أولا قبل كل شي الحمد لله على كل حاال ..

بعد هذا اعجبني كككثير موقف اغلب الهلاليين من الخروج .. صحيح بطولة غالية صحيح حلم ملينا انتظارة
لكن هذا مايعني ان نجلس نبكي ع اللبن المسكوب زي مايقولون .. موسم الهلال في اوله من بدأ الدوري صار له أربع جولات فقط
يا أما انك تقوم وتبدأ تركض من جديد او انك تظل جالس حتى يسبقك الاخرون !!
ومن للهلال غير جماهيره !!

والله اعرف الخروج مرير جدا خصوصا بالسيناريو والله يشهد ان اني تألمت جدا وحتى بكيت ..
بس هذي حال الكوره .. واذا تبون الصراحه لعلها خيره ..
يعني تخيلوا عقب كل هالسنين والمعارك الاسيويه يتوج الهلال خارج ارضه .!
والله مو حلوه ولا لها طعم .. واضح يهون على نفسه :"(
في المشوار القادم التتويج الاسيوي بيكون بالغرب
والله راحححح تكوونننن ليلة لاتنسى ..


خلاصة الموضوع هي بطولة وانتهت بخيرها وشرها والباقي قدام مهم بقدرها
شدوا الهمه وخلونا نرجع للهلال الروح والعزيمه ..

ومجرد رأي : شفتوا الشهلوب وش سوا بعد مانزل ! ماشاءالله ..
العابد ياخخخي ماعندك احساس .. والله عيب اذا الشلهوب بهالعمر يضيف للفريق
وانت بشبابك وبمهارتك للاسف هذا ادائك ! انا ماحمله المباراة لا بالعكس المباراة اصلا كانت ماشية تساهيل من ربي
وراحت للي اداء لعب جماعي "منظم "
بس والله قهر لما انت تعرف حجم موهبة اللاعب واللاعب نفسه مو مستوعب !
انا اقول جرب اعارة نواف لاحد الفرق نص موسم ع الاقل صدقوني تبي تفرق مع نواف
لاني اعرف نواف قلبه ازرق بس المشكله الاحساس بالمسؤولية عنده صفر ..
اما بالنسبة لشراحيلي والله ياخالد ماراح ينساها لك الجمهور ..
والسديري لاعب صغير وموهوب شوية ثقة من الجمهور ويجلسك ع الدكه بالراحه ياكابتن
صحيح عنده اخطاء لكن رجال وانظباطي وبالوقت الصعب تلقاه واسيا العام اكبر دليل ..


يوم الاحد نبي حضور مميز يازعماء .. خلونا نخلق للهلالنا تحدي جديد يرجع لهم الروح والحماس
طول عمر هلالنا يطيح ويوقف على بطولة هذا الهلال اللي انا عشقته ..
#تطيح_واقف_يازعييم

الحمدلله قدرالله وماشاء فعل ولعل في الامر خيره اتمنى السديري واحمد شراحيلي معاق جسديا يعيروهم اما العابد وسالم والشمراني الدكه حتى يتأدبو الاثنين مستهترين والشمراني معصب ليه هدي انت لاعب خبره انا اشكر الشلهوب وكريري والكابتن الفنان ياسر الشهراني لبت الهلاليين كلهم زيه موضوع ممتاز جدا

الحمد لله حمدا يليق بجلاله والخيره في ما اختاره الله وقدر الله وما شاء فعل وسوف نقف مع الزعييم الاسيوي على الحلوه والمره ولن يزيدنا ذلك الا اصرار ولن نعطي بعض كارهين الزعييم الفرصه بل نقف يدا واحده مع الاداره والاعبين ونشد من ازرهم لان الخساره وارده في كرة القدم والجايات افضل ان شاء الله ولكم تحيه

الحمدلله على كل حال
خروج مشرف وماتدري يمكن يكون هو السبب بعد الله بإن المدرب والإدارة يراجعون حساباتهم ويشوفون مين ملكع ومين يدق الكورة بطرف رجله وماله نفس يلعب ,, يا إما يعطيني أداء في الملعب ولا غيرك على الدكة يدور نفس فرصتك
الجاي أحسن ان شاء الله

يا لبى قلبك يا شيخ

كلام من القلب للقلب .. عفوي جدا وفي الصميم



الحمدلله ع كل حال .. ولعلها خيره


لاهنت يا عزيزي





يارب وفق الزعيم ~

هذا والله العشم في الزعماء ..

الدوري هالسنة مطلبنا ج

ومازالت عقدتنا الفرق الخليجيه الي تاريخها لا يذكر مع الهلال والله لو خرجنا العين تهون علي اجل الاهلي وانت بيدك التاهل خلوها على جاني تبلد حسي بعد هلمبارة واجزمت ان حرق الاعصاب ما يجيبلي غير المرض لوحدي

إقتباس الرسالة الأصلية كتبت بواسطة هلالي رويلي ومازالت عقدتنا الفرق الخليجيه الي تاريخها لا يذكر مع الهلال والله لو خرجنا العين تهون علي اجل الاهلي وانت بيدك التاهل خلوها على جاني تبلد حسي بعد هلمبارة واجزمت ان حرق الاعصاب ما يجيبلي غير المرض لوحدي

يارجال والله لا هي عقدة ولا شي للمعلومية هذا اول انتصار رسمي للاهلي ع الهلال ..
المباراة من الاولى مو مكتوبة لنا والحمدالله على كل حال
اخطاء ادارية انظباطية وكملها المدرب بالتشكيلة ..

الان المهم الدوري الهلال يفوز يعني يتصدر .. وش تقولون تملون الملز ولا لا