قدر الله وما شاء فعل، الله ما كتبها لنا لكن الله يعوضنا بالقادم خير...

الفريق لم يؤدي في الشوط الاول بشكل طيب وجميع عناصره تتحرك بتثاقل غريب وكان المباراة اكبر منهم ومن طموحهم ...!
طبعا استغل الاهلي هذا الضعف وجاء بالهدفين وانتهى الشوط الاول وعاد الفريق في الشوط الثاني وابهر الجميع بالخفه بالحركه والفرص والضغط على الخصم وادرك التعادل حتى الان هنا الكلام جميل وطبيعي... ولكن ماذا حدث؟؟

"اذا هبت ريحك فاغتنمها" للاسف لم يستغل الفريق ارتباك الاهلي بعد التعادل ورجع بشكل مخيف وغريب الى الخلف وسلم الملعب للخصم وانتقل الارتباك والعشوائيه للهلال واصبحنا تحت الضغط حتى اتت الطامه بالاخير شي طبيعي لانك لم تعزز انتصارك بهد ثالث ورابع ليش لا...
كان من المفترض على الفريق عدم التراجع والاستمرار بالضغط حتى يعزز بثالث ورابع وان جاء هدف للاهلي والفريق يحاول في وسط الشوط ارحم من هدف ياتيك في اخر الوقت يصعب تعويضه ......المشكله ليست هنا!!

المدرب دونيس ممتاز ورائع لكن هذه مشكلته الكبيره وحدثت اكثر من مره مع الفتح والرائد في الدوري وجعلنا تحت الضغط في اخر الدقائق ومع النصر ايضا في السوبر، للاسف مدرب جبان حبتين اذا جاب هدف قفل وانهى اسلحة الفريق الهجوميه وركن الى الدفاع وبالطبع لنا ذكريات عديده وأليمه في الكرات الثابته في الرمق الاخير من المباراة فالخصم لما يكون متاخر بفارق هدف واحد وتاتيه كره ثابته في اخر الوقت فانه يندفع ولا عنده شي يخسره ونسبة نجاحه بهدف قاتل تتجاوز ٥٠٪ ...!
وبالمقابل نجد هذا النهج سيطر على اللاعبين ايضا فبمجرد الفريق ياتي بهدف التقدم يتراخى الجميع بشكل واضح ويبدؤن بالاستعراض واللامبالاة وخصوصا الهجوم والوسط ويصير حمل المباراة على المحور والدفاع والحراسه
دونييييس تكفى نبغى شويت جرأه نبغى نضرب الخصوم بقوه هجوميه نبغى تغيير الخطه الى ٤-١-٣-٢ نبغى اثنين راس حربه ملينا من اللعب الدفاعي..
بالنسبه لالميدا لاعب جيد لكن عنده اكبر عيب عرفته البشريه يكره اللعب الجماعي اناني منزل راسه على طول لايرفع راسه نهائيا اذا كانت الكوره معاه ، ايضا لديه عيب اخر اذا جاء بهدف تنتهي المباراة بالنسبة له فيتفرج مثلنا مثله على المباراة لاعب لايقاتل ولا يضغط وانا من رايي لدونيس اذا جاب الميدا هدف يبدله بمهاجم ثاني لانه راح يكون عاله على الفريق.
بالنسبه لادواردو افضل بكثير من الميدا لكن يعاب عليه انه ليس صانع لعب وفيه فرديه بس اقل بكثير من الميدا.
العابد وسالم لابد ان يتم مسائلتهم لماذا في مباريات الحسم يظهرون بالشكل الباهت امر لابد ان تتوقف عنده الاداره والجهاز الفني...

اشوف هذه التشكيله وخصوصا مع الفرق الوسط والاخيره...

الثنيان او السديري (الله يعينا عليه)

الشهراني (الزوري) ديقاو كواك (جحفلي) البريك (الشهراني)

كريري

الفرج درويش(كعبي)

ادواردو(الشلهوب)

الشمراني الميدا

قد نختلف في الراي ولكن بالتاكيد نتفق بحبك يازعيم
واااسف على الاطاله وتقبلو تحياتي،

اضم صوتي لصوتك الاداره عاقبت الفريق ولم تعاقب اللاعب...؟؟؟!!!!
شكرا لمرورك

لالا من يعتقد ان الادارة اخطئت
الكيان فوق اللاعبيين من يستهتر قبل المباراة
راح يستهتر وسط المباراة
واذا خالد حريص على المباراة صدقوني ماراح يغيب
ولكن وشلون تلعب لاعب غير حريص على المباراة

اعتقد رجوع المدرب للدفاع بعد تسجيل هدفين منطقي جدا العيب كان فقط في تنفيذ الطريقة السليمة

كان من الفترض من اللاعبين التركيز اكثر و تضييق المساحات و امتلاك الكرة اكثر

عموما جل من لا يخطا

اهم شي في الفريق الانضباط وان غاب الانضباط عن الفريق انفلتت السبحه واشكر المدرب على الاحترافيه مهما كان وزن اللاعب في الفريق شكرا دونيس

اوافقك الراي يابدر لكن لابد من الاستفاده من الاخطاء ولابد ان دونيس يغير من بعض قناعاته نبي كره هجوميييييه

معليش دونيس وتغيراته خطاء

ومن هو الغبي الي وقف شراحيلي
قرار غبي

كأني شفت واحد
يشكر دونيس على الأنضباطيه
ا نا و ش دخلني كمشجع محب للزعيم عندما توقف لاعب مهم مثل الحارس

يا ناس افهموا هذولا لاعبين مستواهم التعليمي والفكري غير

يجب مداراتهم والتعامل معهم بفكر افضل

في الأخير الهلال خسر بطولة آسياء بانضباطية وتعسف دونيس
ا

انت تتكلم عن عقلية اللاعب السعودي اذا تقدم بهدف يضعف حماسة ويسبب ضغط عليه
المشكلة لما يمسك الكورة يشتتها للفريق الثاني طيب ابني هجمه

للاسف هذا9ة المشكلة تعم الفرق السعودية

مع احترامي لك لكن دونيس ليس مدرب جبان ونتائجه وطريقة لعبه الهجومية هي من يعزز هاذا الراي


الجبان هو ريجي سيء الذكر الي ضيع علينا بطولة اسيا يوم كانت في اليد الي كان يلعب بمحاور دفاع اثنين

في النهائي مع فريق ضعيف لايجيد الا الدفاع


عموما ليس بيد دونيس شيء اذا كان اغلب الفريق ليس في يومه خصوصا في الشوط الاول


وصدقني لو دونيس هاجم بعد التعادل وبالغ بالهجوم بتقولون ليش ماقفل النتائج هي الي تتحكم بالجمهور العاطفي


شي واحد فقط كنت اعتبره غلطه من ريجي هي اخراج ادواردو الي ما اعرف هل كان مصاب وقتها ولا لا

إقتباس الرسالة الأصلية كتبت بواسطة 11الهلال11 كأني شفت واحد يشكر دونيس على الأنضباطيه ا نا و ش دخلني كمشجع محب للزعيم عندما توقف لاعب مهم مثل الحارس يا ناس افهموا هذولا لاعبين مستواهم التعليمي والفكري غير يجب مداراتهم والتعامل معهم بفكر افضل في الأخير الهلال خسر بطولة آسياء بانضباطية وتعسف دونيس ا

غلط فكرتك غلط بغلط

يعني لو دلعت شراحيلي الي جاي يسحب رجوله بعد التمرين قبل المباراة المصيريه ضنك كنا بنتأهل


ياخي السديري رد ثلاث اهداف محققه كان ممكن شراحيلي يكون موجود وتدخل فيه

شكرا لمرورك اخي مجازف انا لم اقل جبان وانما قلت جبان حبتين يعني لا يقارن بسئ الذكر ريجي، ولكن هذا السيناريو يتكرر باستمرار هدف ويرجعون للدفاع او الاستهتار بالهجمات ونصسر تحت الضغط في الدقايق الاخيره...
شي ثاني الكلا الي قلته عن الميدا اثبتته مبارات التعاون امس لاعب لايعرف اللعب الجماعي ولا الضغط وراسه على طول في الارض مايشوف ولا يرفع عيونه....
والسديري وما ادراك ما السديري حارس لا يملك من الموهبه اي شي حرام يبقى بالنادي زي الزعيم شوفو له حل نهاية الموسم يا اداره.....
وسلاااااامتكم