عتب الحليم ! I قصيده جديده .. - نادي الهلال السعودي - شبكة الزعيم

بندر الخنيفر ( هبوب ) · #1 21/12/2015, 12:33 AM

اعتبر لي صَوت وان حده مدا
لا فقدته ..... ما جبرتك تنتبه
احتفظ لي قدر ، ما يلحق ردا
لو جفاك الصّمت، حبري يكتبه
لا تشرّه .!! وانت ما ترجِع ندا
مثل وضعي لا لـ صدقي تشتبه
والظروف ؛ الله لا يجعلها فدا
كان بنقص عقب عذري مرتبه
لا يروح -اللي كتبته لك- سدا
ما يطيح الباب، من هَد اعتبه
ما طلبتك ترجع ل صَوتي صدا
وكم صَوتٍ قد نسِي بالمكتبه
لكن احفظ (للبقى) وَصلٍ بدا
والحليم احذره! لا يبدي عتبه
#بندر_الخنيفر
BandarHabob

بن جبله المطيري · #2 21/12/2015, 08:27 AM

من طول الغيبااات جااب الغنااايم...

صح لسااانك ولافض فوك

وبانتظاار جديدك يالذيب

بندر الخنيفر ( هبوب ) · #3 03/01/2016, 12:04 AM

أهم شي الغنايم يا بن جبله

كل الغنايم ما تعوّض غيابي
في قلب من نفسه على الوصل توّاق
وان كان من قيمه قراية كتابي
الحرف من فوق الورق جاك برّاق
حيّاك يا من قد وصل حد بابي
وبيّاك يا من هو على الشّعر سبّاق

بن جبله المطيري · #4 03/01/2016, 12:20 PM

إقتباس

الرسالة الأصلية كتبت بواسطة بندر الخنيفر ( هبوب )


	أهم شي الغنايم يا بن جبله كل الغنايم ما تعوّض غيابي في قلب من نفسه على الوصل توّاق وان كان من قيمه قراية كتابي الحرف من فوق الورق جاك برّاق حيّاك يا من قد وصل حد بابي وبيّاك يا من هو على الشّعر سبّاق

الله الله يالذيب...

لله درك يابو الغناايم..

بندر الخنيفر ( هبوب ) · #5 09/01/2016, 01:12 PM

تسلم يالغالي

لاهنت يا بن جبله