|
وش بلاكم على السديري بسم الله الرحمن الرحيم الحمد لله رب العالمين والصلاة والسلام على المبعوث رحمة للعالمين --- بإختصار شديد بعض الناس إذا وضع في رأسه شخصٌ ما ورسم صورة سلبية عنه من المستحيل يغير قناعته تجاه هذا الشخص مثلما يحدث مع السديري والزوري مهاما قدموا وأبدعوا إلا أن سياط النقد تنالهم أو الثناء يتجاوزهم . انتقدنا السديري أمام الأهلي الإماراتي لكن أمام التعاون وجهة نظري أنه يستحق نسبة عالية من التقييم حيث في الأصل لم يختبر في كور حقيقية وتهديد فعلي إلا في ثلاث انفرادية ورأسية وتسديدة الهدف تصدى بمهارة لإثنتين ولا يلام في الهدف " لمن يفهم ولمن جرب أن يحرس ولو في الحواري " لأنه الكورة أتت من تسديدة قوية ومقوسة وفي زاوية صعبة . على الأقل امدح السديري في هذين اللقطتين التصدي للانفرادية والرأسية . السديري حارس جيد يحتاج للكثير من المباريات ليتعلم من أخطائه ولعل أنسب حل له أن تتم إعارته لأحدى الإندية إذا لم يكن هو خيار المدرب الأول . |
حارس جيد بس نحتاج حارس افضل منه لأنه ضيع علينا اكثر من بطولة ياليت يرجع شراحيلي |
السديري عنده اخطاء ورده فعله بطيئه لكنه من افضل حراس المملكة لكن حتى الي يكرهون الهلال يتمنون الزوري اساسي ومايشوفون الشهراني والبريك يلعبون سوا عجيب امرك... مدخل لي ساله الزوري مع السديري... فرق كبير بينهم لان الزوري مستواه ضعيف... والسديري قليل خبره... |
بالنسبه لكرة الهدف تعتبر للحراس كره سهله لكن السديري تقديراته دائما تكون خاطئه وكلها تأتي علينا بهدف وبقائه بين العارضتين في كور تسدعي خروج الحارس لابعادها هذا غير التردد في بعض الامور عنده حتى ردة الفعل عنده لاتخدم |
لايوجد لاعب بدون اخطاء ولكن للاسف البعض يكتب وينسى الاشادة فيما سبق لنفس اللاعب ويتناسى اخطاء من يحب من اللاعبين |
السديري عندها حماس زايد وبطئ شديد وتتردد كثير ولا يثبت المرمي |
نحترم السديري الانسان لكن مستواه ليس في طموح الهلال ولديه عدة عيوب ضعف النظر والتردد والخوف ولدينا أمل أن يشتغل على نفسه للرفع من مستواه |
السديري حارس ليس سيء..ولكن كفريق بطولات نحتاج حارس سوبر..وبصراحه مافي مثل شراخيلي..البعض يقول ان السديري لم يكن سببا في اهداف اهلي دبي الثلاثه...ردي..انا اريد حارس ينقذ الاهداف المحققه..لا حارس يصد الكرات العاديه... وعلى كل... هو لازال صغير بالسن...وان شاء الله يتطور مستواه بالنسبه للزوري مع احترامي الكبير له..كان من اهم اسباب الهدف الثالث لاهلي دبي بفاوته..ففي اخر دقيقه استلم الكره وانطلق بها وبدلا من تمريرها لاحد زملاءه لاضاعة الوقت باي طريقه نجد الكره تقطع منه بسهوله وبدون قتال منه وترتد هجمه علينا ومنها جاء الفاول وبقية القصه.. لاعب لايملك حس بسيط وهو باخر دقيقه ويتعامل بفهاوه وتقطع منه الكره ببرود مشكله.. |
السديري والزوري على عيني وراسي لكن لا يلعبوا اساسيين والله نكبة تعبنا وحنا نرقع خلاص الهلال اكبر منهم البريك وهو ظهير صنع هدف وسجل هدف |
انا اقولك ليه ننتقد السديري الهلال اذا متعادل او متقدم بهدف السديري يرتكب اخطاء بالجمله خوفه من يسجل فيه يجعله متردد مرتبك يتدخل في كور هي بالاساس من نصيب الدفاع واذا تقدم الهلال وضمن النتيجه ابدع السديري مباراة التعاون السديري تدخل على كواك مرتين وعلى جحفلي مرتين المره الثانيه اجبر جحفلي على التشتيت العشوائي هذا عيب في شخصية اللاعب نفسه الثنيان افضل منه بآلاف المرات ولكن يحتاج ان يلعب |
نقطة ضعف واضحة ولا يمكن ان يكون اساسي |
ما نستطيع نجمع بين تطبيق النظام والانضباط وبين توبيخ لاعب. ! كيف ؟ اوقف الشراحيلي بقرار انضباطي وكلنا صفقنا لهذا القرار لأجل ان يسود النظام داخل الفريق، وفي المقابل سمح للسديري بتمثيل الفريق واكيد بيكون اقل مستوى من الاساسي ، يعني بيكون افضل الموجودين فلابد ان نشجعه لحد ما يرجع الشراحيلي. |
اقول حسبي الله عليك وعلى السديري اتقي الله الهدف الاول امام الاهلي هو يتفرج ومشارك في الخطأ الهدف الثاني تردد يطلع او يبقى و حطها اللاعب كأنه في تمرين الهدف الجحفلي الي جحفلنا انت مع حارسك النكبه هل فيه حارس عدل بالعالم يرجع الكوره الى نصف منطقه الجزاء؟! مباراه التعاون الهدف يتحملها حارسك بوفون وانت ومعاه ابي افهم هذا وش جالس يسوي في التمارين كل يوم لو اجيب حارس من الهند و يتدرب نصف تدريب حارسك بيتفوق عليه هذا كله في مبارتين حارسك حطم عروض بنده ( العب وانا موجود ولك هدف هديه ) من الاخير حارسك بوفون اذا بيحرس قدام الاتهاد فحطوا في بالكم المباراه بتبدأ و الاتحاد متقدم بهدف لان حارسك كريم مع الفرق ذبحتنا انت والسديري فكونا من شركم و خله يفك المسلمين من الغيبه فيه واتحداك اذا ما يسبونه كل ما شافوه والله مصيبتنا امثالك يطلب اسيا بالسديري حارس اقول قم طير بس ...... |
من جدك تسأل !! من ضيع علينا نهائي اسيا العام اللي فات بهدف ولا اسهل منه من خرجنا هالموسم من البطولة نفسها كل الثلاث اهداف يتحملها الحارس وعندك كمان هدف التعاون شوف تعليق الدعيع عليه يعطيك العافية |
لو يجيبون حارس بداله يكون افضل بالتوفيق للازرق |
| الوقت المعتمد في المنتدى بتوقيت جرينتش +3.
الوقت الان » 07:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd