بسم الله الرحمن الرحيم
السلام عليكم ورحمة الله وبركاته


ياخي قهر كل ثلاث أيام مباراة وسفر وطيارة وأجواء غير
وغيرنا ممدين رجولهم بالرياض الأندية هي اللي تجيهم مايروحون لها

المفروض إذا فيه مباراة خارجية يتم تأجيل المباراة التي حددت في نفس الاسبوع لمصلحة النادي

أنتو مستوعبين إن للهلال ثلاث مباريات في عشر أيام وحدة منهن في إيران

بالله عليكم كيف تبون نتايج كويسة !!!!!

لايجيني واحد يقول الأندية الأوروبية واللاعب الأوروبي ، مافيه مقارنة بين لعيبتنا ولعيبتهم

أملنا فالله وبس

حسبنا الله ونعم الوكيل
والحمدلله على كل حال

بس اعتقد مباراتنا امام الشباب يوم الاحد القادم يعني فرق خمسة ايام من مباراة فولاذ ،

أخوي كل الأندية المشاركة آسيويا تعاني من ضغط المباريات وليس نادي الهلال فقط ولكن عموما انسى إتحادنا الأصفر يأجلك مباريات دام النادي الجار هو المستفيد لأن لاعبوه ما شاركوا في المنتخب ولا أرهقوا ولذلك اصبر حتى يضمنون الدوري لأنهم خايفين يطير منهم بأي لحظه!!

على العموم أنا مبسوط من ايقاف سلمان الفرج في الآسيويه لأن المسكين أرهق فوق ما يتصوره الجميع واستغرب ما شاء الله كيف ما حصل له تمزق عضلي(الله يحفظه من الإصابات)!!!

الله يعطيكم العافية وبالتوفيق للزعيم الملكي

كل الاندية معك في الهوا سوا ؟

من سالفة الدفاع المدني والكوره مدحدره هي جات على الضغط

والله مااقول إلا ربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين. .

يجب على الدفاع المدني ان يتدخل لتأجيل المباريات لان فيه شق في الاتحاد السعودي عرضه 7 اعضاء كلهم يعملون لصالح انديتهم فقط مع اخذ التوجيهات من صاحب الانذار الاخير

لازم نكون حقانيين ومنصفين
جميع الأندية أللي تلعب خارجياً تمر بنفس الوضع كلها في الهواء سواء

شوف نادي التعاون وهو من أندية الوسط وأمانياتة ضعيفة وماعنده ملعب خاص فية
راح يلعب

الهلال والنصر والأهلي والأتحاد خارج أرضة ومع الشباب في بريده
وكل هذه المباريات راح يلعبها بالتوالي تتخللها مشاركات خليجية هامة للفريق

ونحن نتكلم عن الزعيم الأزرق

المفروض يكون فيه عملية التدوير مثل المدرب ماريوس سيبريا