دوري ابطال اسيا هالسنه . فرصه لاتعوض اولاً : السلام عليكم ورحمة الله وبركاته مقدمة - لايخفى عليكم جميعا احبتي حاجة الفريق لتحقيق بطولة - دوري ابطال اسيا- لاسباب عدة ومن اهمها : 1- الظهور للعالم اجمع ولمن لايعرف الهلال حول العالم ( وان شاء الله نتأهل ونقابل برشلونة ) 2- تشريف الكرة السعودية وحفظ ماء الوجه بعد الاخفاقات الكبيرة على مستوى المنتخب 3- بالاضافة لمحو تأثير خسارة النهائي السابق على نفسية اللاعبين --- طبعا اللي دفعني اكتب هالموضوع ولو اني متعود فقط على قرائة مواضيعكم وتعليقاتكم اللي تكفيني دائماً عن الكتابة لاني اجد فيها مايمثلني ، اني سمعت هالمرّه عن خبر جميل وهو (في حالة تأهل فريق ياباني للنهائي مُمثلا لفرق شرق اسيا والهلال تأهل عن فرق غرب اسيا ، فسوف يذهبااان معاً لبطولة كأس العالم للاندية لان اليابان لها مقعد مضمون لفريق واحد فقط بحكم تنظيمها للبطوله هالموسم ) يعني باقي على بطولة كأس العالم للاندية ( تكتين ) او دورين وكلهم مع فرق غرب اسيا {{وانا بصراحة سمعت هالخبر في الراديو قبل فترة وحبيت انقله لكم من باب التفائل لامن باب الركن والتخديرر}} --- لذالك اطالب بالآتي : - نزول الادارة الجديدة بكل ثقلها ( والاثقال الاخرى اللي تحب الهلال ) ودعم الميزانية بكل قوة - توفير محترفين في المقدمة ، مهاجم وصانع العاب على اعلى طراز ، وياحبذا لو يكون المهاجم صاحب حلول فرديه لاننا تعبنا من الجدران الدفاعيه اللي تقابلنا بكل مباراة تقريبا وسببت خسائر كبيرة للهلال من اهمها نهائي اسيا اللي فات . - والأهم ، توفير البديل الناجح لجميع الخانات ، مستحيل مايغيب نجم بسبب ايقاف او اصابه لاسمح الله ، وايضاً توجد استحقاقات عدة واهمها الدوري السنة القادمة لازم ماننساه اطلاقاااااً ، ((لو كان الفريق جاهز فنياً ونفسياً الموسم القادم اجزم لكم باننا سوف نكتسح البطولات كافه، كيف لا وحنا في الموسم الفائت بكل ظروفه فعلنا كل هذا !! )) -- وفي الختام اسف عالاطاله وعذروني على هالموضوع الارتجالي بسبب ظروفي والله يوفق هلالنا وادارتنا لما فيه خير ويوفقكم جميعا لماتُحِبون ، ومــبارك عليــكم الشــهر الكــريم s13s |
الهلال امام فرصة ذهبية لتحقيق ابطال اسيا بأذن الله والحمد لله وصول الفريق الى دور متقدم في الاسيوية خصوصا انها تزامنت مع الميركاتو الصيفي والمهم والاهم هو عدم الوقوع في فخ السماسرة مرة اخرى وجلب اشباه اللاعبين مايهمني اكثر هو حصول الهلال على البطولة بغض النظر عن المشاركة في بطولة العالم حتى لو وصل فريق ياباني الى النهائي وتأهل الهلال للنهائي بأذن الله وتحقق التأهل لكاس العالم فيجب علينا التركيز اكثر واكثر على تحقيق البطولة واضافتها الى السجل الذهبي للزعيم ويجب على الهلال الاستعداد للدور ربع النهائي بشكل جيد واحترام خصومنا فجميع من تأهل معنا لهذا الدور فرق قوية ولها ثقلها في بلدانها يعطيك العافية اخوي على الطرح المميز |
يعطيك العافيه ، متطلبات الفريق لاتكاد تخفى على أصغر مشجع والتأهل لكأس العالم للإندية لم يكن يوماً هاجساً او هم ولله الحمد همي هو تحقيق آسيا فقط، وكأس العالم هو مجرد مشاركه وزيادة عدد ارسنال واليوفي والسيتي وباريس سان جيرمان لم تشارك في البطوله هل يعني انها انديه ضعيفه او صغيره !! |
إقتباس:
الله يعافيك واشكر تواجدك الكريم ، ورأيك الحكيم |
إقتباس:
الله يعافيك يا غالي بالتأكيد دوري الأبطال هو الاقوى في كل قارة ، والفوز بالقب يعني تصدر وتسيد القارة وتمثيلها خارجياً، وهذا اللي نتمناه ونطمح له وقريبين ان شاء الله من تحقيقه ، اما ارسنال واليوفي وغيرهم ليسوا ضعفاء وليسو الاوائل على قارة اوروبا ، وبتأكيد يطمحو لهالشي ويتمنو الفوز بدوري الابطال ، الاول مهره غالي ياغالي |
اذا الفريق ما بيروح ويقدم نفسة بطل لاسيا ويلعب ع النهائي مالها داعي الروحه بكبرها بالتوفيق للملكي لتحقيق السابعة بإذن الله يعطيك العافية |
والله كلامكم يجلب التكاسل والثقة المفرطه اولا/ لا نرغب ان يشارك الهلال بكاس العالم بصفته وصيف بل بطل عن القارة الاسيويه ثانيا/ اكثر الفرق التي اخرجت الهلال من البطولة هي الفرق المغمورة فالعام تجاوزنا السد والعين واخرجنا من البطولة سيدني وام صلال وللاسف اكثر فرق دور الثمانية مثل هذه الفئات ثالثا/لا تناظر لنهائي قبل دور الثمانية فكر من سوف تقابل وكيف تتجاوزه وشكرا |
إقتباس:
معك حق يازعيم حنا تكلمنا عن زيادة فرص المشاركة بكأس العالم ، فقط من باب التحفيز مش من باب التخدير او غيره وبالنسبه لباقي الادوار في البطوله فا اكيد حنا نطمح لفريق متكامل الى ابعد حدود من لاعبين على مستوى عالي وبدلاء جاهزين ، لاجل المنافسة على كل الاصعده . تحياتي |
إقتباس:
الله يعافيك يازعيم وان شاء الله السابعة جاية هي والدوري وباقي البطولات |
بوضح لك نقطة غايبه عنك بالنسبه لمقعد اليابان اليابان لها مقعد واحد لكاس العالم ( بطل الدوري الياباني هو صاحب المقعد ) وفي حالة فاز بدوري ابطال اسيا نادي ياباني بيتاهل بطل الدوري الياباني وبطل دوري ابطال اسيا ( تاهل ناديين يابانيين فقط لكاس العالم ) في حالة (تكرر) بطل الدوري الياباني مع بطل اسيا يتاهل ثاني اسيا والاندية اليابانية اللي مشاركة الان صعب جدا تحقق الدوري الياباني وواحد منها مستحيل يحققه باختصار ما احد بيستفيد من وصول نادي ياباني لنهائي |
اسيا ما وجدة الا للهلال ولكن الحظ يكسر صخر |
نملك فريق قادر باذن الله على تحقيق الأسيويه والذهاب الى ابعد من ذلك اذا طعم بمهاجم وصانع لعب اجنبيين على مستوى عالي. ولكن اود ان لا نقع في نفس خطاء الموسم الماضي وهو التركيز التام على البطوله الاسيويه وتاثيرها على الفريق بعد ان تذبذب مستواه وخسر بطولة ولي العهد والمنافسه على الدوري. نعم نريد الاسيويه ولكن يجب ان نعطي بقية البطولات الاخرى نفس الاهتمام لان كل بطوله سواء كانت محليه او قاريه سوف تسجل بلقب. ودمتم يا زعماء,,, |
بسم الله .. السلام عليكم ... نمشي خطوة خطوة ونفكر في كل دور على حده ونركز على الدور اللي احنا فيه وننسى النهائي ومين الفرق والى اخره... تعاقدات فعاله وليست لأسمها او صفقات اعلامية ادرس المحترف قبل ما اتعاقد معه من كل النواحي واهم شي يكون ذو روووح .. لا تنسوا الوطن والمليك والعباد من الدعاء... اللهم احفظ الوطن والمليك والعباد من كل شر ... اللهم احفظ امننا واماننا... |
الهلال بحاجة نجم صانع العاب وهداف وبحاجة مهاجم راس حربه نجم حقيقي لاعب حسم في المباريات الكبيره وغير هاذي أنس بطولة أسيا إلا أن يشاء الله وفرصة نواف ابن سعد كبيره بفك عقدة أسيا |
كانت فرصه اكثر العام الماضي لكن اللي مايكتب عسر وبأذن الله يحققها الزعيم في هذي النسخه |
اخوي الغالي المسألة ماهي ماهي مشاركه فقط المطلوب البطوله السابعه وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين. . |
الهلال يحتاج ظهير ايمن محليا معاذ او المولد او برناوي ويحتاج تصعيد البريك والبقعاوي ظهير ايمن وحسين القحطاني وعبدالعزيز الشريد وسلطان الفرحان للمحور وكريم والسواط صناع لعب ومجاهد المنيع وخلف البقعاوي للهجوم ونحتاج مقايضة وبيع وإعارة المسلم والسالم والحمد والقرني والبيشي والفضل والواكد والشامخ والسبيعي او الثنيان والشلهوب وصانع لعب اجنبي مثل مونتيرو هداف سبورتنج يجيد تنفيذ الكرات الثابتة ومهاجم مثل موريكي السد هذا افضل حل لاكتمال صفوف الفريق |
دوري ابطال اسيا ليس سهل ولو كنت بتقابل فريق سيدني ؟ دوري ابطال اسيا فيه الفريق الصيني صعب المراس ( قوانزو الصيني ) دوري ابطال اسيا علشان تتفكر تجيبة يبغالك لاعبين كبار تواجه بهم ترسانة الفريق الصيني ؟ الفريق الصيني هو العقبة الكؤد امام كل الفرق لان الصين دفع كثييييييير لازم نستقطب لاعبين كبار في مستواهم وحلولهم الفنية لكي نفكر في الاسيوية قبل العالمية |
إقتباس:
|
إقتباس:
|
بإذن الله الهلال بطل دوري أبطال أسيا 2015 ووصيفه فريق ياباني والأيام جاية إن شاء الله |
صحيح الفرصه للوصول للعالميه للمره الثانيه اصبحت اكبر لكن حنا نبي السابعه |
من الان ومن هذه الايام الهلال التي استلم فيها وجة السعد الامير نواف بن سعد يحتاج الهلال الى عمل كبير اذا اراد الوصول الى نهائي اسيا ... فالفريق بحاجة الى مهاجم راس حربة صريح تكون بيدة جميع الحلول . وكذالك صانع العاب جيد وبالتوفيق للزعيم |
الله يعطيك العافيه على الاخبار وان شاء الله الهلال يستحق ويتأهل ويجلب بطولة كاس ابطال آسيا كلنا يد بيد مع الهلال دائماً وأبداً تحياتي لكم |
اضمن لي شغلتين اضمن لك ثلاث شغلات بإذن الواحد الأحد اضمن لي التعاقد مع صانع لعب على أعلى طراز + مهاجم شرس اضمن لك إن شاء الله ( آسيا + دوري الموسم القادم + أحد الكأسين ) |
إقتباس:
الله يعافيك يازعيم ،، اشكرك وان شاء الله كلنا خلف الزعيم |
بعون الله و توفيقه هالسنه الهلال ياخذ اسيا في اكثر من موضوع تكلمت فيه اني متفائل اذا الهلال حقق كاس الملك ان شاء الله راح يحقق كاس اسيا والحين كاس الملك في الخزانه ان شاء الله كاس اسيا يكون بنادي الهلال هالسنه ادعوا يازعماء |
انت مثل الي يفكر كيف يطبخ السمكه قبل يصطادها هناك دور ثمانية واربعة ذهاب واياب صعب جدا وبغض النظر هل تأهل فريقين صحيح ام لا مش مضمون يقابلك فريق ياباني بدري بدري لسى بدري على هالكلام ولايضحك عليكم الاعلام النصراوي بسالفة عالميتهم الخرطي الاهم هي بطولة اسياء |
إقتباس:
ههههههههه سبحان الله انت كنك شايفني ، انا عالبحر الان وجالس اصيد فعلا لايكون انا مراقب ؟؟ هههههه ،، جالس احاول اصيد سمكة كبيرة اذا تعرف بالسمك اسمها ( طرباني ) وزنها كبير ولحمهاا افضل مايكون ، سنين وانا احاول اصيدها وما الله كتب بس جالس احاول ومتفائل كل يوم احس بصيدها واسوي كل شي ،، الهلال متفائلين بفوزه ولازم يسوي كل شي يقدر عليه لاجل يحاول يصيد هههه قصدي يفوز باسيا ، الخلاصة ؛ لاتفسر ياغالي كلامنا خطأ ، كلامنا واضح لازم الهلال يعد العدة للموسم القادم بكل قوة لاجل ينافس على كل البطولات وبيفوز صدقني بإذن الله بأكثر من بطوله لو ضبط الهجوم، وبالنسبة للنهائي كل كلامنا لاجل التفائل و( واعادة الروح والمعنوية للفريق والجمهور اللي فقدها بعد النهائي الفائت ) |
صحيح الفرصة ذهبيه ولكن طموح أي هلالي هو الفوز بالبطولة وتسجيلها للتاريخ وليس التأهل لكأس العالم كوصيف مع احترامي وتقديري انا طموحي الفوز بالبطولة فقط فهي التي ستسجل لك بالتاريخ وليس المشاركة لمجرد المشاركة فقط |
الوقت المعتمد في المنتدى بتوقيت جرينتش +3.
الوقت الان » 08:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd