خروج ادواردو كان هو نقطة التغير في المباراه وجوده كان ضاغط الأهلي ومخليهم متراجعين ويوم طلع انتهى الضغط وتقدم الأهلي للأمام عموما هذا مايمنع ان دونيس قدم شوط ثاني ممتاز وعدل اخطاء الشوط الأول لكن بالأخير ماهي مكتوبه

اولا التشكيلة فيها خطأ للأسف يتحمله من أشار على دونيس بإشراك الشهراني بالظهير الأيمن. فكلما تعدل وضع الفريق حدث خطأ في وقت لا يحتمل الخطأ كما حدث بإبعاد البريك وإعادة الشهراني للظهير الأيمن. ثم إن لعب درويش مع كريري وخروج شراحيلي كان يمكن أن يعطي شكلا أفضل للفريق ولكن الحمد لله على كل حال
كواك سئ السديري خواف من مواجهة المهاجم ناصر ماله نفس يلعب ومع ذلك سجل الهلال هدفين ولم يحتسب له بلنتي واضح
الميدا رائع واراه الأفضل بالمباراة
اتمنى معرفة سبب التخبيص قبل المباريات الحاسمة آسيويا وهذا يربك اللاعبين يجب أن يكون لديك طريقه واضحه وثقه بجميع لاعبيك أما تلعب كل فترة بلاعب وعندما ينسجم ويقدم جيدا تبعده فهذا خطأ كبير يتحمله المفرج مع دونيس

اقلعوا العابد ابو الانبراشات وسالم الدوسري والفرج والشمراني ويفلح الفريق
هذولا هم نكبة الهلال

هارد لك للزعماء والشباب ما قصروا لا حد يلوم اللاعبين ادوا وما قصروا والمدرب عنده اخطاء تكتيكية اما اللاعبين ما قصروا.....

التنظيم الدفاع ضعيف .
سرعة بناء الهجمه ضعيف .
المدرب وفق بشكل كبير في التبديلات


ابرز السلبيات الخروج من البطوله ..
والايجابيات ذهبت مع الخروج من البطوله


مستوى اللاعبين اقل من جيد وبالخصوص في الشوط الاول ..
ونجم المباراه الشلهوووب .
واللاعب الذي لم يقدم ( الزوري-السديري)


رؤيتي الخاصه :- الهلال في الشوط الاول كان خارج المباراه والهلال حين عاد في الشوط الثاني الخطاء الذي ارتكبه عدم التعزيز بهدف ثالث . الهلال سوف يعاني كثيراً في هذه البطوله وهو يملك لاعبين مثل الزوري والسديري الزوري يتحمل كل الاهداف وحتى الهدف الثالث كوره من المفروض تكون مرتده للهلال تنقطع ويرتكب العابد خطاء وكله من الزوري لم يحسن استغلال الكوره .. والاول نفس الكلام يترك لاعبه اللي كان مغطيه .. يجب على الهلال اعطاء الفرصه للحارس الثنيان او تسريحه بدل شغل مركز على الفاضي وتسريح السديري واعطاء فرصه للواكد .. دونيس اكبر خطاء ارتكبه اشراك الزوري . كان يمكن اشراك درويش على اليمن وسحب الشهراني على اليسار .. وسالم انا قلت بعد مبارات الرياض انه لاعب مساحات ولا يوجد مساحات في الاهلي الاماراتي .. المباراه ماتخدمه .. المدرب ممتاز والدليل رجوعه للمباراه ولكن لم يستمر في الضغط والتسجيل الثلاث .. الجحفلي للاعب يصلح للدكه لا يصلح ان يكون اساسي .. وارجع واقول السديري لا يملك مدرب حراس والدليل نفس الاخطاء من سنتين تتكرر اللي يتحمل المباراه ليس الحارس فقط فالزوري اكبر مشارك في الاخطاء والاهداف اكبر دليل ياكوره مقطوعه منه يا عدم تغطيه سليمه .. اذا كان الهلال يريد اسيا عليه ان يخلص المباراه في الرياض . واتمنى محسبت شرحيلي وعدم التهاون في اتخاذ العقوبه للاعب . الانضباط والانضباط والانضباط اهم من كل شيء .
والله يكتب الخير للهلال ..

للأسف دونيس ،،، جعل الفريق يتراجع بشكل مخيف لم نتعود مع الزعيم ان يكون مدافع
والحراسة السديري لم يكن في يومه
والله يعين

زبدة الكلام خروج كارلوس خطأ من المدرب
المفروض يصبر حتى آخر 5 دقائق ويسحب
الميدا والزج بفيصل درويش كمحور دفاعي

اول شي هاردلك ومعوضين خير يازعماء

اليوم المباره ماهي مكتوبه لنا والحمد لله على ماصار
رب ضاره نافعه

اليوم من وجهة نظري اسباب الخساره
اولا ديقاو وسلمان الفرج وشراحيلي

ثانيا طريقه لعب المدرب اليوم في بداية المباراه غير موفقه ولكنه حاول التصحيح
ثالثا الهلال الشوط الاول يلعب ناقص لاعب ونص سالم الدوسري لم يكن متواجد البته ولا اذكر له ولا لمس او محاولة تعطيل هجمه للخصم
ونواف العابد يلعب بدون مزاج ولا نفس تشويت كور على الفاضي
الشوط الثاني ناصر الشمراني مايبي يلعب والله لو يلعب بعكاز مايصير بهذا الثقل والرعونه والاستهتار
السديري اكشن لحاله هالحارس حتى لو اشوفه على الدكه احط يدي على قلبي

اتمنى من الاداره محاسبة المتخاذلين وارجاع الشمراني والدوسري والعابد من دبي كعابي
والسديري اتمنى سحب جوازه او بطاقته المدنيه منه وتركه في دبي علشان مايعرف يرجع

هارد لكم يا زعماء ... قلت التركيز في أخر الدقائق هو من أهدى الفوز للأهلي الإماراتي .

الحمدلله على كل حال البطولة لم تكتب لنا ، القادم أفضل بمشيئة الله .

الحمدلله .. قدر الله وماشاء فعل .
نتمنى دونيس تعلم الدرس القاسي .. خسارة تعب موسم ونص ماهو بسيط..
سالم ونواف انتهت الفرصه برأيي ..
الكعبي ودرويش اولى كأساسيين..
ياسر ناصر كريري الشلهوب وكواك ايضا .. كبار في السن واقتربت نهاية الخدمه للكيان ..
يجب على الاداره بداية التعاقد قبل فوات الاوان ويحصل ماحصل في الاتحاد بعد ذهاب جيل نور ..
والا سنعتمد على الجيل المزاجي الانبراشي

خرج الهلال من البطوله باخطاء المدرب فلما صحح اخطاؤه باشرك الشلهوب وناصر اخطأ باخراج ادواردو الذي كان فريق الاهلي يدافع اثناء تواجده وبخروجه ارتاح الاهلاويين وبدأوا بالهجوم خصوصا والبديل فيصل درويش لاعب اقل من عادي

أولا : المدرب أخطأ بالبداية إنه لعب بخمسة مدافعين .
ثانيا : ديقاو لازم يتخذ إجراء ضده بعد حرماننا منه في هالدور المهم وخاصة إن الهلال كان بأشد الحاجة له ، ولاحظنا الدفاع مهمش وسهل اختراقه .
ثالثا : استهتار سلمان الفرج بمباراة الذهاب وأخذ بطاقة صفراء مجانية .

أشوف إن ديجاو هو السبب الرئيسي في الخروج

هاردلك والحمدالله ع كل حال


-------------

اتوقع انا هذي اول مشاركه والله مرارتي بتنفقع الحين عندي سؤال لو تكلمنا وقلنا وزدنا وعدنا هل من مجيب لنا !!؟؟ الجواب طبعاً لا ياناس من عرفنا اسيا ومن كنا ناخذها ذيك الايام وهو لازم يكون لها مهر ومهر اسيا محترفين زي الاوادم الهلال ياناس من زمان يفتقد لصانع لعب صريح ماراح اقول مثل مين ولا مين نبي لاعب يشيل النص شيل خلاص تعبنا والله نبي واحد يقول للمهاجمين روحو شوفو الباب هذا اللي نبيه ومهاجم قادر على ترجمة الفرص بس مابي اقول فلان ماش وفلان ماش كلكم شفتو المباراه وشفتو الخلل وين ياسر الشهراني اذا لعب يسار شفت الاوفرات وشفت الخطوره ومن يلعب يمين ينتهي موضوعه مدري وش اقول وش اتحلطم به بس جاني المر قمت اهذري يارب يكون لكلامنا هنا اذان صاغيه وبس