السلام عليكم ورحمة الله وبركاته

عندما انتظر الآن مباراة الأهلي الإماراتي و جوانزو الصيني أقول كنّا على خطوة فقط ونلعب النهائي إلا كانت ثواني معدودة و الوصول للحلم الآسيوي ولكن قدر الله وماشاء فعل هي نقاط فقط متى ما عالجنا هذه المعاضل سوف نحقق الآسيوية بجهد الفريق

* العرضيات تشكل للجماهير الهلالية قلقاً كبير كم مرة ولج مرمانا هدفاً من عرضية هي بالأساس سهلة التصدي لكن الفريق هم من يصعبوها على أنفسهم مباراة الهلال وسيدني ذهاباً كيف سجل فريق سيدني كانت من كرة عرضية سهلة لكن فريق الهلال ساعدهم بالتسجيل

مباراتنا مع الأهلي الإماراتي ذهاباً و إياباً تعدلنا بالرياض من عرضية وخسرنا بالإمارات من عرضية وسط غفلة من الفريق أيضاً لاننسى أن السديري كان في كل المباريات كان موجود وكان من ضمن الأسباب

حتى وديقاو وكواك في الهلال حصلت الأخطاء

وأيضاً العرضيات اللي لنا لاتشكل خطر على الفريق المنافس ومن الذي ينفذ العرضية سوا الشلهوب فقط

*الإختراق الدفاع أيضاً مشكلة في ظل تمسك المدرب ب 5-1-3-1 اختراق الدفاع سهل كون لايوجد محاور تساند الدفاع سوى محور واحد فقط وعليه مهام دفاعية و هجومية ولحاله مايقدر يسوي شيء

* صانع اللعب من غير الشلهوب كصناعة بينية أدواردو مهاجم ثاني وليس صانع

الإحتياط عندما تُريد ان تنافس يجب أن يكون دكة الإحتياط مثل الأساسيين لكن الفريق لايملك دكة من نوع عالي وأنما تحصيل حاصل سوا واحد او اثنين فقط

أيضاً أين من كان بالأولمبي وعلى أنهم يصعدونهم للفريق الأول يجب أن يعطوا فرصة فهم الفريق القادم للهلال!

آسف على الإطالة وقد نختلف أو نتفق ولكن تبدو وجهة نظر لأكثر


اللهم صلِ وسلِم على نبينا محمد

آسيا ليست صعبه بل ضيعها علينا ضعف الاستعداد وتخاذل اللاعبين من امثال الفرج وديجاو والعابد وسالم ثم عناد المدرب .....
البطوله سنويه لكن للاسف نخرج منها بأخطاء سنويه متكرره

اتابع النهائي الان و بصراحة كنك تشوف مياراة بين الفيصلي و الرائد

غوانزو فريق فاشل و مضخمينه اعلانيا

الاهلي الاماراتي لو. يلعب نص لعبهم امام الهلال ل انهوا النتيجة من بدري.

لا اريد ان ارى مباراة للهلال يلعب فيها الفرج، سالم، العابد، السديري ، اضاعوا جهد سنة كاملة ... على قولة اهل مصر غورو عن وجيهنا و شوفو لكم فريق يلعبكم احتياط.

العنيد

اللهم صل وسلم وبارك على نبينا وحبيبنا محمد وعلى آله وصحبه أجمعين

فعلاً سهلة مره على فريق كالهلال المطلوب فقط أجانب يصنعون الفارق على مستوى صناعة

اللعب والهجوم ... تكثيف الدفاع بأجانب على حساب الوسط والهجوم لن يجلب لك أي بطولة

إلا بالحظ .... مع تواجد قلبي دفاع أجانب إلا أن المشاكل الدفاعية لا زالت حسب ما ذكرت

موجودة إذن أين الخلل ؟!!!

الخلل بضعف صناعة اللعب والمهاجمين لأنهم هم من يستطيعون تعويض أي إخفاق على

مستوى المدافعين .. مسألة عدم تلقي مرماك أهداف من الصعوبة بمكان وهذه هي كرة القدم

لكن هل هناك من اللاعبين لديك من تعتمد عليه بعد الله في التعويض وصنع الفارق ؟!!

كل الاشياء اللي ذكرته ولا شيء منه صح

اللي صعبها المدرب بتوقيف شراحيلي
واسيا بتوقيف ديقاو

المدرب اختار التوقيت الخطاء بتوقيف شراحيلي
والدليل السديري استقبل 9 اهداف في 3 مباراه

ياحبيبي عام 2010 انت كنت قاب قوسين او ادنى من الحصول على الكاس لكن مدربك جيرتس العظيم اغرته الفلووس وقام يخبص عشان يمشي وطارت منك .. ولا اقلك لاتروح بعيد .. السنة الماضية وصلت النهائي وضاعت المباراة بسبب المدرب رقم 1 ورقم 2 بسبب الحكم النجس .. السنة هذي كمان ضاعت البطولة بسبب المدرب رقم 1 والحكم رقم 2 لكن لما نجلس نبكي الحكم والحكم كل سنة بنصير زي النادي الوضيع اللي كلنا نعرفه .. آسيا مايبغالها عرضيات او كذا .. اسيا يبغالها مدرب فاهم في هالبطولات ويعرف يدرب مو خواف او عنيد زي دونيس على سبيل المثال .. وشكرا

انا اجزم لو كالديرون مثلا كان موجود بدل دونيس لوصل الهلال للنهائي بكل سهولة .. يارجال لو حطوني انا مدرب باذن الله يوقعون معي عقد السنة الجديدة هههههههههههه ياخي اذا انت مو فاهم التدريب كويس او ماعندك الخبرة الكافية عادي ياخي من استشار ماخاب ..لو تدخل تويتر بس وتقرا شوي تعرف الجماهير ايش تقول (دايما كلامنا صح ) يعني اشياء بديهية .. مباراة الاياب مطالب بالفوز طبيعي تلعب 4-3-3 او 4-4-2 الاطفال صاروا يلعبون بلايستيشن وفاهمين هالاشياء والخطط اكثر من كثير من الكبار يعني الشغلة ماهي اختراع صاروخ .. عندك ناصر الشمراني ويوسف السالم المنطقي انك تخلي يوسف مع احترامي له ينطق محله وناصر يلعب .. عندك العاهه (اللقب الجديد تبع السديري) في الفريق وعندك شراحيلي اكيد راح تترك السديري يلمع القفازات حقت شراحيلي حتى لو اخطا لانك تحتاج جميع عناصر الفريق عشان تاخذ بطولات .. يعني اشياء جدتي تفهمها مايبغالها مدرب عبقري لكن الشكوة لله .. اذا الهلال جاب مدرب كل الجماهير متفقه عليه صدقني بتوصل بعيد في كاس العالم للاندية وبيكون سجلك مشرف .. وجهة نظري وشكرا لكم

الاهلي الاماراتي يلعب النهائي بدون ضغوطات عكس الهلال الموسم الماضي
حتى لو الخصم صعب .. جوانزو .. عندهم حارس بطل وعندهم مدرب داهية دفاعياً " كوزمين "

أعجبني طرحك
العرضيات علينا تسجل بسهولة والعرضيات لنا لا تسجل
اتفق معك %100 والسبب مدافعينا لا يجيدون ضربات الرأس وكواك لا يريد أن يخرب تسريحة شعرة وآخرها مباراة القادسية!
وايضا مهاجمينا لا يجيدون ضربات الرأس عدا الميدا الذي اتمنى بقاءه . يارجل سنين ما شفنا ضارب رأس جيد بالهلال
صناعة اللعب والمحور مراكز ضعف لذا اتمنى منح كروم فرصة المشاركة صانع لعب وإشراك أحد محاور الأولمبي حسين القحطاني وعبدالعزيز الشريد وسلطان الفرحان ومهند فلاته حتى فترة الانتقالات الشتوية
واختيار محور مميز بدل كواك وعندها سيكون لدينا فريقا شبه مكتمل

بكل صراحة الهلال أفضل من هذين الفريقين .. كنت متوقع أن غوانزو فريق يهاب لكن التعاون أقوى منه لو جينا للحقيقة..!

حسبي الله على لعيبة الهلال المتخاذلين

حسبي الله عليهم مبتدأين في كره القدم يعلم ان اخر 5 دقايق امسك كوره و ضيع وقت والاغبياء يرجعون الكوره للاهلي والاهلي يرفع و ترجع عند السديري و يرجعها لهم ويرفعون ان ان سجلوا

اقسم بالله وانا اتابعها انقهرت وانا اقول امسكوا كوره

جيل معفن ولا تحلمون باسيا وهم موجودين

تفرجوا على النهائي و موتوا قهر بسبب تخاذل خمت الهلال جيل الدلع و الدشره و السهر ومقاطع الجوالات

للمعلوميه فقط لعيبه الهلال هم من تطلع لهم مقاطع سيئه

حسبي الله عليهم قهرونا كل سنه

نصيحه لا تفكرون في اسيا الا اذا انقلعوا من النادي

قول الي تقوله عن كلامي لكن في الاخير لا تكتب مثاليات وانت ميت قهر و خلك صادق مع نفسك

واقولك قبل ما تكتبها الدوري اهم و علشان مصلحه الفريق و انت صادق """المحليه""" اهم

تابعت المباراة وكما قال احد الاخوه هنا كانك تتابعت مباراة بين الفيصلي والرائد وليس نهائي اسيا..غوانزو افضل من اهلي دبي..ولكن حتى غوانزو ليس بذلك الفريق المرعب..وهو مبالغ فيه اعلاميا..
عندما شاهدت المباراة تفاءلت كثيرا بالموسم القادم في اسيا للهلال ان شاء الله..بشرط تصحيح بعض الاخطاء ومن اهمها ايجاد لاعبين محليين ذو فكر عالي يفيدون الفريق وليس بعض اللاعبين بدون ذكر اسماء لن يضيفوا شيئا بالمباريات المفصليه...
الهلال اذا حافظ على المدرب+الرباعي الاجنبي+التعاقد مع لاعبين محليين يفيدون الفريق ببعض المراكز كالمحور وصناعة اللعب ...اعتقد اذا وصل الهلال لدور ال8 بالنسخه القادمه فهو االبطل ان شاء الله..لان دور المجوعات وال16 طويل وصعب وهو اهم عقبه بنظري..
الهلال فنيا افضل من غوزانزو واهلي دبي لولا اخطاءنا نحن بداية من ديقاو للفرج لشراحيلي مرورا بخطاء الزوري والعابد باخر دقيقه من مباراة اهلي دبي...
باختصار اذا كان هذا هو غوزانزو افضل فريق و المرعب باسيا هذا مستواه فهي فرصه للهلال بالنسخه القادمه بشرط الاستقرار والتركيز واضافة بعض المحليين..وعدم الوقوع باخطاء الماضي كما حدث من ديقاو والفرج وشراحيلي..

السنه هذي للاسف ديقاو خذلنا بالايقاف وشراحيلي بعدم الانضباط والفرج بالبطاقات الصفراء
استغرب من ادارة الهلال عدم معاقبة ديقاو والفرج واقصد عقوبه قاسيه
بالنسبه لاسيا اتمنى ان نجلب صانع لغب مجنون ومهاجم فتاك هذا هو مهر اسيا
الميدا وسالم ونواف والفرج وغيرهم لاعبيين مزاجيين ولايعتمد عليهم نهائيا

إقتباس الرسالة الأصلية كتبت بواسطة الازرق العنيد اتابع النهائي الان و بصراحة كنك تشوف مياراة بين الفيصلي و الرائد غوانزو فريق فاشل و مضخمينه اعلانيا الاهلي الاماراتي لو. يلعب نص لعبهم امام الهلال ل انهوا النتيجة من بدري. لا اريد ان ارى مباراة للهلال يلعب فيها الفرج، سالم، العابد، السديري ، اضاعوا جهد سنة كاملة ... على قولة اهل مصر غورو عن وجيهنا و شوفو لكم فريق يلعبكم احتياط. العنيد

أولا: فريق جوانزوا فريق منظم جدا ويمتلك أسماء بمستوى عالي جدا
وطبيعي جدا في أرض غير أرضه وتغير الأجواء عليه راح ينخفض مستواه ومع هذا أضاع 3 فرص محققة وكان أكثر استحواذ..أضف لذلك كوزمين لعب بنفس طريقته أمام الهلال فكان مقفل وكان يريدها تعادل سلبي فحصل له مايريده..
ثانيا: أنا ملاحظك من فترة وفي جميع تداخلاتك في أي موضوع بمناسبة وبغير مناسبة تركيزك على لعيبة الهلال كلا من : ( الفرج، العابد،سالم الدوسري، السديري) ؟؟؟ فما أدري وش مشكلتك بالضبط معهم؟؟؟ أنا ليش أقول الكلام هذا ويمكن أول مرة إطلع عن النص؟ لأنه بصراحة ماني شايف كلامك أو نقدك نقد متزن وهادف؟
احيانا التمس لك العذر وأقول ردة فعل عاطفية!! لكن مع متابعة ردودك لاحظتك مركز تركيز عالي على هاذي الأسماء !! والأغرب أن كثير منهم في المنتخب؟؟
عندك اقتراح أو حل أطرحه وعادي حتى لو كان طرحك منفعل .. لكن أهم شي من غير ذكر أسماء لاعبين حتى لو كنت غير مقتنع بهم !! لكن بإمكانك إنك تذكر الخانات الضعيفة في الفريق وتذكر اقتراحك بتدعيمها وإدارة الفريق مش غبية بحيث إنها ما تعرف من هم أصحاب الخانات الضعيفة.. أما أنك تشخصن الأمور بإصرارك بذكر هذه الأسماء في كل مناسبة وفي كل موضوع وكأن بينك وبينهم مشاكل مالية او شخصية !!! فهذا أبدأ مايليق ولا له مكان في هذا المنتدى بل ومخالف لثقافة الكيان العظيم الزعيم العالمي ..وأنت رجل قديم يفترض أن نستفيد منك ونتعلم منك..
اقتراحتنا وانتقاداتنا يجب أن تكون لصالح الفريق وليست حربا وتفكك الفريق !!

آسيا ثمنها فريق قوي ومتكامل وعلى مستوى عالي... مدرب + لاعبين + إدارة = آسيا

مب كل سنه تشارك ناقص لاعبين او اجانب زباله
لان انديه آسيا تشتري افضل الاجانب + تجنس افضل الاجانب

لذا ما ينفع نشارك بآسيا بقائمه لاعبين فيها: العنقري، ياسر الياس، جوستافو، مانجان، نامي، غنام، زوري، قرني، كوري معتزل، اوزيا، ساماراس...... إلخ
هذولا لاعبين فنيا دون مستوى الهلال قد نكبونا قدام اصغر اندية الدوري السعودي... فما بالكم بآسيا؟
وما يلزمني اساساً لاعب يبدع في 7 مباريات وينكب الفريق في 34 مبارة بالموسم