نادي الهلال السعودي - شبكة الزعيم - الموقع الرسمي - طاااااااار المعـــــــــــــــــــــــاش

جميل اهتمامك بمظهرك اعجبني تسريحة شعرك بل شدتني اسوارة يدك عفوا
من اين اشتريت ساعتك من اي ماركه عطرك يالله كم انت صاحب ذوق عالي
اتمنى ان اكون مثلك ولكن امكاناتي لا تسمح على العموم تشرفت بلقاءك...
هنا انتهى اللقاء ؟؟؟؟؟؟؟
اوه نسيت ان اقول لك جميله هي ابتسامتك وشكرا على صدقتك
قال صلى الله عليه وسلم :
"تبسمك في وجه اخيك المسلم صدقه"
اتعرفه لا ماذا تريد منه لاشئ ارادت فقط احلل تعبه ومجهوده في تحسين
صورته الخارجيه...
طيب كيف اخلاقه والله ماادري ماحصلت فرصه كي افحصها
الله ماخليت شئ ما سالت عنه حتى اخر ضرس دققت فيه وفي الاخير
ماعرفت اخلاقه
اي ياخي حسيت شكلي غلط قدامه راز عمري بثوبي وغترتي اللي صار لها يومين
ماكويت وتبيني بعد احط عيني بعينه ...
وش ناقصك ياخي موظف وعندك بيت وتصرف

وميسوره والاهم تكفي مراجلك اللي تجملك بالمجالس وش تبي بعد
اقول رح مناك تدري ان سيارتي لو احطها جنب سيارته تقول "وناني" قدامها
لا وابشرك زيتها يقطر بعد...
لا حول ياخي انت معميتك المظاهر مره طيب على كثر روحاتك للمسجد قد واجهته؟؟
اي صح ماغير نتصافق انا وياه دايم بالسوقه ليه...؟!!!
طيب خذ العلم ان خويك ذا اللي مغير تمدح فيه راكبته الديون من شوشته
لاخر اصبع صغير من رجله ..
لا وابشرك للحين مافتح له بيت للحين ولا اعرس واللي اتشوفه ذا كله
الله يسلم الاقساط والاستئجارات ...
الله ذا كبره ومااعرس!!!
طيب وش اللي مانعه من المسجد مايروح له؟؟
ياخي ماتفهم" الديانه "بتاكله ماله وجه يقابلهم ..
وخير ياطير وهو جاي يقابل وجه ربه ولا يقابل وجهيهم جاي بيت ربي ماطقيت
بيتوكم عشان تاكلوني خلوني اذكر الله وادعيه كود الله يرزقني وارد قروشكم
وانا قدام عينكم وين باروح مهوب احسن من الدوجه والفرفره بالشوارع..
والله انك خطير ياخي على طول حليت المسأله بهالسهوله...!!!
وليه التعقيدوكثر البربره وطول السالفه وهي قصيره هونها وتهون وربك
مهوب بخلي احد...
بعدين تراك اشغلتني بروح اجيب علف لحلالي ابرك لي وخلكم بتعقيدكم
غريب ويقولون راح "الطيبين"
ها قلت شئ
لا سلامتك بس سلم لي على الطيبين اللي عندك وترانا بنسير عليكم
حياكم الله بس مهو ذالحين المعاش طااااااار ....
ههههههه رح اركب ونانك ويصير خير...

"وتقبل الله منا ومنك صالح الاعمال "
ومضه:
افرش سجادك ولربك سبح
واستغفروهلل وكبر
وبيع وسخ الدنيا وعش
بينها مرتاح ومتيسر
واشتر خوة من هو يوسع
الخاطر ولاهوب يكدر
وترى الحلال لاتعبت فيه
والله لاكبر مشاكلك يصغر
ذي حكمة شيبان و شيوخ وملوك
والخيرواجد لكن وين اللي يدبر؟؟؟
استودعتكم ^_