صح "بعض المرات" في احتفاظ بالكورة غير مبرر او عدم جدية في انهاء الهجمة
لكن تصير مره او مرتين في 90 دقيقة .. مع هذا التنبية واجب مو تركنه احتياط
سالم ونواف والشهراني والفرج وناصر ... مواهب أي نادي يتمنى واحد منهم
نواصل دعمهم بمواضيع تحفيزية اكثر ..

مادري وش اقول الله يهديك بس طلبك غريييييييييب جداً

سالم له دور كبير في مباراة الذهاب وبخصوص الكعوب امس ماشفنا كعوب سالم الا 3 مرات 2 منها صحيحة و1 خاطئة

بﻻش حساسية الله يجزاك بالجنة

اطال بايقاف العضو المدعو ب الو لان ماعنده سالفه
والظاهر انه مندس

صادق شكله متجحفل البارح وكتب الموضوع

الانتقاد عنيف شوي
نعم نطالب بتسليم اسرع للكرة
لكن المهارة والانطلاق
مطلوبة كذلك
في بعض الحالات
اهم نقطة يجب ان يركز عليها سالم والكعبي
هي مخزونهم اللياقي
وعدم استنفاذه من الشوط الاول
هذي هي اهم ملاحظة على سالم والكعبي

اقووووووووووووووووول الحمد لله والشكر على الفور اما هذا الكلام لايودي ولايجيب احمدو الله وبس

اول شي يعطيك العافيه ثاني شي انت تنتقد لمجرد الانتقاد او شايف شي محد شافه
بالعكس سالم الدوسري نجم المباراه وكلهم نجوم وتسبب في الهدفين الهلاليه وقطع اكثر من كره صعبه وامس ماشفنا له اي استعراض او انانيه
نواف العابد نزل اخر المباراه ولانقدر نحكم عليه لانه يوم نزل كل الهلال يلعب لعب تشتيت وعشوائيه
اما الانفعالات سالم الدوسري لا انفعل ولا حصل منه شي يكفي ان ضربه لاعب لخويا بدون كوره ولا حصل اي ردة فعل من سالم
ودرويش اعجبني كذالك الانفعال حصل من ديقاو وكان يستحق الكرت الاحمر قول ديقاو صح انت خذت عيوب الاخرين وحملتها سالم والعابد يعني المساله شخصيه او شي اخر
المشكله ان جمهورنا ليتهم لما ينتقدون ينتقدون الشخص المخطي فعلا او الشخص المتخاذل
والله ما ينتقدون الا مفاتيح العب عندنا والناس الي لهم تاثير

سالم والعابد أعمدة من أعمدة الهلال
واتعرض لهم هكذا
وتهميش أدوارهم في هذا التوقيت غير مقبول

الهدف الأول بريك >>> سالم >>> ادواردو وقووووول
الهدف الثاني نواف >>> ديقاو >>> سالم >>> كريري >>> ديقاو وقووووول
سالم شارك في الهدفيين و نواف في الهدف الثاني

فعلا حقيقة ...وهناك بديل قوي جدا....والمدرب ﻻ يعترف بالاسماء

اخوي هدي شوي اطرح وجهة نظرك ، وناقشها بهدوء ، انفعالك فالردود بتلقى من يرد بنفس اسلوبك ، ويتحول الموضوع من التركيز على مستوى الهلال الى متابعة ذبتك عليه او عليها ، ومتابعة ذبته ورده عليك وكيف طير جبهتك وكيف طيرة جبهته ، ناقش الموضوع بشكل فني ،
انا اتفق معاك بجزئيه واختلف معاك باخرى .
اتفق معاك ان تواجد سالم ونواف بنفس التشكيله الاساسيه يسبب ربكه للفريق لانه يصير عندك لاعبين يطغى على اداءهم اللعب الفردي وكثرت الاحتفاظ بالكره ،و بذلك يخسر الفريق الكرة من جهتين اليمين واليسار ، وترتد الكره هجمه خطيرة على الهلال ، لذلك وجود احدهم كلاعب اساسي مطلب بدون مشاركة الاخر ، وافضل المشاركه اساسيا بسالم لانه يدافع ويهاجم بشكل افضل من العابد ، وايضا يستطيع ان يلعب في الجهتين ، ولاحظ عندما بداء يشركه المدرب بدون نواف ، فرض عليه الفريق اللعب الجماعي من خلال نقل اللعب الى جهة الكعبي والبريك في حالة اصرار سالم على اللعب الفردي ، لذلك للانصاف سالم بداء يلعب بطريقه اكثر جماعيه من السابق ، ولاحظ ان اي فريق يحتاج للاعب يستخدم المهارة الفرديه في حالة عدم قدرة فريقه بالتسجيل من خلال تكتيك مدربه ، اما لان الفريق المقابل منضبط تكتيكيا اكثر او يملك خط دفاعي منظم قوي صعب اختراقه الا من خلال مهارة لاعب مثل سالم الدوسري ، واتضح ذلك من خلال صناعته لهدف ديقاو في الاخويا عندما استلم الكره وراوغ ثم مررها لكريري بطريقه عجز امامها دفاع ومحاور الاخويا عن قطع الكرة لانه استخدم مهارته الفرديه هذه المرة وسخرها لصالح الفريق ، اما نواف العابد اتمنى يعيد حساباته ، ويرجع نجم يخدم فريقه ان شاء الله.

سالم افضل لاعب وسط حاليا ... ملك المرتدات

ماعندك سالفه ... اخاف بس تمدح احمد شاراحيلي لان امثالك يمدحون اشباه اللاعبين فقط

لاتنسى اخطاء دونييس .. عندما قام بأشراك اللاعبين في مراكز لم يتعودو عليها

سالم الدوسري منذ ان عرفناه وهو يلعب في الجناح الأيمن وكذلك نواف العابد

ابرز اسباب التي جعلت الخويا يحاصر الهلال في مرماه حينما افرغ الهجوم

واراح دفاعات الخصم ..

اول شي ترى وجودي في المطبخ مو عيب ولا مسبه ثاني شي موانا بس اللي اشاد بمستوىسالم الكل اشاد وأثنى عليه ومنهم الكابتن فيصل بو ثنين

اخالفك تماما في طرحك البعيد عن المتابعه الدقيقه والغير مبني ع أساس مقنع سالم كان من افضل الاعبين ومؤثر وجوده ومع قدوم دونيس تغير لعبه الناس الي متابعه
يلحضون هالشي تمريره للميد في بداية المباراه انت وضميرك وكذلك مع الزوري داخل 18 والهدف الي سجله ادواردو جت من تمركز سالم و لمسه سجل منها ادواردو والشوط الثاني مرر كرة الهدف بعد مجهود من العابد قطع الى ديقاو تلاعب بلكره رائع من سالم تمرير لكريري لمسه لديقاو لسعه تعادل
الاحتفاظ بلكره واضح تعليمات مدرب ادوردو كان يحتفظ بلكره وسالم والبريك والميدا قبل مايطلع مع ان فيه
إمكانية تمرير كان واضح البحث عن فاول لتعطيل العب وكسب مزيد من الوقت في ضَل استعجال لاعبي لخويا
للحاق بلمباراه مما يوقعهم في اخطاء كثيره ولو كان فيه حكم مثل الناس كان فيه ع اقل طرد من هذه الفاولات

الملاحضه الي اجدها فقط ع نواف العابد عصبيته ودفعه للاعب الخويا الي اشترك مع سالم ما كان له داعي وكاد
يتسبب بما لا يحمد عقباه استفز الفريق كامل وتدافع بعده الاعبين هذا مايجب تنبيه العابد له بضبط النفس.
الهدوء في الانتقاد مطلوب التطرّف لا يخدم الفريق وأتمنى تقبل وجهات نضر الآخرين وعدم التقليل منها والخروج من صلب الموضوع كل من في المنتدى عشاق لهذا الكيان من حقهم ابداء وجهات نضرهم مين قال انك بس انت الي صح او انا وفي الأخير يبقى دونيس والاداره ابخص ثقتنا فيهم كبيره .
وألف مبرووووك لعملاق اسيا الملكي وزعيمها هياااااااا بنا الى نصف النهائي .