|
حرب مدمرة ومنظمه على عزوز الدوسري؟؟ اولا احيي كل الزعماء في المنتدى ,انا شخص مقل جدا في كتابة المواضيع ولاكن عندما لاحظت ان هناك حرب مدمرة لموهبة اللاعب عبدالعزيز في كل المواضيع الفترة القريبه الماضيه وبشكل منظم خلال مباريات الفريق وبعدها ما كان مني الا ان ادلي برايي المتواضع في هالموضوع وهو ان اللاعب عزوز كان هو امل الجماهير في اعادة اسطورة وسط الهلال السابق نواف التمياط وحمل رقم 11 وسار في نهجهه وتالق عزوز بشكل ملفت وكان من اهم لاعبين الوسط في المملكه بفكر عالي وقدم قوي في نفس الوقت ولاكن ماحدث لعزوز من اصابة غريبة في الاوردة الدموية في اصابع القدم مثل ماكلكم تعلمون ابعدت اللاعب لفترة طويلة تؤثر في اي لاعب مهما كان مستواه واصبح لا يشارك دائما لكثرة تغير المدربين في الفريق والقناعات المختلفة. عزوز الان مع المدرب الجديد منحه الثقه بقيادة الوسط وكلنا شفنا عزوز امس كيف استعاد جزء من مستواه الجميل في صناعة الهدفين الاول بشكل مباشر بتمريرة طويلة لايجدها الا الكبار وصاحب فكر كروي عالي والثاني بنفس الطريقة لسامراس في منطقة الجزاء. المطلوب هو دعم عزوز من الجمهور بالتشجيع في المدرج مثل ماحصل مع الزوري فعزوز في حالة عودت مستواه سيكون للوسط الهلالي هيبة مع وجود نيفيز والعابد و سالم. فأرجو التوقف عن التجريح والاسقاطاط على اللاعب حتى وهو امس يقدم مستوي جميل هناك اعضاء هداهم الله مازالو بعنادهم يستقصدون اللاعب ويدورون الزله واي غلط وهمه فقط الانتقاد . اسف على الاطالة وكل التوفيق لهلال القرن وزعيم الكل |
فابريغاس على غفله حتى يتعرض لحرب تدميريه ياساتر منهو عزوز حتى يتعرض للشي هذا عزوز من ثلاث سنين وهو منتهي الصلاحيه واخذ فرصته مع كل المدربين ولا فيه فايده واذا ماانتبه ع نفسه راح اقوله عليك السلام لاحرب ولا ضرب ولا خرابيط الشغله ومافيها انتبه لنفسك ياعزوز حافظ على التمارين واسمع كلام المدرب زين واترك عنك السهر اذا حافظت على هالاشياء هذي ابشر بالخير الحين قاعدين نشوفك تقدم بعض من مستوياتك الزينه مع دونيس بس اهم شي تحافظ على نفسك وبسسسسس ولا تسمع حرب وضرب وطاخ طيخ وبطيخ |
المقصد من موضوعي دام اللاعب موجود في التشكيلة الهلاليه لا انا ولا انت يقدر يجلس مكان المدرب ويبعد اللاعب دام هو مقتنع فيه فاالاحسن التشجيع من غير الاسائات . الان يعتبر الاختبار الحقيقي لعزوز بعد ثقة المدرب وجعله اساسي . وشفنا امس مستوى جميل ونتمى يواصل هالشي وربنا يكتب اللي فيه الاخير |
اخي الكاتب العزيز اي حرب مدمرة على اللاعب والله محد درى عنه اللاعب اول ماطلع قدم مستوى جيد وكم مباراه سجل ومن يومها ماعاد شفنا له بصمه وهو اللاعب الوحيد الي مستواه سيء وجدد معه الهلال بمبلغ عالي جدا وبعد التجديد معه لم يتغير شيء بمستواه الان الهلال مع قناعتهم انه لايفيد اي شيء اخذ فرصته كامله جدا والضحيه حمد الحمد والسبب عقد اللاعب العالي جدا ومبارايت كثر من العام يلعب اساسي ويغير الشوط الثاني بسبب مستواه لا يفيد ابدا .. |
عبدالعزيز عبارة عن نقص .. و هدر للخزينة الزرقاء ما ذبحنا الا التطبيل ... كفايه تطبيل |
لاعب انتى وماضيع الهلال الا التطبيل والتمجيد لبعض اللاعبين العاديين ياليت نهتم بالسواط والشامخ والحمد وشراحيلي اللي اهم من عزوز حقك |
كلامك صحيح مادام اللاعب معنا المفروض ندعمه ليستعيد مستواه |
ما ازيد على كلام الأخوه الي قبلي يعني عشان صنع له فرصتين البارح صار يتعرض لحرب حنا الي نتعرض لحرب بوجوده ووجود ساماراس العاهه اذا استمر على مستواه الي البارح وطور من نفسه راح يلقى الاشاده اما غير كذا مع نفسه هو افضل من سامراس طويله بس يركض على الفاضي لو يمشونه افضل ماخذ مكان الكعبي على الفاضي |
غريب امر الجمهور قصّر الزوري في مباريات عدة وبأخطاء كارثية صبينا عليه غضبنا ليصحح من نفسه ابدع في مباراة "عادية" مدحناه على قدر اجتهاده مقارنة بالخصم فهل كان النقد "حملة منظمة"؟ عبد العزيز نفس الحالة لكن اخطاءه كانت بتدمير اي مرتدة او بداية ونهاية الهجمة وانت لم تكتب الموضوع سوى لتميّزه امس فهل الخصم امس يقارن بالخصوم الاسيويين؟ هل النقد كان "حملة منظمة"؟ نحن مجبرون على دعم المجتهد ومجبرون اكثر على طرد المقصّر هل هذه الحملة "المزعومة" سبب بعدم استطاعته تنفيذ "رمية تماسّ في مباراة ماضية؟ عينات اللاعب البارز في مباراة و"يعك" في 10 تدمّر هيبة الزعيم ولا نحتاجها لدينا اسماء شابة ممتازة وان كانت تحتاج لوقت لتكتسب الخبرة الدكة بدأت تنتعش بالشباب فلا يهمني الاسم او الحملات يهمني زعيم شاب له هيبته ويملك مواهب وخيارات بكل الخانات |
يا اخي موضوعك يضايق المندسين وهم انسهم اللي طالبو بابعاد نيفبز عزوز نجم وسوف يرد على عاهات المندسين شكرا لك صاحب الموضوع على دعمك للاعبين |
عزوز ابدع في مباراة الامس وكان نجم من نجوم المباراة مع ناصر وفيصل درويش واتوقع انه بيبدع في المباراة الاسيويه ونقول ان شاء الله انه بيبدع مع دونيس على طول بس خوفي انه ابدع علشان عقده قريب ينتهي ويبي عقد كبير الله اعلم وعسى اكون مخطئ في مسألة العقد�� |
اخي الكريم عزوز كان موهبة ولكن انهكتها الاصابات خلال الثلاث الاخيرة لم يقدم مايشفع له ومع هذا تجده اساسي او احتياط دائم النزول اعطي فرصة اكثر من غيره والحمد خير دليل السبب الرئيسي بعد الاصابات في تواضع مستواه هو ضمانه لمركزه نواف التمياط حينما عرف انه لن يقدم مستواه المعروف بسبب الاصابات اعتزل لانه لاعب كبير ويريد المحافظه على صورته الذهبيه لدى الجمهور وبعض لاعبينا مع انه يعرف مستواه يكابر ويلعب ويحرق الجمهور ببروده ليس هناك حرب فاللاعب لازال يقدم مستويات ضعيفه |
امس عزيز رجع لبعض من مستواه ... اهلا وسهلا عزيز امس لكن الفتره الماضيه كان هناك ظل عزيز وليس عزيز اللي نعرفه مع هذا عزيز اللي نعرفه عنده اكثر من كذا بمراحل ... وراح ندعم عزيز ... وأتمنى من عزيز اثبات نفسه |
من يلعب في نادي كالهلال يجب عليه أن يدفع ضريبة الشهرة التي سيقدمها له الهلال فإن أبدع فسيكون بالواجهه وسنمدحه ونرفعه ونصفق له وإن قصر في لعبه وبرد وتعالى فسوف نكيل له من سياط النقد الهادف حتى يتعدل ويرجع لجادة الصواب وتقديم المستويات الفنيه العاليه وإلا فاليدور له نادي غير الزعيم الملكي العالمي فجماهير الزعيم يهمها أن يكون الزعيم دائماً وأبداً في الواجهه ومرتعاً لتحقيق البطولات والإنجازات هذا ما تعودناه وهذا ما نطالب به أما من ينتقدون للتحطيم وإنهاء أي لاعب فهؤلاء ليس بهلاليين وإنما حاقدين ولا تهمهم مصلحة الزعيم والحمدلله بأنهم قلة في هذا المنتدى الشامخ بشموخ الزعيم الملكي العالمي الحقيقي وليس الترشيحي هههههههههه قصف جبهه بسيط |
اي حرب واي خرابيط اذا يبي يكون اساسسي يفسر عن ذراعة ويعلب زين ويكون اساسي لاجاز للمدرب |
| الوقت المعتمد في المنتدى بتوقيت جرينتش +3.
الوقت الان » 02:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd