ناخذ نفس ونكمل اللي بديناه - نادي الهلال السعودي - شبكة الزعيم

إيهاب زكري · #1 13/03/2015, 02:27 AM

السلام عليكم ورحمة الله وبركاتة

جمهور الهلال العظيم ... خلاص ريحنا وهدينا من وجع الادارة والمدرب

كالعادة ذهبت الادارة ورحل المدرب والهلال ثابت بوجودكم

خلونا ناخذ نفس الان ونكمل دعم الهلال بالحضور للمباريات ... الحمد لله الهلال بدء يتحسن شوي ... لكن يحتاج وقفتنا معه الان

ابطال الاولمبي اللي صعدو للاول مقدمين مستويات تبشر بالخير لابد من دعمهم علشان نعطيهم ثقة نحضر للملعب ونهتف باسمائهم طول المباراه

نشجع باستمرار بدون توقف اثناء المباريات

جمهور الرياض ... ما يحتاج نحرص عليكم بالحضور للمباريات ... خاصة في الاسيوية

الهلال الان بدء يستعيد شيئ من هيبته لا نخليه يواجه الاعلام الممنهج والايادي الصفراء لوحده ... وافضل طريقه لاسكات هذه الاصوات النشاز هي الحضور وملئ المدرجات وتشجيع الهلال

فرحنا بملعب الجوهرة لكن هذا الفرح ينقصه جمهور الهلال ... الاتحاديين والاهلاويين يتغنون بكثرة الحضور (( والله من حقهم )) طالما جمهور الزعيم مرابط في بيته ومتكي قدام التلفزيون ... كنا الاكثر حضور بين كل الجماهير والان ترتيبنا يارابع ولا خامس وهذا مو ترتيب جمهور الهلال ابدا

لحد يجي يقول نتائج الهلال ما تخلينا نحضر والله نتائج الاتحاد والاهلي ماهي افضل من الهلال من سنييين وشوفو جمهورهم معبي الملعب

الموسم باقي فيه بطولة كاس الملك والاسيوية وحتى الدوري بالامكان الوصول لترتيب افضل لابد من الوقوف مع الهلال الان

اخبار تتداول بانو الهلال بيكون له رئيس جديد ورئيس مختلف لكن الان الكل مع الحميداني خلونا نوقف معه الى ان يتم تنصيب رئيس وندعم الهلال بالحضور لكل مبارياته

الشغله والله بسيطه اللي قريب من الملعب يحضر ويهبق معه مجموعه من اخوياه وهكذا بتلقون على الاقل 25 الف في المباريات اللي مع اندية الوسط والمؤخره والمباريات الكبيره ما يحتاج عاد انتو اهلها يا جماهير الزعيم

الله الله بالحضور تكفون يالشقردية