[ALIGN=CENTER]تحذير
اوضحت الدراسات الزعيميه والسيكو لوجيه والجيكو لوجيه ان شبكات الجواااااااااال في القاره السعوديه تحلب المجتمع السعودي حلبا مبرحا وتنخر في دمجتهي وجيبه الين يصير على الحديده ويمكن احيانا يبيع الحديده[/ALIGN]
[ALIGN=CENTER]هذا موضوعي لهذا اليوم
[ALIGN=CENTER]انا فيني حره من فواتير هالجوال
توها ماصه من جيبي كم ترليون (قويه !صح) اجل خليني اقول كم ريال عشان ما احد ينضلني
في البدايه وقبل لانبدا
اولا / من هذا المكان يبارك شموخ بيك مراسل البراري والقفار والصحاري والرمال والفيافي و...(احد معه سف ياشباب!) للراسبين والراسبات ونهنئهم باجازه سعيده منتازه ومزركشه ونقول لهم هاردلك .اللي يصقط يصير اقوى له على راي ابوي يوم اني بالابتدائى
اما اخواننا الدوافير الناجحين فنقول لهم اها انتم نجحتوا وش استفدتو! اكل ومرعى وقلة صنعى تسدح في هالنهار وسهر بهالليل
سانيا/ الخريجين والخريجات الملحطين والملحطات اقول لهم ...بخ ..بخ .. غنوا ياليــــــــــــــــــــيل ما اطولك
سالسا/ عليكم بربط الاحزمه والتاكد من عدم وجود أي ادوات حاده او متفجرات او كوذي ولا كوذي
رابعا الموضوع طويل ويبيله قعده يعني اللي اشتراكه ساعات يفتح الموضوع ويسكر الاتصال .. واللي راعي زقاير يولعها ويقرب الطفايه (تحذير حكومي التدخير مضر بالصحه ويسبب الصرطان.اللهم عافنا وشافي متـتـنـيـنا) ..واللي راعي شاهي او تركش كوفي يتركها ويتجه الى البنتاقون قصدي الكبتاقون( المخدرات) على طول( وشهوله التأخير) ..
نبدا على بركة الله
انا بصراحه ياجماعة الزعيم داخل على الله ثم عليكم انا انسان صحيح(بتشديد الياء) واحب الثرثره والضحك على الجوال (مدمن جوال الله يكفيكم الشر) وقدر الله علي وصارت تجيني فواتير بالالف والافين والثلاثه وانا هالحين على وشك اني اشحت عند ابواب المساجد بس ماني لاقي باب مسجد مبحبح(يعني اللي يطلعون منه كاشات مدرهمين)احد خابرن لي!يرسلياه على البرايفت رجاءا عشان ما احد يحجزه قبلي
ومنه هذا المنطلق اتمنى ان احد يحن قلبه علي ويسدد فاتورتي القادمه وانا اغسل سيارته كل يوم واقوله اذا كان اسمر بيض الله وجهك واذا كان معصقل ادعيله واقوله سمنك الله واذا كانت شينه(خاص للستات) ادعي لها واقول جعلك تطلعين ولد اريح لك واريح لمجتمعنا السعودي المعطاء
نرجع للسالفه
قلت في نفسي يبو داحم وش رايك بدل هالجوال اللي يجيك ويفاجئك بالفاتوره اللي تخرع كنها حسابات شركة الوليد بن طلال
@وش رايك ببطاقه سوا ! تعرف كم تصرف وكم تحتاج وعلى قد لحافك مدي يارجولي
قلت والله فكره ميه ميه
DO IT!
انا سويتها
وبصراحه اول يومين كانت الامور ماعندك باحسن منوووووه(على راي القصمان)
ويوم ورى يوم مقاني
نوم ويوم ورى يوم
واتريني قيت .
.يله نكون سوا
ونطفر قبل سنا
نعيش تحت الديون باقي السنا
وبعد مرور الايام بدات الاتصالات عندي على الجوال
دقه ويسكر
ومرااات كثيره
وبارقام مختلفه
دقه وسكر
وبيني وبينكم
انا رقم سوا اللي شريته كان مزركش يعني من هاك الارقام المتشابهه مع بعضها
وهذا السبب الرئيسي اللي اعتقد انه سبب الدقه والتسكيره
يحسبون اني من جلاس الوليد او من عياله
المهم
قلت وش في جوالي عساه مب خربان والا خلص الشحن اللي بوووووووه
قلت ومن منطلق الثقافه(اللقافه) ابشوف منهو اللي دق على
ترن ترن
تررررن ترررن
انا : الوه
صاحب الجوال :ادوووووووووه
ترى مابلعت ريقي وقتها ابدا
انا : احد داق على الجوال
الشخصه:ما ادري يمكن دقيت بالغلط ياحبيبي(حبيبي مره وحده ..قلت يبو داحم لاتدقق) اسفه
انا :طيب تاكدي مره ثانيه وانتي تدقين اذا سمحتي(شفتو انا مؤدب عالجوال)
ياجماعه انا حدي في الجوال سعيدان عليان ابو حلا الدب الداشر هذولي شلتي يعني تماسيح من ابو الذهب وانت جاي
عاد طلعلي هالصوت اللي كله حنان ورقه ومزركش منين (لاحقا اكتشف ان الرقم هو السبب)
نرجع للمكالمه
الشخصه ردت علي :شفيك انت ماتعرف ترد زين
قلت في نفسي افا كنها بدت تسب ولا يتهيئلي
قلت عموما حصل خير بمان الله
الشخصه :باي
انتهت المكالمه
لكن تبون الجد طبعا هذا احد المكالمات اللي صارت معايا واللي كان لها سالفه نكملها باختصار عشان اخواننا الملحطين حقين الاشتراك بالساعات لانهم نسو يقطعون الاتصال
كلمت البنت ثانيه
خلاصة الكلام قالت ان رقمك مميز وكيف حصلت عليه
قلتلها من اقرب بنشر طبعا
المكالمه الثالثه تسال وتقول تبي تبيعه
وتبعتها مكالمات تلف وتدور حول مثل هالموضوع واشياء اخرى (شكل اخوانا الملقف شرواي جا في بالهم وش هالاشياء الاخرى هذي ) اقولكم بعض منها بس لكل واحد يقرى لايعلم احد (ولو اني بفضح نفسي بس يرجال وسع صدرك ..
انا بصراحه بطبيعتي احب اضحك واستهبل تعرفوني عاد شاربن من برادة عادل امام القصبي ال سدحان
وهي تقهقه يعني تقول قها قها قها
هلا والله ابروح اقحص واجي
التمساح ماصدق خبر بنت تضحك معه
وصرنا نسولف ونسولف ونقهقه ونضحك
ويله على هالحله وبطلت اكلم عليان وسعيدان وابو حالا وبقية التماسيح
ومرت الايام ودارت الايام (ابووووووك بادحيمكلثوم)
وبصراحه وصلت لمرحله استصغرت واحتقرت نفسي
وقعدت اقول لنفسي
وبعدين
انا قاعد اضيع نفسي وبدون ما ادري
يعني ماكنت اعملها ايام كنت في بدايت العشرينات
وكنت اقلل واستصغر من يسويها .....اصير اسويها ...وبعدين انا شين وعارف وواثق من كذا فليش التعب والمصاريف
انا بمصاريفي مع عليان وسعيدان ومش ملحق على حالي على الاقل استفيد منهم في اني اصفقهم واللزخهم بركب وكفوف ويمكن اصير ملاكم مرموق زي هاليماني نسيم ,,,اروح ادخل على حالي شي انا احب اتجنبه من قبل [/ALIGN]
الشاهد من القصه ([/ALIGN]
1/1 الواحد لو بيطاوع نفسه وهواه والله ان يروح الى القذارات والاشياء اللي ماترضي الله ولا خلقه في الدنيا والاخره
2/ يجب ثم يجب ثم يجب التمسك والاستزاده في الوازع الديني ومن ثم العادات والتقاليد ومالا ترضاه لاهلك فلا ترضاه لاهل غيرك
3/ المبدأ الشهير في الغزل اللي يقول اشحن سوا ....نركب سوا ..كان فعلا صحيح الى حد ما
3/ شارو علي وقالوا خلها(الجوال ابو فاتوره) وخذ اختها(سوا) ...قلت الله يلعنها ويلعن اختها مااستفد شي المصاريف هيا هيا
4/ لا للمخدرات ...............لا للمعاكسات بالجوالات....بدون ..مافيها شي يعني ممكن
5/ للمعجبات الغرقانات في دباديب الشينين امثالي لايهمكم الكلام اللي فوق اللي يبي يدق على جوالي رقم 055555555 او رقم ملحقي 999

[ALIGN=CENTER]نهايتووووووه
ياجماعه شوفولنا حل مع هالفواتير الله يرحم والديكم ...ترى الاتصال غالي لحد الحين ولا تهون الانتر نت بعد
كل واحد يشوف له كم وزير يكلمه ويقوله خلهم يخفضون الفواتير على المسلمين عشان نعرف نغازل زين
(واحد ماكنه استفاد ابدا من الكلام اللي فوق لووووووووووووووول)

حكمه (اكتشفتها بعد سوا)
المبدأ الشهير في الغزل اللي يقول اشحن سوا ....نركب سوا ..كان فعلا صحيح الى حد ما واللي يبي يكذبني الوعد الطلعه عند البوابه [/ALIGN]

[ALIGN=CENTER][ALIGN=CENTER]خربطة (علىوزن حكمه)
مدرس كتب في اسئله الاختبار سؤال يقول فيه اشرح قول الرسول صلى الله عليه وسلم (.......حتى لو دخلو جحر ضب لدخلتموه)وبعدين كتب بعدها اخرجاه(يقصد البخاري ومسلم اجرا الحديث)
طالب صلحه(دلخ) شرح الحديث ويوم وصل لكلمة اخرجاه قال وقد تمكن البخاري ومسلم بعد ذلك من اخراج الضب من الجحر [/ALIGN] [/ALIGN]

[ALIGN=CENTER]تبون الجد
الوجه اللي تشوفونه فوق اعجبني مرررررررررررررررره فصرت احطه سواء بمناسبه او بدون مناسبه لذا وجب تنبيه معاليكم
والله يحفضحكم مثل مافضحت نفسي
ابنكم البار
شموخ الفضيحه[/ALIGN]

إقتباس /1 الواحد لو بيطاوع نفسه وهواه والله ان يروح الى القذارات والاشياء اللي ماترضي الله ولا خلقه في الدنيا والاخره 2/ يجب ثم يجب ثم يجب التمسك والاستزاده في الوازع الديني ومن ثم العادات والتقاليد ومالا ترضاه لاهلك فلا ترضاه لاهل غيرك 3/ المبدأ الشهير في الغزل اللي يقول اشحن سوا ....نركب سوا ..كان فعلا صحيح الى حد ما 3/ شارو علي وقالوا خلها(الجوال ابو فاتوره) وخذ اختها(سوا) ...قلت الله يلعنها ويلعن اختها مااستفد شي المصاريف هيا هيا 4/ لا للمخدرات ...............لا للمعاكسات بالجوالات....بدون ..مافيها شي يعني ممكن 5/ للمعجبات الغرقانات في دباديب الشينين امثالي لايهمكم الكلام اللي فوق اللي يبي يدق على جوالي رقم

اللة يكون فى عونك ^^^^ أحلى ما فى موضوعك نصائح مفيدة من صاحب خبرة

أشحن بطاقة سوا نركب سوا ههههههه

تحياتى شموخ

يعطيك العافيه شموخ0

إقتباس سانيا/ الخريجين والخريجات الملحطين والملحطات اقول لهم ...بخ ..بخ .. غنوا ياليــــــــــــــــــــيل ما اطولك

يا ليل مطولك

<<<<<< ينتظر وظيفة والظاهر بيدخل موسوعة العاطلين 0


مشكور على النصائح أخوي0

الولد البار

إقتباس اللة يكون فى عونك ^^^^ أحلى ما فى موضوعك نصائح مفيدة من صاحب خبرة

وش رايك اصلح اصير لقمان زماني

إقتباس أشحن بطاقة سوا نركب سوا ههههههه

انا سمعتها
لاتقول اني قلتها
انا حيالله نااااااااااااااااااااااااااااقل

ملتااااع

إقتباس يعطيك العافيه شموخ0

يعافيك اليوم ودوووووم حبي

إقتباس يا ليل مطولك

<<<

إقتباس <<< ينتظر وظيفة والظاهر بيدخل موسوعة العاطلين 0

تبي الجد ياملتاااااااااااع ........وخذها نصيحه من مجرب ..خصوصا بالوظايف وغيرها
عليك بالواسطه اللي مافوقها فوق
خلك بالليل انت والصلاة والتهجد
وربك مافوقه فوق يابعدي

حسبي الله على بليسك يالشيـن

انا تـو جالـس أفكـر ,,,

ثـلاث تمـاسيـح ... ابوالذهب وجاج ,, وميـن الثالث يانااس

أثــره انت الله يقطـع سوالفك

والله موضوع طويـل ياخي ,, بـقـراه وأجيـك يالمزيـون

لا تمشي

الـحــاتــمــي ......


مــر مـــن هـــنــــا .......


ويقول : شمخوه ,, انت يبغالك وزن أذرعة مع غسيل بستم !!

yazeed_9
اقول يزيد
والله طول موضوعي ماهوب جا مثل موضوعك حق الانقاب على المنتدي
تصدق ان الا الحين ما قدرت اكمله

إقتباس يالشيـن

اشكرك بعنف على ذوقك ودلعك لي وش اسوي بعد كل الناس يدلعوني

إقتباس يالمزيـون

ارس على بر
مزيون ولا شين انا
ولو اني احب الثانيه لقناعتي فيها اباَعن جد

إقتباس لاتمشي

طيب ابحتريك


والبقيه ستأتي في زحمة طريق الملك فهد

يا أخي هالاتصالات مشكلتها مشكله ..

يالله السلامة ..

هلا شموخ تصدق من يوم اشوف اسمك اذكر الحجامين اللى بالشميسى
شف حبيب البى هالفواتير مالها الا حل واحد وهو انك تسددها





الا شموخ على طارى هالخشه وش تذكره فيه ---- ابد مايقصد براطم شموخ








لايفوتك لقيت شى مزبوط ههههههههههههههههه شف هالوجيه

ياربيه من يذكرونى فيه مهوب كانهم ابوسليمان والبارق وحبى تيماوى

حـسـبـي الله عـلى شيطـانـك

انا مـيـر موضوعـي جانـي تمـزيـع من الإدارة بعـده

أمـا انت وهالموضوع ,,

ماخـذ كـل وقـتـي .... وبالأخـيـر تبـي قــروش

ياخـي الحـل واحــد مافـي غـيـره ,,

تخـلـص من رقـمـك وخلك على الـسـوا أبـرك لك والله

واشـتـغـل دق وتسكـيـر

سي يــووو

إقتباس الـحــاتــمــي ...... مــر مـــن هـــنــــا

والله ان مريتا من هنا مرت(ن) اخرى لاكسر قزاز سيارتك ماعندنا في الحاره ناس يدورون بدون شغله

إقتباس شمخوه ,, انت يبغالك وزن أذرعة مع غسيل بستم !!

اولا لو قلتلي شموخي كان شكيت في نفسي اني زين
والشي الثاني خابرلي ورشتن زينه عندكم بحايل يازنون لي اذرعتي ببلاش

abu_riman

إقتباس يالله السلامة ..

ابو ريمان يابعد حيي مستوصف السلامه مب هنا ....في الشارع اللي ورانا والحين صاك لان اليوم جمعه تعاله بكره بدري يمكن تلقى دختور الاتصالات فيه لكن يبيلك تاخذ رقم ..عليه زحمه ولا طريق الملك فهد

ابو الذهب
خذ هالبيتين اول عشان العيش والملح اللي بينا(امحق عيش وملح)
يابو الذهب ياللي كل مانسنس من الغربي هبوب ××××قلت وش ريحة هالفطيس شكلها ريحه شراريبك يهالمالغ
وسلامتكم
...(انا سامع واحد هناك قالي صح لسانك
صح بدونك يالشقرجي ) والله ياعيال اني شايف برنامج نسايم ليل في الام بي سي لاتلوموني (الشعر بدا يصير مالغ هالايام )

إقتباس شف حبيب البى هالفواتير مالها الا حل واحد وهو انك تسددها

والله انك جبت الضايعه يالذهين

إقتباس ياربيه من يذكرونى فيه مهوب كانهم ابوسليمان والبارق وحبى تيماوى

ابو الذهب والله انك صادق ..لا وبعد شف يضحكون زينا تصدق اتوقع ان المشرفين يشجعون هلال(قل والله)
yazeed_9

إقتباس ماخـذ كـل وقـتـي .... وبالأخـيـر تبـي قــروش

اقول انا نداوم 8 ساعات كل يوم وش هوله؟ ......اكيد عشان نبي الحكومه ماتتعطل مصالحها_ تكفى يالوزير_ (وش فيك تناظرني ..قلت شي غلط!

إقتباس تخـلـص من رقـمـك وخلك على الـسـوا أبـرك لك والله

وانا قايل من قبل مالك الا الاعضاء الفطينين بالمنتدى هم اللي بيحلونها لك (((((امحق!))))

إقتباس سي يــووو

مدري وش تقول
بس احتياطا شكرا
انا ما احب اكل والا اشرب شي ما اعرفه

موضوع حلو جدا الله يعطيك العافية .......



بس عندي ملاحظت(ن) قوية ليتك تدركها الله يسلمك...

وهي مقطع من كلامك ...







خربطة (علىوزن حكمه)
مدرس كتب في اسئله الاختبار سؤال يقول فيه اشرح قول الرسول صلى الله عليه وسلم (.......حتى لو دخلو جحر ضب لدخلتموه)وبعدين كتب بعدها اخرجاه(يقصد البخاري ومسلم اجرا الحديث)
طالب صلحه(دلخ) شرح الحديث ويوم وصل لكلمة اخرجاه قال وقد تمكن البخاري ومسلم بعد ذلك من اخراج الضب من الجحر




هذي ترى قوية هذا حديث شريف عن الرسول ....

لاهوب خربطة ...... ولاهوب حكمة ....



وشكرا للموضوع الشيق

ابو بسمه

إقتباس هذي ترى قوية هذا حديث شريف عن الرسول .... لاهوب خربطة ...... ولاهوب حكمة ....

ابو بسمه
حاشاي اني كنت اقصد الحديث .ينقطع لساني قبل اقولها

كان قصدي الدلخ اللي قاعد يشرح
ومع ذلك اشكرك على تنبيهي ونصحي يخوي

هلا والله بالمعزب

وينك هاليومين ماتنشاف ؟؟؟؟؟؟؟؟؟؟؟!!!!!!!!

حبيت أسلم واشوف أخبارك؟؟؟؟؟؟؟؟

تحياتى لك

المعزبه

كادى

هلا والله بشموووخ

شف وأنا أخوك الإتصالات ما كلتنا أكل ..

بس خل عنك أنت أهون من غيرك غيرك ينسحب على ودنوووووووووووه

إقتباس اما اخواننا الدوافير الناجحين فنقول لهم اها انتم نجحتوا وش استفدتو! اكل ومرعى وقلة صنعى تسدح في هالنهار وسهر بهالليل

نجاح على غير سنع وإلا لا
لو هم راسبين كان ابرك لهم .. أقل ما فيها أنهم يستفيدون من الإجازه ذي

إقتباس وانا هالحين على وشك اني اشحت عند ابواب المساجد بس ماني لاقي باب مسجد مبحبح(يعني اللي يطلعون منه كاشات مدرهمين)احد خابرن لي!يرسلياه على البرايفت رجاءا عشان ما احد يحجزه قبلي

تكفى إذا لقيت مسجد خذني معك وأنا راضي بـ 25 % خل نسدد فواتير النت وإلا الجوال يالله لك الحمد والشكر أني مقاطعه من سنتين ولله الحمد

إقتباس 1/1 الواحد لو بيطاوع نفسه وهواه والله ان يروح الى القذارات والاشياء اللي ماترضي الله ولا خلقه في الدنيا والاخره 2/ يجب ثم يجب ثم يجب التمسك والاستزاده في الوازع الديني ومن ثم العادات والتقاليد ومالا ترضاه لاهلك فلا ترضاه لاهل غيرك 3/ المبدأ الشهير في الغزل اللي يقول اشحن سوا ....نركب سوا ..كان فعلا صحيح الى حد ما 3/ شارو علي وقالوا خلها(الجوال ابو فاتوره) وخذ اختها(سوا) ...قلت الله يلعنها ويلعن اختها مااستفد شي المصاريف هيا هيا 4/ لا للمخدرات ...............لا للمعاكسات بالجوالات....بدون ..مافيها شي يعني ممكن

درر يا ابن حلسسسسسسسسسسسسسسسسسه

إقتباس انا سمعتها لاتقول اني قلتها انا حيالله نااااااااااااااااااااااااااااقل

طيب ليه ما كتبت منقوووووول



تحياتي لك يا أحلى شموووووووخ ;)