|
اعتماد " تكتيك" درويش" في جميع مباريات الهلال.... نبارك لكم الفوز اللي كان بعد الله بفضل " الدعاء للهلال" والا المباراة مالك نفس حتى تشوفها مره ثانيه ،،،،، من العك ، والاستعراض ، والتمرير الكثير اللي مدري ايش يبي!!! ليشششش لاعبين الوسط خايفين ودي افهم!! ليش مايمررون من العمق للمهاجمين !!! كل هذا خوف !! او عدم ثقه!!!! بصراحه التكتيك المناسب للهلال واللي المفروض يعتمد ويثبت ونفوز فيه نفس لعبة فيصل درويش ،،، ولا هو عييييب وكل الانديه تلعبه كوره طويله وعلى الروس واستقبال من المهاجم ويسجل ودي اعرف ايش العيب في لعب الكوررات الطويله " اذا هي تخلص لك الموضوع وتعطيك النقاط!! لازم يعني يغثونا بالتمرير اللي ماخوذ خيره وليته على قدام ،، تمرير في ملعب الهلال واحتفاظ في الكوره على غير فايده،،، وهذي والله احملها للجمهور اللي يحضر ياخوان الاعبين يحتاجون يسمعون استهجان اذا صارو يعكون كذا ويستعرضون،،، حثوهم على اللعب لقدام ، وشفنا اخر الثواني كيف الجمهور بدا يصرخ وفعلا تسجل الهدف... للاسف لاعبين الهلال صاير فيهم خوف ،،، لازم الجمهور يحمسهم ويطالبه يلعبون الكور قدام للمهاجمين ،،، اذا على المدرب فهو صامت ولا اظن بيتكلم هذاك سامي اللي يطالب الاعبين ويصرخ عليهم يرسلونها قدام.. والف شكر للجمهور الهلالي اللي حضر في الخبر والله هم اللي يستاهلون هالفرحه... حتى بعضهم طول المباراة كان واقف لان المدرجات فل... رغم عتبنا على الرابطه اللي ماعندها شي جديد... افلست تماما |
والله ماادري ليش اقولك الهلال كله علئ بعضه انهبط مستواه ماصاريهئ انااحد يتابعه |
يالغالي اول شي مباراه امس كلها عك بعك مو لسبب تسيب لاعبين ... مافيه مشكله اللاعبين يتحملون جزء لكن الجزء الاكبر ع المدرب ولا الوم المدرب لكن ماازكيه ... اللاعبين موب عارفين يوقفون في مراكزهم صح ! وبعدين الكرات الطويله لن تنفع في الهلال لانه بنية اللاعبين ضعيفه جدا مقارنه بالانديه الاخرى السعوديه تبغى العابد او سالم او الفرج او الشمراني يستلم الكره الطويله بالراس .؟؟ ترا امس ماانقذنا الا تواجد كواك في المقدمه لانه هو اللي نزل الكره لسامراس وهل تعتقد انه كواك راح يكون قدام طول الوقت ؟ صعب جدا هذا التكتيك ... يحتاج مهند عسيري ومن على شاكلته |
انا عطيت مثال عارف ان كواك ماهو في المقدمه طول الوقت.. لكن " انا اتكلم عن الطريقه وحطيت لعبة درويش مثال.. الاستفاده من طول ساماراس ، فيها والكوره الثانيه تتسجل.. الكور الطويله سلاح مهمهل في الهلال مع الاسف.. ضرب الدفاع ومن ثم استغلال الاخطا والارتباك ثم التسجيل |
النعيمه الله يذكره بالخير لازعل على الوسط زمان وتاخرنا بالتسجيل يبدا يرسل كرات طويله لكنها متقنه من ابو فهد ويسجلون المهاجمين |
اخوي مهتم اسعد الله صباحك والجميع بكل خير حقيقة الاشكالية التي يعاني منها الهلال خلال السنوات الماضية هي عدم تنويع اللعب فتجده يلعب برتم واحد طوال المباراة ام من العمق او من الاطراف او كرات طولية بالواقع جميع هذه الاساليب مفيدة لكن الاعتماد على نمط واحد طوال المباراة يجعل التعامل اسهل مايحتاجه الهلال هو تنويع الهجمات وكل هجمة تكون بطريقة وعندها ستجد الفرق المقابلة تجد صعوبة بالغة في التعامل مع هذا التنوع وستخفف الضغط النفسي كثيرا على لاعبي الفريق ربما يكون هناك نمط رئيسي في اللعب لكن يجب مباغتة الخصم باساليب مختلفة خلال مجريات المباراة هذا يصعب وضع استراتيجيات محددة لمواجهة الفريق فيتوقعون جميع الاحتمالات مما يصعب تبني نهج دفاعي محدد ولو رجعنا لنهائي آسيا المشؤوم لوجدت ان الزعيم كان يمتلك المباراة من كل جوانبها لكنه كان يركز عالعمق بشكل كامل مما جعل فريق سيدني يستطيع التماسك والصمود 180 دقيقة بغض النظر عن الاخطاء التحكيمية احس حالي طولت كثير تقبل اطالتي مع خالص الود تقديري للجميع |
بالعكس اسلوب ناجح وخير مثال الفقر وكرات حسينوه الطويلة خاصة الموسم الماضي ! يرسل حسينوه كرة طويلة يكون اصلا هو والسهلاوي متفاهمين على هالحركة بعدين ما تشوف الا السهلاوي مستلم وبووم في المرمى ويمكن انفرادة بعد اذا كان الدفاع فاهين. بس السؤال من اللي يضبط هالكرات الطويلة عندك ! يعني شهراني وزوري بالعافية عرضية من الطرف تبيهم على كورة طويلة ! ودي والله يكون فيه تكتيك للكرات الطويلة وتدريب للاظهرة على هالحركة ,, برضو يكون فيه تفاهم بين الاظهرة والمهاجمين المتطلبات سهلة : اجادة دقيقة للكرات الطويلة من الاظهرة + انطلاقة سريعة ودقيقة من المهاجم + الفنشنق السليم |
الله يعطيكم العافية وبالتوفيق للزعيم الملكي |
بطريقة درويش ولا بطريقة الخيش المهم 3 نقاط ومن رحمة ربي بي اني ما حضرت امس رفع ضغط غير طبيعي فيه عجز وترهل يصيب لاعبي الزعيم تقول واحد بيجيه جلطة خخخخخخخخخخخخ الحل رفع العصا وتوكيل الامير احمد بن سلطان وشوفو يصيرون خيول بإذن الله رحم الله والديك اخي مهتم7 احس انك ممن يحملون الهم مثلي الله يجبر بخاطرنا |
والمهم ايضا تثبيت نفس الاعب درويش مكان الشهراني وتثبيت الوحش شراحيلي ....... |
اكبر مشكله في الهلال انه لايوجد لديه لاعبين جدد كل موسم ... واقصد بجدد اي لاعبين يستطيعون خطف المركز في حال هبوط مستوى اي لاعب.. شاهدو فرق العالم لاتحقق كل موسم بطوله بنفس الاسماء مهما كان حجم تلك الاسماء .. اي فريق في العالم عندما يكون اللاعب ضامن مركزه لايقدم مستواه المعهود... اجعل اللاعب يقاتل على مركزه وستأتيك البطولات طوعا ...اوكرها ان شئتم... |
من بداية المباراه .. إلى الدقيقه 20 .. اللي ملاحظ يشوف ان لاعبين الهلال مستعجلين كأنهم أمام برشلونه مو الخليج ؟ كورات بايخه مقطوعه .. استعجال كثير بمنطقة المدافعين وحتى كواك وديقاو .. كأنهم مرتبكين !! وبعدها .. سحبتها نوومه .. توقعت أننا نتعادل .. بس الحمدلله خلصوها مدري كيف ولا ابي اعرف كيف اهم شي انتهت بثلاث نقاط وتعطي ثقه للاعبين البدلاء اللي كانوا موجوديـن .. مشكلة الهـلال مثل غالب الانديه والمُنتخب السعودي مدرب كل سنه او كل ثمان شهور .. مافيه صبر .. ويوم أستلم الجابر الفريق .. منذ البدايه وأنا بعيد عن النادي توقعت أنه ماراح يحقق شي لكن توقعت أنه يبني فريـق وأن الرجال كان شغال .. وخير دليل نظرته الفنيه بـ تعاقدات اللاعبين اللي صنعوا الفارق وثبتوا اسمائهم .. المهم أنهم خبصوهااا .. والله يوفق الهـلال |
شاهدو ساماراس بكل ( ركلة كورنر ) تمركزه مو صحيح دايم يكون خلف المدافعين المفروض يكون فلامام او فوسط الدفاع كلنا شفنا ساماراس لما تقدم امام المدافعين ضرب كورهـ لناصر الشمراني |
أحبتي لا تقسون على فريقكم مشكلتنا في المهاجم لا يوجد مهاجم صريح منهي للهجمة حتى ناصر أصبح يلعب على الأطراف نريد مهاجم صريح تتذكرون يوم ياسر في مستواه وكيف الشلهوب يمرر ونفيز الان نفيز يحاول يصنع لنفسه الكورات المتبادلة بين لاعبيين الوسط تعطي الخصم راحة وقوة للدفاع المفروض الاستلام والتسليم أفظل من المهارات الفردية بالامس كان فريق الخليج مدافعا بفريقه كامل ولم يعطي لاعبيين الوسط الهلالي فرصة للتقدم وكل الكور وسط الملعب لكن بفظل الله حققنا الثلاث النقاط بعد مجهود ودعم الجمهور كذلك الضربات الركنية بالكوم ولم نستفيد من واحدة على العلم باننا نملك لاعبيين طوال الاقامة مثل كواك وديقاو وكريري الله يوفق فريقنا فوق كل أرض وتحت كل سماء ابوعبدالله |
درويش لاعب صاحب جهد مميزات وبصراحة يملك ما يحتاجه الهلال هذي الفترة مهارات قليلة وجهد كثير مثل الفرج تقريبا .. ما اتعب الهلال هذي الفترة هو كثرة اللعب الاستعراضي و امتلاك الكورة في مناطق عديمة الفائدة و افتقاد التركيز امام المرمى . فعلا الهلال بحاجة الى تغيير اسلوب اللعب وتنويع الهجمات. |
| الوقت المعتمد في المنتدى بتوقيت جرينتش +3.
الوقت الان » 01:19 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd