|
الى متى هالاعبين يستهترون بمصلحة الهلال!! نطالب بعقوبه رادعه لهم' السلام عليكم: مبروك الفوز امس ، واللي المفروض تكون النقطه50 مع نقاط التعادل مع هجر' والتعادل مع الفيصلي' ونقاط العروبه.. لكن صحيح من قال ؛ حسم الدوري في اوله ماهو في اخره.. والعبره بالخواتيم هالمقوله ماهي في كورة القدم ... لان الطيور طارت بارزاقها " ومازال بعض الهلالين يقول " العبره بالخواتيم... الان المنافسه " بين النصر " والاهلي .. ودخل الاتحاد على الخط... وكلهم يستحقون الدوري بلا شك ... اما الهلال مع احترامي لايستحقه.. وهو يتعادل ويخسر من فرق صغيره ومتوسطه. نعم الهلال لايستحق الدوري.. ندخل في الموضوع : شي تشوفه في الهلال ويقهر ومستحيل تشوفه بفريق ثاني ومن فتره طويله" حتى ان صفة الفرديه اقترنت بلاعبين الهلال مع الاسف.. الاعب لو يتزوج ، لو يجي له مولود، لو ولد عم خال ابوه تحمل زوجته.. قعد يراوغ ويحاول يسجل هدف شخصي عشان يهدي له ويسوي حركه! "الهلال ماهو مكان للاهداءات ياهوووه! ضيع العابد علينا بطوله بسبب مطالبته بتنفيذ ركلة الجزا عشان " يرد على احد او يهديها" نيفيز قعد فتره يلعب بكل انانيه" عشان يسجل ويهدي " لمدامه الحامل" اخرتها سالم الدوسري يجلطنا ويضيع هدف محقق لو لعبها لزميله او سدد مباشره كان هدف.. والا " لازم يكون قول الاهداء غير عادي'!! وكان الشباب بيتعادل لولا سترالله... كواك مازال يزاحم ويحاول يسجل ويضيع علينا " ركنيات " والله العالم بيهدي لمين! الله يرحم والديكم ياادارة الهلال كفايه تساهل في هذا الموضوع. ذبحونا هالاعبين بالانانيه والفرديه والاهداءت مصلحة الفريق اهم ولازم يكون فيه حل لهذه المشكله اللي مسيطره على الاعبين من زمان.. وللاسف بدون محاسبه ولامعاقبه.. لازم يكون فيه خصم على مثل هالتصرفات الغريبه واللي تضرر منها الفريق كثيرا.. ارحمونا |
:d:d والله إنك صادق ، استهتار لها الدرجة ! اللاعب يحاول ، يضيع 5 فرص أو أكثر مايهم الأهم الإهداء أين المدرب القوي ؟ لماذا لايتم محاسبتهم أصبح اللاعب يبحث عن المجد الشخصي والمديح والنادي آخر إهتماماته. الله يرحم الحال بس إلى متى هذي الضغوطات النفسية :ranting: |
مؤيد لكلامك تماما ذبحونا هالاشكال ورفعوا ضغطنا ,, ما ضيع الزعيم الا هالاستهتار الحل معهم الدكة الين يتربى ويبطل هالحركات السقيمة |
اي والله من جد بصراحه لاعبين الهلال لزم يراجعةن حساباتهم امس لاعبين النصروالاهلي ماشاءالله عليهم سرعه ومراوغه يلعبون اللاعبين عندهم حماس في اللعب التهديف الهلال فيه عين ماصلت علئ النبي صلى الله عليه وسلم كان ماشاءالله عليه الكل يغار منه ومن مستواه اماالحين صرنانخاف عليه من هزيمته من الفرق الصغيره:cry: الله يكتب الي فيه الخير بس |
اويدك فيما كتبت اخي مهتم هنالك استهتار في انهاء الهجمه والبحث في جماليه الهدف وليس الهدف نفسه تريد التفنن بالهدف احرز مالا يقل عن ظ£-ظ بالنتيجه من ثم ابحث عن هدف خورافي نصيحه اوجهها للاعبين / جمال الهدف سوف ينسى بعد فتره ولا يسجلها التاريخ وانما مايسجل بالتاريخ هوا الرقم التهديفي مثل محصل مع ناصر الشمراني وصل للهدف رقم 100 بالدوري . بالنسبه للصناعه ايضاً يسجل بافضل صانعي اللعب ولا يمكن نسيانه فهوا يبقى تاريخ فهناك لاعبين مرو ع الهلال في صناعة اللعب لا ينسو ابداً يوسف الثنيان - نواف التمياط - الشلهوب - طارق العجايب ، هؤلاء بحثو عن مجد تاريخي لهم فنالو مايستحقو ابحث عن مجدك لا لجماليه مجدك |
خصوصا سالم الدوسري مادري وش يحس فيه دايم ينفرد بالحارس و يجيب العيد لهالدرجه مافي احتراف؟ انفرادتين قدام الاتحاد ف ولي العهد و انفراده امس و انفراده مع المنتخب!! تخيلو يسويها ف نهائي اسيا؟ هاللاعب تجيه ام الركب عند الباب و يضيع مجهود الفريق لازم يتدرررررررررررررررررب على الانفرادات |
انت بس شوف نيفيز كيف ينفذ الركنيات واغسل يدك نستفيد منها الاعب الا يسدد للمرمى اما تطلع برى او يستلمها الحارس يعني ماقد شفته يحطها على رأس احد لاعبينا عندك الشمراني وعندك ديقاو وعندك الكوري وعندك ساماراس وعندك جحفلي كلهم مميزين بضربات الرأس لكن محد يصلح لهم شي وربي ان الشامخ ينفذها احسن منه واظن فيه هدف تسجل من تنفيذ له وياليت المدرب يخليه ينفذ الركنيات بدل نيفيز لان اخرتها ضياع يعطيك العافية |
هذي المشكلة لا يمكن حلها الا بامرين ،، الاول ادارة حازمة توقف مع اللاعبين وتساءلهم و تحاسب ان لزم الامر . وهذا تحتاج لها رئيس قوي و مدير للفريق اكثر قوة شخصية من المفرج. و الامر الثاني هو مدرب ممتاز و يفرض احترامه على اللاعبين و يكون حازم و قراراته نافذة على الجميع من دون اعتبار لنجومية احد على احد وهذي امور ربما تتوفر في المدرب دونيس و لكن نعطيه فرصة و نشوف كيف يحسن التعامل مع فترة التوقف الحالية. |
نفس كلامي أقول البارح ضيعنا نقاط في بداية الدوري المفروض الان ننافس على الدوري موضوع العابد مااحب اني اتطرق له حتى لو العام الماضي ضيع علينا نهائي كاس ولي العهد بدخوله الغبي وتسببه في بلنتي وهالسنه ضيع علينا كاس ولي العهد باهداره ضربة الجزاء اللي يخلي الواحد يشك انه ينتقم من جمهورنا وريسنا |
الركنيات السبب من نيفيز لانه يسدد على المرمى ولا يرفع الا نادر اتمنى من المدرب تغيير لعب الركنيات باقي الاعبين تغلب عليهم الانانيه بالذات سالم ولدوسري |
نتمني ان ترتقي عقليات لاعبينا الي لاعبين محترفين نتمني ان نشوفهم قد المسؤليه |
دنيس ذكر انه راح يعالج مشكلة إهدار الفرص. وانا معاك في بعض ال " الانا " والاستهتار في اللمسه الاخيره. ضروري تعالج لانها تضيع علينا بطولات ومباريات محسومة. |
من ناحية أن هناك أخطاء فبالتأكيد هناك أخطاء وقدإعترف بعض اللاعبين و آخرهم سالم الدوسري ببعض هذه الأخطاء ووعد المدرب بتلافي هذه الأخطاء مستقبلاّ نظراً لضغط المباريات في الفترة الماضيةحيث لم يستطع المدرب تصحيح الأخطاء بسبب هذا الضغط . لكن لفت إنتباهي في الموضوع قول صاحب الموضوع ما يلي : الان المنافسه " بين النصر " والاهلي .. ودخل الاتحاد على الخط... وكلهم يستحقون الدوري بلا شك ... اما الهلال مع احترامي لايستحقه.. وهو يتعادل ويخسر من فرق صغيره ومتوسطه. نعم الهلال لايستحق الدوري.. كلامك عزيزغيرمنطقي ففي الوقت الذي تؤكد فيه إستحقاق ( الإتحاد ) بالدوري والمنافسه عليه تستبعد ( الهلال ) تقول بأن الهلال لايستحق الدوري وقد ذكرت السبب وهو أن الهلال يتعادل ويخسر من الفرق الصغيرة والمتوسطة بالدوري طيب هل الإتحاد لم يتعادل ولم يخسر من الفرق الصغيرة والمتوسطة بالدوري ؟ فلماذا يستحق الإتحاد المنافسة على الدوري بينما لايستحق الهلال هذه المنافسه ؟ جلد الذات هذا لن ينفع الزعيم الملكي العالمي بأي حال من الأحوال دعوا اللاعبين يصححوا سلبياتهم بهدوء والمدرب إعطوه الفرصه بدون الضغط عليه ليتلمس مواطن القوة في الفريق ليعززها ويبني عليها و يكتشف مواطن الضعف ليصححها ويقضي عليها . الضغط الدائم على اللاعبين وعلى الإدارة وعلى الأجهزه الفنيه لن نجني منه إلا الضياع والإرتباك وزيادة الضعف والتوتر بالفريق فكلنا شاهدنا كم مدرب مر على الزعيم الملكي بالسنوات الماضيه وهذا التعدد المخيف بالمدربين خلال الفترة البسيطة الماضية سيدمر كل ما هو جميل بالزعيم الملكي العالمي ويفقده الإستقرار الهام لكل فريق يريد المنافسة على البطولات. |
| الوقت المعتمد في المنتدى بتوقيت جرينتش +3.
الوقت الان » 05:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd