|
مسوي فاهم اهجد..... صراحة قدروا اعلامي الاصفر الصغير ياثروا عليكم الملاحظ كل واحد صار ينتقد ويحلل حتى الا عمره ما لعب كورة ولا يعرف شكل الكورة ينتقد اول من تكلم عن مشكلة ناصر المريسيل حتى يشغل الجمهور ويجعل الجمهور ينقسم بين ناصر ودونيس ونجح في ذلك انا اشجع واعشق الهلال اسم الهلال هو عشقي وحبي واذا ناصر مسوي مشكلة يعني يركن الله يجزاه خير ويستمر الهلال خلاص يرحم امكم اتركوا دونيس يشتغل تويتر دونيس وناصر واتس دونيس وناصر اذا دونيس سباك وهو ينافس على كل البطولات وبعدد كبير من اللاعبين بحكم الاصابات من المدرب الداهيه في نظر المنتقدين الا جالسين خلف الكيبورد وهاتك ضغط وانتقاد اي شي الا صار اخر الدقائق طبيعي تخيلوا عزوز احرز الهدف الرابع الا قاعد يضحك بعد ماضيعه كان انتهت المباراه بعده ولا صار الضغط الا اخر الدقائق بحكم حرص اللاعبين اقسم بالله انه مدرب داهيه ايش ذنب دونيس اذا اللعب يضيع هدف التاكيد ويضحك واذا العب بحارس يبدع في التمارين وفي المباريات كل هجمه بهدف شرحيلي قنبلة موقوته صراحة شكرا جحفلي كواك كريري السالم والعابد الشلهوب الشهراني الميدا ادواردو عطيف خالد شرحيلي ليس خالد الا نعرفه ان شاء الله البطوله من نصيبنا |
يعني انت قد لعبت كورة حتى تقيم ادونيس انه داهية وفق كلامك تخيل كرة العارضة اللي ايرك سددها مع الكورة اللي شالها جحفلي مع الكرة اللي بالراس بجانب العارضة تسجلت مع كورة عبدالعزيز الدوسري كم تصير النتيجة صراحة ياابراهيم تمارس اقصاء غريب وتقسم بالله انه داهية وكأن يمينك هذه هي اللي بتقنع معارضيك على اساس ان ننتظر هذه الشهادة منك |
الف مبرووووووك الفوز فوز صعب صعب ولكن نحقق النتيجة التي تضمن لنا المنافسة خير من نزيف نقاط ننهي بها امالنا دونيس يحرج الهلال ،،، ويجعله مدافع امام الفرق الضعيفة هل تعودنا بان الهلاليين يلعبون مدافعين ،،،،، دونيس يحتاج الى التركيز لتوظيف اللاعبين بالطريقة الصحيحة |
إقتباس:
نروح ونجي على فرصنا الضائعه بسهوله وعلى تفكيرك ادواردو مضيع ثلاثه اهداف محققه الدقائق الاولى مشكلة البعض يمشي مع الموجه تعرف ان الهلال محقق السوبر وكاس ولي العهد ومنافس في كاس الملك ومنافس في اسيا مع مدرب سباك حسب كلام البعض وازيدك وعدد اصابات غير طبيعي بس للاسف اصبح بعض جمهور الهلال ينتقد اي شي يثيره جمهور واعلام الاصفر كان يضرب به المثل بالوقوف مع فريقه في اي ازمه الان كل تركيز جميع الفرق كيف يطيح الزعيم وللاسف بمساعده بجمهوره |
إقتباس:
مبروك ان شاء الله نفرح بالبطوله |
والمشكلة من ينتقد تساله من افضل مدرب في الدوري يقول قوميز حق التعاون وهو لم يحقق اي شي ولا ينافس على اي شي حتى المركز الرابع مهدد يطير عليهم الموضوع بس انتقاد على اي شي الهلال الوحيد الا في اسيا له امل يحقق كل بطولات الموسم ويجي من ينتقد عمل دونيس تخيلوا بس يحرز اللاعبين ربع الفرص الا تاتي لهم كان الدوري محقق من قبل كم جوله ونحقق رقم قياسي بالاهداف |
التعاون ماعنده امكانيات الهلال قوميز قدر يصنع من فريق امكانياته ضعيفه الى فريق ينافس على الدوري |
لايوجد عنده امكانيات او لا الكورة تعطي من يعطيها ليستر ستي قريب من تحقيق معجزه |
ما شفنا ناصر قام بشيئ خاطئ هرجة انك تتهم ناصر بدون دليل فهذا يدل على عقليتك اللي تستنج من راسك اشياء ما صارت حتى دونيس نفسه ما قال ان ناصر عنده مشكله بالانظباط لانه منظبط وقبلها لمن شراحيلي سوى مشكله خرج دونيس وتكلم وقال ان شراحيلي غير منظبط وعاقبه دونيس لا يستطيع معاقبة ناصر لانه لا يوجد شيء خطأ فعله ناصر نحن نقف مع من نراه على حق مثل ما تقف انت مع من تراه على حق ليس من حقك اقصاء اراء الاخرين عشان يصير رايك هو الصح وغيرك غلط الهلال مو ملك لك ولا ملك لدونيس الهلال ملك جمهوره ومن حقه يقول اللي يبي ويقت ما يبي بدون اذن منك ولا من دونيس ولا غيركم |
إقتباس:
يالحبيب احد اتهم ناصر المريسيل الا اتهمه والبعض صدقه معقوله منت شايف تويتر والمنتديات مقلوبه على ناصر ودونيس منتدى الهلال كله على دونيس والسبب نصراوي طلع خبر بين ناصر ودونيس الهلال ملك عشاقه وليس اذناب الاعلام والمندسين |
الحمدلله على الفوز ساق جحفي انقذت الفريق دونيس محتاج يراجع حساباته الاهداف من عمق الهلال سهل الاختراق رجع ناصر واضبط دفاعك |
إقتباس:
انا استشهدت بهجمات نجران لانك ربطت هبوط اداء الهلال بضياع كرة عزوز سأناقشك في الاصابات والغيابات التي تقول ان الهلال عانى منها ولن اعود بك لاول مباريات الدوري بل سأتحدث عن ثلاث مباريات نجران والمجزل والشباب فقط البريك لعب فيه ادونيس ظهير يسار في مباراة المجزل يعني في غير خانته واقصاه في مباراة نجران عن خانته وعن التشكيلة بأكملها بدون اصابة وانتدب الشهراني ليلعب في اليمين رغم ان الشهراني نفسه لعب فيه امام الشباب ظهير ثم نقله للوسط الايسر وانزل درويش في الظهير اليمين وكل هذه التغييرات بدون اصابات او ارهاق او عقوبات ادارية او فنية وفي خانة واحدة فقط وفي ثلاث مباريات متتالية عطيف لعب امام الشباب ثم المجزل واخرجه امام المجزل واستبدله بمحمد القرني ولم يلعب امام نجران رغم جاهزيته بل وضع كريري الغائب منذ عدة مباريات ثم عاد وانزل عطيف بل لعب امام الشباب بالشلهوب جزء من المباراة كمحور وكذلك سلمان الفرج في مباراتي الشباب والمجزل واقصاه امام نجران وطبعاً كل هالتغييرات في خانة وحدة وفي ثلاث مباريات متتالية وبدون اصابات او ارهاق او خلافه طبعاً كل هؤلاء اللاعبين في ثلاث مباريات فقط وفي وقت حصاد وبدون اصابات وفي خانتين فقط ولان الداهية ادونيس يلعب امام البرشا والريال والمان سيتي والبايرن فلم نعد نستغرب اللعب بخمسة مدافعين ومحورين او ثلاث محاور بطولة كاس الملك الماضية لاننكر جهد ادونيس لكن لم يكن هو العامل الرئيسي فالفريق كان بعيد عن الضغوطات فأكثر المتفائلين لم يطالب بكأس الملك بعد احداث عامين دمرت فيها الادارة فريق النادي وكنا اشبه بنادي الاتحاد حين حقق كاس الملك قبل عدة مواسم بجيل جديد ولم يكن احد يتوقع ان يصل لدور الثمانية حين طرد نور والمولد وكبار لاعبيه السوبر مباراة واحدة وبداية موسم ولايمكن الحكم والبناء عليها بالسلب او الايجاب كاس ولي العهد في جميع الادوار نفذنا باعجوبه خاصة امام التعاون وحين وصلنا للنهائي اجبرته الاصابات على اللعب باربعة مدافعين فقدمنا اجمل شوط في الموسم لنفاجأ بمدربنا بعد التقدم بهدفين انه اخرج الهجوم والوسط ولعب بخمسة مدافعين وثلاث محاور ليستلم الاهلي الملعب ويسجل هدف وكاد ان يسجل التعادل لولا لطف الله لست هنا لاغير قناعاتك ولااطالب باقالة المدرب وانما نتمنى ان يتم مناقشته فالمتبقي لايحتمل تخبيصات ادونيس ويكفينا ان قناعاته اخرجتنا امام اهلي دبي ونحن الاحق والاقرب للتأهلوقناعاته اضاعت الابتعاد بالصدارة بفارق نقطي كبير واضاعت مباراة الاهلي الدور الاول في الرياض بتشكيلته الغريبة وتغييراته الاغرب تحقيقنا لثلاث بطولات لايعني التفريط بالبطولات المتاحة والتي قطعنا فيها شوط كبير فالهلال سبق وان حقق كل بطولات الموسم وليس الامر بجديد ولا معجزة يمن بها علينا هو او غيره |
^^^^^ الاخ اللي فوقي ، ترا اذا ما تقراء عن اخبار فريقك مصيبه وشكلك تعتمد ع الاخبار اللي ينقلوها بنو فقر بالتعاون مع المريسل احب اقولك ان ناصر من المفترض يكون بالتشكيله المشاركه امام نجران بعد ما رفع دونيس عنه الاستبعاد ولكن ناصر من رفض اللعب ، هذا مو شي خاطئ !!!!! بس شوف كيف لاعب محترف يتقاضى ملايين ويسوي هالتصرف ، ولا تقول لي من حق ناصر انه يستبعده ويجي الحين ويبي يلعبه ، ايه ماهو من حق ناصر ،انت لاعب محترف تاخذ ملايين مساله تلعب ما تلعب انت مالك شغل فيها انت وقت ماجا اسمك تلعب ، ماتبي تلعب مانت مرتاح فيه اساليب محترمه اكثر احترافيه انك تروح للاداره تقولهم ابي انتقل ماقدر اكمل كذا ، لكن اسلوب الحواري يا العب ولا اخرب هذا ف الحاره بالنسبه للكاتب ونعم الكاتب انا اتفق معاك جملة وتفصيلا دونيس احد افضل المدربين اللي مرو ع تاريخ الهلال ، سار بعض الجماهير عندهم تغيير المدربين كل سنه موضه ليش لانهم سباكين هم مهندسين يفهمو اكثر اللي يتكلم ع مباراة نجران ويستقل بنجران انه كيف كان حاشر الهلال بالشوط الثاني ابي افهم لمتى الاستهزاء بالفرق الصغيره والثانيه لمتى تفهمون انه فيه ناس ثانيه تشتغل غيركم كلنا عارفين ان نجران بالفتره الثانيه غييير اصبح خطير ولو كان بهذه المستويات والروح عندهم من بداية الدوري تلقاه مابين الرابع والخامس. لمتى تفهمون انكم شحنتو الفريق شحنات سلبيه اثر ع ثقتهم بانفسهم سارو خايفين بكثرة انتقاداتكم اللي مالها اي داعي ، انا كنت حاظر بالملعب اليوم والله شوفت اليوم الثقه انهزت باللاعبين تعتقدون مين السبب !!! يعني بعد الله ان الجمهور اليوم كان هوا السبب الرئيسي شحنو اللاعبين شحنات ايجابيه اخرجت روحهم خلوهم يقاتلو نسوهم مؤقتاً بالثقه اللي انهزت الفريق اليوم لو مرتاح نفسياً وبهذه الروح اللي ظهرت كان اكل نجران اقل شي 5 اهداف نجران ضعيف دفاعياً قوي هجومياً اللي كان ينتقد الميدا دايما هذي المباراه اكبر دليل ع اللي يقوم فيه الميدا ، من خرج الميدا مصابًا شفنا كيف لاعبين نجران خرجو من تكتلهم الدفاعي اللي ينتقد دونيس ع اشراك الشلهوب بجانب كريري ، بالله مين تباغه يلعب مثلاً ؟؟؟الشهلوب افضل خيار لاي مدرب يقوم بهذه المهمه لان الشلهوب مو مطلوب منه مهام دفاعياً مهمة هوا استلام الكره من الدفاع وتوزيعها وصناعه التنظيم داخل الملعب ، لا احد يقول عطيف يقوم بالمهمه ذي عطيف كلنا نعرف مو مثل الشلهوب بالفكر العالي يعرف كيف يضبط ايقاع الوسط يعرف كيف يطلع كوره ولا يرجعها كيف يفتح لزميله مساحات، باختصار الشلهوب يلعب بمخه وتعتقدو لو ان الشلهوب مو قادر يكمل المباراه ماراح يطلب تغييره ، ياما شفنا الشلهوب تعب وطلب تغييره بنفسه اكثر المواسم دعم للفريق والموسم من انتهى وهو محقق بطولتين من اصل ثلاثه والثلاثه كلهم منافس عليها وكل شي بيده كل الفرق عندها هدف واحد ع بطولة وحده الا الهلال اهدافه تحقيق كل البطولات ودونيس مع فريق لم يكتمل مصابين وغياب بعض روح اللاعبين ومع ذلك حقق بطولتين وينافس ع البقيه ،، كل هذا سباك !!؟!؟!؟؟؟! مدرب كل ارقامه تقول ممتاز وسباك !!! دامك ماتحبون الارقام خذو ذي محلل فني خبير ولاعب خبير مثل الشنيف وعبدالجواد يقولو مجنون من يفرط بدونيس ونفسي اشوف بدل انتقادكم الدايم والموسم باقيله كم مباراه اشوف بدالها دعم للفريق |
إقتباس:
أخي لامع التعاون يلعب بدون ضغوط جماهيرية ، يلعب ويقدم مستوى جميل وان اخفق لم يتغير عليه شيء ،، الفرق الجماهيرية بالذات الهلال تعاني من ضغوط قوية جماهيرية وهذه ضريبة الجماهيرية يظل لاعب النادي تحت ضغط وخوف من ردة فعل الجمهور العكسية عليه . تخيل لو انك لاعب في الهلال واخفقت في مباراة او اخطأت خطا تسبب بهدف كيف ستلعب المباراة التي تليها وانت تسمع وتقرأ كماً هائلاً جداً من ( شتم وسخرية وانتقاد جمهورك اللاذع ؟ ) حتماً ستدخل المباراة وانت في قمة توترك وهذا ينطبق على المجموعة كلها حينما يطالبون بتحقيق بطولة او فوز ......................... بخصوص الموضوع أشكر أخي ابراهيم واضم صوتي لصوته بخصوص دونيس وانه مدرب جيد وبات قريباً جداً من صناعة فريق لايقهر ، مع قدوم التعاقدات حينما تنفذ له الادارة طلباته بتوفير محترفين لبعض الخاناث انا على ثقة بانه سيظهر الهلال بشكل يسر كل هلالي باذن الله ، وفترة عملة التي مضت تدل على انه احدث نقلة في الفريق وعالج كثيراً من الاخطاء وطور بعض اللاعبين ،، يعاب عليه في المباريات التي يريد الحفاظ على نتيجتها انه يقزم الهلال بجعله دفاعي بحت ويعطي خصمه الفرصة للضغط على الهلال وربما قلب النتيجة بالتعدل مثلا ،، حدث مع الاهلي الاماراتي والاهلي السعودي نهائي كأس ولي العهد والشباب والليلة نجران المحافظة على نتيجة المباراة لاتعني المبالغة الكبيرة بالدفاع وترك الفرصة للخصم يضغط على باب الهلال ليلعب ربع ساعة او عشر دقائق كاملة في منطقة جزاء الهلال ............. بخصوص ناصر الشمراني يشهد الله ان رأيي فيه لم ولن يختلف فهو لاعب من افضل المهاجمين باسيا وأقسم بالله العظيم لو الأمر في الهلال بيدي لما جعلته يرتدي تشيرت الهلال بعد اليوم |
عذرا كلامي في بدايته موجه للزعيمي عادل - جده والبقيه موجه للعموم الزعماء |
| الوقت المعتمد في المنتدى بتوقيت جرينتش +3.
الوقت الان » 12:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd