التأليب على المدرب او احد اللاعبين هو من صالح المنافسين فقط.

ادعموا واحمدوا الله وصلو على الحبيب محمد صلى الله عليه وسلم واله وصحبه ومن تبعه باحسان الى يوم الدين.

التأليب على المدرب هو من مصلحة اللي يبغون يتعاقدون معه اول مايطلع من الهلال
هناك أنديه النجوم فيها يتحكمون بمصير المدرب عشان يبزوطون على كيفهم.. الكلام هذا مش في الهلال

دونيس أتمنى أن اراك مواسم كثيره في الهلال وانت بنفس النسق الإنضباطي

الهلال أولاً
تحياتي

السلام عليكم
اتفق معك ببعض الامور واختلف معك بأخرى
الانظباطية مطلوبة والهلال لن يقف على لاعب لايحترم الهلال وجمهوره وتاريخه
خالد شراحيلي كثرت اخطاءه ومنها فني ومنها سلوكي ولعل تصريحه بتويتر الزمان زماني والمكان مكاني !!! يكفي بأن نقول له كفى
فالهلال لم يتوقف على فطاحله رحلوا كالنعيمة وريفالينو والثنيان والدعيع والمصيبيح وعبادي والتيماوي والتمياط ..الخ
من تكون انت ولم تحقق ارباع ارباع ماحققوا ؟!

والشمراني يجب ان يعيد حساباته من انفلاتاته عند تغييره او جلوسه احتياط ومطالبته بالنزول ! فكم الدقائق التي لعبها؟ وكم سجل ؟ وكم مرر صح وكم وكم الخ ؟

عموما مشاكل الهلال المكبوته يتحملها مدير الكره المفرج الذي كان سبب فيما يحدث
ويجب ابعاده

دونيس ك ونواف بن سعد وجهان لعمله واحده ، الان بداء مشروع اعادة هيبة الهلال، داخل نفوس لاعبيه اولا ،

ونفض الغبار ، عن الاخطاء والترسبات الاداريه السابقه ، اللي كانت تدلل النجم على امل تحقيق منجز، ولكن نهاية الدلال ، ان اول موسمين بوطلات ، وبعدين ، ضياع كل شي ، بسبب تدليل النجوم وعدم احترامهم للجمهور والشعار ، في فتره كان اللاعب هو النجم الاول بالفريق وكل خطاء يتم دمدمته والتكتم عليه ، في سبيل مقولة لاتعاقب النادي. ، وكان نهايتها ضياع كل الالقاب ، ولكن بعد عودة الحزم الاداري ومع دونيس ، حصد الفريق ثلاث بطولات ، لم يستطع رئيسين سابقين ان يحصدوا فيها كاس الملك رغم امتلاكهم لنجوم اجانب ومحلين واحتياط لا يتوفرون في اي فريق اخر ، الان لاحظ القحطاني الشمراني شراحيلي العابد البريك ، جميعهم نجوم ولكن يتمنون نصف فرصه للمشاركه وتقديم اضعاف الجهد حتى يحجز خانه بالفريق، ولكن قارن نفس الاسماء بالسابق في عز توهجها ، كيف كانت لاتقدر حجم المسؤوليه ، منهم من خطل الفريق في اوقات الحسم ومنهم من لم يقدر قيمة نجوميته وذهب الى امور اعاقته خارج الملعب، ومنهم من تغطرس وتكبر على الكره وزملائه ، ولكن مع عودة نواف بن سعد، ووجود دونيس ، وجدنا انضباط لامثيل له فالهلال ، وحصدنا بطولات من خلاله ، ولم يصل الحال بنا الى ان نقبع بالتاسع او القامن بسبب التهاون مع اللاعبين النجوم وعدم ضبطهم ومعاقبتهم بسبب السهر او التاخير او التغيب عن الفريق، فغيرك حارسه قفل جواله واختفى اسبوعين ، وبالاخير رجع يلعب اساسي ونهاية فريقه الثامن ، و غيرك لاعبيه تمردوا عليه ، لان الجماهير مشت ادارته ( الفايز وجموم، اللي مشوا نور وكريري ، والمنتشري وصنعوا فريق حقق اخر بطوله كاس الملك ) ، واصبحت الا اره تدلل اللاعبين وتطبطب. باسم مصلحة الفريق ولا تعاقب النادي بايقاف اللاعب واخرتها وقت الحسم صار عصيان جماعي ، وخسر كل شي ،

صدقني الانضباط والعدل ، هي من اعادة الهلال ، بطلا ، واعادة هيبته ، ورمت غيره في غياهب الجب ، بك ان تتخيل ، ان الانضباط والعدل ، ابرز لك نجوم مثل جحفلي، والبريك ، واعاد تالق الشلهوب ، وعزوز فالطريق ، ومكن عبدالله عطيف من اللعب اساسي على حساب النجم سعود كريري ، .

اللي يحدث الان بالهلال هو مشروع متكامل ، باذن الله سوف ترى نتائجه على جميع الاصعده بالمواسم القادمه .

دونيس يملك مشروع ضخم ويدعمه بقوه نواف بن سعد سيعيد الهلال ليس للبطولات المحليه فقط بل للاسيويه وبكل قوة..ولكن السؤال هل نملك الصبر؟
دونيس يريد اعادة العدل والمساواة والانضباطيه لكل اللاعبين..قد نخسر مباراة او بطولة ولكن نكسب جيل كامل...
اللاعبين براءيي الشخصي مدللين...اللهم لاحسد يستلمون الملايين يجب عليهم بذل كل شيء من اجل ذلك ومن اهمها الانضباط والقوة بالاداء..

أخوي مهتم ..
موضوعك رائع جداً جداً ..
أنا نزلت موضوع أمس عن دونيس وأنا والله ما إنتبهت لموضوعك .. ولو كنت قريت موضوعك
كان إكتفيت بالتعليق عليه ولا نزلت موضوعي ..
تعجبني جداً موضوعاتك وهي تقريباً متفقه مع مايدور في رأسي ومخيلتي ..
نعم دونيس يعاند ويفجر جداً في الخصومه وإدارتنا العزيزة تلتزم الصمت ليس خوفاً
من دونيس ولكن خوفاً من الشرط الجزائي ..
إدارتنا العزيزة بقيادة نواف بن سعد لا تريد أن تدفع ريالاً واحداً من جيبها الخاص ..
وأتحدى أن يثبت أي عضو في المنتدى عدم صحة كلامي ..
أجزم بل وأحلف على عشق الأمير نواف للكيان الأزرق .. ولكن العشق لوحده الآن لايكفي ..
أعضاء شرف الهلال تعهدوا له بالدعم إذا وافق على إستلام زمام الرئاسة في النادي ..
فوافق على ذلك وأصبح رئيساً للنادي .. ولكنه وجد نفسه في المعمعه بدون أي داعم ..!
كذلك فهد المفرج .. إداري خلوق جداً .. ولكن الأخلاق وحدها لا تكفي لإدارة فريق يعج بالنجوم ..

آسف جداً ع الإطالة .. موضوعاتك دائماً تمثلني ..

يعطيك ألف عافية ..

..

بالعكس .. مع اننا محتاجين لاعب بحجم ناصر

لكن انا مع قرار دونيس مدام ناصر مقضيها استهبال على حساب الكيان

ومع قرار دونيس في استبعاد خالد شراحيلي ايضا بسبب الاستهبال والمستويات السيئة

بدل ما تحملون دونيس الخطا .. شوف افعال من استبعدوا ايضا

نحنا في اخر الموسم واخونا في الله يستهبل ويقدم مستويات باهته " الا حلال فيهم العقاب "

إقتباس الرسالة الأصلية كتبت بواسطة أبـــ تاكي ـــــــو بالعكس .. مع اننا محتاجين لاعب بحجم ناصر لكن انا مع قرار دونيس مدام ناصر مقضيها استهبال على حساب الكيان ومع قرار دونيس في استبعاد خالد شراحيلي ايضا بسبب الاستهبال والمستويات السيئة بدل ما تحملون دونيس الخطا .. شوف افعال من استبعدوا ايضا نحنا في اخر الموسم واخونا في الله يستهبل ويقدم مستويات باهته " الا حلال فيهم العقاب "

أخوي أبو تاكي ..
يسعد لي مساك وكل أيامك .. يعني إستبعاد ناصر بسبب هبوط مستواه ..؟؟
إذا فرضنا إن هالنظرية صحيحه .. ليش تطبق على ناصر و شراحيلي فقط ..؟؟
وين هالعقوبة عن ( عزوز .. والسديري سابقاً و الفرج وألميدا وأحمد شراحيلي ) ؟؟

والله مشكلة انا اول مرة اشوف أعضاء يهاجموا لاعب لمجرد أنه متحمس للعب وخدمة الهلال لاعب انصفته اسيا ووضعته على هرم لاعبيها لاعب رفض عرض الأهلي له العام الماضي من أجل الهلال طالما اللاعب جاهز وعندما تحصل على فرصته حسم بطولة امام أقوى خصوم الهلال اذا اين هي المشكلة الفنية والانضباطية؟؟؟...... اصبحنا في زمن العجائب والغرائب

يعني تلوم المدرب انه يعاقب اللاعبين لأنه على كلامك يدمر الهلال ولا تلوم اللاعبين اللي مايحترمون الفريق ولا المدرب وش هالتناقض العجيب شراحيلي ساحب على البعثة قبل مباراة نصف نهائي قدام الاهلي الاماراتي ومع ذلك محد تجرأ منكم يلومه كل اللوم حطيتوه على دونيس ناصر الشمراني اللي إذ لعب تحس الفريق ناقص يعصب على المدرب إذ بدلة انتم تشجعون مين الهلال ولا اللاعبين ماضيعنا إلا ان اللاعبين ضامنين خانتهم بالفريق لو يسرحون ويمرحون لا والغريب نلقى مشجعين يوقفون بصفهم خل اللاعب ينضبط ويعرف ان الفريق اكبر منه ياتنضبط ياتجلس على الدكة وبعدين مين كذب عليك وقالك ان دونيس رفض التعاقد مع عبدالملك الخيبري لا ماهو صحيح ويكذب اللي يقول هالكلام دونيس قال بعد مبالغت اللاعب بسعرة صرفنا النظر عنه يعني بالعربي الأدارة قالت لدونيس ( ترانا مطفرين مانقدر نتعاقد معة )

إقتباس الرسالة الأصلية كتبت بواسطة هلالي.شقردي يعني تلوم المدرب انه يعاقب اللاعبين لأنه على كلامك يدمر الهلال ولا تلوم اللاعبين اللي مايحترمون الفريق ولا المدرب وش هالتناقض العجيب شراحيلي ساحب على البعثة قبل مباراة نصف نهائي قدام الاهلي الاماراتي ومع ذلك محد تجرأ منكم يلومه كل اللوم حطيتوه على دونيس ناصر الشمراني اللي إذ لعب تحس الفريق ناقص يعصب على المدرب إذ بدلة انتم تشجعون مين الهلال ولا اللاعبين ماضيعنا إلا ان اللاعبين ضامنين خانتهم بالفريق لو يسرحون ويمرحون لا والغريب نلقى مشجعين يوقفون بصفهم خل اللاعب ينضبط ويعرف ان الفريق اكبر منه ياتنضبط ياتجلس على الدكة وبعدين مين كذب عليك وقالك ان دونيس رفض التعاقد مع عبدالملك الخيبري لا ماهو صحيح ويكذب اللي يقول هالكلام دونيس قال بعد مبالغت اللاعب بسعرة صرفنا النظر عنه يعني بالعربي الأدارة قالت لدونيس ( ترانا مطفرين مانقدر نتعاقد معة )

اذا لعب ناصر تحس ان الهلال ناقص!! ...... اجل من اللي حسم لك نهائي الكاس امام الاهلي ومن اللي اهدى لك نقاط القادسية وانقذك من السقوط امام الفتح بعد نزوله بدقائق والاكان خصمك الاهلي يحتفل بالدوري الآن وانت تلعب تحصيل حاصل هذا وهو مالعب الا مبارايات تنعد على أصابع اليد الواحدة...... الجحود ماهو طيب

يا اخوان الموضوع واقعي جدا ولا ينكره الا جاحد ، الشمراني أفضل الموجودين وحماس وروح ، لا تجارون دونيس في كل شي ، بهذه الطريقة لن يحقق الهلال بطولة الدوري وَيَا خوفي ان يخرج من السباق في مباراة الشباب ، فهد المفرج ضعيف ولا يستطيع مناقشة المتغطرس دونيس، أعيدوا الشمراني وامنحوه الثقة قبل فوات الاوان فاللاعب الهداف عملة نادرة

إقتباس الرسالة الأصلية كتبت بواسطة مين غيرك زعيم اذا لعب ناصر تحس ان الهلال ناقص!! ...... اجل من اللي حسم لك نهائي الكاس امام الاهلي ومن اللي اهدى لك نقاط القادسية وانقذك من السقوط امام الفتح بعد نزوله بدقائق والاكان خصمك الاهلي يحتفل بالدوري الآن وانت تلعب تحصيل حاصل هذا وهو مالعب الا مبارايات تنعد على أصابع اليد الواحدة...... الجحود ماهو طيب

وش دخل الجحود بالموضوع مستواه هالسنة والسنة اللي راحت هابط كثير فرق عن ناصر مع سامي الجابر هدفه بالاهلي كورة راجعه من الحارس مسددها العابد والمرمى قدامه والله عاد إذ بيضيعها فهذي مصيبة هدفه بالقادسية كورة راجعه من القائم ومقابل المرمى مافيه اي مجهود بالهدفين بس هدفه الوحيد اللي بمباراة الفتح 3_3 ون تو وجاب هدف وإذ منت متأكد من كلامي هذا اليوتيوب عندك وشوف مباريات الهلال اللي لعبها ناصر كيف ان الهلال يلعب ناقص ولا تراني ما افهم بالكورة

إقتباس الرسالة الأصلية كتبت بواسطة هلالي.شقردي وش دخل الجحود بالموضوع مستواه هالسنة والسنة اللي راحت هابط كثير فرق عن ناصر مع سامي الجابر هدفه بالاهلي كورة راجعه من الحارس مسددها العابد والمرمى قدامه والله عاد إذ بيضيعها فهذي مصيبة هدفه بالقادسية كورة راجعه من القائم ومقابل المرمى مافيه اي مجهود بالهدفين بس هدفه الوحيد اللي بمباراة الفتح 3_3 ون تو وجاب هدف وإذ منت متأكد من كلامي هذا اليوتيوب عندك وشوف مباريات الهلال اللي لعبها ناصر كيف ان الهلال يلعب ناقص ولا تراني ما افهم بالكورة

طيب الشيء هذا يحسب لناصر وليس ضده انت تحتاج مهاجم يسجل لك من انصاف الفرص ولا الأهداف لازم تكون لها مواصفات خاصة وطرق أخرى وإذا اللاعب ماراوغ عشر لاعبين ومعهم الحارس لايعتبر انه سجل بالعكس المهاجم اللي يسجل لك من كرات ميته هو اللي تحتاجه وهو اللي يفيدك أكثر من ابو عك وتفحيط علشان يسجل لك هدف استعراضي احسب كم مباراة لعب فيها ناصر وكم معدله التهديفي واحكم بنفسك بعيدا عن الانتصار لقناعات المدرب