السلام عليكم ورحمة الله وبركاته
اسسعد الله مسائكم يا زعماء

والله العظيم لا احمل بقلبي شي على الزوري
ولا حبيت اكتب عنه موضوع لكن طفح الكيل يا زوري

اول خطوه لتصحيح اوضاع الهلال الاستغناء عن الزوري اسرع وقت

1 لاعب كبير وبطيء وبارد وماعنده روح وضيع علينا مباريات وبطولات
عجزت اعرف هو لاعب دفاعي او هجومي وفاشل بكل الحالتين
لا يغطي كويس ولا اوفر كويس
رجله اليمنى اشبه بالمشلوله حتى باص باليمين مايقدر
ودمر لاعبين مثل المرشدي والمسلم يفتح عليهم الزاويه ويصيرون هم بالواجهه

مباراة النصر بالدور الاول هو من اهداهم الفوز بالبلنتي الغبي
ومباراة النصر الاخيره ضيع 3 فرص من غير تسديدته اللي مدري وش تبي
ولا عرضيه صحيحه من الزوري في مباراة النصر كلها عشوائيه
والنصر من عرضيه وحده جاب هدف وانهى المباراه
من غير كوراث سيدني فقعع مرارتنا

من الاخير لاعب لا يهش ولا ينش

وانا اكتب الموضوع هالحين وانا اتابع مباراة الهلال وهجر
الى هالحين ضيع فرصتين وتسديده امام المرمى ب 5 امتار وصلها لمواقف السيارات


#كلنا_عبدالله_الشامخ

الشامخ بكل مباراه كرت اصفر اخطائه كثيرة خاصه حينما يقطع الكور
الزوري نقطه ضعفنا لذلك لا نلوم الشمراني ابدا
اتمنى ايجاد البديل ويكون احنبي وركن الزوري بالاحتياط وليس الاستغناء عنه

الزوري من أفضل لاعبي الهلال هذا الموسم .. خلوا عنا التحطيم اللي ماله داعي ..

الشامخ اسوء من الزوري حقيقه ..

نبي الشهراني يساااااااار وبس .. ودرويش يمين

انت من جرف لدحديره ولا تزعل من الصراحه

يضايقك ويضايقني مستويات الزوري اتفق معك لكن تنسيق خطا

بس كله كوم ومطالبتك بالشامخ كم ثاني


انت تتابعه يوم كان بالاولمبي !! والا مثل اغلب الهلاليين يطالبون بلاعبين بالسمع سمع فلان

انا اتابعه من زمان لاعب عصبي وفي نفس الوقت يسرح

لكن تعرف محمد البريك لاعب الهلال الي اعاروه للرائد

تعرف عبدالله العمار الي يلعب ظهير ايمن وايسر لانه يجيد اللعب بكلتا القدمين
وله اهداف خطيره

تنسيق الزوري بيخليك ترجع لطير يالي

يعني تلعب بظهير واحد اصيب تقشر بصل مثل ماصار مع الهلال يوم اصيب ياسر الشهراني


الحل هو الاحتفاظ بالزوري والشامخ احتياط
واعطاء الفرصه للعمار والشهراني والبريك هالشي بيخلي عندك خمسه اظهره في خانتين

إقتباس الرسالة الأصلية كتبت بواسطة أزرق بن أبيض الزوري من أفضل لاعبي الهلال هذا الموسم .. خلوا عنا التحطيم اللي ماله داعي ..

انا ما احطم انا اقول الصحيح
اللي يحطم والله انت بقولك افضل لاعب هلالي هالموسم
من اي ناحية اقيمته فضل لاعب
كم مره سجل وكم مره صنع فرصه
وكم اوفر سليم ؟ وكم كم كم كم والله ما دهور الهلال الا هو

نبي ظهير ايسر ناري زي منصور الحربي او الأسطا

إقتباس الرسالة الأصلية كتبت بواسطة عبدالعزيز الخالدي انت من جرف لدحديره ولا تزعل من الصراحه يضايقك ويضايقني مستويات الزوري اتفق معك لكن تنسيق خطا بس كله كوم ومطالبتك بالشامخ كم ثاني انت تتابعه يوم كان بالاولمبي !! والا مثل اغلب الهلاليين يطالبون بلاعبين بالسمع سمع فلان انا اتابعه من زمان لاعب عصبي وفي نفس الوقت يسرح لكن تعرف محمد البريك لاعب الهلال الي اعاروه للرائد تعرف عبدالله العمار الي يلعب ظهير ايمن وايسر لانه يجيد اللعب بكلتا القدمين وله اهداف خطيره تنسيق الزوري بيخليك ترجع لطير يالي يعني تلعب بظهير واحد اصيب تقشر بصل مثل ماصار مع الهلال يوم اصيب ياسر الشهراني الحل هو الاحتفاظ بالزوري والشامخ احتياط واعطاء الفرصه للعمار والشهراني والبريك هالشي بيخلي عندك خمسه اظهره في خانتين

كلامك سليم اخوي عزوز
بس الزوري خلاص ما عنده شي يقدمه والاستغناء عنه مكسب للهلال
نبي اي ظهير بس يعرف يعرض كوره زي الناس
مليناااااا من عشوائية الزوري

شوف الشامخ كل رفعاته ما شاء الله بالملي

لو جمعت رفعات الزوري كلها في موسم ما جت مثل رفعات الشامخ بالشوط الثاني بس في مباريات هجر

الزوري احتياط جيد

ولكن اساسي لا

مسكين هالزوري اذا هزم الهلال حطو الحيل بالزوري

الزوري ممتاز و يا ريت يكون احتياط نستفيد منه في المباريات الدفاعية ، لابد ان يطعم الفريق باعمار 22 الى 26¦ و خصوصا الاضهرة.

شكرا للزوري فقد اسعدنا كثيرا و ليس من المعقول ان نجحد ما قام به سابقا


العنيد

لاعب جيد لكن يعيبه البرود في بعض فترات المباريات وبطيء في بناء الهجمة

الزوري واسطته قويه مرررررررره ... والشامخ قد يكون أسوأ منه لأنه ثقيل وأخطاءه كثيره

وكبيره والكروت عنده بالهبل ... لابد من البحث عن ظهير أيسر والتجربه حتى لو كانت

غير ناجحه فهي أفضل بكثير من البقاء على لاعب سيء ...

بالعكس الزوري من افضل لاعبي الهلال

إقتباس الرسالة الأصلية كتبت بواسطة أزرق بن أبيض الزوري من أفضل لاعبي الهلال هذا الموسم .. خلوا عنا التحطيم اللي ماله داعي ..

والله صدقت بس العالم دي يا انها ماتعرف تتفرج كوره يا انها تدور أفضل اللاعبين وتريد تحطيمهم