بسم الله الرحمن الرحيم
السلام عليكم ورحمة الله وبركاته



ألمانيا في كأس العالم لعبت بدون راس حربة أساسي وخذت الكأس

يعني لاتزعجونا بالشمراني ، الحمدلله من فضل الله فزنا في عدة مباريات بدونه

والتوفيق بيد رب العالمين

وصراحة الشمراني مايقدر يفك نفسه من المراقبة ، في النهائيات مايسوي شي

الله يوفق الهلال ويكفيه شر الخونة والحاقدين

لنا في الهلال تجربه لعبنا في احدى السنوات ممكن عام 1984م بدون راس حربه واخذنا بطوله اتذكرها للان وكان لاعب وسط الهلال عبدالله الجربوع في حال الهجوم يدخل في العمق ليكون راس حربه وهو يلعب في الوسط

المانيا هذا انت قلتها فرق بين منتخب فيه افضل لعيبه نخبه من اللعيبه و فرق بين نادي و لا شك فيه اندية تلعب بدون راس حربة
لكن اللعب بدون راس حربة يكونون اللعيبه المحترفين و المحليين على اعلى طراز
و يبغي له يلعبون على تكتيك المدرب لازم انظباط بوسط الملعب و للاسف هذي ما يتقنها سالم الدوسري
دايما نشوفه يدخل منطقة 18 و يسحب بهاللعيبة و يتاانن يا اما تنقطع الكورة منه او يسطحها وراء الملعب
لكن اللحين ان شاء الله ان الهلال بخير و ننتظر السنه الجايه و نجيب مهاجم عليه الكلام بدال سامراس و هذا اللي ناقصنا .

في الهلال الجميع ممكن يسجل ، وهذا المهم

إقتباس الرسالة الأصلية كتبت بواسطة @ عاشق الكاسر@ اذا ماسجل قالوا يحتاج مهاجم اجنبي يفك الرقابه عنه ..طيب هذا نحن نسجل من دونه ومن دون راس الحربه الاجنبي بتاعه اصلا جابوه وجابوا معه نيفيز يصنع له ويلعب بحريته لان الرقابه على نيفيز الله يصبرنا على بعض االجماهير

صدقت ياخي مدري ليه العالم معطينه أكبر من حجمه

الحمد لله الهلال يسجل بدون مهاجم صريح وفق مبدأ الحاجة أم الاختراع
لكن بدون التقليل من ناصر الشمراني
مباراة لوكومتيف لعب الهلال خارج ارضه ولو حصل التعادل فهو نتيجة ايجابية ولذلك المدرب لم يجازف والحمدلله تحققت المستوى والنتيجة لكن لايعني هذا ان تلعب غداً امام الرائد بدون رأس حربة او تلعب على ارضك وانت تفكر بالفوز بدون مهاجم صريح فالتكتيك والتشكيلة عند اي مدرب ناجح تفرضها الظروف وليس النجاح مرة يستلزم تطبيقها كل مرة

الهلال فعلا قادر ان يفوز بدون الشمراني...

لكن لا نقبل التقليل من ناصر زلزال آسيا...

محقق هداف الدوري 5 مرات... وماخذ احسن لاعب في آسيا...

ما ينتظر منك اشادتك ولا احد غيرك... اهدافه و انجازاته تلجم الجميع...

المانيا فازت لان
عندها دفاع ووسط مستعد
يتحمل اي هجوم 90 دقيقه
وفوق هذا وراهم نوير

بعض المندسين يقللون من ناصر وين المشرفين عنهم

إقتباس الرسالة الأصلية كتبت بواسطة بطل بكل حالاتك بسم الله الرحمن الرحيم السلام عليكم ورحمة الله وبركاته ألمانيا في كأس العالم لعبت بدون راس حربة أساسي وخذت الكأس يعني لاتزعجونا بالشمراني ، الحمدلله من فضل الله فزنا في عدة مباريات بدونه والتوفيق بيد رب العالمين وصراحة الشمراني مايقدر يفك نفسه من المراقبة ، في النهائيات مايسوي شي الله يوفق الهلال ويكفيه شر الخونة والحاقدين

أنت أولهم موضوع كأنه وجهك بالضبط

اسفين طال عمرك اشغلناك بناصر
وعلى فكرة اتوقع توماس مولر كان ظهير ايسر او محور
توماس مولر رأس حربة صريح
الله يصلحك بس

من بعد اعتزال سامي ما جانا مهاجم ممتاز مثل ناصر
الحمدلله على نعمة ناصر مهاجم ما ينزل اخر 10 دقايق وياخذ كرت عشان ما يلعب نهائي مثل القائد الهارب

يالحبيب و " كلوزه وش خانته "
مهاجم اصرح من الصريح
ومولر مع المنتخب راس حربه صريح

الله يعطيكم العافيه على التغطيه والنقل ،

ناصر الشمراني في اسواء موسم له لحد الان مسجل 12 هدف في الدوري

اعتقد كان عندنا راس حربه افضل موسم له معنا سجل 11 هدف في الدوري