|
يوم هدأت الأمور هل هذا المهاجم الذي طالب به الجميع !!!! مباراة السد البارحة وضحت لنا اشياء كثيرة 1 - تم الاستعجال بتسليم المدرب المباراة لو انتظرتوا لانتهاء المباراة كان افضل 2 -وضح ان الهلال لم يحضر مهاجم رغم معرفة ايقاف ناصر واصابة ياسر وهذا يدل على عدم الحرص على احتياجات الفريق 3 - ليتهم يعلمونا ماذل يلعب سماراس الذي يظهر لي انه لايجيد شييييييييييييييييييء وانه لن ينفع الهلال فلاهو مهاجم ولاهو صانع لعب ولا هو طرف مدري!!!!! 4 - ثبت بمالايدع مجال للشك ان بعض اللاعبين لافائدة من بقائهم فهم لايناسبون فريق كبير كالهلال امثال / عبدالعزيز الدوسري و الحمد 5 - كسبنا شباب كاعطيف وبدري بدري على الكعبي 6 - الشهراني يبذل الجهد وشاب حركي لكنه لايصلح ظهير ايمن لماذا ؟ اقول لكم جهد وحركة وتقدم لكن في الاخير اما رفعة بعيدة او خارج الملعب او في يد الحارس وهذه قليلة اي انه يضيع جهد فريق بالكامل فيعود الفريق من البداية لذا اما ان يلعب يسار او انه يجلس احتياط مع وجود ظهير ايمن ضروري ومطلب للفريق 7 - السالم قناص ولكن لم تصله الكور رغم ذلك لايناسب الهلال 8 - نفيز يحاول ويتقدم كثيرا مما اضاع مكانه الاساسي وهو صناعة اللعب ثم لم يعد يسجل من الفاولات لماذا ! 9 - كواك يمكن الاستغناء عنه بالجحفلي وتوفير لاعب بالوسط 10 - الفرج انهك مره محور ومرة ظهير يسار ومرة صانع لعب ومرة على الطرف اضعتوا تركيزه وانسجامه 11 -الاهداف التي تسجل باهلال من كور مقطوعه من الوسط 12 - كثرة الباصات في المرتدة حتى تضيع وكذلك كثرة ارجاع الكرة للخلف 13 -الفريق لايوجد به دكة ففريق ورقته الرابحة عزوز وش ترجي منه 14 - الهلال بحاجة الى تغيير ومتابعة |
والله يالغالي ان صوتي انبح وانا من يوم وقفوا الشمراني وانا اطالب بمهاجم وهالادارة مغير تراوغ وتراوغ ومره يطلع نائب الرئيس يقول خلال خمس ايام وعك غير طبيعي وكانهم بيطلعون صاروخ للمريخ دور جنسيه فلسطنيه لديجاو عشان يصير اسيوي ونجيب مهاجم اوربي وفي النهايه الاتحاد الاسيوي يطلب اقل شي سنه عشان يصير اسيوي ويصرفون النظر ويدورون يوناني يحمل جواز استرالي عشان يلعب كاسيوي وفي الاخير يمشي بنتلي .. باختصار لازلنا نعاني من ويلات الادارة السابقه وتعاقدتها السيئه جدا وعسى الله يعين وانا قلتها لا تطالبون باي شوي هالموسم فما عملته الادارة من كوارث يكفينا لموسمين والله يعين |
الحمد ماكمل 90 دقيقة لعب من يوم انتقل للهلال شلون حكمت بانه مايفيد الفريق ؟ وهل هو شارك في مباراة السد من الاساس حتى تقول مباراة السد اوضحت لنا بعض الاشياء!! اتفق معك في نقاط كثيرة مما كتبت وخصوصا عن عبد العزيز الدوسري لكن الحمد يبدو انه انظلم بانتقاله للهلال |
الله يعطيكم العافية وبالتوفيق للزعيم الملكي |
إقتباس:
ويعطيك العافية اخوي خلف بس انت وش رايك بالموضوع؟؟!! |
قلناها وكتبنا وصارخنا ياجماعة الخير الهلال بحاجة مهاجم وظهير ايمن لكن للاسف لاحياة لمن تنادي اخرتها لاعب ماعنده كنترول وغير جاهز وشكله ماراح يجهز الااذا انتهى عقده وكله بسبب السمسره اللي دمرت الهلال الفرق الصغيره تجيب لاعبين عليهم الكلام وبسعر رخيص وحنا واقصد ادارة الهلال تدفع الملاين على لاعبين مدري هم لاعبين كرة قدم والالاعبين كرة سله وبكل صراحه اذا الهلال بيعتمد على ساماراس وعبدالعزيز الدوسري بتغيير نتيجة اي مباراه فانتظروا كوارث اكثر وخروج مبكر |
الصراحة ساماراس ليس بلاعب مميز بل هو لاعب جاء يسترزق في الخليج ويلعب على قدر امكانياته العتب على الي تعاقد معاه ولو كان الفكر على انه رخيص كويس ساماراس رخيص وسيء فين ايام موسى نضاو او صلاح الدين بصير او احمد بهجا او بشار عبد الله او جاسم الهويدي |
إقتباس:
كلامك صحيح 100% والله ان الي جابه من اغبى البشر الحين الفريق بحاجة لمهاجم صريح قناص ينهي الهجمه ويجي لاعب وسط يعني شختك بختك والضحية الزعيم الملكي |
فترة الانتقالات الشتوية ضاعت في مفاوضات اخذ ورد مع المهاجم البرازيلي ريكاردو ونهايتها دخل العملاق المالي الصيني نادي جوانزو وخطف اللاعب وبمبلغ يفوق العرض الهلالي با اضعاف اضاعة وقت في مفاوضات هشة وبدون وضع بدائل وخيارات اخرى مفيدة وفي الاخير ارادو حفظ ماء وجوههم بصفقة ساماراس وقالوا هو اللي متوفر وافريقيا مليئة بالمهاجمين البارعين وكاس امم افريقيا كان فرصة ذهبية لتواجد المفاوض الهلالي الفاشل الغير مهني او احترافي لابرام صفقة المهاجم ولكن سياسة الادارة فاشلة 100 % في التعاقدات |
والله يازعيم .. مانستعجل صحيح سامراس يتمركز على كيفه .. لكن برأيي انه يحتاج لمدرب يضبطه بحيث انه يفيد الفريق بالشكل المطلوب .. وبنفس الوقت .. لاتنسى تخبط المنتصف الهلالي .. والاطراف معطوبة حالياً أتمنى المدرب يكون ذو شخصية قوية .. ويضبط ايقاع المتمردين امثال سامراس و نيفيز و نواف وسالم ويزيد تركيز الفاهيين .. مثل الشهراني والزوري ويستفيد من طاقات الشباب امثال عطيف و الكعبي .. اتوقع منهم الكثير غير كذا ... لو يعلمهم التكتيك لين سنه لقدام ... ماراح يفيدهم بشيء |
طالبت بحمد الجهيم لاعب الطائي كبديل الطائي والوطني 3-1 هاتريك حمد الجهيم - فيديو Dailymotion اليس افضل من بقاءنا بلا مهاجم يا بشر ليش يعاندون لماذا لا يصلحوا الخلل بالفريق مثل خانة الظهير الايمن وارجاع الشهراني لمركزه |
والله انك صقر بحق نفس رؤيتي للفريق وكاني انا كاتب الموضوع </B> اوافقك بكل ماكتبته ويعتبر هالموضوع تشخيص لحال الهلال الان </B> اهم موضوع كتب في المنتدى منذ فتره يستحق التثبيت </B> |
من تعاقد مع سماراس هو المدرب والادارة السابقة لتعلم سوء الادارة ان الحاجة كانت قائمة قبل بدء فترة الانتقالات الشتوية وكان من المفترض التعاقد مع مهاجم صريح بمثل مواصفات سامي يستطيع ان يلعب لوحده ويستطيع ان يلعب مع ناصر ولا يصبح ازدواجية بينهما. الاخذ والرد بين الادارة والمدرب كانت عائقا عن احضار المهاجم فالادارة الضعيفة استجابة لضغط المدرب وفوقه زوجته لجلب مهاجم اسيوي! لكن مع ضغط الجمهور ابقت الادارة على كواك واستبعدت بنتلي وكان خيار العاطفة غلب على الخيار الفني. بالتعاقد مع جحفلي كان من المفترض الابقاء على بنتلي حتى يصبح هناك توازن في الوسط |
اما الشهراني يارجل اغنم زمانك لاتصيرفي عالم النسيان ...طلعاتك بالهجوم ممتازه لكن تنهيها بباص خاطئ ....تدرب يارجل على الباص وعلى الرفع بعد التمارين لوحدك ...لاتضيع خانتك الكعبي اشعرانه كبير عليه اللعب للهلال الان ...ماهو بمستوى الفريق الاول عطيف لاعب مستقبله باهر ولكن عليه القتاليه في قطع الكرات ليكون من اهم نجوم الزعيم الحافظ عطوه فرصه للعب ننتظره ليكون خليفة الامبراطور النعيمه |
ساماراس لاعب طرف ابدع في اول مبارة امام الفريق الاوزبكي لانه في مركزه الصحيح ... الشرهه على الإداره الماضيه الي تعرف احتياج الفريق وما جلبت مهاجم |
اوافقك بكل ماقلت والله يوفق الزعيم ويتجاوز ازمته ان شاء الله |
مايحدث للزعيم هو من بركات الإداره السابقه ... الجميع كان ينادي بمهاجم صريح لحل مشكلة الهجوم في الآسيويه .. الهلال من 4 سنوات وحتى بوجود ياسر يعاني من مشكله خطيره في إنهاء الهجمه وهذا كلفنا بطولات كثيره ومنها الآسيويه ... كثير من المهاجمين البرازيليين والأفارقه كانوا متاحين للتعاقد لكن فشل وقلة دبرة الإداره السابقه هي من قادتنا لهذا الوضع ..! السالم والكعبي في الآسيويه ؟؟!! العله كانت واضحه من زمان |
والله ماعاد ينفع الا يقفلون النادي ويكتبون مغلق الصيانة . قسم بالله شيء يقهر . النادي يبي له غربله من اكبر واحد في النادي لين اصغر واحد بالنسبة الاجانب . في نهاية الموسم نيفيز سامراس كواك خلاص الله معكم عززوز تنسيق وياخذ معه السديري . والسبيعي. الشلهوب اعتزال ماقصر تصعيد العمار والقطام والسواط واعاددة الحارس الواكد . مهاجم الشعله يونس علوي مفيد جداا . وكل واحد يلعب بمركزه ترقيع ماينفع مدري وش اقول وش اخلي |
ياسر مايجي منه اثنان لكن البلاء في الهلال حاليا الاظهره واحد لايريد يضع كره لياسر (الزوري) شكله يحسده كثير والاخر عرضياته خطا ولا يعرف يرفع والوسط انانيه الا العابد حنا تعودنا ع لاعبين وسط في الهلال واظهره هم من يقدمون الاهداف على طبق من ذهب الثنيان والتيماوي والشلهوب والتمياط والاظهره الدوخي والرشيد ....فرق كبير بين هؤلاء واولئك |
ياسر الشهراني ..........كواك .......................سامراس ) ام ( سلطان البيشي ...... مهاجم ............ صانع لعب ) يجب على ادارة الهلال ان تعمل لبناء الفريق ولا تفكر في البطولات حاليا يجب تدعيم الفريق بلاعبين موهوبين بالنسبة ياسر الشهراني فارى ان خانة الظهير غير مناسبة له لاسباب منها انه لا يستطيع الارتقاء العالي او رفع العرضيات او الالتحام او الدفاع وهذه امور اساسية للظهير ارى ان خانتة هي الوسط المتقدم ...لدى الهلال ظهير ايمن اكثر من رائع هو سلطان البيشي يمتلك سرعة ولعب العرضيات والحس الدفاعي والهجومي والتسديد والقوة الجسمانية يجب اشراكه مكان ياسر وارجوا من الجميع المطالبة بذلك وكتابة مواضيع عنه حتى يتم اشراكه فمن يشاهد مشاركات هذا اللاعب فهو افضل من الشهراني ثانيا كواك لا بد من الاستغناء عنه حتى وان كان لاعب ممتاز ولكن الفريق حاليا ليس بحاجته مع وجود الجحفلي والدعيع والحافظ فهؤلاء ابناء النادي ولا يفرقون عن كواك الشيء الكثير ....ومنها الاستفادة من الاجنبي الرابع والتعاقد مع مهاجم سامراس يجب انهاء عقده وجلب صانع لعب يتحكم في الوسط امثال التائب وادريان ويكون بجوار نيفيز |
بداية تدهور النادي من اقالة سامي |
الهجوم الهلالي ضعيف جدا منذ انتقال المقلب ياسر القحطاني للهلال ..ودائما نعاني هجوميا تغير الحال في الموسم الماضي بنتقال (افضل لاعب في قاره اسيا)ناصر الشمراني الذي اعاد هيبه الهجوم الازرق وحاليا بغياب ناصر غاب الهلال وعاد لوضعه الطبيعي تخسر من السد ..كما خسرت من الخويا كما خسرت من ام صلال |
كلامك سليم وفي مكانه، إلا إني اراه مكرر من هنا وهناك .. سامراس قلناها قبل ان يتعاقدوا معه،، لاعب يلعب كثيرا ويسجل نادرا، فهذا يدل على إنه لا يجيد انهاء الهجمه، والآن يلعب خلف المهاجمين!! ،، فما فائدة نيفيز ؟!! نيفيز في نزهه وبراتب عالي ! اما الشهراني وعزوز والعابد وسالم والسالم،، انجرح الصوت من ( الإعادة ) ! والان الاخبار تفيد ان الزعيم سوف يتعاقد مع لاعب منتخب الجزائر جابو !! لاعب عادي ولديه مشكله في تحكمه في الكرة ! زبدة العباره .. الزعيم في الإدارة كإدارة المنتخب !! |
والله سماراس من يوم شفته بالنظاره وانا غاسل يدي منه .اول مره اشوف لاعب ينتقل لفريق جديد ويحضر بنظاره لا وبعد حاضر المؤتمر الصحفي حق مباراة السد بالنظاره بعد تحس انه عارض ازياء ياليت ادارة النادي تسوي له قياس نظر الاعب تايه فالملعب يا اما انه مايشوف الكوره او انه مايشوف لاعبين الفريق . واذا طلع نظره 6 على 6 يلبسونه البوت في ركبته علشان يقصر ويشوف الاعبين يمكن انه مايشوف من طوله |
لازال الفريق يعاني من تخبطات ابوفيصل ومدربه الداهيه ريجي اللي راح يتعاقد مع بنتلي وحنا تونا موقعين مع كريري بأقشر أثمانه والرئيس يصفق له !!!! ساماراس لاعب كبير لكن الهلال ليس بحاجته الهلال بحاجه لمهاجم صريح ما يعرف ابوه قدام الباب .. ناصر الله يهديه أخطأ بحقه وحق ناديه خطأ كبير كلف الهلال وسيكلفه الكثير و من رحمة الله بالهلال لأول مره تكون مجموعة الهلال ضعيفه نوعاً ما لذلك نتفاءل على الأقل للصعود لدور الـ 16 وإن شاء الله الهلال يعدي دور الـ 16 وبعدها يستطيع الحميداني تدارك الوضع بالتعاقد مع صانع لعب بالدرجه الأولى ثم مهاجم صريح بجانب ناصر لازم يكون هجووووم نااااااااااااااااااري ووسطك مررررررررعب وإلا لن تفعل شيئاً كما حدث مع فريق سيدني الاضعف ولم تستطع تسجيل هدف وحيد في مرماه طيلة 180 دقيقه نستبشر خير إن شاء الله بعودة سالم والعابد في المباريات القادمه ليزيدوا من قوة الفريق ... |
اشكر كل من شارك وكل من قرأ اعرف انه لايمكن الان التغيير لكن نتكلم عن المستقبل الا يشاهدون ويقرأ المسئولين عن النادي ما يكتبه العاشقون للنادي الى متى ونحن نقول هذه المره وتلك الفترة اخطاء متكرره الذي لايفهم كوره يعرف ان الهلال بغياب مهاجمينه يحتاج الى مهاجم صريح لكن ماذا فعلوا احضروا معطوب من ضحك بجاره صابه ما صاب جاره |
سامراس مقلب والهلال يحتاج لكشافين لديهم رويه ثاقبه يعرفون هم رائحين ليش وماهي المواصفات التي يريدونها في الاعب فمن وجهة نظري البسيطه والمتواضعه الهلال يحتاج مها جم +وسط صانع لعب بمواصفات التون الفتح ومها جم الفتح الاجنبي رقم 9 |
إقتباس:
ههههههههههههههههههههههههههههههههههههههههههههههههههههههههههههههه |
الهلال محتاج الدعم بالوقت الحالي وليس النقد والبكاء على الاطلال خلاص الحين مالك الا خشمك لو كان عوج هذا هلالنا وهذا وضعه وهذى ظروفه لابد من الدعم وسامراس جاينا من دكة احتياط واللاعب فنان وخطير بس توه يبيله مجموعه تفهم تحركاته وناس تفتح الملعب لما تكون الكوره معاه على الجميع ان يفهم ان 70 % من الفريق يعتبر جديد على بعض ومعهم عطيف والكعبي والشامخ يحتاجون للدعم والانسجام لاتنسون ان الهلال عليه الاضواء وهذى اكبر مشكله تواجه الهلال كلن ينتقد سواء العدوا والا الصديق والمندسين هنا واجد ماراح يخلون الهلال بحاله لوجاب كاس العالم ياجماهير الهلال اركدوا وادعمو الفريق وصدقوني باذن الله سيعود الهلال الملكي كما كان وافضل فريق الملوك |
إقتباس:
|
عبدالعزيز الدوسري + سامراس + حمد الحمد + السالم + عطيف + الشهراني ارى انهم اقل بكثير من الهلال |
صراحة جاني شك كبير الي ماسك ادارة الهلال مايفهم كورة ولا سامراس مهاجم عندك الي افضل منه وسط العابد وسالم نبي برازيلي او افريقي |
سماراس يحب اللعب الفردي وهذا لا يفيد الهلال |
الهلال بحاجة الى مهاجم آسيوي اما سبيستيان تجالي لاعب الوحدة معه جواز فلسطيني أو سبيستيان سوريا لاعب الخويا او علي مبخوت ويحتاج محور الموسم القادم وصانع لعب ومهاجم مع ديقاو |
| الوقت المعتمد في المنتدى بتوقيت جرينتش +3.
الوقت الان » 09:33 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd