السلام عليكم

خسارتنا اليوم هي محفز كبير للاعبيين لاداء افضل والفوز على الاهلي السعودي يوم الاحد القادم ، اما اذا فزنا اليوم فهو كالتخدير للاعبينا في الملحمه القادمة .

هذا الاستنتاج للسنوات الاخيرة للهلال فهو لايفوز في مباراتين قويتين ولا اعلم السبب ، ربما انه يصيب لاعبينا بالتخدير عندما نفوز او انه يصنعون جهداً كبيراً في مباراة واحده .

فمن هنا اتمنى الخسارة لانه نحن شبه متأهلين للدور الثاني في بطولة اسيا .

تشكراتي لكم

لا اعتقد ... الخسارة ستخلق شك كبير في المدرب وردة فعل الجماهير بيكون لها اثر سلبي..

مشكلتنا الكبرى ... ان اللاعبين ما عندهم دم .... الفوز يولد فوز

طلعت لنا من وين هالنعامة داسه راسها بالتراب من الخوف؟!

قولو آمين

عساك البلاء بافعالك كانك مندس جاي تحسر بجمهور الهلال

وان كنت هلالي اقول لك البس العبايه مع اشباه الهلاليين من سبقوك!

فالهلالي يشارك وعينة على جميع البطولات

لا مكان لكم بين الهلاليين

إنهزامي وضيع

ناشئين الهلال البزارين الي فازو ببطولة ودية بعد تحقيق الدوري يعلمونك شوية شجاعة ومرجلة رح شفهم وتعلم

كل كلمة قلتها لي لن اسامحك فيها يوم القيامة عند ربي ...

كل شخص لديه عقل. ويستطيع ان يستنتج من موضوعي هذا مايريد ، ويعلم الله لو اللبس شعار الهلال واللعب الكرة سوف اقاتل على كل شي من اجل شي واحد وهو الهلال .
ولكن مايفعلونه لاعبينا يجعلني غير متفائل ، وكم من المرات احترق عشقاً وحباً للزعيم الملكي ولا اكترث لما قلته لي واكفانا الله شر تعصبك الاعمى الذي لايفرق بين حقيقة الاستنتاج و بين حب الهلال .

منطق غريب بصراحة
طيب اذا خسرنا اليوم لاقدر الله وخسرنا من الاهلي هل بنستفيد شيء الا مثل معيد القريتين
بنفس منطقك فان الفوز على الاهلي قد يجعلنا نخسر من الرائد او هجر في الجولتين الاخيرة
وبنفس منطقك فان فوزنا على الاهلي قد يكلفنا خسارة من الاهلي في كأس الملك
استغرب من بعض المواضيع التي تطرح فكرة التضحية ببطولة لتحقيق بطولة اخرى وكأنه ضامن تحقيق الأخرى رغم ان الثنتين متاحة ووصلنا فيها لمراحل متقدمة واستغرب ايضاً مثل هذا التفكير في موضوعك وكأنك ضامن ان الخسارة لن يكون لها تأثير سلبي
الافضل ان نلعب مباراتنا الان ونترك الحديث عن المباراة القادمة وفريقنا بحمد الله قادر على الفوز في جميع مبارياته المتبقية في هذا الموسم في مختلف البطولات ومن ينحدث عن الارهاق او التخاذل فان الاهلي يعيش نفس ظروفنا على مختلف الجبهات

سامح ولا ما تسامح... نقي لك جدار وضرب راسك فيه الين تشبع

ياحبيبي الانهزاميين اشكالك هم الي يعطون اعذار للعيبه عشان ينهزمون بالمباريات

مالكم مكان بين الهلايين

ارجع للتاريخ عشان تفهم شخصية الهلالي يا ضعيف

الهلالي يدخل الموسم ويحقق جميع البطولات يا تعبان انت

اشكالكم تتفرج المباريات وهي ساكته وتترك القيادة للي عندهم الشجاعه وروح التحدي

فعلا انسان جبان وبجيح... يدخل للمنتدى الهلالي ويتمنى الهزيمه ويكتبها بالعنوان بعد عشان يحبط الجميع

اقول خلك ساكت اشرف لك بس

وتفرج على بزارين الهلال الي هزمو ريال مدريد وبروسيا دورتموند يعلمونك الشجاعه والمرجله شوي ثم تعال اكتب مواضيع

كنت ارى العقليات الدنيئه في جماهير فرقنا المنافسة .. وللآسف يوجد لدينا نوعية منها هنا .. قبحك الله وقبح كلامك السيئ

ما أدري ياصاحب الموضوع هل تمنيك تحت مضلة التحفيز أم فتح باب للتطفيش
موضوعك أحد أمرين إما إنك محسوب على الجمهور الهلالي وهذا مستبعد أو أنك حاقد على المدرب وتتمنى هزيمة فريقك من أجل مايدور براسك وتريد تأنيب الجمهور على الإداره والمدرب
ولكن ولله الحمد هناك جمهور هلالي حقيقي لايملكون عقليات مصغره تبحث عن حب الذات
لأنها وبالمختصر المفيد جمهور كيان تبحث عن كل مايخدم الفريق بإخلاص

أعتقد تفكيرك خانك ياصاحب الموضوع فموضوعك كشف عن بعض القناع الذي يتوشح به بعض المنتقدين هنا

إقتباس الرسالة الأصلية كتبت بواسطة زمن نواف لقد خانك الإسلوب في طرح وجهة نظرك أخي .. فلا يوجد هلالي غيور يتمنى خسارة فريقه تحت أي ظرف كان .. ولاتنسى أن هناك أربعة أيام قبل بدء مباراتنا المصيرية مع الطحالب كفيلة إن شاء الله للإلتقاط أنفاس الفريق للعب المباراة بقوة وحماس ..

لو سالتك تريد مباراة الاهلي ام تراكتور وش كان ردك .. من هنا تتضح اي المباراتين أهم ولو كان بالود ودي انه يفوز الهلال على كل فرق العالم . واقول للجميع موضوعي للعقلاء فقط ، واتمنى اي شخص اذا ماعنده حرية الرآي لايرد على الموضوع ويكرمنا بسكوته

المشكلة هالشي راح يكون سلاح ذو حدين


يعني ممكن الهزيمة تحفزهم للفوز على الاهلي


وممكن بنفس الوقت تصيبهم بالاحباط


وطبعاً انت عارف اللاعيبه عندنا مزاجهم صعب ولا تدري وش اللي يرضيهم


عموماً الله يوفق الهلال في جميع البطولات


وشكراً لطرحك الجميل ولا تلتفت للاصوات النشاز

اغلب اللي بيشارك اليوم من البدلاء .. لو فرضنا ان نظريتك صحيحة.. .. واتمنى كل لاعب يثبت نفسه ابتداء من القناص

إقتباس الرسالة الأصلية كتبت بواسطة غازي الحبردي ما أدري ياصاحب الموضوع هل تمنيك تحت مضلة التحفيز أم فتح باب للتطفيش موضوعك أحد أمرين إما إنك محسوب على الجمهور الهلالي وهذا مستبعد أو أنك حاقد على المدرب وتتمنى هزيمة فريقك من أجل مايدور براسك وتريد تأنيب الجمهور على الإداره والمدرب ولكن ولله الحمد هناك جمهور هلالي حقيقي لايملكون عقليات مصغره تبحث عن حب الذات لأنها وبالمختصر المفيد جمهور كيان تبحث عن كل مايخدم الفريق بإخلاص أعتقد تفكيرك خانك ياصاحب الموضوع فموضوعك كشف عن بعض القناع الذي يتوشح به بعض المنتقدين هنا

الإخلاص والوفاء لن تقرره انت على من تريد ومالا تريد ، موضوعي واضح .

الخسارة ماتجيب الا الخسارة
بالتوفيق للزعيم الملكي زعيم اسيا
على جميع لاعبين الهلال القتال القتال في الملعب حتى اخر دقيقة
وفالكم الصدارة اليوم