|
اللي حذرنا منه حصل أولا نعزي الكابتن سعود كريري .. والله يصبرهم _______________________ ثانياً مافي مجال الان نرجع لورا وليش ما تعاقدت الادارة والكلام اللي مامنه فائدة غياب كريري مؤثر وراح نشوف حذر في المبارة السوبر اكثر لعدم وجوده كريري يعطيك ثقة انك تطلع تهاجم وانت مطمن انو وراك من يغطيك لكن كل الثقه الان في ( درويش , الفرج , القرني ) وقبلهم في دونيس اللي عودنا ان رغم النقص الا ان الحلول موجوده والحمدلله ان دفاعنا متواجد بكامل اسمائه ____________________________ ثقتنا في المجموعة المتواجدة في مباراة السوبر كبيرة وان شاء الله الكأس هلالي __________________________ النصر يفتقد لافضل لاعب ( حسين عبدالغني ) يعني راح نشوف النصر متفكك دفاعيا وماراح نشوف الكور الطويله للسهلاوي كالمعتاد __________________________________ اذا لعبنا جماعي وركزنا في اللمسة الأخيرة راح نفوز ان شاء الله |
بأذن الله الفوز للزعيم الله يعطيك العافيه |
من قبل الموسم والجمهور كله يقول فيه نقص بالمحور وسبحان الله حتى قبل لايبدا الموسم اصبحنا بأزمه بغياب كريري وعدم وجود البديل كيف لو اشتد الموسم مع الارهاق والاصابات كيف بتغطي هالخانه ولكن رغم كل ذلك عندما رأيت بعض اللقطات للقرني بالمعسكر لاحظت تألقه وان شاء الله يسد الخانه |
الله كريم... ودونيس واللاعبين باذن الله قدها... |
الله يوفق الزعيييم الاسيوي ان شاء الله |
الله يعطيك العافيه على الموضوع ،، فعلاً كريري له ثقله داخل المستطيل الأخضر فنياً وغيابه مؤثر ،، بإذن الله إن المدرب يُوَفق بسد هذه الخانة من خلال إختيار اللاعب المناسب لها ،، بالتوفيق للزعيم ،، دمتم بخير .. |
الله كريم الكأس هلالي بإذن الله |
تعودنا من الهلال ان تكون قوته من النقص لكن الاهم والاخطر هو عدم الاعتماد على ظروف الخصم غياب حسين او تفكك دفاعهم لان هذا سبب خسارتنا دائما يجب ان نعتمد على طريقتنا ولعبتنا ونسيطر على اللعب والكره بقوتنا ومن هنا سيتحقق فوزنا باللعب والجد فقط وعدم النظر لظروف الطرف الاخر والتاريخ شاهد لكل الفريقين الاصعب ظروف هو من ينتصر لذالك لايجب ان نقع في هذا التخدير ولا ننظر له النصر فريق لديه كل الامكانات للفوز ولن يوقفه الا لعبنا بطريقتنا واسلوبنا وجديتنا ولتبقى ظروفه شان يخصه فايقاعنا كفيل بانتصارنا باذن الله |
إقتباس:
|
النهائي يلعب فيه الجانب الذهني دور لما خسرنا بالدوري أمام النصر وبمستوى وذهنية مهزوزة كان السبب عدم الهدوء والتركيز لكن لما جاء كأس الملك كان قبل المباراة هدوء تام أتمنى يكون هذا الهدوء حاضر وتكون الإدارة تعلمت الدرس وقبلها الجمهور تعلم الدرس خاصة ترديد "هدف جحفلي" لأنه ما زال مستمر المهم التركيز الذهني هو سيد الموقف بإذن الله والله يجعل السوبر من نصيبنا |
المهم اللعب الجماعي والابتعاد عن الفرديه فالهلال هو المتضرر الأول من محاولة بعض اللاعبين استعراض مهاراته |
سوا لعب كريري أو غاب وسوا فاز الهلال أو هزم هي مباراة افتتاح الدوري حققها الشباب العام وبالاخير ما حصل على أي بطولة بينما الهلال أخذ من أمامهم كأس الملك وهم يحتفلون بتعادل التعاون مع الأهلي ويقولون اخذنا البطولة أمام الهلال ! نتمنى التوفيق للقرني والمحور الآخر الذي سيلعب معه ونتمنى فوز الهلال وبداية الدوري سيكون لدينا كريري والقرني وعطيف واتمنى اختيار أحد حسين القحطاني وعبدالعزيز الشريد وسلطان الفرحان ليصبح محور رابع ولكن هذا سيكون فالدوري |
صالح الشهري لاعب الاهلي وقع مخالصة اعتقد لو يتم التعاقد معه واعارته الولد يجي منه |
ان شاء الله وبحول الله وقوته كأس السوبر هلالي والهلال بمن حضر وفي نهائي كاس الملك افتقدنا لخدمات سالم الدوسري وفي منتصف اللقاء افتقدنا لديجاو بالإضافه لإفتقادنا لياسر وعطيف لكن ربك اراد ان تكون البطوله للملكي والموجودين فيهم الخير والبركه وربي يوفقهم |
ان شاء الله درويش قدها وقدود والفرج كرت اخر للاعب بمكانه وفالنا السوبر بإذن الله |
| الوقت المعتمد في المنتدى بتوقيت جرينتش +3.
الوقت الان » 03:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd