إقتباس الرسالة الأصلية كتبت بواسطة abumsa3d اشكرك على الموضوع الجميل وبارك الله فيك عندي تعقيب بسيط على بعض الردود انا صراحه ما اعرف افرق بين من وجة نظري وبين ما يستحق مقابل مركز الهلال حالياً فريق متصدر واعلى تهديف واقوى دفاع ومدربه من مركز الى مركز ويتقدم في التصنيف العالمي وانت واياه باقي تدور ورا الملكي وتحاول تهز ثقة الجمهور بالمدرب عبر الردود او المواضيع الهدامه يالله تابع فريقك ابرك لك من اللي تسويه

مشكور اخوي على مرورك الرائع .. وربي اني معك .. انا اطالب بالوقوف مع دونيس لانه قاعد يقدم مع الفريق .. لكن وانا اخوك .. بعض الاعضاء .. مايعجبهم شي !

تسلم اناملك ياغالي

ياالشباب الواعي والمحب للزعيم ككيان نأمل مساندة الفريق حتى آخر الموسم ولكل حادث حديث.كثر البربره ماتجيب الدوري وباقي البطولات إن شاء الله تعالى . فقط دعوا المدرب يعمل في هدوء
(لا نريد جمهور لاعب معين فقط... نحتاج جمهور يساند كل الفريق)

إقتباس الرسالة الأصلية كتبت بواسطة love shalhob في البداية احب اشكر كل من: جمهور بن ازرق ، واثق جدا ، الحوت الازرق 999 ، تايبي جدا ، العتريس ، ازرق هلالي1 ، الازرق عشق ، 11 الهلال 11 ، لابو لابو ، الفهد. على مرورهم واحترامهم للموضوع .. واقولهم مشكورين على المشاركة معي بالنسبة للاخوان .. اولا hilalicanada احب اقولك .. احترم وجهه نظرك .. لكن انا ماقلت شي من عندي .. ماعرف هل انت كتبت وانت زعلان .. او انك ماتشوف الي احنا نشوفه في السوشال ميديا .. دونيس محارب من بعض الهلالين ماقلت الكل .. ومنهم شاكلتك .. ماعرفت اي صف انت في البداية قلت هزلت الوقوف مع المدرب وفي النصف قلت يقص لسان الي يفكر يترك دونيس .. وانا وموضوعي مو قاعدين نعكر استقرار الفريق اقرا كلامي كويس وتكلم .. انا اطالب بالوقوف مع الفريق عشان نحفظ الاستقرار. اما aommasi وين التدخل الي تتكلم عنه في موضوعي .. ياشباب .. انتو متاكدين انكم قريتو موضوعي كويس ولا تبون تتمشكلون مع اي احد؟ وفي النهاية مشكورين ع مروركم .. وااتاسف مرة اخرى لمن لم يعجبه موضوعي انا قلتها وجهه نظر .. املك الحق في قولها كـ هلالي .. الهلال نادي بجمهوره .. والجمهور له رايه شكرا

مو ذنبي انك ماتفهم

ومب انا الي موضوعي بوجهين مثلك

الحمدلله انا اعرف اطقها بوجهك انت واشكالك ولاعندي فيكم

وانا اقول "هزلت" ان الهلاليين يسكتون لاشكالك تلمح بالمنتدى لتغيير مدرب نسبه فوزه تقريبا %90

المفروض كلهم يطالبون بطردك مع الي يحاولون هز استقرار النادي

والحين دامك فهمت قصدي... ارجع واقرأ الرد ثاني ياذكي

إقتباس الرسالة الأصلية كتبت بواسطة hilalicanada مو ذنبي انك ماتفهم ومب انا الي موضوعي بوجهين مثلك الحمدلله انا اعرف اطقها بوجهك انت واشكالك ولاعندي فيكم وانا اقول "هزلت" ان الهلاليين يسكتون لاشكالك تلمح بالمنتدى لتغيير مدرب نسبه فوزه تقريبا %90 المفروض كلهم يطالبون بطردك مع الي يحاولون هز استقرار النادي والحين دامك فهمت قصدي... ارجع واقرأ الرد ثاني ياذكي

اتق الله في نفسك .. انا قلت ابي اغير المدرب!! انا قلت اوقفو معاه وان نجح جددو معاه .. تقول اني قلت نغيره .. اخوي لاكتثر كلام مو مشكلتي ان كان استيعابك بطئ .. ومو محتاج رايكك عشان تشكك فيني .. واذا كنت بنطرد وهذا موضوعي الي اطالب فيه بالوقوف مع الفريق .. فهزلت صدق على اشكالك

إقتباس الرسالة الأصلية كتبت بواسطة توتو الشمري نحترم وجهة نظرك و نشكرك على الطرح ياصاحب الموضوع.. الاخ الي قال هزلت ننتظر المدرب لنهاية الموسم.. يقصد انه وجهة نظره ان دونيس مستمر مستمر لا احنا منتظرين ولا هم يحزنون .. و ليس قصده انه يتناقض ببقاء المدرب او رحيله و اما بعض البراميل بين قوسين برااميل الي يعطي المدرب 6 من 10 و الي يصفه بالجبان و و و هذولا لو تجلس معاه و تقوله عدد لي اسماء الفريق ماعدهم عذرهم خمسه دفاع.. هذا يعطيك انطباع ان نظرتهم ماتتعدا الورق..!! او ماتتعدا السمع..!! البريك و الشهراني طوال المباراة داخلين منطقة الـ ثمان طعش.. بمعنى اجنحه.. و لكن تتعب و انت تشرح الجوانب الفنيه مع برميل.. اتركه يسولف لين يدوخ.. ناقش الناس الي تفهم حتى بنقده فاهم.. دونيس بالارقام يلجمهم بالنتائج يلجمهم بالتغيير الجذري لمستوو الفريق ملجمهم بالمركز ملجمهم بالجوانب الفنيه لدى بعض عناصر الفريق ملجمهم بالكم التهديفي ملجمهم انا مادري هالحرب المقننه على المدرب ليه و على اي اساس..!!! ابي واحد بس يعطيني سبب و انا راح اتجاوب معاه بالكم و التفصيل دونيس يقدم اداء ممتاز فما اقدر افسر هالحرب المقننه الا بقصد ضرب الاستقرار اما عن موضوعك اخي الحبيب فهو يستدرج البراميل و انظر للردود انا معاك بالتقييم اخر الموسم .. و حتى لو كان المدرب مين يكون و لكن مسالة ان الهلاليين منقسمين على دونيس فما اعتقد.. عطني الارقام و الاحصائيات و تعرف هل الجمهور منقسم ام لا لذلك اخي الحبيب.. من هم يحاولون ان يوهموا ان الجمهور منقسم هم البرااااميل الي حضروا بموضوعك و رموا كلمتين و راحوا هؤلاء هم العينات الي تبي توهم الزعماء انه فيه انقسام على دونيس اما الجمهور النقي الي يدعم الزعيم باسواء حالاته صدقني لا ينظرون الا لمكانة الزعيم و النتائج فقط لا نوهم انفسنا انه فيه جمهور من الانقياء منقسمين او معارضين بل هم ثُله قليله هدفهم زعزعة الفريق في هذه المرحله اكثر من سابقتها عموماً صدقني وجه السعد احرص من الجميع على بقاء دونيس او رحيله نعم يحق لكل مشجع النقد و الانتقاد و الحرص على كيانه لكن اقرب مثال خذ لك عينه من بعض البراميل الي اتوا و ردوا و ستعرف انه ولا واحد فيهم يعطيك سلبيات فنيه خاصة من ناحية المدرب..! فقط جبان ، ليه يلعب بخمسه دفاع ، احلل هالجمله الف مره لا اجد لها مكان بالمستطيل الاخضر عموماً لا تتوقع انه فيه انقسام بل هذا ما يتمنونه بشغف و لكن يوجد طرح سواء كان باشراك لاعبين او تصعيد او تعديل بعض الاخطاء اما على صعيد النتائج و المراكز و المستوى فلا يوجد شي من هـ القبيل تحياتي بشخصك الكريم..

ارفع لك العقال .. والقبعة ع ردك المثالي .. يمكن انا فهمت الرجل خطا مثل مافهمني خطا .. وانا معاك من يطالب بتغيير المدرب مايعرف كورة .. انا كتبت الموضوع لكثرة المواضيع الا تكره دونيس ... بالنسبة لبعض جهال الكورة .. فالملعب يرد عليهم بتكتيك دونيس

مشكور الف شكر .. ع مرورك

السلام عليكم :- اما بعد

اخي كاتب الموضوع ارجو ان تتقبل ردي على ما كتبت وان تسمح لي على التعقيب على بعض ردود الاعضاء في موضوعك بصدر رحب

اولا اهنيك على وجهة نظرك ورؤيتك الفنيه لعمل المدرب الكبير دونيس وتأيدك له و تنوير بعض جمهور الهلال الي ممكن انه يحب ينتقد لمجرد انه يبي ينتقد فقط و السوشل ميديا يعج بلكثير من هؤلا الي ممكن انهم ما يعرفون في الكوره الا الاهداف و نجمهم المحبوب في التشكيله وهذا غلط من قبلهم ... مثل ما تفضلت في موضوعك ان دونيس افضل المدربين في الدوري السعودي رقميا وايضا يتفوق على بعض المدربين العالمين في التصنيف العالمي وعلى مشارف انه يحطم ارقام مدربين كبار مثل (جريتس,كوزمين) بعدد مباريات اقل .. فأنا من موجهة نظري ارى ان مباراة الهلال و الوحده امس كانت من اقوى وافضل المباريات الي كان فيها تكتيك عالي جدا والاعبين نفذوها بحذافيرها وكأننا نرى احد الفرق الاوربيه الكبيره في كره القدم مع تحفظي على بعض البطئ من الاعبين في التحرك و التمرير.

اما بلنسبه لبعض ردود الاعضاء في موضوعك و اتهام دونيس بأنه فاشل وخواف فياريت انهم يتكلمون بعقلانيه و بواقع ما نراه وانصاف كل من يقدم للهلال الافضل تجنبا لاعتقادنا نحن الجمهور الهلالي بأنه مندس لاسمح الله او انه ما يفقه في الكوره الا اسمها

الجمهور الهلالي

الحمد لله على شيئين حصلت ، الاولى ادارة الهلال الواعيه القويه متمثله في شخصيه نواف بن سعد ، الذي لا تؤثر فيه نتائج وقتيه واي اخفاق مؤقت ، ويجعله يهد مابناه مثل غيره باقالة مدرب او تغير لاعب ، .

ثانيا / نحمد الله على الازمه الماليه ، التي لاتجعلنا نفكر بهدر اموال النادي كما كان يحدث ، بتغيير مدرب ، وتبديل اجتبي محل اجنبي ، وجلب اشباه اللاعبين لمجرد مطالبة كم واحد من الجمهور ، .

اما موضوعك فاتفق معاك ، دونيس رغم السلبيات القليله القاتله ، الا ان له ايجابيات كلها تصب في مصلحة الزعيم ومستقبله ، الكل شغهد تاثير الكل شاهد تاثير الاجانب بالفريق ، حال حضروا وحال غابوا ، وذا ان دل على حسن اختيار المدرب ، بالمطالبه ببقاء من بقوا ، واحضار من وفد جديدا على الفريق ، الان الهلال اصبحت له هويه وطريقة فنيه ثابته ، كانك تشاهد منتخب اليابان بطريقة اللعب ، من خلال الاستمرار على النهج التكتيكي طول المباراه وعدم تاثير ولوج هدف على الاداء الفني وطريقة تنفيذ الخطه ، فالفريق يعمل حتى نهاية دقائق المباراة ولا يستعجل الفوز ولا التعديل من خلال الاندفاع الاهوج ، بل ينظم الهجمه بطريقة فنيه عاليه حتى تنتهي بالشباك ، ولاحظ ان هذا حصل تقريبا بجميع مباريات الهلال ، وغالبا ما يعود الى المباراه ، اتمنى التوفيق للهلال يارب دائما وابدا ، واشكرك على موضوعك .

تدري وش عيب الهلال عدم اللعب بمهاجمين ثنين
حتى امام الفرق الضعيفه والمصيبه كل المدربين كذا
واذا تذكرون اياب امام سدني فريق حواري وتلعب امامه
بمهاجم واحد يوم راح الوقت اشرك ياسر مهاجم ثاني بعد مانضغط الفريق
مع اني متوقع مليون في المئه لو لعب بمهاجمين ثنين من البدايه حقق اسيا لكن اللي مايكتب عسر

إقتباس الرسالة الأصلية كتبت بواسطة هلالي المزاح100 تدري وش عيب الهلال عدم اللعب بمهاجمين ثنين حتى امام الفرق الضعيفه والمصيبه كل المدربين كذا واذا تذكرون اياب امام سدني فريق حواري وتلعب امامه بمهاجم واحد يوم راح الوقت اشرك ياسر مهاجم ثاني بعد مانضغط الفريق مع اني متوقع مليون في المئه لو لعب بمهاجمين ثنين من البدايه حقق اسيا لكن اللي مايكتب عسر

هذي تشكيله الهلال لان واضح ان التشكيل على الورق مهم عندكم بشكل كبير بس بغيت اعطيك معلومه بالاول ..بالتسعينات فقط اللي كل لاعب يلتزم بمركزه الحين الوضع تغير ممكن لاعب ظهير تشوفه مهاجم جناح مثل البريك والشهراني بمباراة الوحدة وممكن يكون جناح وسط مثل مباراة النهضه هذا كمثال وهذي التشكيلة اللي لاحظت ان الهلال يلعب بها
شراحيلي
ديقاو-كواك-جحفلي
الفرج
الشهراني-الشلهوب-سالم-البريك
ادواردو-الميدا

دونيس يفوزَ بصعوبةَ تلاعبَ بالاعصابَ مثل كوزمين سابقاَ نفوزَ بشقَ الانفسَ
اما دونيسَ امامَ الاتحاد والاهلي الإماراتي والاهلي بسببَ تشكيلتهَ!
حتى الأنَ اي فريق صغير امَ كبيرَ يستحوذَ امامَ الهلاَل منَ ناحيةَ وسط الملعبَ منذ متىَ يفعلونَ هكذاَ؟
اي هجمهَ مرتدهَ تسببَ قلقَ كبير لدفاعناَ بسببَ الهجومَ المبالغَ والدفاعَ الكثيرَ اللتي لابصمهَ لها! رغم كثرهمَ!

نرجع لكوزمين!
كوزمين كانَ مدرب تكتيكيَ دفاعيَ بحت والغريب كان يلعب 442 وأحيانا 451؟ ونفوزَ بالغصبَ ولكن بعد معاناة أو بعد إرهاق الخصم؟ وسبب ايام ياسر كذلك!

دونيس و كوزمين الأول عباطه الثانيَ ينّضم الدفاع لكي يفوز!

سابقا الهلال كان يفوز بقوه ومن الشوط الأول يحسمها بسببين
الأول تنظيم الدفاع ثانيا تكثيف الوسط!
نجحت مع جيريتس وأعاد هيبة زعيمنا الهلالي! ودفاعنا من هم! هوساوي والمرشدي! ؟

الان ديقاو و كواك أفضل قلوب دفاع أجانب حاليا؟ بالدوري
لماذا أصبح دفاعنا سهل؟
لان لايوجد محورين بقتالية رادوي وعزيز!
عمر الغامدي و عزيز أيضا؟

الان لايوجد احد هؤلاء الثلاثه إلى كريري فقط! دفاعي
والآن يعابط بلعبه ليبرو! منذ متى يلعب كريري ب المكانَ هذا؟

والآن لابد أن يتراجع عن قناعاته المميته والمحبطه لنا كجماهير والمحبطه فنياَ

لماذا لايلعب 451 أو 442 لماذا ثلاث قلوب!

الان بإمكانه تصحيح التشكيلة ولن تصح إلا بسبب واحد وجود محور صلب بجانب كريري سواء أجنبي ام محلي ِ! وإبقاء كواك وديقاو قلبين دفاع!

تخيل معي هذه التشكيله

شراحيلي
الزوري. ديقاو. كواك. الشهراني
كريري. محلي أجنبي

العابد. دواردو. سالم

الشمراني أو بديل التون مهاجم

الان قفلت دفاعك واكثرت وسطك!

اللي ابي اوصل له من خلال موضوعك
هو ( ليس السباك من يلعب بطريقه دفاعيه) بل السباك أن يترك دفاعه مفتوحا ويتلقى أهدافا ولا يعلم ماذا يفعل) ؟!!

من خلال ردي السابق لك
المدرب أكبر خطأ تغييره مدربنا جيد
بس فيه أخطاء منه لازم يعدلها وبس.

شكرا لموضوعك

للاسف اغلب من ينتقد دونيس من جماهير الهلال هم جماهير لاعبين ، وينتقد المدرب فقط لان لاعبه المفضل بالدكه ولا يلعب ..


مدرب أكمل تقريبا ثلاث ارباع موسم لم يخسر الا اربع مباريات ونسبة الفوز 90% ، ويجيك واحد يطالب بتغيير المدرب


مالكم كيف تحكمون ؟؟؟

اشككر كل من شارك في موضوعي .. على عيني وراسي من فوق

إقتباس الرسالة الأصلية كتبت بواسطة وسيم جدة باقي عندنا مباريات مع الاهلي والاتحاد والفقر ونشوف دونيس حقكم ايش يسوي مع الاهلي اللي التعاون بربع امكانيات الهلال كان يستحق الفوز ع الاهلي لولا الحظ والسبب انه يملك مدرب ذكي جداً ولو جاء الهلال راح يتغير الفريق 360ْ

بالنسبة للاخ وسيم جدة .. دونيس مع الهلال .. جعل نسبة الفوز 90% .. 5% تعادل وخسارة .. فريقك لايتاثر بالغيابات بسبب التدوير .. في كل مركز ثلاث لاعبين يتنافسون .. ومتصدر ومتاهل للناهئي ودور الثمانية .. شتبي اكثر؟؟