16/05/2015, 09:08 PM
|
 | زعيــم فعــال | | تاريخ التسجيل: 16/06/2012 المكان: جده
مشاركات: 267
| |
|
مهم الى اعضاء الشرف و الاداره الجديده
السلام عليكم ورحمة الله وبركاته
ابدء كلامي بالصلاة و السلام على خير هذه الامه سيدنا و حبيبنا و شفيعا يوم الدين
محمد ابن عبد الله وعلى آله الكرام و صحبه الأخيار اتمنى الموضوع اللي راح اكتبه الحين يلاقي اهتمام من اعضاء الشرف كافه وقبل ابدء بسرد الموضوع اابي ابين شي لجل ماحد يئول الكلام لجهه ويقول اني قصدت شي من الحين اقول الله شاهد على اني كاتب هلموضوع لجل مصلحة الهلال
اذا ذكرت شخص او اي جهه فا انا كنت اعني التشبيه و الاستفاده من تجربته مو اكثر و الله الشاهد طبعا الكل منا مو راضي على الهلال كلش سواء قبل ريجي و لا بعده و بصراحه مستوى الهلال ابد مايسر و لا يبرد قلوب
العام اللي راح خرج الهلال صفر اليدين و لا بطوله و هلسنه الله يستر ماتكون مثل اللي قبلها وان شاء الله الهلال يحقق كاس الملك هلسنه ولو الهلال حقق الكاس هنا المصيبه برغم انها فرحه لنا لكن تدرون ليش مصيبه؟
لان دايما الهلال مايكون طايح و يجي مثلا في مباراه يحقق فيها شي نتناسى وضعه الاصلي و نرتب امال على اخر شي وصله و بلتالي الهلال من حفره الى حفره ونتم على راح يتحسن و الحين الانسجام تم بين الاعبين و المدرب فهم طريقة اللاعبين و مستوى ادائهم وهلم جره و حنا ورانا اسيا
خل الحين اقول للاداره تعالوا نرجع ويا بعض من وقت تدهور الهلال تحديدا عقب رحيل قيرتس
في مدربين انتو رفضتوا التوقيع معهم بسبت غلاء اجورهم طيب مايخالف الحين نبي نجمع كل المدربين اللي مروا على الهلال من بعد ذيك الفتره الى اليوم الحالي و نشوف هل بلطريقه اللي فكرنا فيها كانت صحيحيه
هل تم توفير مبالغ و تم تحقيق بطولات بمدربين اقل اجور
ماتوقع هلشي صار الا صرفنا اكثر من التعاقد معهم و ماحققنا شي يعني خساره من كل النواحي
ترى اللي يطالبون باستمرار دونيس مع كامل احترامي لهم اقولهم لا رايكم مو صحيح .. صدق ان دونيس قدر ينتشل الهلال من الانهيار لكن دونيس مايملك مايخليه يحقق بطولات دونيس تكتيكيا فقير
وطبعا هلكلام ينطبق على جلب اللاعبين ماتلاحظون ان الهلال هو اكثر فريق يتسنزف اموال في جلب لاعبين بمبالغ كبيره!!
طيب وش السبب مبالغ كبيره و يجون لاعبين مايستاهلون حتى الدرجه الاولى
سؤال يطرح نفسه.. انا مابي اتهم احد لكن على نظرتي ياترى السماسره اللي الهلال يتعاملون معهم شنو وضعهم
ليه لاعبين غاليين وفاشلين؟
خل اضرب لكم مثل.. الاهلي المصري من انجح الانديه استقطاب للاعبين وخصوصا من افريقيا ... تعاملوا مع مثل هولاء السماسره او وجهوا بوصلتكم على افريقيا بعيدا عن شمال افريقيا و امريكا اللاتينيه اتركوا الاروبيين يجيك واحد من 10 لا طلع زين
انا قريت كثير و سمعت ان الهلال يفاض هزازي مع خالص احترامي له اتمنى الهلال مايفاوضه يانجيب لاعب هجوم " راس حربه" و يلعب اساسي و لا بلاش بيجي هزازي بيقعد مثل السالم
اتمنى من الاداره اللي راح تستلم زمام الامر تفكها من النظر في مبدء اجيب 3 و لا 4 لاعبين بقيمة لاعب و الله مافي اي فايده يافرحتنا فيهم احتياط
وكواك الله يسهل عليه خلاص يكفي لاعبين دفاع .. الموجودين فيهم الخير و البركه ويا ديقاو
ارجوا من اعضاء الشرف العمل من الحين من الحين على التوقيع مع مدرب له انجازات و له لمسات وفي سريه تامه و هم البحث من الحين على لاعبين يستاهلون ارتداء الزي الهلالي
تكفون اسيا حلمنا هلسنه ترى برغم زعلنا وحرتنا على كل اللي راح لكن اسيا بتدوي كل شي
اخر شي والله ماقصدت اي شي من هلموضوع غير نجاح الهلال فقط ولو ذكرت اي شي ترى لجل توصيل المعلومه مو للاعلان عن اي شخص و لا جهه يارب ناخذ كاس الملك و كاس اسيا هلسنه اسف على الاطاله اللهم صل وسلم على سيدنا محمد وعلى آله و صحبه |
1Likes
الوضع المتطور
