#1  
قديم 21/02/2016, 07:19 PM
الصورة الرمزية الخاصة بـ بندر الخنيفر ( هبوب )
زعيــم متألــق
تاريخ التسجيل: 28/09/2008
المكان: بندرالخنيفر/هبوب/أشيقرالرياض
مشاركات: 1,071
Smile رفيق الفيافي : كلمات الهبوب 1437 هـ

رفيق الفيافي
أهلاً هلا بك.. يا رفيق الفيافي
يالصاحب المقصود باسمه ولونه
ترى الوصل (معروف) ليش التجافي
ومواصل الوافين من هو يخونه
وانا أحب اللي على الوصل وافي
يعطي من اشكال التواصل فنونه
اللي (على وصله) صدوقٍ سنافي
وله مجلسٍ بالطيب فايح دخونه
واشره على اللي باللقا ما يشافي
وعن خوة الاحباب عايش بدونه
كم واحدٍ عنا علومه خوافي
نجهل ظروفه والبشر يفقدونه
وكم واحدٍ طبعه ولا به خلافي
واللي قطوع.. الناس ما يذكرونه
وكم واحدٍ يظهر عليه اختلافي
معذور .. لكن تختلف به ظنونه
أحدٍ وصاله.. كنه الليل طافي
مثل الظلام. وما تحرك سكونه
واحدٍ وصاله.. كنه الصبح صافي
نور لكل الناس واسع بكونه
ياللي تبي وصل النفوس اللطافي
تلقى مع الوافين ناسٍ حنونه
وان كان تقطع.. لا تجي باعترافي
كم عاقلٍ بالصمت حافظ جنونه
ننظم قصايدنا بزين القوافي
من شاعرٍ ما سِكّر البيت دونه
واليا طربت انشاد والصوت دافي
من يسمعه من قلب تذرف عيونه
غنيت لحنٍ عاطفي باحترافي
ويذكرك وقتٍ مضى من لحونه
واهديتها لك.. يا خوي الفيافي
يالصاحب المقصود باسمه ولونه

#بندر_الخنيفر
اضافة رد مع اقتباس
  #2  
قديم 23/02/2016, 05:23 AM
الصورة الرمزية الخاصة بـ classic 2010
زعيــم مميــز
تاريخ التسجيل: 26/02/2010
المكان: interlaken
مشاركات: 8,126
الله يعطيك العافية

كلمات جميلة
اضافة رد مع اقتباس
  #3  
قديم 03/03/2016, 03:50 PM
الصورة الرمزية الخاصة بـ بندر الخنيفر ( هبوب )
زعيــم متألــق
تاريخ التسجيل: 28/09/2008
المكان: بندرالخنيفر/هبوب/أشيقرالرياض
مشاركات: 1,071
الله يعافيك

شكراً لك

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube