30/04/2016, 12:58 AM
|
 | زعيــم فعــال | | تاريخ التسجيل: 01/06/2010 المكان: فترة باريس وبعضها في لندن والان في عرعر
مشاركات: 236
| |
|
كوزمين كوزمين كوزمين
بسم الله الرحمن الرحيم هاردلكم جميعا وخيرها بغيرها ان شاء الله وماتشوفون شر ان شاء الله بعد الجلطات وارتفاع الضغط والسكر مع وجود هذا المدرب المتعجرف الغبي ومع العلم اني من اوائل الاعضاء اللي انتقد هذا المدرب وقلت هذا المدرب مثل فان غال مدرب مانشستر مدرب عدو للنجوم ويحب يعاند ويكابر ويبيع المباراة بس اهم شي يرضي اللي بدماغه (الفاضي ) للامانة شفت الهلال مع كومباريه وكان مستواه متوسط وشاهدت هلال سامي وكان مستواه متذبذب وبالذات مع الفرق الصغيرة وشفت هلال ريجي وكنت اشوفه جيد الى حد ما (وتبقى وجهة نظر)وبالذات في اسيا لكن تمرد الاعبين اثر على النادي والمدرب ولكن هذا الهلال وهو هلال دونيس لاطعم ولا رائحة ولا لون حتى هو يفوز تشعر انه يفوز بمجهود الاعبين ولا عنده الا اسلوب واحد اجل فيه فريق بالعالم يتقدم واحد صفر وبدال مايزيد الضغط ويسجل اهداف يقعد يتراجع وتجينا الهجمات من كل حدب وصوب حتى يقلبون النتيجة كما حدث مع الاهلي في الدوري والكاس .
وانا ماني متكلم كثير عن التخبيص الشلهوب ارتكاز, البريك ظهير ايسر! الفرج دمره بالارتكاز كل مباراة تشكيلة! كريري قلب دفاع !!ياسر جاي متحمس لكن ادفنه (المجرم )بالدكة الشمراني يسجل هدف يدفنه بالاحتياط ويجيبله بطوله مكافاته انه يطرده برا النادي وقلتها من الدور الاول بس محد صدقني ان المدرب هذا نظامه اذا سجلت وابدعت مصيرك دكة البدلاء ويتحدث عن الارهاق وهو معظم الاعبين مثل عطيف والشمراني والقحطاني والعابد والكعبي لم يلعبوا الا دقائق معدودة ويتحدث عن الارهاق وكلنا يذكر غيرتس بتشكيلة وحدة تقريبا نافس على كل البطولات ..
على العموم كوزمين مدرب عملاق ومعروف جلب حتى الان 9 بطولات في الامارت فقط والدوري لم يخسره سوى مرة في الامارات مدرب يحب النادي ويدرب من قلب وحماسي وانضباطي وصديق للاعبين بنفس الوقت اتمنى الهلال جلب هذا المدرب العملاق اللي اعتبره افضل مدرب بتاريخ الهلال (على اقل بجيلي) وشكرا |
2Likes
الوضع العادي
