السلام عليكم ورحمة الله وبركاته

في البداية صعبة اني اقول انسوا الماضي لأننا لازلنا نعيش المعاناة مع مدربنا دونيس الله ياخذ عقله .. بصراحة عشنا فترة صعبة مع هذا المدرب والقادم أصعب وأصعب وأصعب ثلاث مباريات من المستوى الثقيل وجميعها مباريات خروج المغلوب .. ماراح أكثر كلام ع المدرب ولكن عتبي على الإدارة ¿¿¿¿ الإدارة
قضية ناصر الشمراني مع دونيس يعني إلى هالدرجة مافي حل !!!!!!
هل يعقل كل هذا الصمت الغريب وعدم التدخل أو محاولة حل هذه الإشكالية ماصارت إشكالية صارت قضية ...

ياعزيزي أنت بإستبعاد ناصر الشمراني في وقت انت في أشد الحاجة لأي لاعب فما بالك بلاعب في أهم خانة مع عدم وجود البديل الأجهز .. مع احترامي للسالم وياسر ... استبعاد ناصر في هذه الفترة عزيزي الرئيس أنت كذا ماضريت اللاعب أنت كذا ضريت الفريق ككل ، ليش الفريق ككل ؟ لأنه لا يوجد لديك عزيزي الرئيس مهاجم جاهز مهاجم هداف .
يا أخي انا لست مع الشمراني أوكيه عاقبه عاقبوووه عاقبوووه عقوبة قااااااسية من خلال الخصم من مرتبااااااااته اخصم فلوووووووووس خله يحس انت في وقت مو وقت تصفية حسابات عاقبه بالفلووووس والله ان يضبط .. كذلك انت ما تحتاجه خل أمورك تمشي ونهاية الموسم يستبعد هذا اللاعب من النادي وجلب مهاجمين على أعلى طراز .
أما استبعاده أكثر من ست مباريات متتالية ! ياخي هذي ماصارت عقوبة هذي صارت حاجة شخصية في قلب المدرب هذا حقد ... والشخصنة والحقد ياخي خلها برى النادي ..
النادي وراه جمهور يحترق ويتشوووق لرؤية الزعيم ولكن مع هذا المدرب وتخبيصه كرهنا مشاهدة مباريات الهلال ...


نقاط أخيره .......

___ إذا صدقت بعض الأخبار بأن مكافئة لعيبة الأهلي 2 مليون ونصف لكل لاعب فهذه ستكون بإذن الله في صالحنا . وستشكل ضغط رهيب على اللاعب الأهلاوي زيادة على أنهم مضغوطين

___ فلسفة بعض اللعيبة داخل الملعب وعدم الجدية هذي ترى ماعاد نتحملها واضح أخ سلمان الفرج .

___ مدرب الحراس من الأفضل أن ينظر في وضعه أو يستبدل.


___ إدواردو يفتقد للعب الجماعي !!!!

___ الجهاز الطبي علامة استفهام ؟ كثرة الإصابات ضرت الفريق بشكل واضح .

___ في مباراة الاحد انا عن نفسي اذا شفت المهاجم غير الشمراني أو ع الأقل ألميدا من البداية .. إذا غيرهم انا بروح أخذ خمس لفات ع البيت ويمدحون النوم بدري

بمباركة دونيس سوف يكون بوابة الاهلي للدوري هو الهلال للاسف

والله عيب يا ادارة

احنا كجمهور ما يهمنا خلافات شخصية بين اثنين تكون نتيجته تعاقب الفريق بحرمانه من أفضل لاعب في قارة آسيا

مواضيع الشخصنة والحقد الي ما ينتهي أكثر من ست مباريات واكثر يتسبب بحرمان الفريق من خدماته في وقت الحسم على حساب الفريق بسبب شخصنة الخلافات الشخيصة الي ما تعنينا غير نريد لاعبنا يلعب فقط في الملعب بس

احنا ما يهمنا اخصموا عليه اضربوه جلدوه ما يهمنا ... احنا نبي الاعب الي بعد توفيق الله وصلنا لنهائي آسيا يلعب

لاعب عنده روح ينتشل لك الفريق ... اخصم عليه كل شئ مليون مرة مو مهم أهم شئ يلعب في النهائي أمام الأهلي

أهم شئ لاتتحول الشخصنة والخلافات الشخصية إلى حقد وكره وبغض وطرد ... ليش

هذا ناصر هذا البومبر هذا المدمر هذا الزلزال هذا ابو علي هذا يلعب بالروح زي ابو نوران هذا لاعب يقلب لك نتيجة هذا لاعب يحسم لك بطولة ... لازم نوقف الزعل ونسامح الاعب ونفتح معاه صفحة جديدة

والاعب ماراح يكرر أخطاءه

لابد انه احد انه يتكفل بالوساطة للاعب ويضمن الاعب انه ماراح يكرر اخطاءه مرة اخرى ويسامحة ويفتح له صفحة جديدة

ونشوف ناصر ينضبط واساسي أمام الأهلي ونكتسح الأهلي وتعود الروح للفريق ويرجع لنا الهلال البطل

ناصر مهما كان ولدنا ويظل منا وفينا ومخلص للشعار ويحب الهلال وجميعنا نعرف ناصر آسيا

نتمنى أنه تكون المفاجأة هي مشاركة ناصر ورفاقه أمام الأهلي وحصد الهلال بطولة ورى بطولة

الإتحاد قوة

بالنسبه للشمراني هذي طريقته لعبني او بخرب الهلال اهم منهم كلهم والله يكتب مافيه الخير

بصراحه وبدون زعلاللي يقول وين الاداره لم تحاول ولا تتدخل بموضوع ناصر لحل هذه الازمه استغرب منهم بصراحه ،
يا ان اللي يقول هذا الكلام يا انه غبي او الاداره غبيه !!!


يعني مو معقوله ولا حتى بنسبه 0,5% ان الاداره ما ادخلت وحاولت حل المشكله سواء بالجلوس مع ناصر او مع المدرب ،،
بدليل واحد بس تأييد القرار ما جا الا بعد الجلوس مع الطرفين وسماع وجهة نظر الاثنين وشافت الاداره ان الحق مع دونيس وعشان كذا ايدت القرار ،،
بلاش اللعب ع وتر عواطف المشجعين وخلاص زهقنا من موضوع ناصر ،
ناصر مو اكبر من الكيان وبعد كل هالاشخاص ممثله بالاداره مو اغبيا شافت الاشيا اللي سواها ناصر يعني مدرب واداره كلهم خطاء واللاعب صح ؟؟
ولا احد يجي يقولك اخصم ع اللاعب واكيد ان الاداره انها خصمت عليه
وحتى لو خصمت بالعقل كذا لاعب يستلم شهرياً مايقارب المليون كم تبيهم يخصمون عليه مثلا
نص الراتب يعني يبقاله تقريبا 400 الف !!!
تبيه يفرق معاه مثلا ، وتسير بدل يا العب ولا اخرب تسير العب بفلوسي !!!




الشي الثاني
استغرب انكم نسبتو الوصول لنهائي اسيا او والبطولات السابقه اللي شارك فيها ناصر نسبتوها لناصر !!!!!
ع اساس ناصر كان هو الحارس والدفاع والوسط والهجوم كله لحاله !!!
نسفتو جهد كل من عمل بهذه ادارة وجهاز فني ولاعبين كله عشان خاطر ناصر
ع اساس الهلال لم يحقق شيء بدون ناصر


وربي ناس غريبه
دلعو اللاعبين ولما يخذلوكم تعالو امسكو بالاداره انها مدلعه اللاعبين !
وارجع اقولكم لا تلعبو ع وتر عواطف الهلاليين ، واللي ع راسه بطحه يحسس عليها

وين المشرفين عن هالمواضيع الي تسبب لغط ونقاشات وتوتر بين الهلاليين؟؟؟!!!!!!!!

واحنا في نهاية الدوري وقت الحصاد... لو حيوان كان حس!

وصف المهاجم ياسر القحطاني مباراة الغد بالحاسمة في مسيرتهم ببطولة دوري جميل للمحترفين، وقال: المباراة بمثابة نكون أو لا نكون، لا أعتقد بأن فيها مجال للتعويض، يجب أن نلعب للفوز وحده لاستعادة الصدارة، وبإذن الله نحن قادرون على ذلك.

وحول بقائه احتياطياً مع الجهاز الفني الحالي، شدد القحطاني على ضرورة احترام قرارات المدرب الفنية واختياراته، مؤكداً بأن دوره كلاعب يفرض عليه هذا الأمر، مضيفاً:

لا يوجد لاعب في العالم يرضى ببقائه احتياطياً، ومثلما تريد المشاركة زملائك حريصون على ذلك، وهذا حق من حقوقهم، ولاعبون عالميون جلسوا على مقاعد البدلاء، وهذا ليس عيباً، وأعتقد بأن البقاء احتياطياً في ناد كالهلال ليس بالأمر الهين أيضاً


--------------------


شوف الفرق
اثنينهم يستلمو راتب ومافي مقارنه بين تاريخ الاثنين
بس شوف الفرق بين العقليتين


وسلامة فهمك يابو خصم

انتم سلمتم المباراه للأهلي وخلصتم الله يهاديكم
هذا الزعيييييم ياعشاااقه ومعروف عن الموج الأزرق لاجا تحت الضغط يبدع واللي بيفوز الهلال بإذن الله سبحانه وتعالى

بعض التعليقات التي تتكلم عن الاحتراف ومدري وشو هل ما تراه حاليا في اللاعب السعودي ينطبق عليه كلمة احتراف ؟ !!!
مصدق انت وياه احتراف ؟ خخخ

لو رجعنا لم تسمونه احتراف أسألكم بعض الأسئلة ؟

هل مستوى ياسر حاليا يأهله للعب كرة القدم ؟

كذلك عدم محاولته في تخفيف وزنه أو على الأقل محاولة الرجوع لقليل من مستواه أين ما تسمونه تطبيق احتراف ؟؟؟

كذلك الحارس شراحيلي وبزوطته وغيابه وعشانه بس اعتذر من المدرب خلاص . والله ماعاد أعودها �� مشت أموره ؟ هل هذا احتراف ؟
هذا شغل نفسيات ��
إذا بنتكلم على الاحتراف فلا أحد يتعب نفسه الأمور ماشية بالبركة .. ويبي لنا عشرين سنة عشان نطبق شي من ما يسمى احتراف ...

نعووود ونكرر لابد من العقوبة .. ولكن لا ضرر ولا ضرار .. لأن هذا الواقع حاليا . لا تصدق .

اللي صار صار والشمراني تم استبعاده .. ولكن نقول عسى في الأمر خيره ويارب ينصر الزعيم .. التوقيت صعب .

إقتباس الرسالة الأصلية كتبت بواسطة الحوت الازرق999 وصف المهاجم ياسر القحطاني مباراة الغد بالحاسمة في مسيرتهم ببطولة دوري جميل للمحترفين، وقال: المباراة بمثابة نكون أو لا نكون، لا أعتقد بأن فيها مجال للتعويض، يجب أن نلعب للفوز وحده لاستعادة الصدارة، وبإذن الله نحن قادرون على ذلك. وحول بقائه احتياطياً مع الجهاز الفني الحالي، شدد القحطاني على ضرورة احترام قرارات المدرب الفنية واختياراته، مؤكداً بأن دوره كلاعب يفرض عليه هذا الأمر، مضيفاً: لا يوجد لاعب في العالم يرضى ببقائه احتياطياً، ومثلما تريد المشاركة زملائك حريصون على ذلك، وهذا حق من حقوقهم، ولاعبون عالميون جلسوا على مقاعد البدلاء، وهذا ليس عيباً، وأعتقد بأن البقاء احتياطياً في ناد كالهلال ليس بالأمر الهين أيضاً -------------------- شوف الفرق اثنينهم يستلمو راتب ومافي مقارنه بين تاريخ الاثنين بس شوف الفرق بين العقليتين وسلامة فهمك يابو خصم

هههههههه ابو عزوز يوم كان في قمة مستواه ما نقول شي .

أما حاليا يعرف مستواه .. هو ابخص .. يعرف ان الدكة واجد عليه ..

لذلك فيه فرق في لاعب يحرث الملعب ولاعب يالله يكمل ربع ساعة .

^^^^^^^^^^

يعني لما ماعرفت وش تقول رحت للاحتراف ههههههه


طيب انت شايفهم مو محترفين صح طيب متى ناوي تبطق عليهم الاحتراف وتخليهم محترفين ولا ماينفع ؟؟؟
تنتظر لحد مايولد اطفال مرضعينهم احتراف مثلا ؟؟؟؟


يا حبيبي اترك فكر الحواري هذا دام اللاعبين طلبو مبالغ خرافيه بسبب كلمة هذا الاحتراف
خلهم يطبقونه