|
طبيعي ما يحصل من خالد شراحيلي !!! صورة للذكرى يقال ان الحارس نصف الفريق ان لم يكن الفريق ككل في مباراة الهلال مع الاتحاد قبل كم سنة على نهائي الدوري والهلال يلعب بفرصة وحيدة طلب العملاق محمد الدعيع من اللاعبين تسجيل هدف وترك الباقي عليه وكان الهدف من شعرة ياسر وشاهدنا ماذا فعل الدعيع بتلك المباراة عندما وقف امام هجوم ووسط ودفاع الاتحاد وكان سداً فقد اوفى بكلمته (سجلوا واتركوا الباقي لي) هي مجرد كلمات احضرت للهلال بطولة غالية وهذه الكلمات كانت الوقود الحقيقي للبطولة. يا ترى ماذا لو قال خالد شراحيلي مثل الدعيع كم من المباريات ممكن الهلال يخرج بنقاطها الثلاث او على الاقل التعادل فقط سجلوا واتركوا الباقي لي :wub: للآسف الان لايوجد منافس لخالد شراحيلي بالهلال والمباريات لا تحتمل التجارب لتغييره فلذلك نشاهد خالد شراحيلي فقط ببعض اللقطات من المباراة وبعدها يختفي بريقه ويكون الاختفاء في اوقات لاتحتمل التعويض او تصرفات لا تدل على الاحترافية كالغياب المتكرر واضح عدم تجانس المدافعين مع توجيهات الحارس بسبب التغيير الدائم بالدفاع لاسباب الاصابة والايقافات وواضح فقدان المدافعين للتركيز بآخر دقائق المباريات وعند التعرض للهجوم المستمر يصبحوا مشتتين واتكاليين لابعد حد مع توهان كل واحد ما يدري ايش دوره عندما يدخل اي لاعب للمباراة وهو واضع لنفسه اهداف منها تحدي المهاجمين او المدافعين وتحفيز الفريق سيكون بكامل تركيزة من بداية المباراة لنهايتها خذوا مثلاً حارس الهلال السابق والرائد حاليا فهد الشمري ماذا فعل امام هجوم الهلال بمباراة الفريقين الاخيرة استبسال وصد اهداف لاتحصى بالمباراة والسبب فقط تحدي لمحاولة اثبات الذات امام هجوم الهلال وبالذات ادواردو. وحارس الشباب العويس عندما حصل على فرصة تمثيل الفريق بدل وليد عبدالله اذا التحدي يصنع الفارق للاعب متى ما اراد هو ذلك وكان هناك بديل ينتظر الفرصة. ولاكن بما ان خالد شراحيلي ضامن المركز فلذلك هو لايبالي وطبيعي الاهداف المجانية تجي عليه :ranting: صورة للذكرى تبين مدى حسرة الحارس لخسارة التحدي واستحقاق قبله على راسه لابداعه من الخصم :ba1: http://www.hilalcom.net/wp-content/u...9/image161.jpg |
مقارنة خاطئة الدعيع أسطورة لا ولن تتكرر إلا في زمن حفيدك الأخطبوط معجزة لا تتكرر إلا كل 67 سنة مثل مذنب هالي |
إقتباس:
تقليل الانسان من قيمته وقدراته هو ما يصنع العجز بعقله وينعكس ذلك على عمله وعكس ذلك تماما هو الطموح وتحدي الذات هذه بالذات تصنع المعجزات وتحقق ما كان يراه الشخص مستحيلاً ايمان الشخص بقدراته تحفزه للابداع وتخطي حواجز الفشل صحيح كل انسان وله قدرات ولاكن بالعمل والجهد ووضع الاهداف يجعل الانسان يكتسب المهارات وتطوير ذاته مع الوقت للوصول للقمة والمنافسة مع افضل الموجودين عليها لا مستحيل الا بآحلام العاجز |
لله درك كلمات من ذهب تقبل مروري |
اليوم شراحيلي ابدع وصد كور كانت اهداف موكدة |
لما يكون عندك دفاع ومحاور تعال حاسب شراحيلي ارجع للهدف وشوف مدافعينك وين البريك كان بين لاعبين اثنين والبقيه دورهم |
لاتقلب المواجع علينا الله يهديك جبتها على الوتر الحساس الاسطورة محمد الدعيع لازلنا نعاني الضعف في مركزه الى يومنا هذا لاخالد شراحيلي ولا غيره قدر يسد هالثغره أقولها وبالفم المليان خالد شراحيلي ذبحنا بإستهتاره الزايد نكبنا كثيررررر ولازلنا نصبر ولكن الصبر مايدوم له وقت وينفذ أعطوا الحيدري فرصة وابعدوا هالمستهتر الي ماقدر وقفة النادي والجمهور معاه لو في نادي غير الهلال كان انطرد على طول بعد سالفة المنشطات |
شراحيلي حارس سيء خالد شراحيلي عاهه على الهلال مثله مثل السديري كلهم سبب خسائر الهلال حسبي الله عليهم ياليت نزلون الحارس الثنيان او الواكد افضل من شراحيلي ابو النكبات وبعدين الدفاع الهلال رايح فيها ولا راح ينافس الهلال ع اي بطوله والحارس الغبي شراحيلي . |
شراحيلي لديه امكانيات ، لكن ضمانه للخانة سبب في تذبذب مستواه ، وعدم تركيزه . والحل اتاحة الفرصة ، واحياء التنافس على الخانة . هارد لنا التعادل والله يوفق الهلال . |
للمعلوميه شراحيلي لا يتحمل الهدف ارجع للهدف قبل الاوفر وشف تمركز المدافعين ديقاو الزوري كواك |
الهدف يسال عنه الدفاع ليه ما غطى لاعب الجزيره اللي سجل الهدف |
مو الجماهير قامت وعلت اصواتها شتايم لما دونيس عاقب شراحيلي العقوبه الانضباطيهوالحين يشتكون منه ومن استهتاره !!! عشان كذا المطالبت والضغط ع المدرب والاداره اللي مالها سنع هذي نتايجها لمتى مانتم راضيين تدركو ان هذي الانواع من الممارسات ضد الفريق تضيعه وتضيع لاعبينه دايما وابدا اقول خصم الهلال الاول جمهوره العاطفي ياخي اترك الاداره والجهاز الفني يشتغلو ويطبقو الرسم اللي حددوه قبل بدايه الموسم وتعال نهايه الموسم حاسب الاداره والمدرب عندك انتقاد انتقد بس بادب بدون ضغط ع الفريق مثال اخير ع العاطفه اللي مضيعتنا / الميدا كان قبل مبارتين يسمونه بالفاشل ومساعد سباك الحين يادونيس ليش تستبدله الميدا كان كويس ، لو ماسجل الميدا ، ليش يادونيس ماستبدلت الميدا مصر ع الميدا لاعبك ليش ؟ اتركو الفريق لنهايه الموسم وكفايه فقعة مراره ياعاطفيين |
الله يعطيكم العافية وبالتوفيق للزعيم الملكي |
نحتاج السديري في مباريات الدوري وخاصه مع الفرق السهله |
من الظلم تحميل شراحيلي للهدف الهدف صعب لا يصده اي حارس ومن تسبب في التعادل هو المدرب عندما اخرج الميدا واشرك الشلهوب وكان من الافضل اذا كان يريد استبدال الميداء أن يشرك ناصر الشمراني فالهجوم افضل وسيله للدفاع |
| الوقت المعتمد في المنتدى بتوقيت جرينتش +3.
الوقت الان » 08:03 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd