انتبهوا لتصاميمكم
 

السلام عليكم ورحمة الله وبركاته

في احد الايام في الصباح الباكر وفي الالطفش والزهق الممل

تصفت احدى المنتديات المغموره وصراحه كانت اول مره ادخل ذاك المنتدى

المهم لقيت منتدى التصاميم ودخلت عليه ولقيت ما شاء الله كل عضو حاط تصميم معفن زيه

المهم ضغطت على واحد فيهم اشوف وش اللي مسويه من التصاميم لقيت تصاميم انا شفتها هنا بمنتدى الجمهور الهلالي وبمنتديات الذيب مدمي الشباك

انا بالبدايه قلت اكيد ان هذا هو نفسه اللي حاط التصاميم بمنتدى الزعيم زسامي

فجأة لقيته حاط اكثر من تصميم وانا متاكد ان هذي التصاميم مو اللي مسويها رجل واحد لا بل اكثر من رجل

المهم من حسن الحظ ان ذالك العضو حاط ايميله تحت كل تصميم

جيت واضفت هذا العضو عندي بالماسنجر ومن حسن الحظ اني لقيته متصل في نفس اللحظه

كلمته وبديت اجره بالكلام لما قلتله التصاميم اللي انت حاطها انت اللي مسويها

قال طبعا

قلتله تحلف

قال ليش لا

قلتله سألتك بالله انت اللي مسويها

قلي مدام انك سالتني بالله اجل ابي اقول الصدق انا والله سارقها من احد هالمنتديات

قلتله منتدى واحد بس

قعد يضحك وقال لا والله اكثر من منتدى

وفجاه قلي مو بس انا السراق

انا استغربت وقلتله ليه اهلك بعد

قالي روح شوف منتدى كذا وكذا وشوف الصفحه كذا وكذا

لما رحت ولقيته فعلا الرجال صادق

وانا ما ودي اعطيكم هذي المنتديات لاني اِستُحلفت الا اقولها لاحد

فانا انصح اللي يسوون تصاميم انهم يحطون بتصاميمهم علامه بارزه او اسم معين مثلا اسمه ويكون بشكل واضح او اي شي يمنع تجرء اي احد على سرقتها ووضعها في المنتديات الاخرى باسمه

هذا والله من حرصي عليكم واتمنى ان لا اكون قد اطلت عليكم والسلام عليكم

للاسف الاسلام ما اصر في قلوبنا كما يجب يا اخي الا يعلم هذا الرجل ان السارق تقطع يده و لكن لانهن يعرف ان في الانترنت لا توجد مراقبة بدأيسرق

و لايفكرفي العواقب


لا حول و لا قوة الا بالله

لا حول و لا قوة الا بالله

يسلموووو اخي على حرصك


التوقيع شي ضروري لحفظ الحقوق

ولكن احب اقول ان اللي يسرق يضر نفسه ويخدم صاحب التصميم لأنه مايطور نفسه وفي نفس الوقت يروج لتصاميم صاحب التصميم الأصلي


تحياتي وشاكر لك اهتمامك