|
دونيس مظلوم ... "صورة" بعد المستوى المخيب وخروج أشباه الاعبين من أكبر بطولة آسيا ... اكتشفنا أن المشكلة مو من المدربين المشكلة طلعت من أشباه الاعبين احنا كنا نعتقد أن المشكلة من دونيس ... لكن دونيس طلع المسكين مظلوم ... يوجه في هالاعبين والاعبين ما في فايدة ابد http://www.m5zn.com/newuploads/2016/...cdae10294b.jpg يستحق دونيس الإعتذار ... ظلمناك بتوجيه المشاكل عليك ... وتركنا الاعبين الي احرجوك مع الإدراة والجماهير ... وكنت أنت الضحية لمشكلة كان سببها "أشباه الاعبين الفريق" دونيس ... جعلناك الضحية لإستهتار جيل الاعبين كنا نأمل عليهم الكثير والكثير ... بالتأكيد تستحق الإعتذار |
الا ماهبط مستوانا الا ريجي ومن بعدة دونيس هل كان لعب الهلال مثل ماكان مع سامي |
والله المدرب ماله ذنب معه فريق ثلاث ارباعه غنم ودك توديها اقرب مسلخ ياابن الحلال في ادارة الهلال لايوجد رجل حكيم يفهم كوره واللله كارثه استمرار خالدشراحيلي والعابد حقين السهرات والطرب فضايحهم بكل مكان اللله لايوفقهم لايشرفنا بقاؤهم داخل النادي هذولا عارعلينا ثانيا تسريح اللاعبين الاجانب كلهم وجلب اجانب سوبر ستار ماهومرضى ورخيصين ثالثا تنسيق واعتزال كريري الشلهوب القحطاني والمحنط عزوز الدوسري واحمدشراحيلي والزوري والقرني وسالم الدوسري ويوسف السالم والسديري مع الباب زمن المجامله والواسطه انتهى رابعا استقالة ادارة نواف بن سعد كامله الفقرانه الفاشله الشحادين والله النادي يبغاله تنظيف |
دونيس مرحلة وانتهت سوى ان كان ظالم أو مظلوم الآن الهلال يحتاج نائب رئيس مثل الحميداني او المليحي او الناقور أو الزاهد وغيرهم كثر ويحتاج مدير كرة مثل طارق التويجري والتعاقد مع مدرب هجر السابق نيبوشا ويساعده الحبشي والدعيع للحراس والغنام مدير للفريق الأولمبي. بيع ومقايضة واعارة ناصر والعابد والسالم ودرويش والقرني والحمد والعليوي والشامخ والفضل والمسلم والحافظ والبيشي والعمار وفهد غازي والجوعي والعطاالله وحارسين وآخرون التعاقد مع عواجي الوحده او غامدي الاتحاد للهجوم ولاجامي ظهير ايمن الخليج وإذا صح الاتفاق مع هوساوي فهذا جيد اجانب مميزين ويكون الآسيوي عبدالله يوسف محور الرفاع الشرقي أو استعارة عمر خريبين مهاجم الظفرة بدلا من كواك ولياندرو صانع لعب تشنبوك الكوري بدلا من ادواردو ويختار المدرب الجديد بدلا ديقاو والميدا وعندها سنكون قطعنا شوطا كبيرا من الإصلاحات دون تكاليف باهضه... وشمرا |
السبب هو وجود لاعبين متخاذلين أمثال سلمان الفرج وعبدالعزيز الدوسري وسالم الدوسري ونواف العابد، وعدم الحزم معهم وإيقافهم عند حدهم ، ولعبهم الفاضح البعيد كل البعد عن كرة القدم أقلها عدم إتقان تمرير الكرة الصحيح والشرود الذهني والتسبب بخسائر للفريق. |
الفريق سجل حوالي 52 هدف اغلبها اهداف تكتيك من لعب جماعي و تقريبا كل الفريق سجل هذا غير عشرات الفرص التي ضاعت بكل سهوله الصراحه المدرب عمل تغيير كبير بالفريق |
اذا دونيس مظلوم ليش ماطلع وتكلم قبل يقال وقال عندي لاعبين ماابيهم امثال كريري وعزوز والسالم وشراحيلي كواك والميدا سات الوضع راضي له |
حفلات اعتزال وتعب ومشاكل مافيه ياسر وكريري جو للهلال منتّفين ولقوا الشهره والفلوس وماهم من الهلال أساساً يكفيهم مانالوه من شهره واموال والقاب بسبب الهلال الشلهوب نعم إبن الهلال من الأساس وهومن يستحق حفل اعتزال اعتقد الآن من يدافعون عن بعض اللاعبين المتخاذلين استيقظوا من غفوتهم وعرفوا حقيقة لاعبي الدلع والسناب والطرب لابد من غربله وتنقيه وتصعيد للشباب المتحمسين لخدمة الهلال بدلاً من ياسر وكريري وشلّتهم التعبانه ماهمّهم إلا الفلوس واعصابنا وحضورنا في حريقه ويضحكون علينا بالكلام والتمثيليات المكشوفه وإذا بغينا الفعل بالملعب ماشفنا إلا الفشيله منهم |
دونيس لايفقه التدريب واللي سبقوه اكثرهم سباكين قلناها ألف مليون مرة العبو هجوم هجوم هجوم وهلالنا يبدع عندما يهاجم وين مهاجمينا مع المدربين اللي دربو الهلال بغد قريتس وكوزمين ماشفنا احد رغم ان كوزمين يدافع لكن اذا بغا يفوز يفوز رجالة ويعرف كيف يغير ويبدل اما التالي اجتهادات لاعبين وعك تدريب من السباكين ولايقرأوون المباريات والتكتيك وسبق ان حذرت من لوكومتيف انه اصعب من النصر الاماراتي لان الفرق الاوزبكية تطورت كثيراً ولا تقارن بلعب الاندية الخليجية لوكومتيف ضيع اهداف بالكوم لو لا رعونة لاعبية " لم نشاهد هلالنا ابداً كم تمنيت مقابلة النصر الامارتي لتقارب لعبة بأنديتنا موسم للنسيان ولكن لا تنتظرو المواسم القادمة مالم يتم التغيير |
ايقنت الخروج الاسيوي منذ إقالة دونيس ! دونيس ماسك لك الذهاب ولا هجمه للاوزبك .. عندما تمت إقالته فـ الاياب ولا هجمه للهلال ! نعم انا مع إقالته لاكن على الاقل يكمل مباراة لوكومتيف ! لاكن من يفهم جمهور تويتر ! جمهور ابو 60 -50 الف متابع ! من يتحمل الخروج اولا و اخيرا هو جمهور الافراد جمهور تويتر .. وهو من يتحمل نكسات هذا الموسم .. لانعطي الاطفال صوت يؤثر على الهلال .. |
والله من الطمع اللي بروسكم مافي الا الهلال تخطى المجموعه اجل كل فرق الاندية يبغالهم تسفير خارج السعودية صاحي انت ايش تبغى نصير مثل الاتحاد هيبر ولا على بالك بلاي ستيشن من اول يوم تغيير مدرب نبدع دونيس دمر فريق والبناء اصعب علينا ان نقف مع الاعبين الان هم في امس الحاجة للوقوف معهم جمهور فوز فقط اما خسارة تصيروا مصاصي دماء فريق حقق 3 بطولات اكثر من اي فريق في الخليج وبنفس الاعبين والان جالس تخرب سبحان الله فريق الاهلي جلس 32، سنه بدون دوري وتبغى تقارن نفسك فيهم اصحى عندك 3، بطولات هذي السنه والرابعة رحيل دونيس |
انتم جمهور فوز تفوز احبك تنهزم استرجع الذكريات والماضي الاليم وابكي على الاطلال ترى الموسم حققنا 3 بطولات اجل لو انت مشجع لكل الفرق السعودية ايش يصير حالك رقميا الهلال 3 الاهلي 1 الفقر 0 الاتحاد 0 كذا وضحت الصورة |
إقتباس:
|
مشكلة الهلال تحتاج لعمل كبير : فالهجوم يعود للمنتصف لكي يصنع لنفسه كرة يستطيع من خلالها تسجيل هدف ، والوسط منشغل بتغطية أخطاء المحاور الكوارثية فضلاً عن الوهن الذي أصابهم لصناعة كرة صحيحة للمهاجم ، و الدفاع تائه بين أخطاء محاور الارتكاز وبين الحراسة الهشة !!! نحتاج لبقاء ديقاو بجوار أسامة هوساوي القادم بمشيئة الله ، ومن ثم عبدالرحمن العبيد ظهير القادسية ، ومحور ارتكاز محلي ، وصانع لعب أجنبي بجوار ادواردو ، ومهاجم جلاد ، وإلا فلن ترون هلال مرعباً في الموسم القادم بمشيئة الله . |
عفوا ماهي الثلاث بطولات؟ لم نحقق بطولة غير كاس ولي العهد لهذا الموسم فقط اما السوبر فهي بطولة متعلقه بالموسم الماضي اما بالنسبه لمظلومية دونيس .. فاعتقد باننا كنا نتوجه نحو الوطاة مع هذا المدرب الفاشل .. ولعيبته الفاشلين .. من امثال الفرج الذي اشتاقت له الدكة قليلا وعليه ان يخلع عباءة الغرور قبل ان يفقد كل شي .. ويترك عنه معاند الجمهور وشوفة النفس لانه منتهي الا شوي تمريرات خاطئة ومقطوعه او للوراء او للجانب الذي يقتل اللعب اموت واعرف من اللي مفهمه انه خليفة بيكهام مافي داعي يميل رجله اذا جا يرفع طبعا سالم الدوسري لاجديد .. يجب ان نجمع قطة ونركب له مفصل رقبه اضافي حتى يرفع راسه ويشوف الاعبين من حوله نواف العابد .. لاجديد يقال ولاقديم يعاد .. غرور ولامبالاة بل يخيل الي احيانا انه يتعمد اخراج الهلال من البطولات ويتعمد المساهمه في خسارة المباريات لينتقم ممن ينتقدونه صدعت ما ابي اكمل |
| الوقت المعتمد في المنتدى بتوقيت جرينتش +3.
الوقت الان » 10:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd