بعضهم يقول الحكم مهوب السبب الاساسي في الهزيمه!!!
وشلون؟؟
وشلون وهو من الشوط الاول وهو يستفز الهلاليين....وخصوصا سامي والثنيان.
مهما يعاق سامي فلن يصفر ونفس الشي للثنيان.
اما لاعبين ايران فهم ضد الخدش....فاي احتكاك يسارع اوتوكادا او مدري وش اسمه في اعلان الخطأ.
حتى انفجر يوسف وبعده جميع اللاعين.
اما الحركة الجميله لللاعب عبدالله سليمان.....مدري وش اقول بس.....حرام لاعب بهذا التفكير يلبس شعار المنتخب والزعيم.
وما ادري ليش الحكم طرد الشريدة!!!!
يمكن قال في نفسه ان عبد الله سليمان وجوده زي عدمه...خلني اطرد هذا الي ماسك الدفاع.
والاخ محمد الدعيع ماشالله الهدف الاول مدري وش الحركه الي سواها.....الكوره كانت جنب يده...بس اصر انه يصدها برجله.
والبلنتي مدري وش الي خلاه يوقف....لا راح لايمين ولا يسار.
اما الكاتو فمع انه تعمد انه ينطرد....الا انه برد قلبي في حميد استيلي......الي كل شوي متسدح على الارض.
وحبيت بصراحه اشيد بمستوى تركي الصويلح......الي كان الوحيد الي ما يعدي منه اللاعب رقم 8 الي ما يحضرني اسمه.
وماادري الي ينتقد اللاعب سامي الجابر.....مدري وش يبي منه.....يبي يصنع معجزه الحاله؟
اما المدرب....فهو جيد...لكن تنقصه الخبره...مافيه شي اسمه كل مباراة بتشكيل..اول مره اسمعها في حياتي.
والجمعان ظهير مدري وسط ايسر....وهو ما يقدر يقطع كوره من لاعب الا بكسره.
وغير الجمعان مع ان الكاتو كان الاحق بالتغيير.
بس يالله...الله لا يسامحك يا الاتحاد الاسيوي.........