|
مشكلة الهلال الهجومية ( العقم ) والحل السلام عليكم .. كلنا شفنا الهلال في هالموسم اللي اعتبره اسوأ من سابقه , شاهدنا هلال ( ضعيف ) ( غير ممتع ) ( سهل ) نعم وصل نهائي اسيا نعم وصل نهائي الكاس .. لكن كلنا ندري انه تأهل بمستوى - اي كلام - نادرً نشاهد تكتيك داخل الملعب .. اذا وصلت النهائي بمستوى سيئ هذا يعني ان الطرف الاخر وصله بمستوى أفضل واخرج فرق اقوى من اللي قابلتها لا نخدع بعض ونقول سبب الموسم السيء هو نهائي اسيا .. عفواً من قبل نهائي اسيا والهلال ماهو الهلال المباريات اللي فاز فيها الهلال بمستوى مرضي تنعد على الاصابع هذا الموسم .. مباراة السد ذهاباً 1-0 و ومباراة العين 3-0 .. مباراة سيدني ذهاب واياب ( قدم فيها مستوى ممتاز ) لكن الحظ لم يحالف .. مباراة الاياب مع سيدني اغلب الفريق قدم مستوى ماعدا اللاعب الوحيد اللي خذلنا بالذهاب والاياب اللي هو ناصر الشمراني .. وانا من زمان وانا انتقد فيه والجمهور يطبّل له وانا قلت الجمهور ماراح يعترف ان ناصر منتهي الا اذا ضيع انفرادة في نهائي .. وفعلاً كلنا شفنا وش سوا بالنهائي مع الاهلي والحمدلله ان مستواه انفضح .. مشاكل الهلال كثيره منها خارج الملعب وداخله لكن في هالموضوع ماراح اتكلم الا على المشاكل الفنية اللي انا اشوفها واضحه ولو تفكرون فيها بتجدون ان كلامي صحيح الهلال يعاني هجومياً بشكل كبير .. قدام الفرق المنافسة يلعب وكأنه فريق صغير ومايقدر يهاجم .. واذا خطف هدف يدافع لين يلقم اللاعبين ماعندهم حلول احيانا تحس فيهم كمية غباء داخل الملعب ماعندك لاعبين وسط عليهم القيمة يوصلون الكرة بشكل ممتاز للمهاجمين .. ولهالسبب ساماراس نشوفه بالغالب يرجع ورا ويستلم كورة .. لانه غاسل يده من اللي وراه! اول خطوات التصحيح ابعاد كم لاعب منتهي زي ناصر الشمراني اما الشهراني لازم يقعد عالدكة لأن له سبب بالعقم الهجومي اللي صاير .. بنهاية الموسم الاستغناء عن احد قلوب الدفاع اما كواك او ديغاو .. والتعاقد مع محور هجومي وجناح سريع ومهاري (اجانب) واستبدال نيفيز بصانع لعب اذا استمر مستواه بانخفاض. التشكيلة اللي اتمنى اشوفها بالموسم القادم شراحيلي الزوري - ديغاو - جحفلي - درويش عطيف- (اجنبي) العابد (اجنبي) (اجنبي) الكعبي او القحطاني الاحتياط : سالم الدوسري, الشمراني, كريري, ياسر الشهراني, السديري , فريق جديد هجومي + احتياط قوي .. بهالطريقة بترجع قوة الهلال الهجومية ممكن يضعف الدفاع بس بيكون فيه توازن بين الدفاع والهجوم وبتشوفون فريق ممتع .. اللي يقول عندنا افضل محليين فهو يضحك على نفسه انا كنت اطالب بهلال قوي دفاعياً لكن مو لدرجة العقم الهجومي! فريقنا مايليق فيه الا الهجوم القوي الكاسح .. مانبي اسيا عمرها ماجات الاهم مانغيب عن البطولات |
الله يعطيكم العافية وبالتوفيق للزعيم الملكي |
والله انا اشوف ان طريقة اللعب مهي مظبوطه.. كثرة المناولات ما جابت فايده علماً ان المتصدر ما يسوي باصين علي بعض ويوم بغا يسوي طردوا المدرب مباراة الخليج من الملعب كنت اتمني اشوف كوره طوليه خلف المدافعين ..ياناس تلعبون امام فرق متهالكه دفاعه عطه الكوره والحقه سياسة القادمين من الخلف |
ناصر له سلبيات وإيجابيات وتحميله خسارة آسيا فيها ظلم لأي لاعب أمام أم صلال ضيع الشلهوب البلنتي وخرجنا وأمام ذوب هان أضاع ويلهامسون البلنتي وخرجنا بينما ناصر لعب متنرفز ولم يسجل ولكن هذا لا يعطينا الحق بتحميل لاعب مسئولية خروج الفريق الهلال ينقصه ظهير أيمن أساسي وبديل ومهاجم بديل وصانع لعب بديل ومحور بديل والمتاح حاليا تصعيد ومشاركة البقعاوي ومشغل الحوطي ومهند فلاته للظهير الايمن والبقعاوي أو المنيع أو اليامي مهاجم وكروم أو السواط لصناعة اللعب والفرحان والزعاق للمحور عندها سيكون لدينا فريق يملك الحلول ومتكامل المراكز ولكن من يستطيع اتخاذ القرار اما التعاقدات القادمه فهي بعد نهاية الموسم وحينها لكل حادث حديث |
طيب كمل الموضوع ؟؟ وابعد الزوري حتى اتفق معاك تماما ؟؟ اما أنك تعبد لاعبين سئيين وتبقي على اسوى منهم فهذا خطا لن ترضيك . وفعلا ناصر ونيفيز والزوري والشلهوب خذلونا في آسيا واضاعوا بطولة في متناول الهلاليين شكرا لك. |
من الموسم الجاي . هذا موسم لنسيان �� كواك نيفيز سامراس الله معاكم . الابقاء على الوحش ديقاو فقط نريد : مهاجم اجنبي قناص +وسط ايمن مهاري + صانع لعب من طراز التايب |
ما رأيكم لو تم وضع سالم الدوسري في خانة الهجوم الصريح بجوار ناصر الشمراني اتوقع انه راح يبدع كونه مراوغ وسريع وله الامكانية في الانطلاق نحو الامرمى واعتقد ان وضعه في الجناح غير مفيد له ويقيده كونه لا يجيد العرضيات اتمنى تجربته في خانة الهجوم الصريح |
من جد مو وقتك انت وهالموضوع مع احترامي لك الحين ناصر الشمراني هداف الموسم اللي فات وتقول عليه فاشل الفريق كله هابط مستواه وناصر ليس استثناء العيب في التوظيف الخاطيء للاعبين ولعبهم في غير مراكزهم وضعف صناعة الكره الصحيحه للمهاجمين وياليت تبطلون هالمواضيع اللي مالها داعي بهالوقت يفترض دعم ناصر مو الانتقاد اللي ماله سنع |
المهاجمين تأتيهم فرص على طبق من ذهب .. حتى وإن لم يكن هناك صانع لعب صريح . ولكن عدم استغلالها بالشكل المطلوب في الكثير من المباريات هي المشكله الاساسيه وهو العقم حتى وان كانت النتيجه لصالحك هناك فرص مهدره استنكر عدم استغلالها !! الحل هو تكثيف التدريبات لهم بحسن استغلال هذه الهجمات بالاضافه الى الاستفادة من الكورات الثابته بشتى انواعها وهذه من مهام المدرب .. التركيز في المبارة فقط داخل المستطيل الاخضر وفي مرمى الخصم والابتعاد عن النرفزه والاعتراضات على حكم المبارة .. مالمانع من اطلاعهم من مشاهدة اشرطة فديو وعرض عليهم الاخطاء ومن ثم تدريبهم خلال التمارين .. مهاجمين الهلال لديهم امكانيات ولكن يحتاجون الى توجيهات وتدريبات مكثفه. أهداف ناصر الشمراني ويوسف السالم وياسر القحطاني في بعض المباريات لا تنسى ليس معقولا ان لا يتكرر استغلالها.. بالمستقبل سيكون هناك صانع لعب .. وستأتي بإذن الله فرص اكثر ولكن مالفائدة حين عدم وجود استغلال هذه الفرص .... انا سعيد بتواجد هولاء المهاجمين فقط نحتاج منهم التركيز :) والله يوفقهم .. |
إقتباس:
يضيع الفرص بشكل غير طبيعي ودائما يرتبك قدام الحارس ومباراة الاتحاد بالكاس اكبر مثال إقتباس:
ماخرب فريقنا الا هالاشكال اللي ماعندها الا التطبيل .. انت قلتها هداف الدوري الموسم اللي ( فااات ) لكن وش سوا هالموسم ؟ ماقدم لنا الا عك كروي ,, يارجل الجمهور وصل لمرحلة يطالب ببيعه او اعارته وانت جاي هنا تطبل وتقول التوظيف الخاطئ هو السبب !! اي لاعب مايقدم المطلوب منه بخانته يعني سيء وناصر كمهاجم خذلنا كثير هالموسم في مباريات كبيره .. باستهتار واضح وتضييع الفرص بطريقة غريبه ومضحكه ! إقتباس:
لو تتذكر هلال جيرتس وكالديرون .. كان الهلال قوي هجومياً ويصنع الفرص من لا شيء لانه كان في كل خانه بالفريق اجنبي بالدفاع لي يونق المحور رادوي .. جناح ويلي السريع صانع لعب تياقو وقتها كان الهلال نار بالهجوم مع انه كان بدون مهاجم عليه الكلام كان ياسر باقل مستوياته فعشان كذا لازم نقتنع كجمهور ان لاعبيننا المحليين هم سبب الضعف اللي حاصل, ماهي مشكلة مدرب او توظيف يعني معقوله اكثر من 5 مدربين من بعد 2011 كلهم سباكين ولا يعرفون يوظفون صح ! شوية عقلانيه |
وصلنا مرحلة حتى بعض اللاعبين تحسهم يلعبون بدون روح !! مادري هل العيب فينا ام من الإدارة اللي ذبحتهم بالدلال والدلع !! ناصر الموسم الماضي بططل ولكن هذا الموسم عالة على الفريق ؟ بإختصار الهلال يحتاج له شغل جبار وكبيييير ليعود كما كان |
الشمراني ليس لاعب تعتمد عليه يجيب لك بطوله لايهمك هداف دوري الهداف ماهي دليل ممكن يجيبها بالفرق الضعيفه او مندفع للتعديل لكن تضعه امام فريق اخر على بطوله اسمح لي قدراته على قدها ماهو زي القحطاني ذكي يستطيع ضغط الخصم وارباك الدفاع وحتى طريقة التسجيل لاعب حتى رجله اليسرى ميته ولا عنده ارتقاء فاذا تكتل الفريق ماذا يعمل ؟ حتى بناء هجمه ولعب ون تو ماش ضعيف تنقطع كرته |
ماجابلي الحموضة الا ياسر الشهراني ماغير يركض ونتحمس معه واذا وبعدها يرفع اوفر يابرا او يعطيها الحارس ومدافعين ترجع هجمه علينا خطره ياخي هذا وش يتدرب يومين ودي اعرف مفروض تمرين له خاص على الاوفرر رر حتى تضبط قدمه صح ..... |
انا اعلمك عن الشمراني الشمرني اذا كان الخصم اقل قدرات من فريقه وضاغط فريقه ع الخصم يسجل اما اذا كانت الكفه متساويه او الخصم اقوى مايسوي شئ ابوعلي صدقني نادي الشباب لايمكن يعطيك لاعب يفيدك شوف حتى مدافعين مايعطوننا تبغاهم يعطوننا مهاجم هداف |
جب مهاجم اجنبي وانتهت المشكلة |
إقتباس:
ياسر الشهراني جيّد دفاعياً لكن بالهجوم 0 ! لاعرضيات ولا صناعه |
اتمنى التفكير من الان للموسم الجاي بالابقاء على ديقاو فقط والتعاقد مع اثنين صانعين لعب اجانب مميزين ومهاجم اجنبي صريح والتعاقد مع لاعبين الاتفاق كنو وزامل السليم ولاعب الوحدة صقر عطيف وتصعيد لاعبين من الاولمبي مثل السواط والعمار وعبدالكريم القحطاني والفضل والقطام وتنسيق عبدالعزيز الدوسري والمسلم والبيشي وسلطان الدعيع او اعارتهم |
الهلال يملك لاعبين مميزين لكن مافي مدرب يفهم طريقتهم واماكنهم اللي يبدعون فيها ويوظفهم صح لذلك من الان يتم العمل للموسم القادم بقيادة الرئيس اللي ناوي يترشح رسمي بجلب مدرب له ثقله ويعرف وشلون يطلع كل قدرات الاعب وسط الملعب اهم شي يعشق الهجوم تصريف الاجانب كلهم عدا ديقاو وجلب صانع لعب وجناح ومهاجم لو يدفعون في كل واحد فوق الخمسين مليون ماهي خسارة في الهلال الاهم ينفعك مو يجيك عله يعني ماراح نطالبكم بأي لاعب محلي اهم شي الاجانب واذا فيه لاعب يستاهل ن الواحد يجيبه فهو كنو بديل لكريري لكبر سنه فقط تغيير مدير الكرة لان استمرار المفرج مهزله ما ينسكت عنها فاشل بكل ماتعنيه الكلمه من معنى جيبو واحد له هيبته ويعرف يتعامل مع الاعبين اما بالنسبه للشمراني الاعب لا يلام والله من التنك اللي وراه لاكور توصل زي الناس ولا شي وكل يلعب لنفسه والا نسجل طيب معليش انت لاعب توصل الكورة للهجوم منت مهاجم اتفق معاك ان ياسر افضل لكن الجمهور واقف ضده مو كفايه اعلام وجماهير الصفر والله يقومة بالسلامة والشهراني كمان لا يلام يقولك فاقد الشي لا يعطيه ولاعب بيقفل السنه الثالثه وهو يلعب في غير خانته الرئيسيه وش تبغاه يقدم لك يعطيك العافية |
اللحين تقول الشمراني منتهي وتتمنى ياسر اساسي اللس هو منتهي من كم سنه ! |
إقتباس:
لكن ما انتهى كلاعب يمرر صح ويصنع كرات وعنده مهاره اما لاعبك المنتهي اول مايمسك الكورة تنقطع .. لامهاره ولا تمرير ورعونه قدام المرمى |
إقتباس:
ناصر الشمراني لاعب نادي الهلال كحال القحطاني بس انتم ياجمهور الاعب اياه عندكم مشكله مع اي احد يعارضكم |
إقتباس:
ياسر وين والشمراني وين ياسر نوعيه لاتنجب كرة القدم الا كل مئة سنه لاعب مثله الشمراني اذا عمرك سمعت بكلمة طقها والحقها اهوه مثل ع الهواء مباشرة |
عندما ينتقد تياقو نيفيز بسبب ضعف مستواه وهو الذي يعتبر من أفضل صناع اللعب الأجانب بالمملكة ماذا يعني ذلك ؟ عندما يتم الهجوم على نواف العابد وسالم الدوسري وهم من يكملون صناعة اللعب بالتعاون مع تياقو ماذا يعني ذلك؟ عندما يبدي البعض إمتعاضه من الدور الذي يقوم به كلاً من ( ياسر الهراني + الزوري ) وهما من يناط بهم تزويد المهاجمين بالعرضيات الهامه والتي دائماً ما يتم تسجيل الأهداف عن طريقها ماذا يعني ذلك ؟ عندما يتم الإيعاز للاعبين بالتمرير المبالغ به في منطقة الوسط حتى يأخذ الفريق الخصم مواقعه ويصعب إختراقه بعد ذلك من قبل المهاجمين ماذا يعني ذلك ؟ مما سبق نستنتج أن من الظلم تحميل ناصر الشمراني وحده فقط كل ما يحدث للزعيم الملكي من نتائج سيئه فالدفاع به ثغرات لايعلم بها إلا الله ومنها تأتي أهداف لاتسجل بالفرق المتواضعه ناهيك عن فريق كالهلال والمحاور لاتقوم بالتغطية المثلى ومعظم الأهداف التي تدخل مرمى الهلال هي بالفجوه التي بين الدفاع والوسط والتي من مسؤولية المحاور بالفريق لاعبي الوسط عليهم أكثر من علامة إستفهام وهم في أضعف مستوياتهم الفنيه أنا لست من المطبلين للشمراني فالشمراني مستواه الفني متراجع كبقية لاعبي الفريق ولكن لهذا التراجع أسبابه فعندما ننتقد أتمنى من الجميع إنتقاد أسباب تراجع الفريق بالعموم وإيجاد الحلول والبعد عن الشخصنه فهي لن تنفع الزعيم بأي حال من الأحوال . كمثال البعض ينتقد ياسر الشهراني بسبب عدم إجادته لرفع العرضيات وما فكروا أين يلعب ياسر الشهراني و وهل هذه الخانه هي خانته الأساسيه وهل يتقن الرفع برجله اليمنى كما هي الحال برجله اليسرى واللاعب يلعب بقدمه الأيسر بالأساس ولايمكن أن تكون قدمه الأيمن بنفس قوة قدمه الأيسر بأي حال من الأحوال . |
الله يجزاكم خير مانبى نلقى بالتهم على بعض ولكن اذا كنت تشوف اللاعب اللى سجل لك الموسم اللى فات حوالي 31 هدف لاعاعب ب منتهي وتقترح ان يلعب لاعب مستواه اقل من عادي وغير كذا عائد من اصابه طبعا على كلام انه الموسم القادم وتقصد بذلك القحطاني فاقول لك مع كامل الاحترام انت من اكبر المطبلين للقحطاني الميت فنياً ومنذؤ فترة طويلة ناصر الشمراني لاعب كبير وهداف وهذا مايخلف عليه اثنان الا من ابا وتكبر والدليل كم مرة حصل على هداف الدوري وخلنا نتكلم بالعقل اذا ماكان عندك صانع لعب من فئة فخمة ويستطيع ان يوفر للمهاجم اكثر من عشر فرص بالمباراة اللاعب المهاجم يتعب بسبب عدم وجود صانع لعب والرجوع للخلف من اجل بديت صناعه هجمة الشمراني مهما انتقدنا مستوى وانا اوافقك الراي ان مستواه هابط ولكن لا والف لا ان تقارنه بمستوى ياسر القحطاني اللى اتمنى ان يعتزل قريباً تقديراً لسنواته الجميلة اللى قضاها مع الهلال اللاعب اصبح فاضى لتويتر وياريت يقدم مايفيد الفريق بالعكس اغلب كلامه نفخ فى الهلال ولعيبته وانا اقدر اقول ان هذا من الاشياء اللى زرعه الغرور في لعيبه الهلال وراح علينا كاس ولي العهد |
إقتباس:
وهذا المهم لفريقنا اذا كان الفريق يهمكم |
الله يعطيكم العافية وبالتوفيق للزعيم الملكي |
استغرب من اللي يقول لا نحمل ناصر والفريق كله سيء ! صحيح انا ما انتقدت ناصر لحاله بالموضوع لكن لو نجي نحسبها بشكل عام هذا الموسم اسوأ السيئين هو ناصر ! يارجل بعض اللاعبين على سوءه بالملعب لكن يمرر كوره كورتين صح .. اما ذا المنتهي اذا مسك كوره اعرف انها بتنقطع وتمريراته 90% منها (بدون مبالغه) خاطئه.. اغلبكم بيطبل له بعد ماسجل ثنائيه امس بعد صياااام طويل وخذلان بالمناسبات الكبيره لحد يقولي لا تحمله الفشل ذا الموسم .. اجل احمل مين ؟ احمل الدفاع ؟ اذا فريقك يدافع انت مطلوب منك تسجل اهداف وفي هالموسم العقم الهجومي واضح جداً بالهلال وجدول الهدافين بالدوري اكبر اثبات .. لو ناصر ماتجيه كور قدام الباب والله لا اعذره .. لكن تجيه كور كثر التراب وضيعها بشكل مضحك ومستفز بنفس الوقت.. اوك مابغاك تسجل بس ياخي اقلها مرر صح اصنع كور! مو معقول اي بناء هجمه تنتهي عند قدم ناصر, وياسر الشهراني نفس الشي وشفنا الفرق بينه وبين درويش في اخر مباراتين انا اكثر شخص فرحت بصفقة ناصر عشان ماتقولون انا ضده .. لكن بالوقت الحالي اتمنى انه مايلمس الكورة بالملعب لانه جاب لي الضعط طول الموسم ولا يهون ياسر المشكلة الكبرى ان ناصر لاعب جماهيري ونادر بتشوف مدرب يحطه على الدكه بالمباريات المهمه خوفا من ردة الفعل زي ماصار بالشباب .. يعني لاعب على سوءه يبي يتحكم بالمدربين وهذا اكبر خطر على الهلال اتمنى يرد علي بالملعب لكن ماظني يسجل على الفتح والشعله وطقتها ويصوم |
الله يعطيكم العافية وبالتوفيق للزعيم الملكي |
لا نريد ان نقسو على ناصر لكن كل مهاجمين العالم يلعبون برجلين لأن هذا اهم شي في المهاجم !! ناصر من نوعية المهاجمين اللي زي كفاني يركض ويهرب من الدفاع ويهلكهم ويسجل هدف من 10 هجمات المهاجم اللي يقتنص الهدف من نصف هجمة كان ياسر لكن ليس بعد مع ان ياسر لازال مهما في التشكيلة خلف المهاجمين نيفيز ليس صانع لعب ابدا والدليل انه الى الآن صنع هدف واحد فقط وضعه في الهجوم يفيدنا حيث انه قناص ويستطيع اللعب بالرجل الثانية |
إقتباس:
ناصر لاعب فاشل 5 مرات هداف الدوري تقول انه فاشل ليته مره وحده عشان نقدر نقول جات معه صدفه ناصر ضيع بطوله اسيا !!! اجل نقدر نقول ياسر معاه ونيفيز والعابد والدوسري كل هؤلاء واجهو المرمى وضيعو فرص اهداف ميسي ورونالدو ضيعو انفرادات ، تقدر تقول عنهم فاشلين اقول قل شي يدخل الراس ولا اسكت ابركلك احترم عقولنا شوي مادري وش اقول عنك واختار وحده منها يا انك ( مندس فقراوي ، غبي ، ماتفهم كوره ، استجعلت بالموضوع ) ناصر مشكلته شي واحد يهوجس ف راسه مسأله العين والحسد ( العين حق ) شاغل تفكيره فيه في كثير من مقابلاته يتحدث عن العين والحسد والنحس بمجرد مايبعد عنه هالشي راح يرجع ناصر مكينة التهديف واتعمدت اتكلم معك بالاسلوب ذا لانك ماحترمت رأي غيرك مثل ماحترم رأيك اتعلم كوره واعرف وحط في راسك شي انه فيه ناس واعيه ومشاكل الفريق هالسنه هو ضغط المتحلطمين ع الفريق اي غلطه او اي زله لو كانت صغيره هبيتو بالفريق كله كان مضغوط خارجياً وضغطوه داخلياً ترا كثر الدق يفك اللحام حتى لو اللاعبين حاولو يتماسكون مايقدرو كثر النقد اللاذع والشتم والاهاناات توصلهم |
لاحول ولاقوة إلا بالله ولله في خلقة شؤوون |
| الوقت المعتمد في المنتدى بتوقيت جرينتش +3.
الوقت الان » 01:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd