بسم الله الرحمن الرحيم
مساكم الله بالخير يازعماء والحمد لله على الصداره ..كتبت الموضوع لارد على مطالبات البعض بلاعبين واداريين وغيرها
السنه هذي والله يااخوان بمشيئة الله ستكون الاجمل في تاريخ الزعيم وكل المؤشرات تدل على ذلك

الرئيس / الكل يتمناه من زمان يتولى رئاسة الزعيم لانه اولا محب للكيان ولاهومن النوع الاخر راع فلاشات وايضا هو رجل فاهم كوره بما فيه الكفايه ورجل يتقبل كل الهلاليين صغيرهم وكبيرهم قديمهم وجديدهم بالرحب والسعه ..فاتح قلبه لكم جميعا ..صدق من سماه وجه السعد وحبيب الهلاليين
المدرب / الهلال من زمان يستطيع يلعب بدون مدرب ويفوز ويتصدر فلاعبيه وجماهيره مميزين ولكن يوجد بعض اللعيبه يحتاج من يضبطهم والله رزقنا بهالمدرب ورجل صادق في عمله وواضح 1+1=2 ماعنده لف ودوران
الضلع الثالث مدير الفريق / المفرج ياجماعة الخير المفرج تابعته من كان بالناشئين متشرب حب الهلال وللعلم يصغرني ممكن باكثر من 10 سنوات لكن هو الانسب ...فيه مدراء صارمين مره لكن من الافضل يكون المدير مرن فيه مثل يقول لاتكن قاسيا فتكسر ولا تكن لينا فتعصر ...والمفرج ارى انه يملك من قوة الشخصيه مالا يتوافر لكل من سبقه ولكن لاتتضح عصبيته لكم وهذا هو الرجل الحقيقي لايبان عنجهيته وشدته امام البشر وان احتاجها تطهر في وقتها

اللاعبين / الموجود الان من اللاعبين كلهم خير وبركه .....لكن نحن نقول اذا بالامكان التعاقد مع محور يساعد كريري وفي حال غيابه لاسمح الله والا كريري الان اعتذر للمنتخب ليتفرغ للزعيم
اذا بالامكان نتعاقد مع لاعب مدفعجي بالوسط واذا بالامكان عودة نيفيز والله ستكون اضافه للزعيم
كل اللاعبين الموجودين فيهم ايجابيات وفيهم سلبيات ولايخلو منها لاعب اوبشر ....مايصير نضغط على الاداره بان اللاعب الفلاني لانريده ونلغي وجوده تماما ...لكن اذا بالامكان نطلب الافضل

للمعلوميه / لاعبي الاردن الان انتشروا في الخليج وابدعوا ...السبب الماده يريدون الاموال والا والله ياجماعه في الثمانينات لم تكن كرة القدم عندهم متطوره بامكان اي فريق حواري بالمملكه يهزم فرقهم ..لقلة الكوادر التدريبيه الاجنبيه عندهم .ولكن الجد والاجتهاد جعلهم يتطورون ..فالان فرصه لنا هالمدرب يضغط على اللاعبين ليجدوا ويجتهدوا ويخرج مابجعبتهم فرجاء اتركوه يعمل وستندمون لو رحل

( اتمنى ارى الحافظ والسواط يمثلون الزعيم )

(ننتظر بفارغ الصبر عودة صاحب السمو الهجومي Y20)