|
توقيف الشمراني وحرمان الجمهور من الحضور هناء الحل ؟ السلام عليكم ورحمة الله وبركاته نهني الجميع بقدوم شهر الخير ونسال الله ان يبلغنا ويبارك لنا في رمضان ندخل بصلب الموضوع بدون مقدمات ومجاملات وساكتب والله بكل امانه وصدق بعيدا عن المجامله والعواطف نعشق الهلال مندو اكثرمن ثلاثين سنه وسنعشقه حتى لوبدون بطولات اولاً : توقيف ناصر الشمراني للمرة الثانيه لسوء اخلاقه مع الحكم في نهائي اسياء والجمهور في نهائي كاس الملك وقبله مع المنتخب وسالفة استفزازه من طرف آخر يعلم الجميع بان الشمراني لاعب محترف تعاقدت مع الادارة بملايين الريالات اضافة الى فيلا سياره فارهه ولايعلب بالمجان ولو تاخرت الادارة باي مبلغ لن يرحم ويتعاطف معنا كجمهورسترك النادي لانه اتى عشان الملاييين وليس حبا في الهلال عكس ياسر القحطاني الى اتى الى الهلال حب في الهلال ورفض 40 مليون من منصور البلوي سابقا الشمراني اخطاء اخطاء فادحه ومتكرره والهلال بحاجته لعدم وجود راس حربه بعد اصابة ياسر والضحيه الهلال والجمهور يجب ان لانتعاطف مع الشمراني وان تتخد الادارة اشد العقوبات وتوقف التصرفات الخاطئه ويعلم بانه لاعب محترف يؤدي فقط داخل الملعب ويترك التصرفات الصبيانيه تصرفات لاعب حواري احرج الادارة والمدرب نلعب باسياء بدون مهاجم بسبب خطاءه والان مبارة السوبر واستحقاقات الموسم القادم الثلاث مبارياة بلا مهاجم باخصتار الاعب اخطي ويستحق العقاب ثانياً: حرمان الجمهور من الحضورر بسبب سوء تصرفات الجمهور يجب ان نحضر ونشجع بادب او ان لانحضر ولاينحرم الجمهور الاخر من عدم الحضورنعلم بانها فئة قليلة من اساءة الادب وبالاخير توقيف ناصر وحرمان الجمهور بسبب تصرفات يجب ان تتلافى مستقبلا واتحدى بان يصدر عقاب لاي من كان بدون تصرفات خاطئة يجب علينا ان نتكاتف سويا لنرتقي بالهلال للاعلى والكل الان محاط بعدم سرية الاعب النادي الادارة الجمهور الكمراء متاحه للجميع واي خطاء راح يتصور وينشر وبعد دلك نتهجم على الالجان والادارة والمستفيد الخصم واتمنى من الجميع العدر ع الاطاله دمتم بود حريب اليااااس |
ما زالت ثقافة المجاملة تسينطر علينا فنجد الادارة لا تريد معاقبة النجم المحطيء حتى لا تضايقه ونجد النجم يتكاثر ان يعاقب غلى الحطأ ... وبالتالي يعطى حصانه تشجعه على التمادي لكن في هذه الحادثة وغيرها يجب اولا التأكد من عدالة القرار ومدى مصداقيته والوقوف بقوة مع اللاعب اذا كان مظلوما |
كفى ثم كفى ثم كفى ظغط على ناصر ناصر اكثر لاعب انظغط من الاعلام و من الجماهير الاخرى و من الاتحاد الاصفر..! عطني موقف بسيط ممثل من الاداره السابقه دافعت فيه عن ناصر..! بل حتى مركزنا الاعلامي لم يتفوه بكلمه يحتضن فيها ناصر .! انسب و انشتم باصله و بوالديه و بشرفه و بدينه ولم تحرك الاداره ساكن..! و تبي اللاعب يسكت و يرفع قبعته لمن قام بسبه بهذي الطريقه الصفراء.! اللاعب بشر يخطي و يصيب و الظغط يولد الانفجار اكثر لاعب تحارب في الهلال منذ انتقاله ناصر..! في المتتخب حورب في بيته حورب في فريقه حورب في تمارينه حورب في الاعلام حورب في الاتحادين حورب و من جماهيره ايضاً حورب..! اذا نبي نعاتب نعاتب الاداره السابقه اين دورها كاداره..! هي اكثر من يؤثر في ناصر و باستطاعتها احتواءه و لكن تركت الدرعا .. ترعى..! نعم ناصر عصبي و يتاثر بسرعه و لكن انفجاره لا يلام عليه ان لم يكن لديه اداره تحميه ناصر نجم و لن يتأثر بايقاف كما الزعيم لن يتأثر ان اوقفوا ناصر.. فهناك اجنبي سيأتي اكثر قوه من ناصر فلن يوقفوه..! < غمزه بضحكه استهتاريه.. احموا ناصر و اعطوه حقه .. و لن ينظغط بعدها.. عموما كفانا مواضيع نظغط بها على ناصر الايقاف و صار.. و منع الجماهير و صار.. فلنترك ادارتنا الجديده تشتغل بالاستئناف و لنترك ناصر و الايقافات و لننظر لمستقبل الزعيم و نناقش اموره التي يحتاجها و لنقف خلف الكيان ، و نتوقف عن الظغط على اي لاعب اشكر لك حماسك و غيرتك على لاعبك لكن كفى مواضيع تشحن على لاعبنا فالمواضيع تسحب الردود التي فيها اجحاف اتمنى من اي زعيم الوقوف عن كتابة المواضيع التي لا تسمن و لا تغني من جوع مساءكم جحفلي ميه و تسع طعش دقيقه و اربع طعش ثانيه |
توتو الشمري نحترم رايك ونقدر مداخلتك ناصر ليس خارج النقد وهو مسئول عن تصرفاته كلننا نعصب بس مانبصق الله يكرمك ويكرم الجميع |
اخوي حريب اليأس كرمت.. اخوي انا ماقلت انه خارج النقد.. انتقده و اعاتبه و استغرب منه بعض الامور و لكن مايهمني اولا و اخيرا اداءه ثم تعاونه ثم اخلاقه لاني انظر للكيان فوق اي شي.. اخلاقه .. ماجاء يناسبني عشان اعاتبه عليها بصق..او ضرب..او تكلم.. هذا دور الاداره مو دورنا كجماهير تخصم.. تعاقب.. تتكلم معاه.. ايا كان الحل فهو دور الاداره.. صار الي صار و كل شي انتهى.. ماراح تغير شي في ناصر دام الاداره صامته بعد ناصر .. بيقول الاداره ماخذت حقي ولا دافعت عني.. ولا حتى ارفعت قضيه من اجلي..! باروح اضرب و ابصق و اتكلم و و و لما نشوف لاعب تشن عليه كل هالحملات احنا نحاول نوصل صوتنا للاداره .. مانروح نذر الملح على الجرح.. عوقب .. و احنا عوقبنا.. ماراح يتغير شي و انا اخوك.. و ثق ثقه تامممه ان وجه السعد ماهو زي عبدالرحمن بن مساعد... نواف بن سعد صارم لحد الاماته..! و راح تشوف الانظباطيه باذن الله بالكل.. لكن خلاص الامر انتهى و القرارات نفذت.. مابيدينا شي.. فلنترك امور الاداره لها و لنقف خلف الكيان فهو اشد حاجه لنا من الانتقاد الاداري.. الغلطه .. غلطة ادارة ابن مساعد خلال سبع سنوات لم ترفع قضيه لاحل لاعب او مدرب او اداري سوى قضية بن شنوان و انتهت بحب خشوم..! ناصر مازال عنده الكثير و سيقدم الاكثر فلنتوقف عن الامور الاداريه.. لانها ليست بيدينا و لنقف خلف زعيمنا دمت بود.. |
الاعب لابد انه يحترم ناديه او النادي يتعذرة معليش محنا بحاجة لاعبين مشاكلهم كثيرة هو مهاجم مميز لكن مالها داعي تصرفاته وش استفاد الهلال وهو كل يوم والثاني موقوف التعذر له بانه يستفز كل الاعبين يستفزون مو بس هو لحاله لكن فيه لاعب يعرف يرد في الملعب ورد الملعب اللي يحرقهم بعكس ايقافك اما بالنسبة لايقاف الجمهور والله ماهو سبب مقنع انك توقف جمهور كامل بسبب كم واحد رامي علبة وممكن يكون اصلا مو هلاليين همهم التخريب فقط اذا فيهم خير يورونا شطارتهم باندية ايران اللي قالبين الملعب حسينيات والعاب ناريه وغيرها وغيرها من التجاوزات البعيدة عن الرياضة لكن حسبي الله ونعم الوكيل يعطيك العافية |
ناصر اخطأ من شدة الحماس والتأثر بالاعلام وعامة الناس |
بسم الله ... السلام عليكم ... اولاً بالنسبة لإقاف الجمهور فحلها بالاستئناف اذا ما نفع نحظر من برا الملعب ونوصل صوتنا من برا وهذا اكبر رد على الاتحاد الاسيوي واثبات اننا جمهور الهلال ملح البطولةواكبر حافز للاعبين ((اللي هو فايدة الجمهور للاعبين وراح تككون طريقة ولا اروع من الدعم )) ثانياً : ناصر الله يهدينا واياه انجر خارج الملعب وما عاد رجع ما هو اول لاعب يتعرض لمثل هذي الحملات .. يا اخي ياسر ((وانا هنا لا ادخل في مقارنات لا كلهم عيالنا بس مثال من اللي حوربوا ياسر لحد الان وهم يتعرضوا لعرضه واكيد الكل عارف ايش السالفة.. على ناصر يحكم عقله ويهدا ويركز في الملعب وراح يكسر الرقم حقهم اللي خايفين عليه... لا تنسوا الوطن والمليك والعباد من الدعاء... اللهم احفظ الوطن والمليك والعباد من كل شر اللهم ادم امننا واماننا... |
الحل عند حطة احتياط حتي يعرف ان الله حق وتعاقد مع الاعب اجنبي هداف .... |
هناء الحل! بالهناء والشفاء طيب،،،،،،،،،،،،،،،،،،،،، |
مشكله الاعب الهلالي هي الاستسلام للضغوط لو تلاحظ ناصر في بدايته مع سامي كان نجم الموسم وسالم الدوسري في بدايته كان افضل لاعب واعد وهذي مشكلة اداريه بحته لان الضغوط تحرم الاعب من مهاراته وتحجب امكانياته يارجل احنا لو نلعب مع مجموعه من الشباب مباراه حاره وندخل بتحدي وهياط وتكون النتيجه ضدنا نتنرفز فما بالك بلاعبين يلعبون امام الاف الجماهير الامير فيصل بن تركي رئيس مميز بدليل متصدر لاتكلمني رفضها رفض تام ومنع لاعبينه من الخوض في هذي الجمله لانه رئيس واعي وتعلم من تجاربه بان خارج الملعب يجعلك دايما خارج الملعب ولا تستطيع الخروج بأي انجاز البطوله الاخيره فوايدها عظيمه جدا لان الهلال لة خرج خالي الوفاض في موسمين لكانت كارثيه على نفوس الاعبين وسيكون الضغط في ازدياد والنتيجه عدم تركيز اتمنى من ادارة الهلال وضع ناصر وسالم الدوسري ونواف العابد تحت المجهر هؤلاء الثلاثه خيبو امل الزعيم ولن اذكر جحفلي لان الاعب اثبت بأنه تعلم الدرس بشكل جيد مازالت ركلة جزاء كاس ولي العهد تتكرر في عقلي بشكل مزعج ونهائي اسيا سيستمر كابوس لن يفارقني الا بتحقيق هذي البطوله نريد مقاتلين لا اتكاليين بالعقوبات او بدون عقوبات لا عذر لكم الا بكأس السوبر وكاس اسيا وكل عام وانتم بخير |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd