إقتباس الرسالة الأصلية كتبت بواسطة عبدالرحمن الدوسري فئه من الجماهير ترا ان دونيس خبص وفئه أخرى ترا انه ابخص لكن عندما اتى الى الأسماء التي في الهلال خاصه في الدكة نجد كريري 35 سنه + ياسر 33 سنه الشلهوب 36 سنه و أيضا لاعبين مغمورين مثل القرني + السالم + درويش + احمد شراحيلي + الثنيان واهم من هذا كله لاعب فضل نفسه على الهلال ناصر الشمراني المتعالي على الهلال وجمهوره .. مايشوف الا نفسه .. يا العب أساسي او اخرب ... خالد شراحيلي اللي هزائم الهلال الخمس بسببه وناتي ثانيا الي فترة التسجيل الشتويه .. التي لم يسجل فيها الهلال ولا لاعب الا الحارس مروان حيدري فئه شباب بسبب الضائقه المالية .. مع العلم .. ان الهلال من بداية الدور الثاني كان يعاني من نقص حاد في خانه المحور ومعلوم هذا الشي زائد ان ليس لديه صانع لعب أيضا .. أي مامعه فلوس يجيب لعيبه .. مع ذلك تاهل الهلال الي دور الثمانية ..وحقق بطولتين .. وهذا قليل في حق الهلال وبالنظر الي تشكيله الأهلي واحتياطه .. والنصر اايضا واحتياطه .. نجد انها افضل من دكة الهلال بمراحل .. فجميع الأسماء ال 10 اللاعبين الهلالين الذين ذكرتهم .. لو في أي نادي لن يدخلو ضمن قائمه الأساسي او الاحتياطي لاي من هذه الانديه الأهلي او النصر الأهلي : مدربه له مع الفريق سنتان .. لم يخسر ولا مباراه لمدة 49 مباراه تقريبا ودعم لاعبيه بلاعبين افضل .. وصبر على مدربه في تخبطاته .. ولكن لايخسر الأهلي بسهوله .. فشكل فريقا بعد سنتين قوي بلاعبيه .. رغم تحفظي علي جروس قليلا ..فاصبح احتياطه ينافس اساسيه .. بالرغم من ان وليد باخشوين وهو بالاهلي يلعب احتياط .فالمقهوي وتيسير ياخذوا مكانه غالبا . ولو انه بالهلال سيلعب أساسي وممكن يتحمل الاصابه علشان الهلال مضطر انه يلعبه لديهم دفاع قوي بقيادة 2 هوساوي واحتياط قوي مثل فتيل .. فالاهلي افضل فنيا بالعناصر بكثير صبر على مدربه وكسب الرهان النصر لديه فريق قوي عيبه فقط الدفاع فتغير المدربين لديه أطاح به الي المركز التاسع .. وعليه أيضا كما الهلال ديون وضغوط مالية .. الأهلي صبر على مدربه .. فكسب الرهان رغم لك خسر بطولتين وخرج من اسيا النصر اصبح يغير مدربه فاصبح في المركز التاسع او الثامن لايهم دونيس والتدوير رغم ان دونيس يقوم بعملية التدوير بين اللاعبين ويريح النصف الاخر .. خوفا من الإصابات والارهاق .. الا ان الفريق عانى كثيرا من الإرهاق والاصابات لكثير من اللاعبين المهمينفي الخارطه الاساسيه .. عملية التدوير رغم بعض عيوبها في عمليه الانسجام بين اللاعبين وتغير بعض المراكز .. الا انها صنعت فريقا يصعب هزيمته .. رغم ظروفه الفنيه والمالية السيئه .. والانتقادات الحاده من بعض الجمهور الهلال الكبير التي اثرت على نفسية اللاعبين فقد تعرض كثير من اللاعبين للسب والشتم .. والاستهزاء به كالفرج رغم انه لاعبهم وكابتن فريقهم بالمستقبل .. رغم انه افضل لاعب بدوري السعودي .. واصوات السخريه من المدرج على سالم الدوسري ونواف العابد .. وصب غضبهم على الميدا .. (الذي أرى ان الهلال يجب ان يجدد معه وليس ادواردو .. الذي لم يصنع .. او يخلق الفرص .. انما ينتظر ان تاتيه الكره لكي يسجل فقط .. هدف بكل مباراه .. فقط فقط ..ولا يفعل غير ذلك ) .. سقوطه كثير لادنى احتكاك بدون ان يكسب خطا لمصلحته .. تحركاته وتمركزه في حضور الميدا فقط .. 1- لايوجد لاعبين في احتياط الهلال يوازي الأساسي . او يوازي احتياط الأهلي او النصر. 2- الضائقه المالية الالتي قصمت ظهر الهلال ولم يستطع ان يسجل بالتسجيل الشتوي 3- الجمهور الغاضب من دونيس لانه يلعب بخطه جديده 4-الاعلام .. الغير متعلم الذي ينساق معه جمهور الهلال .. رغم ان هذا الاعلام يخلق الدعايه على الهلال ليكسب ماديا .. رغم ان اغلب هؤلاء اعلامين لم يلعبوا كره او يمارسوها فقط يمارسوا الكلام .. ولا يعلموا عن حال الخطط الفنيه سوى ان الهلال سلعه .. ويجب الاستفادة منه بطرح وخلق مواضيع عن الهلال تدعم جيوبهم .. فالهلال وجمهور هدف لاي كان سواء متابعه داعمين دعايات إعلانات برامج تلفزيونيه واذاعيه .. يخلقوا من الهزيمه الواحده ان الهلال ضاع .. وعند فوزه الهلال زعيم وبطل رغم ذلك حاول دونيس بعملية التدوير ان يجعل من لاعبين الاحتياط لاعبين جاهزين بمشاركاتهم في في المباريات مع الأساسي لكي لايفقد الفريق كثيرا من قوته عملية التدوير هي ضاره ولكن بالهلال ولأنه لايوجد البديل المناسب والقوي في الاحتياط لابد منها .. والسبب توالي الإصابات على اللاعبين .. ولا يكاد تخلو اية مباراه من الإصابات وامتلاء غرفة العلاج بهم .. فماذا يفعل .. ؟ التغير بالخطه والتشكيله دائماً .. هذا يصب في مصلحة دونيس المدرب .. جعل الفريق قادرا على تغيير خطته دائما في أي وقت وينسجم معها اللاعبين . والسبب لايوجد البديل الكفؤ كما بالاهلي في احتياط الهلال .. ياسر القحطاني السالم الشلهوب القرني عزوز احمد شراحيلي كريري المنهك عطيف الضعيف لياقيا ديقاو وخروجه عن النص من بعد عرض الجزيره الاماراتي .. ادواردوا وشهرين غرفه علاج .. الميدا اخر شهر ونصف يلعب مصاب ويتحامل ام ناصر الشمراني يا العب يا اخرب .. انا من الجمهور .. ولي الحق بقول ماريده فيه باحترام .. ولكنه ناصر لم يحترمني انا .. كفردمن الجمهور غره زمانه .. وجمهوره .. وتعالى وتكبر على الهلال .. فاللاعب المحترف يجب عليه .. ان يحترم مدربه او جمهوره .. أولا قبل ان يلعب .. اذا لم يحترمني .. ولم يحترمني بالفعل ارجو ان لا اراه مره أخرى بلباس الهلال .. في الموسم القادم .. ولن ارد .. على من سيقول .. ان دونيس لم يراعي ناصر ويكسبه في صفه او يقلل حدة التوتر بينهم .. خرج مرتين بتبديل ولم يحترم التغيير .. رغم انه لعب أساسي ولم يستغل الفرصه .. وبالتدريبات اخس واحد .. يا العب وما اتبدل .. او اخرب عليكم .. وطز فيكم .. الى انتهاء الموسم وهو مكابر ولم يهتم باي شخص من الجمهور الهلالي او الإدارة او المدرب .. فطز فيك الهلال اكبر منك . دونيس قيل عنه .. مدرب اعداد وتحضير فقط .. لا ادري من اين أتوا بها .. قالها الاعلام لان الهلال اتى به في فترة صعبه وانتشله واخذ كاس وحصل على الثاني والثالث وتوقف .. طيب ماعندك لاعبين وش اسوي وقيل عنه انه يخبص .. أيضا قالها الاعلام .. واتبعها الجمهور أيضا لانه يغير الخطه في المباراه كذا مره قيل عنه ان لا يقرا الخصم .. أخطاء مرتين ثلاث .. طيب .. والباقي .. وبعدين ماعنده لاعبين يصنعوا الفارق .. قيل يلعب بدون هجوم .. صحيح فلا ياسر او السالم .. يقدروا ان يفعلوا شيئا فعلها امام تراكتور وفاز .. لم يلعب بمحور وفاز .. لايوجد لاعبين بالهلال في الاحتياط بدل المصابين يعملوا الفارق ما يفعله دونيس الان بالهلال هو اعداد فريق قوي لان ليس لديهم لاعبين .. ويحاول ان يفعل معهم المستحيل .. ورغم ذلك بنظري هو يفعل المستحيل بلاعبين انتم لستم راضين عنهم او عن مستواهم الفني بعيدا عن التكتيكي . مايفعله دونيس الان بالهلال .. هو صناعه اكثر عدد ممكن من الفرص ..و طبعا اكثر فريق يضيع الهلال .. وباحصائيات الدوري الهلال اكثر صناعه للفرص المحققه واكثر فريق في الفرص الضائعه .. مايفعله دونيس الان .. بعد ان كان الهلال بالاطراف بلعشر سنوات يشتكي الي افضل اطراف في الدوري السعودي .. الجهة اليمنى تخيل مع دونيس من بعد الدوخي لم نسمع عن وجود مشكله من عام 2005 الي 2015 والهلال باليمنى يشتكي ويقول اه يالدوخي بسنه سكت الهلال والجمهور مايفعله دونيس بالهلال الان ان لا كبير الا الهلال لايوجد لاعب كبير على الهلال ..وهذه زعامه الهلال منذ الازل .. اذا ذكروا الثنيان ذكروا سامي والدعيع والتمياط .. لايوجد لاعب واحد .. اما الان عندما رفع لاعب خشمه على الهلال قال انت لا شي بدون الهلال .. مايفعله دونيس بالهلال الان .. ان صنع فريق صعب ان يقهر رغم ان لاعبيه مرهقين .. وذلك بسبب الاعداد القوي لبطوله اسيا ولم يأخذ الفريق راحه منذ 8 سنوات وكثرة الإصابات ولا يوجد اعيد وأكرر لاعبين كفؤ ينافسوا الأساسي .. فانتم مقتنعين ان 10 لاعبين بالهلال سيتغيروا بالسنه القادم منهم من سياتيه خطاب شكر وبعضهم تنسيق وبعضهم بيع والأخر اعاده وجميعهم أسماء كبيرة .. اذا كانوا عشره وأسماء معروفه .. فدونيس ماقصر والله .. جالس يعد فريق قوي بس يبي لاعبين .. يخبص ويغير الخطه كل شوي .. علشان مافيه لاعبين مميزين في الخانه للاعب المرهق .. دونيس دونيس .. ليس المشكله .. والله المشكله الحقيقيه الماده والديون التي على النادي واللاعبين لايوجد الا 11 أساسي هم الكويسين والباقي تكلمة عدد .. خالد الشنيف : دائما اخذ برئيه الفني والتكتيكي .. ذكر دونيس من افضل المدربين وذكر الحسنات فيه بشكل موسع .. ولم ينتقده كثيرا الا قليلا .. فالشنيف لاعب كره .. وصاحب نظره .. ومعلوم لدى الكل بنظرته الثاقبه .. بقاء دونيس لابد منه .. وسيعمل الكثير مع لاعبين مميزين . باقي الإعلاميين .. في كل البرامج التلفزيونيه والاذاعيه وتويتر .. يبحثوا عن مادة دسمه واسمها الهلال .. ودونيس لعب بطريقه جديده لم يفهموها .. فانتقدوه .. للكسب المادي فقط ..لا ينتقدوه بقسوه الا اذا خسر .. ويمدحوه اذا فاز .. طيب امس تمدح واليوم تذم .. اللاعبين طيب مو هم السبب ... المشكله الاساسيه بالهلال .. ليست دونيس ابدا .. المشكله الاساسيه اللاعبين .. عطني لاعبيين .. اجيب لك بطولة دونيس صاحب فلسفه وخطط .. وتكتيك .. يقتل أي مدرب يقابله ويخدعه بالخطط الكثيره التي تطبق بكل المباريات .. ممكن تتغير خطته 3 مرات لكي يفاجا الخصم .. ولكن اين اللاعبين .. لاعب بخطط كثيره وفاز .. وارجع أقول اغلب خسائر الهلال اللاعبين لايوجد بديل مناسب .. الحارس ثانيا وممكن 3 مباريات بالدوري احملها دونيس فقط فقط جمهور الهلال الحبيب .. ترا أي واحد فينا يقدر يمسك الكي بورد ويكتب اللي يبيه في تويتر .. والمنتدى .. يقزم هذا ويرفع هذا ويصرخ ويشتم ويسب ويلعن .. وينتقد وينتقد .. انتقد وقل اللي تبيه .. بس ان فئه .. تكتب .. دونيس دونيس دونيس .. وتهاجموا المدرب .. دائما دائما هذا استقصاد . الهلال يوجد بها إدارة .. وشخصيتها قوية جداً .. فلولا الله ثم الإدارة .. كان تلقى الهلال .. خارج من اسيا .. لان ماعنده لاعبين .. وأيضا المركز الرابع .. بالدوري المدرب بوجهة نظري قدير .. ولكن يحتاج .. لاعبين .. لاعبين على مستوى عالي .. ومحور اجنبي قوي او محلى .. لان الهلال لايوجد به محور .. عطيف ليس دفاعيا القرني مستحيل كريري شايب مره وبطي خلاص المفروض اعتزل بس الهلال احتاجه ماعنده فلوس يشتري لاعب .. الشلهوب يالله حسن الخاتمه 36 سنه .. بطي جدا .. فقط ننتظر منه ان يصنع فرصه واحده فقط وكثر خيره .. ضعيف وصغير .. لاشكل فارق دفاعي .. او يدور حول نفسه بالكوره .. ورفع بالدوري السعودي ركنيه حوالي 500 مره جا منها 5 اهداف. ركزوا ركنيه يوسف السالم .. تعرفون كلكم ان ها اللاعب ماينغزا فيه ياسر القحطاني .. 33 سنه .. ولم يعد ياسر 2007 بصراحه .. استغرب انكم تنتظرون تشوفون ياسر 2007 ترا راحت 8 سنوات وانتوا تنتظرون خلاص عاد افيقوا من احلامكم ناصر الشمراني .. لو اسوي معك ماسوي .. قسم بالله خذلت الهلال وخذلتني وخذلت الجمهور بسبب طيشك وغرورك وتكبر علينا .. الإعلاميين الهلاليين : لايوجد عاقل منهم سوى لا شي هجوم على الإدارة المدرب اللاعبين .. مو شي عاجبكم .. هذه اول سنه لرئيس والنادي عليه ديون وماعنده لاعبين كتاب منتدي الهلال أبو كذا مشاركه وتسجيله من زمان : انت يعني ماتطلع الا في النكبات وشغلتك بسب تحطيم و تهزيئ وهذا ماينفع وهذا مايصلح ولازم كذا وكذا وانت فاشلوهذا سباك وهذا لازم احتياط .. لا انت اللي حضرت الملعب ولا انت اللي شاركت ودعمت او كتبت في المنتدى وساهمت . ترى ها الحركات ماتمشي (( ندري وش تبون تسوون )) أتمنى تغيير ديقاو .. وبيع عقد ادواردوا .. والاستفاده من المبلغ واحضار راس حربه مهاجم صريح .. كريفاس .. والإبقاء على الميدا لكي يسانده .. فوجود الميدا ضروري .. الميدا يظهر كثيرا وقوي وحش باختراقاته .. لكنه يحتاج صانع لعب اجنبي ومهاجم قوي بجانبه .. والبطوله الاسيوبه تحتاج لمثل هذه التشكيله مهاجم اجنبي صريح بجانب الميدا وخلفهم صانع لعب اجنبي مثل كماتشو .. فالهلال ليس به اية مهاجم .. اما ادواردوا .. لاعب كبير . وقوي .. لكنه ضعيف في الالحامات يسقط من ايه اصطدام يريد فاول لايصنع .. لايستلم الكره كثيرا بالملعب .. يحاول التمركز فقط .. وخلق هدف له ..ايجابيته الوحيده حضوره بالتمركز الصحيح في حضور الميد ..ولكنه ضيع اهداف محققه 13 هدف بالدوري .. لو كان بداله مهاجم قوي صريح لراينا العجب العجاب .. مع الميدا ديقاو يجب ان يكون بداله صانع لعب اجنبي وليس محور من بعد عرض الجزيرة الاماراتي في الانتقالات الشتويه خلاص انتهيت واصاباتك واجده كلها عضلات والمحور يجب ان يكون محلي او دعم الهلال واشتري فقط محور او محورين كدعامه للفريق ان الهلال بمنظوري الان يفعل المستحيل

ابدعت وجزاك الله وكتبت الكلام اللي ابغى اقوله دونيس ماعنده اجانب ممتازين والروح غائبه عن كثير من اللاعبين وفيه لاعبين ودك تجمعهم بباص واقرب بوابه مع السلامة لانشوفهم وذكرتهم انت يعطيك

اخ بس يااخ عبدالرحمن الدوسري...
ياليت جمهور الهلال كلهم بتفكيرك...ياليت بعض اعلاميين الهلال بتفكيرك...
النقطة رقم4 اللي ذكرت فيها اعلاميي الهلال اصبت كبد الحقيقه
مشكلتنا ليست في دونيس...دونيس صنع من فريق مهلهل ودكه عرجاء وبعض اللاعبين المزاجيين صنع منهم فريق بطل حقق3 بطولات ونافس على البقيه الى اخر لحظه!
ماذنب دونيس والفريق يضيع فرص لاتضيع امام القادسية ويضيع فرص بالكوم امام الشباب وبالتالي يتلقى هدفا باهتا باخر الدقائق ومن حارس نائم!
ماذنب دونيس والهلال يتقدم على الاهلي ب1/0 ويضيع بعدها ما لايقل عن 3 فرص محققه بالشوط الاول لو اتى منها هدف واحد فقط لتغير كل شيء بخارطة الدوري...
لاحظ ان كل هذا يحدث مع لاعبين بعضهم كبير بالسن وبعضهم انتهى فنيا ورغم ذلك ينافس بهم وبقوة...
مشكلة دونيس الاداوااااااات فقط....ومشكلتنا كهلاليين اننا لازلنا نعتقد اننا نملك افضل الاعبين ههههه والله انه الشيء المضحك المبكي ان تعتقد اننا نملك افضل اللاعبين!
ومشكلة الهلال برمته هو بعض اعلامييه الذين يدمرون ولايبنون...وبمجرد خسارة او تعثر يشن الحملات على المدرب بدون اي فهم فني للفريق...
اخ عبدالرحمن الدوسري...شكرا من القلب لموضوعك...واراءك تمثلني ..

ما ضيع الهلال الا المطبلين
مع دونيس مستوى الهلال عامه مثل مؤشر الاسهم مره فوق مره .
عنده قناعات غريبه اتحدى اثنين يتفقوا معاه على تشكيلة اي مباراه.
اللاعب االي يبدع في مباراه خارج التشكيله المباراه التاليه.
تدوير غريب عادي تشوف الشلهوب سنتر،عادي تشوف العابد راس حربه .
وفي اخر مباراه خربها ههه ثلاثه مهاجمين في الدكه كيف كذا . لا يأخد برأي اي احد عنيد و هو الوحيد اللي فاهم الكوره.
مع هالمدرب ما تتوقع تفوز في اي مباراه حتى لو كنت متقدم ،لا قراءة صحيحه ولا تغيير يفيد الفريق . اتمنى تسريحه و جلب مدرب جديد على ان يستلم الفريق من بدايه الاستعدادات..

إقتباس الرسالة الأصلية كتبت بواسطة الحجون2 ما ضيع الهلال الا المطبلين مع دونيس مستوى الهلال عامه مثل مؤشر الاسهم مره فوق مره . عنده قناعات غريبه اتحدى اثنين يتفقوا معاه على تشكيلة اي مباراه. اللاعب االي يبدع في مباراه خارج التشكيله المباراه التاليه. تدوير غريب عادي تشوف الشلهوب سنتر،عادي تشوف العابد راس حربه . وفي اخر مباراه خربها ههه ثلاثه مهاجمين في الدكه كيف كذا . لا يأخد برأي اي احد عنيد و هو الوحيد اللي فاهم الكوره. مع هالمدرب ما تتوقع تفوز في اي مباراه حتى لو كنت متقدم ،لا قراءة صحيحه ولا تغيير يفيد الفريق . اتمنى تسريحه و جلب مدرب جديد على ان يستلم الفريق من بدايه الاستعدادات..

تدوير .. بسبب ارهاق الفريق كامل .. لايوجد لاعب في الهلال بمستوى اللاعبين الاساسين ...

واخر مباراه ثلاثه هجوم احتياط .. الميدا راجع من اصابه ... اما السالم .. وياسر .. لو يلعبوا في التعاون تلقاهم خارج التشكيله 18 .. بس حسافه ماعندنا لاعبين اصلا في الهلال الا الاساسين اما الباقين تكمله عدد .. مافيش فوس ياحبيبي مافيش فلوس

انا لست من مؤيدي تغيير المدربين إلا في حالات نادره ولكن هناك نقاط كثيره ذكرتها وحلولها وصلت الإدارة مني شخصيا ومن آخرين.
دونيس له سلبيات وله إيجابيات وكي يستمر لا بد من تعديل السلبيات خاصة فيما يتعلق بتكليف الشهراني بالظهير الأيمن والفرج بالمحور الدفاعي وكريري بالدفاع.
انا أجد العذر للمدرب أحيانا ولكن يجب على الإدارة أن تستخدم الحلول الممكنة في وقتها مثلا نحتاج نائب رئيس ولدينا الحميداني او المليحي او الناقور أو آخرين يستطيعون المساعده والارتقاء بالجانب الإداري.
أيضا نحتاج مدير كرة قدم مثل طارق التويجري أو شخصيات كثيرة تفهم وتستمع وتناقش وتقنع.
أيضا نستطيع تكليف الدعيع مساعد مدرب حراس والحسيني لياقة والحبشي مساعد مدرب وعندها سنكون قطعنا شوطا كبيرا من الإصلاحات دون تكاليف مادية كبيرة واوجدنا خليطا من الخبرات مزجها سيؤدي إلى نتائج جيده
أما ما يخص الفريق فاتفق معك الميدا الأفضل بين الأجانب بعد السومه واتمنى بقائه لمعرفتنا له وللتخفيف بالتغييرات العناصرية وإذا كان هناك إمكانية الحصول على دومبيا مهاجم روما المعار لنيوكاسل فأنا مع تغييره والا فليستمر.
ويكون الآسيوي يوسف عبدالله محور الرفاع الشرقي عقد معقول ولاعب منا وفينا خلاص شبعنا من شرق آسيا. أما صانع اللعب فأتمنى لياندرو صانع لعب تشنبوك بحيث نبيع عقود ادواردو وديقاو ونتعاقد معه لتصبح قيمة العقد مقاربة والفائدة لنا بجلب صانع لعب يصنع الفارق ويبقى المحترف الرابع بين مدافع تونس عبدالنور أو أي مدافع أفريقي ولو بوبا الخليج ومهاجم ليبيا زعبيه بحيث يرتبط المركز القادم بما يكمل ضعف مراكز الفريق إذا أراد المدرب مهاجم فبها وان أراد مدافع فموجود
محليا محاولة الحصول على علي لاجامي ظهير ايمن الخليج وكنو الاتفاق وعواجي الوحده وغامدي الاتحاد وفتيل الأهلي.
وبيع ومقايضة السالم والمسلم والقرني ودرويش وناصر والحمد والفضل والشامخ والعليوي والحافظ او الدعيع (يعود الأفضل) وايضا البيشي يعود بشرط ان يلعب بالمحور فقط فهو جيد بالمحور ضعيف بالظهير ونحن نعاني من المحور وايضا لن يكلف شيئا بحكم استمرار عقده واخيرا عدم تجديد عقود كريري والشلهوب وياسر إلا إذا أصر المدرب على الحاجه لهم ويكون بالراتب على أشهر الموسم فقط ليس كرها فيهم ولكن خوفا من المشاكل المادية التي لو كان الرئيس غير وجه السعد لبلغت 200 مليون بالراحه فتسديد الديون أولوية ولكن ما يطمئن أن الأمير نواف هو الرئيس. وشكرا

طيب مانبغاه غصب هي ههههههههه

ام العناد اللي في روسكم

إقتباس الرسالة الأصلية كتبت بواسطة al700t طيب مانبغاه غصب هي ههههههههه ام العناد اللي في روسكم

طيب ليه لبي قلبك ... خجلتني بردك المتواضع هههههه

عطني سبب ماذكرته انا بموضوعي .. ليه ماتبيه فديتك

اعتقد ان الهلال لم يتاهل هذا الموسم بعد لدور الثمانيه ، لتصحيح معلوماتك يبدو انك غير متابع للهلال في اسيا ، الهلال تاهل الى دور السته عشر ، وباذن الله يتاهل الى دور الثمانيه ، والاربعه ، وبعدها النهائي ويكون اللقب من نصيبه هذا الموسم يارب .

إقتباس الرسالة الأصلية كتبت بواسطة a.raqeeb69 اعتقد ان الهلال لم يتاهل هذا الموسم بعد لدور الثمانيه ، لتصحيح معلوماتك يبدو انك غير متابع للهلال في اسيا ، الهلال تاهل الى دور السته عشر ، وباذن الله يتاهل الى دور الثمانيه ، والاربعه ، وبعدها النهائي ويكون اللقب من نصيبه هذا الموسم يارب .

يعطيك العافيه على الدقه ..

وانسني ردك الجميل .. يعبر عن قراءتك للموضوع اشكرك

بس اني غير متابع للهلال باسيا .. اتفرج لمباريات الهلال لحالي .. عند رؤية الهلال .. لاريد رؤيه غيره .. او يقاطعني احد عنه..

بس غلط مطبعي مني فديتك

إقتباس الرسالة الأصلية كتبت بواسطة عبدالرحمن الدوسري يعطيك العافيه على الدقه .. وانسني ردك الجميل .. يعبر عن قراءتك للموضوع اشكرك بس اني غير متابع للهلال باسيا .. اتفرج لمباريات الهلال لحالي .. عند رؤية الهلال .. لاريد رؤيه غيره .. او يقاطعني احد عنه.. بس غلط مطبعي مني فديتك

هههههههههههه
حلوه خطأ مطبعي !!
الخطأ المطبعي ممكن يخلي الهلال ياخذ كأس
آسيا وهو بدور الأربعة 😂
أي خطأ مطبعي الله يرحم والديك ..
الخطأ المطبعي ينبلع إذا كان إملائي .. أما تنقزه دور كامل !!!
واضح إنك مو متابع للهلال ..
بس أعجبتني عبارة ( عند رؤية الهلال ..لا أريد رؤية غيره .. أو يقاطعني
عنه أحد ) ..
عبارة تدل على عقليتك و حجم تفكيرك ..


..

موضوع وافي وشامل ومجهود تشكر عليه وعقليه أبدعت في تشخيص الحال
لن أزيد على ماطرحت ويعطيك ألف عافيه

موضوع به تحليل ومعلومات دقيقة.

علة نادي الهلال في لاعبيه المتخاذلين أمثال عبدالعزيز الدوسري وسالم الدوسري وسلمان الفرج وخالد شراحيلي الذين اضاعوا بطولات كانت في متناول اليد بأخطاءهم المتكررة وتخاذلهم.

وجود وتراكم المشاكل في الفريق
جعلت من دونيس إنسان يتحمل أعباء كثيرة
الإخفاق مشترك
ولا نضع دونيس هو سبب جل المشاكل في الهلال
استمراه منطقي مع تنفيذ ما يصبوا إليه
من لاعبين أجانب
ومن جهاز طبي يؤهل اللاعبين المصابين في أسرع وقت
ومن حل للمشاكل المالية
لو أتى مدرب جديد ؟
في ظل هذه الظروف
هل سينجح؟
مستحيل
فبما أن دونيس يعلم كل ما في النادي وتأقلم مع الفريق وله ايجابياته ويعمل بانضباطية
افضل مما يأتي مدرب يحوس الدنيا من البداية ثم نبحث عن بديل

وفقت أخوي في طرحك للموضوع
قد يتفق معك من يتفق
وقد يختلف معك من يختلف

ولكن يظل العقلاء من يتفقون في طرحك
نحتاج لمثل هذه العقليات
جزاك الله خير
تحياتي لك