أقول المندسين ومطاريس الفقر والطحالب والله ياوحدن اسمعه يتكلم برم على زعيمهم وزعيم القرن بربع كلمة إني لااجلده جلد التسلاب واسمجره بخيزرانة عندي حتى يعرف أن الله حق ..ومثلهم هالمبزره التالين اللي طالعين لي كلن حاطن روحه يامحلل يامدرب ؟؟ الله واكبر بين يوم وليله صرتو تحللون وخبراء فنيين؟
لعنبو بليسكم ماتعقلون أنتم؟ ماتفهمون؟ ويين عقولكم؟؟ انتم صاحيين؟
الحييييين الهلال الأول وبهالمستوى اللي كلن يتمناه والعالم متموستن تسبودهم قهر بمستواه وهذا حتسيكم؟؟ ولا بس حكتن باللسان ومع الخيل ياشقرا؟ كل من جا بالإعلام وقاله كلمتين طرتو معه بالعجه؟
عويذ الله من شركم فكونا ..ياتكلمو مثل الاوادم ..ارفعو المعنويات من غير نفاق وانتقدو مثل الناس بطريقه محترمه ومقبوله من غير تكسير للمجاديف ..ولا إذا ماتعرفون تحسون اسكتو وفكونا من شركم
بمن جد بعض الموجودين أتوقع لو نجيب فابيو كابلو يدرب الهلال الصبح ومورينيو يدربهم العصر وفينقر يدربهم بالليل وبإشراف جارديولا وسامي الجابر ويأخذ الهلال كل البطولات المحليه مع كأس آسيا ويلعب نهائي مع برشلونه بكأس أندية العالم ويتقدم الهلال واحد صفر وبالدقيقه 95 يسجل برشلونة التعادل ويفوزون على الهلال بركلات الترجيح طلع لك منهم من يقول المدربين سباكين والاداره ضايعه؟؟