|
اللي يتحمّل خساير الهلال أولاً و أخيراً اللاعبين ثم المدرّب .. خالد شراحيلي على سبيل المثال .. أتحدّى واحد يرجع لجميع مباريات الهلال اللي خسر فيها ويشوف الأهداف اللي دخلت شلون .. :) حارس مايصد إلا الكور اللي لو أحط برميل غاز و فاضي بعد كان صدها .. كل الكور اللي صدها كانت باتجاهه .. أترك لك حريّة الإبحار في ذاكرتك بس هالموسم وشف كم هدف دخل بشكل غبي عليه .. كور سهلة لو أرجّع خالد الدايل يحرس صدها وهو بهالعمر .. أما سلمان الفرج فقصّة ثانية .. من نجم الهلال الأول إلى ممطرس الهلال الأول .. استهبال بمنطقة المحور وتمريرات خطأ و استعراض في غير محلّه ضيّعت ملامح سلمان .. لاعب صار نقص .. ما أدري فيه تعليمات له بالاحتفاظ بالكورة والتنكيت في هالمنطقة .. لكن يازين عزيز و رادوي .. يقطع الكورة و يمرر بنص ثانية .. عارفين إن المحور مابه استلكاع .. دونيس سبق وذكرت عنده قناعات توجع البطن .. بس مدرّب من أفضل مدربي الدوري عندنا .. مشكلته ابتلاه الله بلاعبين يحوقون شغله بأخطاء مايرتكبها واحد برابع/ج في دوري مدرسة .. و فرص بالكوم يضيعهن لاعبينه وكأنه محلوف عليهم مايسجلون .. عبدالعزيز الدوسري, خالد شراحيلي هذولا منتهين .. و أنا ملّيت يطلع لاعب نص سنة يبدع و نصبر عليه لين يعتزل ننتظر يرجع لمستواه .. ماراح يرجع اللاعب لمستواه .. لو بيرجع كان رجع ياسر اللي كان نجم آسيا الأول .. كان رجع معاذ اللي كان حريقة في خط الهجوم مابالك بلاعب أبدع مباراتين يوم عمره 19 سنة وكلهن بالأولمبي .. خلاص مابه طب .. جرّب غيره .. عندك 30 لاعب ينتظرون فرصة و صغار بالسن .. والله أبرك أجرّب لي واحد منهم على إني أصبر على واحد خسّرني مباريات .. جرّب الواكد كحارس مرمى .. الولد بطل و شفناه يوم يروح إعارة .. جرّب السواط .. كلنا شفنا مستواه مع الأولمبي .. وشفنا لمساته ضد بايرن ميونخ وثقته بنفسه .. جرّب الكعبي أساسي وهجوم .. لا تذبحه بالجناح .. الكعبي هدّاف و صغير بالسن و قابل للتطوير .. لا تعطيه الفرصة لاصار عمره 30 |
انا متأكد ان دونيس قاصد الخساره هذي |
دونيس ماشي معه الحظ وحقق ثلاث بطولات بدون اي مستوى ماعدا الشوط الاول ضد الاهلي وفي مباراة الشباب البارح كانت الامور تسير لمصلحة الهلال حتى حدثت الكارثة التي قصمت ظهر الهلال عندما اخرج رمانة الفريق عطيف وفتح عمق الهلال للخصم حسبنا الله ونعم الوكيل ياسباك ياغبي |
اغبى مدرب في تاريخ كرة القدم ،،، هو دونيس يخرج افضل لاعبي الفريق ، الذي بوجودهم كان مسيطر على المباراة ويصنعون الفرص كل لحضه ،، ويدخل بدلاء اضاعوا الفريق اخراج عبدالله عطيف ،، افض محور وادخال العابد وارجاع الشلهوب محمر طيب طلع الشلهوب ونزل العابد ،، وخلي عطيف مكانه لكن ،، الغباء استفحل في هالسباك ،، اخرج عزوز ،، اللي لاعب افضل مباراة له هذا الموسم وادخل كعبي ،، اللي ما استفاد منه الفريق لاهجومياً ولا دفاعياً واخرج الشلهوب ، وادخل درويش ،، وخلاه ظهير ،، ونقل الشمراني جهة اليسار رغم ان اخطر لاعب في الشباب اللي سجل الهدف، كان يلعب جهة الشمراني وكان الشمراني مغلق عليه الجهة وبسبب هذا التغيير سجل الهدف من جهة درويش الخلاصه ،،، ان هذا المدرب ،، يثبت غبائه الدائم في التغييرات في كل مباراة وعلى الجمهور الهلالي ، ان ينسى بطولة الدوري ،،، اللي سلمها دونس ،، اكثر من مره للاهلي |
دونيس السبب الرئيس في ما يحصل الهلال هو دونيس وفهد المفرج |
الحوار اعتقد انه مجرد تخدير اغلب الجماهير طالبت بإلغاء عقده وتفويض الأمر لمدرب الأولمبي البطولات التي حققها هي اجتهادات لاعبين اتحدى لو تلقون فيها تكتيك يفتح النفس تفتحون الحوار اسمعوا كلام الجمهور بالأغلبية ولا بلاشي حوار اقسم بالله لو الشلهوب يدرب ولا ياسر اخذنا الدوري من زمان لكن مع هالفاشل تحملوا ما جاكم وآسيا في طريقها للضياع سؤال ودي اجابة هل هناك مدرب وضع الشلهوب محور غير هذا المدرب اكثر من 16 سنة عمر الشلهوب بالهلال ما اذكر مدرب لعب الشلهوب محور يا ناس يا عقلاء الشلهوب يرجع محور وعطيف يطلع الشلهوب الذي لا يملك أي مقوم بدني لهذه الخانة في مباراة مصيرية ترجعه محور لاعب يحرث الأرض مثل ناصر يهمشه نهائيا وأنتم تتفرجون وش فايدة هالكراسي اللي تجلسون عليها اذا ما تملكون قرار يا ادارة انتفوه واي مدرب وطني بديل صعبة هذي . |
حسبي الله على من خل وضعنا زي كذا ، المفروض متصدرين وبفارق النقاط فوق 12 نقطه . دخل الهلال وفي جعبته 3 بطولات وفي الأخير وضعنا كذا مع الدوري ومع مين يا حسره مع الأهلــي الا له 35 سنه ما شم دوري والحين يأخذ الدوري على حسابنـا ووضع الناري زي كذا !!! دونيس (سباك) وحصل كل شيء جاهز من سامي ليس دفاع عن سامي كونه كان مدرب للهلال ولكنه إختار لاعبين يعتمد عليهم النادي وأكبر دليل ان دونيس سبـــــــاك لم نعرف عدد الأهداف في وقته فوق 4 و 5 مع الاتحاد والنصر والشباب والاهلي اما الأنديه الاقل كيف كنا نخلص المباراة من اول شوط من ربع ساعه كان الهلال عقبة في لكل من يالعب معه اما اليوم في عهد دونيس صرنــــا نقول يالله الستر وبس . تحياتي وعذراً لكم انا قلت شيء خارج اطار المنتدى ولكن من حر مافيني يا اخوه .. |
إقتباس:
|
فريق بلا حسيب ولا رقيب ايش تتوقعوا النتيجة مدرب يعبث إدارة نايمة لاعبين يسرحون ويمرحون في اهدار الفرص في الأخير راح فيها النادي وبعض من الجهور لان جمهور الرياض ماله حق في النقد امس الملعب فاضي |
مساء الخير للجميع ياخوان المدرب سبب كل شى القحطانى وناصر برا ليش لاعبين يخلصون لك المباراة لماذا العناد على حسب الكيان عاقب اللاعب ولا تعاقب الكيان العب هجوم من البدايه والله على اعصابى من البدايه ليه طلعت عطيف ماسك الملعب طلع الشلهوب فريق ماشى صح طلع السالم لعب ياسرلخبطه زايده |
االحمدلله على كل حال ,,,,,,,,,,, الدوري طيره فكر دونيس العقيم مبروك للاهلي بطولة الدوري ولا عزاء لاشباه اللاعبين ومدربهم الذي لا يستفيد من اخطاءة اكلف ما علية يطلع في المؤتمر الصحفي ويقول انا اتحمل الخسارة او عدم الفوز.. طيب الجهاز الاداري وش دوره وما يحصل من تكرار اخطاء المدرب ومشاكلة مع بعض اللاعبين وخاصة الشمراني وسؤال محيرني وودي احد يجاوبني علية الا وهو عندما يقرر دونيس اجراء تغيير هل يستشير احد من جهازه او يقدح من راسة وبس؟ في كل فرق العالم المدرب يستشير قبل التغيير اما مدربنا ان كانة يستشير مساعدة وهو الي يشير علية ومصر على ان يستشيرة رغم ثبوت غباءة فالافضل ان المدرب ما يغير اي لاعب الا اذا سأل احد الجماهير انا متأكد انه راح يكون افضل من المدرب ومساعدية عموما الله يخلف علينا خير والحمدلله رب العالمين وصلى الله على محمد واله وصحبه اجمعين |
غريب جداً ضياع الفرص من مباراة لاخرى وبكل برود يبتسمون اللاعبين ولا فيه اي تركيز هذي مشكلة الهلال الحقيقة منذ رحيل سامي، والهلال لا يفوز الا بفارق واحد فقط. اتمنى يعود سامي كمدرب في الموسم القادم |
مدرب غبي بدرجة ممتاز ولا يتعلم من أخطائه الإنظباطية اللي يتبجح فيها حرمت الفريق من بطولة آسيا الماضية والدوري بيضيع بسبب الانظباطية الكذابة امام الشباب سحب اهم لاعب وفرغ وسط الهلال بعدها غسلت يدي من الدوري وكل البطولات الجاية إدارت الهلال مثالية زايدة اضرت بالفريق وجماهيره يجب محاسبة دونيس ومناقشته بعد كل مباراة لان الهلال اكثر فريق يصنع فرص تسجيل وتضيع والسبب عدم وجود مهاجمين ياسر القحطاني الشمراني افضل لاعبين بآسيا ركنهم وهداف الفريق الزوري مدافع كنت ادافع عن دونيس ومقتنع فيه لكن بعد مباراة الشباب تغيرت قناعتي فيه واصبح مفلس ما عنده شي لذلك البحث عن مدرب بعد الخروج من آسيا فورا |
لاحظت شيء من السنوات الماضيه حتى الآن .. إذا غاب العابد وسالم وعزوز سار الفريق بشكل جيد، وعند الحصاد يتسابقون على العوده وينتكس الفريق ! احمل المدرب 90% من الاخقاقات، لأنه لم يعالج الاستهتار ولا الانانيه ولم يجرب اي لاعب من الأولمبي، هذا غير تغييراته القاتله. للاسف دونيس مازال لا يعرف لاعبيبة الزعيم، تلك هي الحقيقة، وفهد المفرج فقط متفرج مع (cv ) خالي. الزعيم يحتاج فقط عقول مدبره. |
| الوقت المعتمد في المنتدى بتوقيت جرينتش +3.
الوقت الان » 09:46 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd