حبيت اكتب عن موضوع الهلال والدفاع والله ياجماعة الخير المفروض يكون هناك احتياطي دفاعي جيد يعوضنا عن ديقاوو الاداره لماذا لم تنتبه لهذا الشي وهذا شي مهم في الهلال المفروض يكون هناك بديل لديقاو بديل جيد ويريحنا من مشاكل ديقاو الشي الاخر المفروض يكون هناك بديل للهجوم للوسط للمحور لدفاع للاظهره ويكون بديل جيد وفعال بصراحه الهلال مر بسنين كان الاحتياط اشبه بالهجوم وكان الاحتياط جيد وفعال وكان يقدم للهلال الشي الكثبر اما الحين فالله يعيننا لو اختفا او اصيب او حصل على كرت اصفر مانقدر تعوض بغيره لازم نتعب ندور غيره الاداراه لازم تتحرك وتجيب بديل وباذن الله باذن الله ابشرو بجميع االبطولات على فكره فعلها الهلال سابقا والاتحاد والنصر قبل سنيتن يعني اذا تبي بطوله جيب بديل ممتاز يعطي في الملعب ولا نخاف لو احد اصيب.. اتمنى الموضوع ينيل على اعجابكم وشكرا

حسين ركز الله يعافيك الهلال لعب بدون قلوب الدفاع الأساسيين وفاز ولعب بدون مهاجمين أساسيين وفاز ولعب بدون محاور وفاز !
الفريق بشكل عام جيد تخلصنا من المسلم والحمد والبيشي والفضل والشامخ والعليوي والحافظ والدعيع بالاعارة واتوقع نهاية الموسم سيتم مخالصة أكثرهم ممكن إعادة الدعيع واتمنى ايضا بيع عقود السالم والقرني نهاية الموسم وستكون الأسماء بالكشوفات شراحيلي والسديري والثنيان والواكد والحيدري للحراسة . والزوري والشهراني ظهير ايسر والبريك ظهير ايمن . وجحفلي وشراحيلي قلبي دفاع مع ديقاو وكواك وسيعود الدعيع والحافظ من يثبت نفسه ويشارك أساسي ويقدم مستوى جيد مع فريقه . عطيف والشريد وكريري والقرني محاور . العابد والفرج وسط يسار . سالم وكعبي وسط يمين . الشلهوب وعبدالكريم والسواط لصناعة اللعب . ياسر وناصر وعزوز والسالم والميدا وادواردو مهاجمين ويبقى درويش لاعب جوكر !
هنا قد يكون الظهير الأيمن المركز الأكثر حاجة للدعم لأنه لا يوجد سوى البريك ثم المحور لأن القرني وكريري تقريبا نهاية الموسم تنتهي عقودهم وقد نحتاج للاعب لهذا المركز ربما بدلا من كواك ثم صانع لعب لأن الشلهوب أيضا ينتهي عقده نهاية الموسم وبالتأكيد سيكون محترف أجنبي ثم الهجوم
محليا قد لا نجد من يغري للتعاقد معه ربما يكون تصعيد ومشاركة المنيع والبقعاوي واليامي حل مع أجنبي هداف لأن ياسر وناصر أيضا تنتهي عقودهم نهاية الموسم والسالم لا يمكن ان يكون مهاجم الفريق
.

الدفاع كأفراد ليسوا مشكلة
المشكلة في التنظيم الدفاعي لفريق هجومي

والله لو انك اطرش وتتابع مباريات الهلال عن طريق الراديو ماقلت هالحكي!!!

لا معلومات صحيحه ولا قرائه فنيه سليمه ولا شي...

كن احد حاكي لك عن وضع الهلال باسلوب مبالغ فيه وانت زدت عليها من كيسك

لو نجيب لك اصغر هلالي يحجي عليك قصص مباريات الهلال كان اشرف لك من الي يقص عليك سوالف من جيبه

النقص الوحيد الي في الفريق هو في مركز المحور "الدفاعي"

اما باقي المراكز فعندنا 5 لاعبين في كل مركز

الحراسه: شراحيلي، سديري، ثنيان، الواكد، مروان الحيدري

قلوب الدفاع: ديقاو، احمد شراحيلي، كواك، جحفلي، الحافظ

اظهره: الشهراني، البريك، درويش، الزوري، (سلمان الفرج إذا تطلب الامر)

محور دفاعي: كريري. (سلمان الفرج إذا تطلب الامر)، القرني، { مركز نقص }

وسط: شلهوب، نواف العابد، سلمان الفرج، سالم الدوسري، كعبي، عزوز الدوسري

هجوم: ياسر القحطاني، الشمراني، السالم، الميدا، ادواردو


*ما بقي لنا الحين إلا نجيب لك 5 مدربين عشان يقنعونك ان كلامك هرتله وكلام فاضي


وآخر شي نقوله هو "جحفلي مربي الفقر" يسلم عليكم

وسلامتكم

صراح موضوع غريب عجيب لدرجة اني رحت أتأكد من تاريخ طرح الموضوع لا يكون من سنتين !!!!!!!
تابع الهلال بعدين اطرح مواضيع والا خلك لاهي بشغلك احسن حتى الي غير هلالي يستحي ومايقدر
يقول هالكلام لان ماحد مصدقه من الاخر ماعندك سالفه .

الهلال ينقصه
اولا محور دفاعي
ثانيا صانع العاب
وتكمل القصة

للاسف الهلال ليس لديه قلبي دفاع ولا محور دفاعي
ولن يذهب الهلا بعيدا في جميع البطولات
اضافه الى انه لا يملك مهاجم صريح

الهلال بمجرد غياب ديقاو ينكشف دفاعه ، والإدارة مُصرة على بقاء الفاشل كواك الذي كنا متوقعين تغييره في الفترة الشتوية واستبداله بلاعب محور من طينة خالد عزيز ورادوي أو على الأقل ارجاع بنتلي ، وكذلك جلب صانع لعب على مستوى عالي بديلاً لالميدا ويتم تحويل ادواردو ليكون مهاجم صريح .

الهلال يحتاج محور دفاعي
لايوجد الا كريري وهو كبير في السن ويلعب فقط بخبرته.
ايضا صانع لعب لايوجد غير الشلهوب.وكثر خيره بها السن ويعطي.
ايضا يحتاج رأس حربه هداف . لايوجد غير الشمراني والذي للأسف فقد الحس التهديفي.
اما الدفاع لايوجد الا ديقاو وبمجرد اصابته ينكشف الدفاع الهلالي.
اما الحراسة الهلالية والاظهرة والاطراف وخاصة من الناحيه الهجوميه فهي ممتازة.