الفلوس تغير النفوس.. والا؟ - نادي الهلال السعودي - شبكة الزعيم

..$.المليون.$.. · #1 08/06/2015, 03:41 PM

آسعد الله آوقاتكم والف مليون مبروك يا شقردية

راح أدخل في الموضوع على طول واللي تردد عنه انباء في وسائل الاعلام خلال هاليومين

انتقال تياقو نيفيز ..!!!!!!

مثل ما الكل شايف ان الهلال يسير بخطى ثابته منذ قدوم المدرب ، والاعبين في تجانس كبير على الرغم من زج آسماء جديدة.
وهذا اللي نتمناه يستمر في الموسم القادم والاستفادة من بطاقة المحترف سماراس بمهاجم صريح.

يطلع لنا الان موضوع تياقوا وفي هالوقت..!!!!!
الكل يقول تياقو قدم كل شي عنده ومستواه انخفض!!
آكيد راح ينخفض مستواه وفي عرض مغري مشغل باله وفي نهاية الموسم كمان..!!
بالله كيف راح يكون التجانس في اسيا وهي في بداية الموسم والسوبر والدوري..!!!؟؟؟

يعني مو كافي اننا ما استفدنا من ساماراس الفتره الثانية؟؟!!

الهلال تو تشافى من الهزه اللي مر فيها خلال السنتين الماضيه من ضغط اعلامي كبير لزعزعة الكيان وتو قلنا الحمد لله،، نرجع نغير في الاسماء من جديد؟؟

يكفي فرطنا في رادوي وجلسنا سنين ضايعين من دونه..!! الان مو وقت بيع تياقوا واذا لازم من هالشي فيكون في الفترة الشتوية.

آعتقد الفلوس راح تخلي تياقو يبقى لو ضغطت الادارة وهذا اول اختبار لنواف بن سعد .. وخلونا نشوف.

سعيد الحمادي · #2 08/06/2015, 04:15 PM

رادوي يقول اللاعب الأجنبي يجب أن لايبقى أكثر من سنتين

اذا كان العرض اللي جاء تياقو 46 مليون للنادي خلاف حصة اللاعب وفي بلد مفتوح مثل الإمارات يمكن العرض يغريه للإنتقال

عقد البطولات · #3 08/06/2015, 04:31 PM

اوما يخلون تياقو ... بصراحه كلامك هذا امنية نصراوي.
بصراحه مواضيع تحس كتابها فقراويه واللي يكتب عن الهلال وهمومه يتوقف عن الكتابه ومواضيعه تنتظر ايام عشن تنزل..
يا خوفي يكون فيه مراقبين من الجار

مهموم ولحالي · #4 08/06/2015, 04:54 PM

يالشقرديه لا تاخذكم العاطفه باتجاه نيفيز نعم اللاعب ابدع وامتع ولاكن هاذا الانتقال اللاعب هو اللي بييه مثل مااسعدنا اوقات لازم هو يفرح اكيد في الامارات راح يلقى عرض اكبر وحريه اكبر له ولعائلته خلاص خدمنا وكفى ووفى لازم نقوله شكرا نيفيز ولا نقطع رزقه لاننا نحبه انتو تعرفون انه ضحى باللعب في المنتخب البرازيلي عشان خاطر الزعيم وحن المفروض هالمره لازم حن اللي نضحي شوي

محور الزعيم · #5 08/06/2015, 04:56 PM

نيفيز لاعب لايختلف عليه اثنان

لاكن أن صحت الأخبار عن العرض المغري

فالكاسب الأول هو الهلال

لأن نيفيز غير انخفاض مستواه عمره 30

والكوره ترا مليانه لاعبين الأهم الاختيار المناسب

ويكون عن طريق المدرب والتاقلم بإذن الله مع المباريات الوديه

راح يتاقلمون المجموعه مادام التغيير في لاعبين فقط

وبالتوفيق

sl7 · #6 08/06/2015, 09:57 PM

ياليته قبل ما يروح من الهلال يرشح مهاجم من البرازيل مثل ما رشح ديقاو

ويكون بديل سامارس روجيرو لاعب الشباب السابق وإن صحت الاخبار بالتعاقد مع الشيخاوي فياليت يكون بدال كواك بشرط ان ديقاو يكون اسيوي ( فلسطيني )

مقابر

إحترت اسميك! · #7 09/06/2015, 05:19 AM

الله يسهل علية سيناريو تياقو ثاني مره يترك الهلال بحجة زوجته ؟
ماقصر في الفتره الماضية والزعيم لا يقف على نيفيز او غيرة

hilalicanada · #8 09/06/2015, 05:46 AM

تفائلو بالخير تجدوه...
والي جاب تياقو يجيب غيره...
هذي اصغر انديه الدوري تجيب محترفين زي العالم والخلق...
والاهلي جايب السومه والمصري ممتازين
والفقر جايب ادريان...
والانديه القطريه تجيب لاعبين خرافيين...

***هي المسأله تحتاج اناس يختارون بذمه + مخ + بدرايه كره قدم + درايه بما يحتاجه الهلال

GLVAR · #9 09/06/2015, 06:03 AM

صراحه المبالغ خرافي 11 مليون يورو
اتمنى رحيل تياقو ( اذا كان حصه الهلال في بيع عقده 11 مليون يورو او اقل بشوي )

محمد آل سعد · #10 09/06/2015, 09:12 AM

عمر نيفيز والمده اللي قضاها مع الهلال ومبلغ بيعه عوامل مؤثره ع قرار البقاء والرحيل

لا تنسى بعد ان العرض جاي من نادي في دوله المعيشه فيها مناسبه جدا للأجانب

لاهنت اخوي والله يكتب اللي فيه الخير للهلال

يارب وفق الزعيم ~

مهموم ولحالي · #11 09/06/2015, 10:46 AM

ابشرو بالخير راح نيفيز واللي بعده ديقاو بيروح

الماجد10 · #12 09/06/2015, 11:14 AM

الهلال لا يوقف على لاعب واحد

وبالنسبة للمبدع تياقو نيفيز المتألق الخورافي ما قصر مع هلالنا شكرا تياقو

تياقو انخفض مستواه مو زي كلامك اللي تقوله ان تياقو لقاء عرض وقاعد يفكر فيه

تياقو كان يلعب مصاب وقبل كان الفريق مع ريجي زفت

تياقو احترم عقده وتحامل على اصابته

وصنع هدف النهائي

شكرا من القلب ي تياقو ابدعت واخلصت في حبك للكيان واحترامك للعقد

بالتوفيق لهلالنا في التعاقدات

ـآلـهـلآلـي · #13 09/06/2015, 11:15 AM

مع اشد الاحترامي لك يا صاحب الموضوع
انا اخالفك الرأي صحيح اللاعب قدم مستويات يشكر عليها
وانخفض مستوياته مثل ما تفضلت بس مثل ما صرح اللاعب رادوي
ان اللاعب لم يبقى اكثر من سنتين في النادي
والعرض اللي جاء من الجزيرة او من الاهلي الاماراتي
مبلغ جداَ جميل يدخل خزينة النادي
واتمنى من الاداره من الآن التحرك في جلب البديل
والافضل ان شاء الله من تياقو لأن الهلال قادر في جلب البديل
ما يتأثر الكيان بأسم او بأخر
الهلال نادي عظيم نادي كبير
بعد توفيق الله ثم تكاتف الاداره والاعضاء والرئيس
بيكون فريقنا سالك الدرب الصحيح بس اتمنى التحرك من الان
في نهاية الموسم والاستعداد للآسيوية وللسوبر وللدوري
كل الشكر لك والتحيه والتقدير

أحترامي لك أخوك
أبو نواف

ابوريان7 · #14 09/06/2015, 11:42 AM

ماقصر تياقو إعطاء كل اللى عنده واللى جاب تياقوووو يجيب افضل منه ان شاء الله

ابوحنين1 · #15 09/06/2015, 11:52 AM

اقول ضربت معلم بيع تياقو
خلاص تياقو دخل مرحلة الثلاثين من عمره