|
ديقاو وساماراس أول المغادرين من الهلال الموسم القادم . السلام عليكم .. :smilie47: تحية لأخواني الفاهمين في الكورة ولاعزاء للأطفال واللي مايفهم ويتفلسف ..! :s5s: أولآ الواحد لازم يفهم أن ديقاو لاعب حماسي لا أكثر ، وهو ممتاز بس نضيع لاعب أجنبي فية لا وألف لا . كواك للمرة المليون مظلوم في أسيآ ولو كان بعمر 28 لكان يلعب بأوروبآ مية بالمية . الفرق بين الاثنين لازم أوضحة .. ديقاو لاعب حماسي عكس كواك الهادئ قارئ أفكار الاعبين يعرف يتحرك بسلام ديقاو سريع قوي هذا الميزة اللي يتفوق فيها على كواك وهي السرعة ، أما غيرة لا . كرة القدم الحديثة تبدأ من الحارس مثل الليبرو وهذي في السعودية مافي إلآ حارسين المعيوف وشوية من شراحيلي . الدفاع : ليست مثل أول القوة ثم القوة وبس ..! أصبحت ذكاء وتقرأ فكر المهاجم تتحرك صح وأيضآ الدفاع صار في ميزتين وهي المساك ومدافع ثاني لة حرية الحركة . لو نلاحظ بخطة المدرب الجديدة 3 دفاع خطة جهنمية جدآ لكن لو نلاحظ دائمآ يبقى كواك لحالة ويغطي صح ولما يرجع معه ديقاو والجحفلي يبدأ كواك بتصحيح أخطاء الثنائي . بعدين صعب وثم صعب تحط مدافعين بنفس العقل ! جحفلي ولاسلطان الدعيع ولا شراحيلي ولا ديقاو مع بعض . المعذرة عدم التنسيق وكتابة الموضوع شكل سلس لكن ضيق الوقت والابتعاث مسبب لي أزمة وإن شاء الله قدرت أوضح وبإذن الله بعد كم يوم إذا فضيت ولقيت أحد يعرف يسوي مقعطع باليوتيوب خليتة يساعدني نسوي مقطع . |
طبعآ لا أخفيكم بأخطاء بالكم من كواك لكن أفضل مدافع وحتى لاعب أجنبي من أي دولة صعب تلقى أفضل منة . |
سدني اخذ كاس اسيا بالدفاع اذا عندك دفاع قووي تحصل بطولات |
من زمان اقولها كواك افضل مدافع مر على الهلال لاتقلي تفاريس ولا ديقاو ولا غيره وافضل ظهير ايمن مر للهلال بعد الدوخي هو لي يونج الكوريين عاملين شغل نظيف معنى بس حظ كواك طاح بفريق متهالك لو معاه الجيل الطيب ويلي ونيفيز بعزه ورادوي وعزيز والدعيع وياسر ايام العز كنا مختمين على كل البطولات اتمنى المحافظه عليه لسنتين قدام خاصه ان اللاعب الاسيوي نادر جدا وماتلاقي الي يرضيك الا بالقوه وكواك من النوادر الي فرط فيهم الشباب واذكر الجمهور كان يطالب فيه قبل مايروح للشباب ولكن حنكت سامي جلبته لنا يجب بناء الفريق على كواك لمدة سنين على الاقل والي فاهمين كوره يعرفون ايش معنى بناء الفريق على لاعب |
المشكله تجد من يطالب بكل برود التفريط بكواك اولا صعب تجد لاعب اسيوي باي مركز يكون ثقيل فنيا ثانيا من بعد قدوم كواك بدينا نشعر ان هناك عمق دفاعي وترتيب وقائد من الخلف البعض يعتقد الدفاع مجرد افتكاك كور وينسى الشي الاهم هو حسن التمركز وقياده الخط باكمله بتوجيهاته بالمختصر لاعب يعرف اين يقف وفاهم مركزه جيدا الهفوات وارده من كل لاعب ولكن لابد ان ننظر لشكل الدفاع الحالي بوجود كواك ومقارنته باي خط دفاع سابق حتى بوجود ديقاو وسلطان الدعيع قبل قدوم كواك كان الدفاع شوارع هذا لايلغي تميز ديقاو ولكن ديقاو مكمل لكواك زي مانقول كواك المخ وديقاو العضلات واكيد المخ هو الاهم لذا الحذر كل الحذر من التفريط بهذا النجم الكوري اللذي يستطيع عالاقل خدمه الفريق لسنتين |
بالعكس الهجوم افضل من الدفاع في حال اردتم بطولة اسيا لكن بصراحة ديقاو لاعب كبير ومدافع صلب اتمنى عدم تغييره . |
الهلال حصل على البطولات الاسيوية بمهاجمين فتاكين وليس بقلوب دفاعية! الدفاع يبدأ من الهجوم وليس من الدفاع! الخطة الحديثة خطة جماعية فالفريق يتحرك ككتلة واحدة |
لك الله ي ديقاوو لا طاح الجمل كثرت سكاكينه دام ان ديقاوو مش افضل من كواك ممكن تعطيني احصائية الموسم للاثنين..؟ اذا بتسوي مفارقات اقرنها باحصائيه.. و اذا المفارقات من نظرتك فقط فهذي نظرتك عموما ديقاوو جالس جالس بامر الي م تنام عينه سيئ الذكر ريجي م قدر يزيله اغراءات الفقر و الاتحاد من تحت الطاوله ماقدروا يزيلونه الحين بعض الجماهير ( المتجمهرين ) و ليس عشاق الكيان طالبوا بسلطان الدعيع بدال ديقاوو..!! عشان ديقاوو اخطاء و نسوا انهم شطبوا الدعيع من القائمه الزرقاء لما اخطاء بمباراة كأس ولي العهد..! و الان يطالبون بالدعيع بدال ديقاوو..! مهما ضجيتوا بالاصوات و مهما زادت المطالبات و مهما اخطاء ديقاوو راح يضل صخرة الزعيم في عز انهياره و لا عزاء للمتجمهرين..! |
مستحيل نحكم على ديقاو من مجرد غلطة .. وبصراحة ديقاو وكواك من الصعب جدا ان تضع بينهما مقارنة بسبب جودة الاداء الفني في كلا اللاعبين .. والاثنين يمتلكان مهارة المدافع المتكامل في المناطق الخلفية و يمتاز ديقاو بالحماس و يمتاز كواك بالهدوء وكذلك ارتقائه للكرات و اجادته للضربات الرأسيه كدور هجومي ويجيد الضربات الحرة . كواك قيادي اكثر من ديقاو وهذا بسبب الكاريزما اولا و تقدم السن ثانيا .. اما عنصر المفاضلة بينهما هو قوانين الاتحاد السعودي لكرة القدم ..مشاركة 4 لاعبين اجانب بينهم لاعب واحد يحمل جنسية آسيويه. ديقاو برازيلي و يقال انه يحمل جواز سفر فلسطيني وسيسجل الموسم القادم كلاعب آسيوي وهذا يعطي انطباع برغبة الادارة الهلالية فيه . اما كواك فهو كوري نمرة واستمارة . وبصراحة اللاعبين الآسيويين المهرة قلة و افضل مركز تتعاقد مع آسيوي فيه هو الخانات الدفاعية و هذا ما يميز كواك . ولو كان لي مشورة على إدارة الهلال وكانت الامور المادية جيدة لقمت بالابقاء على كواك ليكون عنصر خبرة تستفيد منه العناصر الشابه في الفريق و خاصة ان جميع مدافعين الفريق صغار في السن رغم معرفتي بصعوبة التفريط بديقاو لما يملكه من مميزات و لكن كنظرة مستقلبية لبقية المدافعين الشباب . و لكن اتوقع ان ادارة الهلال تبحث عن حلول سريعة و ستبقي على ديقاو نظرا لفارق السن فهي تبحث عن الاكثر فائدة في المستقبل المنظور. |
من الغباء التفريط بكواك وصدقوني وبذكركم راح يفرطون بكواك زي مافرطنا في نجوم كثير واخرهم طارق التايب الهلال لو عنده هجوم قوي كان اسيا السنة اللي راحت هلالية واسيا السنة هذي واقرب مثال مباراة بيروزي الهلال متسيد المباراه وبيروزي الفائز والهلال متسيد مباراتين سيدني وسيدني الفائز الهلال من عام 2004 ما عنده مهاجم اجنبي يعتمد عليه |
لااله الا الله والله ان اكثر جمهور الهلال جمهور عاطفي عشان غلطه من ديقاو تبون تتخلصون منه الحمد لله انكم ماتشجعوني |
مع احترامي لك مافيه اي مقارنه بين كواك وديقاو .. كلهم مدافعين كبار لكن كواك اخطاءه كثيره جدا ولو تبي تختار لاعب اختار اللي يملك الروح للفريق لأنه راح يقاتل بكل ما يملك عشان يفوز ... كواك بالمباريات المهمه احيانا يرتبك وتأتي منه هفوات .. لكن ديقاو دائما حاضر |
لايوجد أي وجه للمقارنة بين كواك وديقاو ، كواك دائما مرتبك وخائف عند الضغط عليه من أي مهاجم ولايجيد التخلص من الكرة ولايضغط على المهاجم في الهجمه المرتدة بل يتراجع معه إلى داخل خط ال ظ،ظ¨ واللي شايله الأظهره عكس ديقاو الوحش اللي كل المهاجمين يحسبون له ألف حساب رأيي الشخصي كواك وساماراس خارج أسوار الزعيم والبحث عن لاعب وسط ومهاجم تقليدي متمكن |
كواك مدافع متمكن اما دقاو فمدافع حماسي ولكنه يرتبك ولا يحسىن التصرف والهلال لا يحتاجه العام القادم |
غلطة الهدف بدأت من عند الشهراني وكواك بعدين اللي يبي يفاضل بين ديقاو وكواك يرجع من اول الدوري ويحصي عدد الاخطاء والبلنتيات اللي تسبب بها كل الطرفين ولا ننسى بأن عمر اللاعب له دور في المفاضلة اعتقد باننا نحتاج لظهير ايمن آسيوي وارجاع الشهراني لخانته في الظهير الايسر |
| الوقت المعتمد في المنتدى بتوقيت جرينتش +3.
الوقت الان » 06:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd