|
بعد التحية والسلام ( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)، ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ” دونيس مدرب لعب حسب الظروف و ألف مبروك التأهل و ان شاء الله السابعة جاية بأذن الله تعالى مبروك الف مبروك ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين وارحم جميع المسلمين الله يعطيك العافيه دمتم بود Kh2001k |
إقتباس:
|
مع كامل احترامي لك ملاحظاتك جيدة لكن قارنها بالمجهود والتكتيك الممتاز والروح العالية للمدرب والفريق ستجد انها تتلاشى أهميتها .الفوز وبفارق مريح هدف وحققناه ماذا نريد اكثر من كذا. كفانا طمعا وضغطا عالفريق ككل وهم ليسوا بمكائن لا تتوقف. الأخطاء واردة والشحن النفسي له قيمته وأثره عاللاعبين والفريق. شكرًا جزيلا تحياتي |
الف مبروك ع الفوز والمبارة كان من المفترض منتهية من الشوط الاول بهدفين للهلال على الاقل نظرا للضغط المحكم من الهلال وقبل استنزاف لياقتهم ولكن الرياح أتت بما لايشتهي دونس والذي كان يخطط على انهائها من الشوط الاول واللعب على المرتدات على الشوط الثاني ولكن أصابة كواك اربكت التكتيك نظرا لثقلة وتمكنه وخبرته بالتحكم بنسق الدفاع والاكيد من مبارة الامس ان الهلال بحاجة ماسة لضهيرأيسر عصري شاب (العبيد) ولمحور شاب (كنو) لمساعدة الفريق في حال عدم لعب الشهراني وهبوط مستوى كريري لتكون الاضهرة اليسرى بالترتيب الشهراني, العبيد , الزوري والمحاور الفرج ،كنو ، عطيف ، كريري ، القرني |
الشوط الأول لم نشعر بهذا النقص أبدا و الهلال متسيد شوط كامل 100% شوط هلالي بحت , لكن خروج ألميدا أثَر على مستوى الهلال بحيث خذوا حريتهم و كلهم اندفعوا للأمام , لما تشوف دكة فريقك فيها الشلهوب و العابد و ناصر و فيصل درويش و استبعاد كل من الشهراني و الفرج ستعرف أنه الهلال غير هالسنه و لا يتأثر بالنقص و الهدف اللي جاء في آخر دقيقه من الشوط الاول لخبط حسابات المدرب و وضعه تحت ضغط رهيب و ليس المشكله في النقص مجرد وجهة نظر |
السلام عليكم يا غالين لو كان في مباراة الامس امام لخويا اي فريق سعودي غير الهلال لااكلها خمسة وبرنامج الكاس صرح بذالك الهلال يمتلك ثقافة اللعب في المباريات الحساسة الثقيلة لا احد يتغلب على الهلال الا بفعل فاعل كحكم او قرارات من لجان الانحطاط الاسيوي اللهم وفق هلالنا في كل ارض وتحت كل سماء واكرمنا بالبطولة الاسيوية |
مبروك الفوز .. ولا زال دونيس يواصل مع الكتيبة الزرقاء السير بقوة في الطريق السليم . بالتوفيق دائما للزعيم.. |
دونيس تعامل مع المباراة كما يجب .. ضغط فريق الخويا بالشوط الثاني طبيعي جداً و حتى لو لعب الهلال بالشمراني و الميدا مع بعض سيستمر الضغط .. فريق ماعنده شيء يخسره و متأخّر بنتيجة ثقيلة و الشوط الأول انتهى بتسجيل الخصم هدف .. ليه مايضغط عليك؟ مشكلة الهلال فقط و الكورة السعودية إن اللاعب السعودي إذا انضغط تجيه أم الركب .. يبدأ يشتت كور كأنهن تمريرات لفريق الخصم .. وش دخل دونيس باللاعب اللي يقطع الكورة ويرجعها مرة ثانية للفريق الخصم ؟.. أو يسحّب في نص الملعب لين ينضغط من ثلاث لاعبين وتنقطع كورته؟ أو يشتت كورة كيفما اتفق لملعب الخصم و تبدأ هجمة جديدة .. على العموم دونيس تغييراته واضح إنه ضامن المباراة وإن الخويا على أقل تقدير ماراح يسجل 4 أهداف ( لازم يفوز أربعة علشان يتعادل وخمسة علشان يتأهل ) .. بالنسبة للزوري .. فاللاعب ( الديزلي ) اللي يالله يمشي في منطقة تحتاج لسرعة ماراح يفيدك خاصة في هالوقت .. لأن الكورة الآن تعتمد على الأطراف السريعين .. أي فريق كبير شف من أطرافه و تعرف وش تحتاج من أظهرة علشان توقفهم .. الزوري كنتروله سيء .. عرضياته أسوأ .. يميزه اختراقته وتمركزه لكن خل الكورة تنقطع و صدقني يمديني أروح البقالة و أرجع و هو مارجع لمركزه .. الزوري كبديل ممتاز جداً و يقوي الدكة هو ودرويش يصلحون بدلاء لأن مستواهم جيّد لكن مهب على الأساسي .. البريك والشهراني لحد الآن خرافيين .. مع إن البريك جسمه مايساعده .. بس لاعب يلعب بعقلية عظيمة .. |
الف مبروك الفوز وانا اتفق معك في اغلب ماكتبة المهم الان التركيز وتجيهز الاعبين المصابين ونقف مع الادارة والمدرب والاعبين باذن الله سنة خير على الامة الهلاليةs13s |
الفريق كان عشرة على عشرة ولم نحس بنقصان الفرج او الشهراني حتى تقدم الهلال بالهدف الاول ثم تدخل دونيس وكالعادة بعدم قراءة المباراة بالشكل المطلوب ثم سحب الفريق كاملا دفاع منذ الدقيقة 30 الشوط الاول وسلم المباراة كاملا للاخويا لدرجة ان راس الحربة الميدا يلعب في منتصف ملعبنا ولم يكتفي بذلك بل زاد الطين بله بتغيراته الغريبه مثل كل مرة واخرج راس الحربة الذي يمسك معه اثنين من المدافعين وبعد خروجه تقدم فريق الاخويا بدون استثناء للهجوم المدرب / ممتاز جدا وانا من اشد المعجبين بفكر المدرب وتكتيكه الملائم لطبيعة لاعبين الزعيم ولكن مباراة بعد مباراة تثبت انه لايجيد قراءة المباراة في وقتها ولايجيد التبديلات نهائيا فالامس الله ستر من نكبه كبيرة بسبب تدخلات المدرب فقط وليس اللاعبين |
كلام جميل والحمد لله أننا خرجنا بالمباراة قدر المستطاع إلى بر الآمان ، أقصد فنياً .. لن أنظر إلى جزئيات المباراة ، لكن بالمجمل ظفرنا بالأهم وهو التأهل .. الزوري وما أدراك ما الزوري ( قصة غريبة حتى الآن لانعرف لها عنوان ) لكن تواجد البريك والشهراني أحدث فرق كبير وإضافة كبيرة للدفاع والهجوم .. تمنياتي للهلال التوفيق والظفر بالكأس .. |
الحمدلله والشكر لله على التاهل وبالتوفيق ان شاء الله ف المباريات القادمه |
: أشكر كل هلالي عاشق علق على الموضوع .. وايضاً أشكر كل من مر من هُنا .. : الحقيقة المُتفق عليها من أغلبية الردود بأن للهلال جمهور واعي و مثقف .. والأهم من كل هذا .. عاااااشق شكراً لكم بحجم عشقي للهلال :ba: وفالنا السابعة بإذن الله |
يسعد مساكم اولا لا اقدر اكتب موضوع جديد اتمنى حلها من الاداره ثانيا الف الف مبرووووك التاهل لنصف النهائي وعقبال االكاس ثالثا: ملاحظه لا سمح الله انطرد ديجاو واصيب كواك من راح يكون الدفاع اللي نعتمد عليه؟؟ اكثر مايخوفني الدفاع |
الله يستر لا تحاك حوله مؤامرات مثل ماصار مع كوزمين من الفريق الاصفر اياه ويحطونه بروسهم |
| الوقت المعتمد في المنتدى بتوقيت جرينتش +3.
الوقت الان » 06:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd