاج قلب + محور+ وسط ايمن + هجوم

لاعبين محليين قلب + مهاجم

تصعيد من الاولمبي 5 ..قلب + ظهير+ 2 وسط + مهاجم

انتم ناسين وش نتايج اشراك كريري ... أتوقع ماخذ كرتين حمر ... وتسبب في الهدف الثاني تبع الاوزبك في المباراتين الأخيرتين ...
صححولي المعلومه ان كنت مخطأ
يعني الرجل طلع الهلال من ثلاث بطولات في اقل من شهر .
واحد الله يهديه يقول بقائه فيه فايده مانخسر شيء
بقاءه فيه فايده ؟
وانا أقول اذا ماكان مضره فهو شوي

انا كنت لااود التعاقد معه لانه كبير بالسن ...لكن والخق يقال انه لاعب مهم بالفريق

اذكر الكرت الاحمر الاول والله بهذيك المباراه كان سد منيع امام الخصم كل هجمه خطره يقطعها حتى هلك من التعب وعرقل لاعب الخصم لانه كان منطلق بهجمه خطره مافيه حل الا الاعاقه واخذ كرت

انتم فقط تنظرون للكرت ولا تذكرون ماقام به طوال المباراه .....يااخوان تكفون تراكم غثيتونا بنقدكم ياحبراء

لا تجلسس تتبلى ع الرجال وتنسب له اخطاء ماله فيها
هدفي الاوزبك الاول جا عن خطاء بالدفاع ومشكلة الهلال بالعرضيات وسوء تغطية اللاعبين
وهدف الثاني نسخه طبق الاصل من الاولى الا هذي شارك فيها الثنيان بعدم خروجه للعرضيه
مشكله الهلال من سنين هيا العرضيات الىغلب الاهداف ولجت مرمانا. من العرضيات

بلاش نلصق التهم جزافاً
ترا كروت كريري الحمر كلها جات في اخر دقايق المباراة بعد ما الوسط الدفاعي اتحمل كثير اخطاء الوسط والهجوم وكراتهم المقطوعه
وجات الكروت كلها في ظل اداء سيء للفريق يعني كروته ما اثرت ع اداء الفريق

انا ماني مع تجديده لكن اذا تم التجديد لابد من الاستفاده منه في مسابقات الكؤوس

لاحول ولا قوة إلا بالله
وين يروحون نجوم الاولمبي اذا جددنا للاعبين الكبار والمستهترين.

يا قوم .. من جدكم سد منيع كرتين احمر وراء بعض اللاعب قليل الاخطاء هو اللاعب الذي يملك لياقة
اما كبار السن .. تجدهم يعوضون ذلك النقص بالمسك والضرب لانهم لا يستطيعون مجارات الاصغر منهم
والاكمل لياقياً

الهلال يحتاج غربة كاملة .. دون تحديد

اجل الخيبري والهوساوي والله العظيم انهم يذكروني بنادي الفقر يوم جمع المهلل وانور وكبار السن ( الى معه الضغط والسكر )
بس ذكي نادي الفقر كسب تعاطف الجماهير لانهم كانوا يلعبون بالشيبان

اتوقع الهلال قلة جماهريته والان يريدون زيادتها بتعاطف الجماهير الاخرى باحضار لاعبين لهم جماهرية وكبار سن
اجل تعاقدوا من محمد نور - وعبدالغني - ودفاع الاتحاد اسامة

الهلال في تعاقداته دليل على الضعف المادي وضعف التدبير

اهم شيء لا اشوف احد متحمس بداية الموسم .. ثم يقعد يصايح علينا ... من الحين اقولك اياها لا دوري ولا آسيا .. فلا تزعج نفسك وتشيل همها ... بطولات خروج المغلوب السريعه يمديك عليها .. ان شاء الله الموسم بعد القادم نرى عمل حقيقي

السنه الجايه عزوز وكريري والسالم والقرني هذي اشكال تجيب بطولات

الله يعطيكم العافية وبالتوفيق للزعيم الملكي