|
احنا ما نرضع اصابعنا ولا اغبياء ... احنا جيل الطيبين..!! اللي يزعل يزعل سلام عليكم ورحمة الله وبركاته ماقدر الله يكون ... العام خرجنا من سيدني ورفعنا القبعه للفريق بأكمله وقلنا سنعالج الأخطاء في هذا العام هذا العام الاخطاء التي لم نعالجها العام الماضي استفحلت وزادت .. فالعام الماضي ... ياسر القحطاني يتعمد الحصول على كرت اصفر ليوقف مباراة سيدني الذهاب وبالتالي كنا في امس الحاجه لوجوده في الذهاب والاياب امام سيدني https://www.youtube.com/watch?v=BZirrF-qXmk الان : 1- ديقاو 2- سلمان الفرج سبب رئيسيي ونقاط ضعف لايمكن انكارها في غيابهم عن اي مباراه للهلال فمابالكم اياب نصف نهائي اسيا ..؟؟ ياجماعة الخير ... الزمن الجميل اللي قبل ماكان فيه لاعب فوق الهلال كل اللاعبين يشوفون ان الهلال له فضل عليهم الهلال هو اللي اعطاك المال ...اعطاك الشو والشهره امام الناس .... خلاك صاحب قيمه ومعرفه بين العالم انت تدري ان الهلال يبحث عن بطوله من 2002 الى الان 2016 مو قادر يحققها ....؟؟ ليييييييييييش تاخذ كرت وتضارب وتخرج جون سينا اللي بداخلك وتاخ كرت اصفر وتتوقف عقوبه انضباطيه؟؟ اي احتراف بعقلك ...؟؟ الجمهور وش ذنبه يتحمل غيابك وغيابك بسبب اخطاءك ورعونة تصرفاتك ...؟؟ ياادارة النادي ... ياجماهيرنا العزيزه .....؟؟؟؟ ناصر الشمراني..................؟؟؟؟؟؟!!!!!! ناصر الشمراني ( يتعمد امس اخذ الكرت الاصفر امام الاهلي الاماراتي في الاياب ) مايتذكر العقوبه الانضباطيه والايقاف 8 مباريات..؟؟ موسم اسيا 2015 ناصر ماشارك بشي ؟؟؟ والسبب الايقاف والرعونه والهمجيه وعدم السيطره على السلوك ؟؟ اتعلمو ياخي شوي من الشلهوووووب من كريري ؟..؟.. سيبونا من اخطاء المدربب والتغييرات وانها السبب ؟؟؟ التكتيك له دور في الخساره بس مارح يكون مثل دور الغيابات لان المدرب لو فريقه جاهز ومافي غيابات مارح يكون تكتيكه سيء ..؟؟ جمهور الهلال ... اتمنى تبطلون المجامله للاعبين ,,..؟؟ نواف العابد سالم الدوسري سلمان الفرج ناصر الشمراني ديقااوو هذولا العالم لااازم يقدمون اعتذار على المسخره اللي تصير منهم تجاه الجمهور والنادي الكيان اكبر منكم ....؟؟ لا تحسبون ان الجمهور مرتاح ياخي احنا وجيهنا تتاكل من جماهير الانديه الثانيه بسبب عدم تحقيقكم للبطوله الاسيويه من عام 2000 حتى الان 2015 اكثر من 15 سنه ...............؟؟؟؟ لييييييييييشش وش ينقصكم ... ادارة ومدربين ومال واعلام وجمهور ...كله موفر لكم ...؟؟ خالد شراحيلي ..... لك سنتين موقف منشطات ... ومارماك الهلال احتفظ فيك وصرف رواتبك وخلالك تتدرب والحين رجعك تلعب وفوقها يووووم احتاجك تغيب .....؟؟؟ ايش الاستهتار هذا ....؟؟؟ اقسم بالله العظيم ... كنا نجيب البطولات القاريه ال 6 واحنا مرتاحين وواثقين بقدرات لاعبينا لسبب واحد ..............!!! ان مافي لاعب اكبر من الهلااااااااااااااال لا سامي ولانواف ولا الثنيان ولا الدوخي ولا الشلهوب ولا الموينع ولا النعيمه ولا الدعيع كان شهرته تغطي على شهرة الهلال.....!! جيل انستقرام وسناب شات هذولي ان ما عاقبتهم الاداره ...؟؟ مارح يقدمون للهلال اي بطوله قاريه ...!! حيظلون حبيسين المحليه ..!! لا تحذفون كلامي ولا تعدلون عليه ولا احد يرد بنفاق ...؟؟ انا اقول كلمة حق ومعرفي موجود بتويتر ..!! وليف الأزمان ورأيي هنا وهناك واحد احنا ماسلمنا من شماتة الانديه بسبب رعونة هؤلاء اللاعبين ياحبيبي تبي توصلني لاسيا بشيلك على راسي بعيوبك بس تقعد تضحك علي بالبطوله المحليه وباسيا تستهبل وتطلع بظروف غير ظروف الهزيمه والقتاليه وبسبب الايقافات اعتذر عن مجاملتك ماااالك عندي الا الصراحه الهلال اكبر من كل اللاعبين اللاعبين يروحون ويجي غيرهم ومارح يسد بمكان الدعيع والثنيان وسامي ونواف والشلهوب والدوخي ...الخ اي لاعب ... الا اذا حققو بطولة اسيا اتمنى من كل قلبي هالموضوع يطلع عليه اللاعبين والامير نواف بن سعد وكل من يغار على كيان الهلال تحياتي |
بصراحة فيه انفلات في سلوكيات اللاعبين بشكل غريب سالم العام الماضي امام النصر والشمراني في التتويج بكاس الملك وفي نهائي اسيا وديجاو تجاوزاته محلياً واسيوياً والفرج يبحث عن كرت مجاني وشراحيلي يوقف قبل المباراة بساعات النصر عندهم حسين واحد وللاسف بهذه الطريقة سيكون عندنا مجموعة حسين |
أهلا أخي وليف فعلا أصبت كبد الحقيقة بكلام واقعي خارج من قلب مشجع مثالي أنا مؤيد لما قلت من الألف للياء أيام الثنيان وسامي كنا نتفرج على محاربين داخل الملعب وليس مجرد لاعبين الثنيان سامي التيماوي الدوخي المسعري ابواثنين نجوم كانت تحرث الملعب حرث والله لعيبة الهلال الحاليين لا يقارنون ولو بقمصانهم !! اشكرك على ماكتبت بصدق وواقعية |
اتفق معاك لكن صدقني فيه عاله جالس في النادي اذا ابعدته بيزين حالنا الا وهو المفرج اقسم بالله ما احطه مدير مدرسة ابتدائي كيف مدير نادي كالهلال جيبوا لنا مدير شخصيته قويه وحازم مو مجامل زي المفرج مافلح لا لاعب ولا اداري ولا راح يفلح يعطيك العافية |
أنا معك بكثير مما طرحت الا هالجزء التالي ياخي احنا وجيهنا تتاكل من جماهير الانديه الثانيه</B> بسبب عدم تحقيقكم للبطوله الاسيويه من عام 2000 حتى الان 2015 اكثر من 15 سنه ...............؟؟؟؟ لييييييييييشش ـــــــــــــــــــــــــــــــــــــــــــــــــــــــــــــــــــ السؤال وش حققت الاندية الاخرى هل كل سنة وهم محققين بطولة اسيا الاتحاد من 2005 وهو اخر بطل سعودي يحقق البطولة الاسيوية هل حققها العام او ماقبل الماضي او ماقبل قبل الماضي .... هم ايضا في غيبوبة ولم يعملوا ويجتهدوا للبطولة الاسيوية ومثلهم الاندية الاخرى تدخل وتطلع من دوري المجموعات من دون مستوى والا نتيجة ولا حتى هيبة والله اني اليوم جلدت النصرواين وبعض جماهير الاندية </B> بالدوام وبكل ثقة يابوي انا هلالي ذهب يطلع من لساني وانا اناقش </B> او اجلد اي مشجع اخر غير هلالي </B> وعودة لموضوعك اخي الكريم نأمل من الله ان يعود الهلاليين كسابق عهدهم خلية نحل في ناديهم اعضاء شرف ولاعبين قدامى واعلام هلالي واتمنى ان ينفض الاعلام الهلالي غبارالكسل وينهض مثل سابق عهده ويقف في وجهة الاعلام الاصفر المثبط والذي يسيطر على الاعلام حاليا. نتمنى عودة الاعلام الهلالي ليحفز الهلاليين من لاعبين وادارة وينتقد وقت الانتقاد ويقود الفريق بذكاء ودهاء مثل ماكان سابقا والتي كانت فترة ذهبية حتى للكرة السعودية ابان تفوق الاعلام الهلالي النزية والصادق والمحفز والوطني وفي الاخير اسيا باذن الله سيحققها الهلال بالروح والحب والاخلاص متى مازرع في الجيل الحالي من خلال مدير كرة محفز كالااحمد او يوسف الثنيان او النعيمة او حتى عودة سامي للفريق كمساعد مدرب او حتى اداري للفريق اوحتى جمعهم جميعا باي طريق كانت وضمان تواجدهم مع الفريق اي الثنيان والنعيمة وصالح والاحمد تحت اي مسمى او لجنة لها ادور تربوية وتحفيزية ليكونوا محفز للاعبين لتواجد جزء من تاريخ الهلال العظيم بينهم مع الاخذ بالاعتبار ان الهلال عمل واجتهد وحاول بالسنوات الماضية ولم تكتب له ونطلب ببذل المزيد من الادارة والاعبين والاعلام الهلالي الذكي والمخلص والجمهور واعضاء الشرف ليستمر الزعيم بالزعامة |
من الظلم مقارنة جيل الثنيان والحبشي والنعيمه وووووو......وكل من كانو يلعبون لحبهم وعشقهم وإنتمائهم للهلال وبدون إحتراف ولا عقود بجيل تويتر وسناب شات وانستقرام وقصات الشعر ووووو........ وكل من مصلحة نفسه أهم من الفريق والجماهير والنادي والمشكله عقده بالملايين !!!!! ومتأكد لو نحسب المبالغ المصروفه على الفريق الأول خلال المده من أول بطوله آسيويه حققها الهلال حتى آخر بطوله شرط نلقاها أقل من قيمة عقود 5 لاعبين حالياً عموماً القادم أفضل بإذن الله |
اقوووووووووووول الله يوفق الزعييم الاسيوي ويجيب الله اللي فيه خير |
اشكر كل من رد وعلق .... كلكم شفتو بالأمس الحضور للاعبين بالتمرين ...ماكلفو على نفسهم حتى بالاعتذار وكلكم شفتو سعيد العويران وتغريداته حول خروجنا الاسيوي... اصاب في نقده .. بأن الغياب لديقاو وسلمان وشراحيلي هز الفريق وسبب رئيسي لتكتيك المدرب وضغط على اللاعبين المتواجدين لدرجة ان السديري يضيع وقت برباط الجزمه ويدخل في مرماه هدف ...؟؟ الأمور ... تحتاج من الجمهور وقفه ... لا تعطون اللاعبين اكبر من حجمهم .. خلوهم يفهمو ان البطوله الاسيويه مطلبنا .. الجمهور في انستقرام وتويتر وسناب اتمنى ينقد الاعبين ويمجد في السابقين لانها الوسيله اللي توصل لهذا الجيل رأينا فيهم ...؟؟ الهلال اكبر منهم ليعبثو بتاريخه في اسيا ..!! الاداره والمفرج ... لا يقعدو يطبطبو على اللاعبين .. كل شي متااااح لهم ... العام الماضي قلنا نيشيمورا السنه هذي اللاعبين والاستهتار والكروت والغيابات هي السبب..............؟؟؟؟ |
اليوم نلعب مع التعاون ان شاءالله ... ومن كرم الله سبحانه وتعالى ان الهمنا بالنسيان ... ما حدث لنا في اسيا من 15 سنه ... ننساه في اول مباراة للزعيم دائما .. لكن الذي لا ننسااااه .................. هو ان هناك لاعبين لايستحقون مننا الا التصفيق فقط .. ولكن ان نهتم بهم ونجعلهم اساطير ونعطيهم اكبر من حجم النادي ومن احضر البطولات ال 6 الاسيويه.. ف أتمنى من الجمهور .. عدم متابعة هؤلاء اللاعبين على حساباتهم في شبكات التواصل الاجتماعي حتى يعلمو ... اننا نحتاجهم في الملعب لا في تويتر وانستقرام وسناب .... |
كلامك سليم واوافقه بشدة ويمثلني موضوعك ياعزيزي وبعدين هذا زمن الماااااااال ، لاتنتظر وفاء او احتراق من اجل الشعار وبكل أسف هذا زمن ادفع فلوس تحقق بطولات ، ماتدفع فلوس ماتحقق بطولات لو ان سلمان عنده بديل مثل مستواه وينافسه ماكان شفناه مستهتر بهذا الشكل كان حس على عمره وخاف على مركزه انه يضيع ، لكنه الآن ضامن مركزه ويعرف انه مهما سوا مكانه موجود ومضمون الهلال بحاجة ماااسة ولا اقولها بسبب الخروج الآسيوي لكن من زمان اقولها الهلال يحتاج بدلاء بمستوى الأساسيين وينافسونهم من أجل مصلحة الزعيم لكن يجونك لاعبين ضامنين مراكزهم ويستعبطون لاترتجي منهم شيء مركز المحور الهلال يحتاج كنو وباجندوح وكثير لاعبين شباب وصغار يخدمونك سنين عاجز ترخي جيبك وتدفع الي يطلبونه ! ولا مستخسرين المال في الهلال ! هذا زمن المال لو تبي اي لاعب اياً كان في اي نادي تقدر تجيبه بس ارخ جيبك وادفع صدقوني علاجهم بجلب لاعبين كفو بمراكزهم وبتشوفونهم يحترقون ويلعبون بقلب لكن الي صاير الحين والي يقدمونه ياحسافة بسسس كريري والشلهوب وياسر في نهاية عمرهم الرياضي لاتتوقع منهم اي شيء شكراً وبيض الله وجيهههم على ماقدموا ورغم عمرهم المتقدم الا انهم افضل بمليون مره من لاعبين اعمارهم فالعشرينات !! الشلهوب مين بديله اذا اعتزل ؟ وكريري ؟ وياسر ؟ هل بنضل نبكي على الاطلال وعلى لاعبين اعتزلوا في كل مره !! الهلال كيان كبير متاكد كل لاعب فالمملكة يتمنى يلعب له حتى لاعبين الاندية المنافسة حلمي ان كنو وباجندوح في وقت واحد ينتقلون للهلال أمنيه اتمنى ان تتحقق ادفعووو يا داعمين او صعد نجومك في الأولمبي الي متاكد انهم يحترقون ويتمنون فرصة بسسس لإثبات الذات ، واثق في وجه السعد واثق انه يغار ويعشق هالشعار ومتأكد انه بيعدل مشكلة هاللاعبين الي خذلونا وحرقوا قلوبنا عسى الله يحرق قلوبهم استغفرالله العظيم الهلال نادي كبير ولانه كبير يحتاج في كل مركز نجوم تتنافس وتقاتل من اجل المركز مو لاعب ضامن مركزه ويستلعن ويقلب مزاجية على حساب النادي !!!!!! لو واعوذ بالله من كلمة لو ان هناك بديل لسلمان وغيره من المتخاذلين ماكان خرجنا يعطيك العافية |
سلمت يمينك يابطل على هالكلام مع الاسف الهلال صار كله مجاملات للاعبين مايستاهلون كل هالتمجيد واخرتها لاجا وقت الجد ماعندك بالنسبة لجيل الايباد والسناب والانستغرام اتمنى تشوفون اول بطولة آسيوية حققها الهلال من كان يلعب فيه الى اخر بطولة لكن طالما جيل القصات والاساور وتوزيع الابتسامات والاستهتار بشعار الفريق ويدعمهم ويدافع عنهم جيل الايباد والسناب كبيرنا الدوري وعسانا نجيبه هالسنة |
والله ساعات يا اخوان .... احس ان الدكه هي سبب ... فوضى اللاعبين واستهتارهم عدم وجود البديل ... المقنع للمدرب والاداره يجبرهم يدلعون الاساسي ويخافون على مشاعره حلم وطموح ورغبة كل هلالي الان هي اسيا ...؟؟ ولكن بهذا الجيل .. نبطي ..!! |
| الوقت المعتمد في المنتدى بتوقيت جرينتش +3.
الوقت الان » 05:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd