ليس من العيب أن تخطأ لكن العيب أن تستمر في الخطأ؟!!
 

بسم الله الرحمن الرحيم

في الحياه عادي تغلط مره ومرتين وتتحسن في التالته وبعدين تتعلم من غلطك وتعدلو
يعني الغلط مو وعيب ومافي انسان في هادي الحياه معصوم من الغلط ابد؟!!

ودونيس غلط بس المشكله مو في الغلط الي غلطو المشكله انو هوا مقتنع في غلطو ومهو شايفو غلط أصلا؟!!
ما أقلل من أمكانياتو ابدا وأغلب المحللين مدحو في الشغل الي عملو دونيس وواضه بصمتو بصراحه على الفريق
وإن خسر هادا ما يعني انو مهو كويس أكبر الفرق في العالم بتخسر عادي

جمهور الهلال العاشق بأكملو من حقو انو ينتقد المدرب
بس الأنتقاد ما يعني (التقليل من الأمكانيات)ابدا

من وجهت نظري انو الخطه الي هيا 5-4-1 مافيها مشكله ابدا مع الهلال وأشوفها كويسه
وان كانت نفس الخطه في كل مباراه هادا مهو مبرر للخساره ابدا

أول غلط من دونيس هوا إشراك لعيبه مهم في خانتهم؟!

وبعدين يلام الاعب ليش ما أدى كويس في المباراه؟!!!
اقرب مثال سعود كريري ملعبو في خانه مهي في خانتو ورغم هادا مأدي الي عليه وأذا غلط صراحه ما ينلام؟!!
يعني في قلب الدفاع عندك جحفلي كان جاهز في مباراه الأهلي ولعب كريري؟!!
وغير كدا عبد الله الحافظ مستني فرصه عشين يثبت وجودو بيها
وأشوف مباراه هجر أكبر فرصه لو لعب الحافظ كقلب دفاع بدل كريري؟!!!
لكن دونيس لم يستغل (ضعف المنافس)مع كامل أحترامي لنادي هجر وأعطى فرصه للحافظ في قلب الدفاع
وبعدين إذا أتورط لا سمح الله وأتصابو المدافعين يحط الاعب في الأمر الواقع وإذا غلط يبعدو بقرار أنضباطي؟!!
زي ماسار في أحمد شراحيلي وعبد الله السديري؟!!!

ثاني مثال سلمان الفرج لمن تلعبو محور لحالو وفي خانه أشوفها تقتل خطورتو الهجوميه ؟!!
يعني كلنا نعرف مستوى سلمان لمن يلعب وسط متقدم (محور هجومي) أو على الأطراف يبدع
ويعطيك لمسات حلوه ويوزع الكور بطريقه ممتازه ماشاء الله
وطبعا ما يشفعلو نزول مستواه فجأه وتلاعبو في الكوره بالطريقه تخلي الكوره تنقطع منو؟!!!

وثاني غلط هوا ابقاء الاعبين المتخاذلين في آداءهم وإلي للأسف نازل مستوياتهم في التشكيله الأساسيه؟!!

مع العلم أنو في لعيبه جاهزين بس يستنو فرصه من المدرب عشين يعطو كل الي عندهم
يعني مو معقوله دونيس مهو شايف العيبه الي في الملعب يراوغو كتير في الكوره ويخسروها؟!!
ولا شايف اللعيبه الي تنقطع منهم الكوره من الفلسفه الزايده؟!!
ولا اللعيبه الي يقتلو الهجمه ببرودهم وأستعراضهم؟!!!

هادولا اللعيبه الي زي كدا مع أحترامي لهم جميعا مكانهم (الدكه)الين ينعدلو
لانو في لعيبه غيرهم محتاجين لفرصه زي ما هما أخدو فرصه
عشين اللعيبه المستهترين لا يفكرو أنو هما (ضامنين)خانتهم ابدا

يعني بكل أختصار تلعب عدل الله يحييك ما تلعب عدل مكانك الدكه الين تعتدل:ranting:


وثالث غلط هوا عدم أعطاء فرص للاعبين الي في الأحتياط أو الأولمبي ومع العلم أنهم عندهم أمكانيات تخليهم يلعبو أساسي؟!!

يعني أذا سالم الدوسري وعزوز ونواف ما أعطو المستوى المطلوب
دونيس لازم يطلع عبد الكريم القحطاني والعمار والسواط الي جالسين يقدمو مستويات ملفته في الأولمبي
وأشوف انهم يستاهلو الفرصه زي ماأخدوها هما؟!!



نقاط سريعه


*جمهور الهلال الهلال العاشق من حقو أنو ينتقد بس في أسلوب للأنتقاد؟!!
*يجب الجلوس مع دونيس (إداريا) ومناقشته بوضع الفريق قبل فوات الاوان؟!!
*الإنتقاد والمعاتبه لدونيس لا تعني هدم ما تم بنائه أبدا لأنه لا يجب معالجه الخطأ بخطأ مثله؟!!
*يجب التدوير وخاصه في المباريات التي يكون فيها الخصم لا يجاري مستوى الهلال ليكون الاعب قد إعتاد على أجواء المباريات ويكون هناك البديل الجاهز عند أصابه اي لاعب لا سمح الله
*كثره المراوغه والأستعراض بدون فائده في الكوره لايفيد إيجابيا فهو لم يمنح الفوز والثلاثه نقاط فقط يمنحك التصفيق وضياع الكره في بعض الأحيان؟!!
*يوجد في لاعبين الهلال موهب كثيره لكن للأسف بعضهم لا يستغلو مهاراتهم في المرور والتمرير وصناعه هدف محقق يفيد مصلحه الفريق ؟!!



وفي النهايه لكل شخص وجهه نظؤ ومهما إختلفت وجهات النظر يبقى المعشوق واحد وهوا الهلال
وكلنا تهمنا مصلحه الهلال فوق كل شي s13s


اللهم صل وسلم على نبينا محمد وعلى آله وصحبه أجمعين

كلام جميل جداً وسليم 100%

من شخص فاهم كوره و متابع لا فض فوك

تحياتي لك

سلام عليكم .. دونيس مدرب واشتغل ع الفريق مااحد ينكر .. لكن خطته اللي يلعب فيها خطة صعبه جدا وماايطبقها اغلب واعتى الفرق الاوربيه هذي الخطه تعتمد ع المحور القوي المتعدد الادوار مع وجود سناتر سريعه لتغطية الاندفاع والفراغ في الوسط .. دونيس وقع في فخها اكثر من 4 مرات وكلها فشل فيها لذلك لابد التغغير ولعب الخطة المعروفه بدون فلسفه واعطاء الشمراني مكانه ... الميدا لاوجود له . والمشكله بكل مباراة يعدل خطائه ومره اعترف مدري ليه العناد ? هل من المعقول الاتحاد المتهالك يتقدم بنص ساعه 3_0 ... ي اخوان الكوره ماهي فيزياء ولا رياضيات ..وشكرا

قراءة جميلة بعيدة عن التسرع والأحكام الغير منطقية
يعطيكي العافية

في عهد كمبواريه صرح ان صانع العاب اختفى دوره ولم يعد لها قيمة أبدا
في عهد دونيس اصبح صانع اللعب والمحور الدفاعي لا أثر له ولذلك وضع أسوء اللاعبين فيه ليثبت للجميع ان الخانتين لا قيمة لها
إذا كان دونيس قال ان كريري لا يستطيع ان يقوم بأدوار المحور الدفاع فلماذا يزج به؟
أين القرني لماذا لا يشارك في خانة المحور؟
مشكلة دونيس تكمن في توظيف اللاعبين وتفريغ الوسط
إن كان مصر على 3-6-1 فليبقي كل لاعب في مكانه فالدفاع في الموسم الماضي كان في ديقاو وكواك وجحفلي وقدم مستوى رائع فلماذا الفلسفة وتضييع جهد الدفاع؟
فكرة دونيس ان الفريق لا يوجد فيه اجنحة تتميز بالهجوم والدفاع يعتمد عليها فلذلك وضع ثلاث قلوب دفاع حتى يعتمد على الاظهرة كحل لهذه المشكلة لكنه قضى عليها هذا الموسم بجلب مهاجمين مما فرغ الوسط وهو الذي كان مفرغا بسبب وجود ثلاثة مدافعين وليس عنده محور يعتمد عليه واقرب لاعب هو الفرج وتبين عوار ومشكلة هذه التشكيلة امام الفرق الكبيرة.
في اعتقادي الخامسة ثابتة بعد الاهلي الاماراتي ذهابا وايابا وامام الاتحاد وامام الاهلي سيكون المحك الخميس القادم امام النصر فهل سيعيد ترتيب اوراقه ويزج بالأسماء المناسبة بدلا من الاسماء المستهلكة؟
أتمنى ذلك.
لو لم يكن عند المدرب اسماء متميزة في الدكة وتعطي عطاء جيد في الملعب لم لمناه وانما لمنا الادارة لكن الاصرار على الكديش في كل مباراة هذه الكارثة.
بتواجد الحافظ بدلا من كريري وناص بدلا من الميدا والشهراني بدلا من الكعبي سيكون للفريق شأن آخر

فعلا لو كان لدينا مدير كرة فاهم لما حاول المدرب أن يكون كريري (أثقل لاعب ) محور ويلعب قشاش ساقط خلف قلبي الدفاع.
محليا فقط النخلي لاعب الفتح يستطيع القيام بهذا الدور فإذا كان المدرب مصرا على هذه الطريقة فيجب التعاقد مع النخلي ولو بالمقارنة مع السالم والمسلم والحمد والبيشي والفضل والشامخ والواكد والقرني والعليوي
يجب على الإدارة مناقشة المدرب فالمفرج قال إنه لن يكون هناك تغيير فالفترة الشتوية وهذا دليل على عدم معرفته بحاجة الفريق
معظم المحللين يرون عدم إيجابية بقاء كواك وحاجة الهلال إلى محور والمفرج يرى شيئا آخر