|
الطريقه الوحيده لحصد ماتبقى من بطولات ............(الشلهوب) بسم الله الرحمن الرحيم </B> مساء الخير للجميع دائما شيباننا الاولين يقولون (قوم تعاونوا ماذلوا)</B> التعاون (اللعب الجماعي ) (الايثار) </B> هذه الصفات لو طبقها لاعبي الهلال والا اي فريق مهما كانت امكانات لاعبيه ضعيفه فلن يقف في طريقهم احد </B> احيانا يكون لاعبي فريق ما امكاناتهم عاليه ولكن لايتعاونوا (مصيرهم الفشل)</B> صدقوني ان اللعب بروح الفريق تجعلك بطل </B> لاحظوا معي فريق العروبه من الجوف مافيه امكانات ولا دعم مادي ويجاري فرق قويه لاتستطيع التغلب عليه بسهوله ...مالسبب ؟؟ لانهم يلعبون بروح الفريق متعاونون يحبون بعضهم (جبت مثل بالعروبه لمعرفتي بهم من زمان )</B> الاتذكرون الفتح العام قبل الماضي بروح الجماعه جابوا كم بطوله </B> الاتذكرون فريق الشباب (ايام انور والرومي والعويران ) كانوا يحصدون كل البطولات وقادوا المنتخب للبطولات ولكاس العالم والسبب تعاونهم مع بعض واللعب بروح الفريق ...فمتى تعاونوا مع بعض وتركوا الانا سينسجمون </B> (فيه لاعبين المشكله اقاربهم واصدقائهم يؤثرون عليهم نبغاك انت تحسمها )وهذا مايجعل اللاعبين يدخلون المباراه وكل واحد يبغى هو النجم لايباصي الا اذا انزنق </B> لو جعل اللاعبين محمد الشلهوب قدوة لهم لما وقف في وجه الهلال فريق مع اي مدرب </B> هل فيه احد انكر اوسينكر محمد الشلهوب كاسطوره هلاليه في تاريخ الزعيم ..اذا لنقتدي به في اللعب بروح الفريق ونترك الانا </B> |
الشلهوب و ياسر القحطاني و كريري هؤلاء اللاعبون هم أمثلة في الأخلاق و الإنضباط و المواظبة و الإحتراف و يفترض على بقية اللاعبين و الأجيال الهلالية القادمة الإستفادة منهم و الإقتداء بهم. |
اتفق معك بشكل كبير الهلال محتاج الشلهوب بالفتره هذي بشكل كبير |
نعم الهلال يحتاج الى عناصر الخبره في هذه المرحله، الهلال افتقد للقناص في اهم مرحله وفي اصعب الضروف ،ولأن ياسر من نوعية الابن المخلص للفريق.ردك الله بخير وسلامه ياياسر |
اتمنى هالشيء يصير اللعب بروح الجماعه حتى نطلع بفايده كبيره |
اتمنى يكون هناك اندماج اكثر بين اللاعبين والرئيس وياليت يكون الاميرنواف بن سعد معهم ع طول |
وشلون تبي الفريق جماعي وانت عندك العابد وسالم الدوسري والشمراني كلن يبي التصفيق والمديح والتسحيب له رصهم بالاحتياط وخلهم عبره لغيرهم |
اتفق معك, لاحظ هذا الفيديو كيف الهلال لما يلعب لعب أوروبي جماعي مافي فريق يقدر يوقف بوجه https://www.youtube.com/watch?v=3SZJXzDQhqM |
اتمنى الشلهوب يكون موجود لمساته حلوه وسريعه نمظلم للوسط ولمسات تيكي تاكا |
هم يجيهم رئيس فعلي.... وليس رئيس مؤقت... ويسوي طاقم (إداري، فني، شرفي، اعلامي، علاقات عامه) زي العالم والخلق ويتعاقد بإستخدام مخه... وليس بإستخدام ماله... وبعدها يضبط حال الهلال بإذن الله... |
الروح ماتجي كذا من نفسها الروح تحتاج لرئيس وادارة فاهمة ومحفزة للاعبين الهلال بلا رئيس وبلا ادارة من الحميداني العربجي للمفرج الضعيف وين ذولا ووين الروح والجمهور الطاير بالعجة ايضا له تأثير على الللاعبين اشوف بعض الجمهور يصور مع كعبي كأنه جايب للهلال بطولة آسيا الواقعية مطلوبة |
أتفق معك 100% ترى غياب الشلهوب ، ياسر ، العابد ، سالم أثر بشكل كبير جداً في خارطة الفريق لأنهم نجوم مؤثرين ولهم ثقلهم في الملعب اذا عادوا بوجود سامراس وعودة نيفيز وناصر واستمرار إبداعات الزوري وعزوز ومشاركة حمد والسالم وشراحيلي والدعيع تعال تشوف البطولات كيف تتسابق لأحضان الزعيم المطلوب : التشجيع والوقوف مع الفريق في السراء والضراء وعدم شتمهم واهانتهم وانتقادهم بشكل جارح أتمنى أن يتم تشجيع اللاعب الذي لايكون في يومه في نفس المباراة حتى ينهض من غفوته ويلحق على نفسه ويتحول من عالة ع الفريق إلى نجم المباراة أتمنى أن يصبح جمهور الهلال مؤثر جداً في مجرى المباراة وتسييرها لصالح الفريق. لاعبي الهلال تعودوا على الدعم الجماهيري الذي سيقودهم لعدد كبير من الأهداف والطقطقة على لاعبي الخصم والإمتاع الأزرق الذي سوف يحضر بشكل دائم بإذن الله. |
| الوقت المعتمد في المنتدى بتوقيت جرينتش +3.
الوقت الان » 06:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd