السلام عليكم ورحمة الله وبركاتة
بختصار كنت مع واحد اهلاوي قبل مبارات الهلال والاهلي وقال لي راح نفوز وبكل ثقة قلتله ليش قال حارسكم ( شرحيلي) عنده نقطة ضعف كبيره قلت ايش هى قال اي شوته من بعيد وقويه قول ضعيف جداً بصد الكور القوية المرسلة من بعيد وعندما رجعة يذاكرة لا حضة ان كلامة صحيح 100% على سبيل المثال خسرنا كاس ولي العهد العام بسبب كورة قوية من السوما من خارج المنطقة وهدف تيسير من خارج المنطقة وهدف الاتحاد من خارج المنطقة
ارجو من الادارة اخذ هذاه المشكلة بعين الاعتبار ان رغبة بالبطولات وسلامتكم

قبل الحكم اليوم مدرب ولاعبي الهلال هم سبب الخساره تخبط في الخطة والتشكيله ولاعبين في قمة الغرور والبرود والاستهتار !!!!

ايش دخل شراحيلي كورة صعبه

السنه اللي فاتت هدفا السوما كان على السديري
سلمني على صديقك الاهلاوي وقله
فريقكم لا يستحق اي دوري في ظل هذه الهدايا التي تقدم له ولا يستفيدون منها
.
شراحيلي حاليا افضل حارس سعودي
وهذا الموجود في الدوري
من وين تبيهم يجيبون حارس
جربنا السديري
والسبيعي
والثنيان
صعب احد يعوض الدعيع والعتيبي
..
في الوقت الراهن شراحيلي هو الحارس المناسب
وخسارة اليوم لا تعني ان الهلال سيء
ولكن قدر الله وماشاء فعل
..

شراحيلي صد اكثر من هدف . جالسين تحاربون شراحيلي . وعندك الكدش سالم الدوسري وكواك المعاق . والفرج فيلسوف الكرة . وتغييرات دونيس اللي مدري وش تبغى

إقتباس الرسالة الأصلية كتبت بواسطة attac ايش دخل شراحيلي كورة صعبه

شوف اغلب الاهداف على شرحيلي كور قوية من خارج المنطقة وكل المدربين يعرفون مشكلة شرحيلي وخططهم شوة خمس كور راح تحصل هدف بعد كذا قفل ومرتده ولاحظ حتى اهداف الفرق الضعبفة عليك نفس السناريو شوة من خارج المنطقة

إقتباس الرسالة الأصلية كتبت بواسطة أيطالي السنه اللي فاتت هدفا السوما كان على السديري سلمني على صديقك الاهلاوي وقله فريقكم لا يستحق اي دوري في ظل هذه الهدايا التي تقدم له ولا يستفيدون منها . شراحيلي حاليا افضل حارس سعودي وهذا الموجود في الدوري من وين تبيهم يجيبون حارس جربنا السديري والسبيعي والثنيان صعب احد يعوض الدعيع والعتيبي .. في الوقت الراهن شراحيلي هو الحارس المناسب وخسارة اليوم لا تعني ان الهلال سيء ولكن قدر الله وماشاء فعل ..

كفو يا زعيم

الفريق محتاج وقفتنا الفريق فايز بكاس ولي العهد

ومقدم مستوى ممتاز في اول مباراه في اسيا

وبالنهايه حضور جمهور الاتحاد في الدوري اكثر وحضور الجمهور الهلالي مخجل !!!!

جمهورنا مقصر كثير وحضورهم اليوم مخجل !!!!!

اي شراحيلي الله يهديك لاتنسى ان شراحيلي صد كم انفراد وإلا كانت اليوم اقل شي ثلاثة
اليوم الهلال مفقود الهوية ،،،، سوء تمركز
صناع اللعب والهجوم خارج الخدمة
اليوم الهلال بصراحة لايستحق الفوز او التعادل ، الهزيمة هي النتيجة العادلة

خسرة الهلال من التخبط من المدرب وغرور الاعبين المفروض يثبت على تشكيلة الاهلي اقوى وانفع الهلال هجوم وسط وحراسة قوية 4/2/3/1 هي تشكيلة القوية

يا رجال ليتها توقف علي شراحيلي بس الهلال كامل اليوم ماش وشراحيلي اتوقع يصد الصعب ويجلي السهل هذا عيبه

الهلال يحتاج محور ومهاجم جلاد

يبن الحلال اسباب الخساره ان الاداره مطفره ولا قدرت تشتري لاعبين إلى متى نكذب على بعضنا لازم ننتظر لين نسدد الديون وبعدها ندور على التعاقدات والمعسكر الصيفي الجاي راح يصعدون لاعبين من الاولمبي كل الانديه تقريبآ مكتمله صفوفها إلا الهلال

اتمنى يكون حكمنا منطقي مافيه لاعب واحد يتحمل الخساره الكوره تركب ع اي حارس حتى لو لم يكن أمامه لاعب مغطي حاول يمنع الكوره سريعه وقويه وفي زاويه صعبه ومع ذلك حاول بقوه ولكن كانت أسرع من ردة فعله ومع ذلك يجب التركيز ع ذلك في التمارين
الفريق كله اليوم كان تحت المستوى والجمهور حضوره مخجله ومعيب ان ننتقد وننسى أنفسنا.
هاردلك يازعماء

أولاً حنا ما استفدنا من 70% للهلال و30% للإتحاد

الاتحاديين لعبوها صح بالتشجيع المتواصل مقابل خذلان الجمهور الهلالي

فصار الزعيم كأنه يلعب في ملعبهم وهذي مؤثرة جداً فريقك جايب كاس

وراح طاشكند ورجع وقابل الاتحاد في اسبوع واحد ، ترى اللاعبين ماهم آلات

ثانياً الأسطورة الدعيع يقول أتحدى أي حارس يصد الكورة اللي أمس.

ثالثاً أتوقع ان شراحيلي نظره ضعيف ، الحل يتأكدون من هذا الشي.

رابعاً اذا تمرن على التعامل مع الكرات البعيده يمكن يصد 50% منها ع أقل تقدير.

خامساً وهو الأهم حسبي الله عليك يا أحمد عيد والعتب ع اللي يشد ظهره بعبد الله بن مساعد

وأحمد الخميس ، الهلاليين اذا راحوا الاتحاد السعودي قلبوا ع النادي ما أدري ليش

العام في كرة السوما كان الحارس السديري


السبب الحقيقي في الوسط وخاصة في سلمان الفرج اكثر تمريراته خطاء وقليل التصرف في حال الضغط عليه

الهلال يبغى له محور قوي وشرس على الكرة ... المفروض يتم تغيير سلمان الفرج والابقاء على عطيف