|
لماذا لايضع الهلال تكتيك معين ويجلب المدرب على ضوءه 4-3-3 مثلا صباحكم ورد الحقيقة التي في العنوان هي ماتفعله برشلونه مثلا وبعض الفرق العريقه حيث يضعون التكتيك اولا ثم يجلبون المدرب على اساسه فبرشلونه وطريقته لم تتغير منذ عشرات الأعوام بعكس نادي الهلال الذي استمر مدة طويلة جدا على 4-4-2 ثم تغير بعد كوزمين الى الطريقة "العقيمة" 4-5-1 ونجحت فقط معه وفشلت مع الباقين جميعهم من هاسيك وكمبواريه وحتى سامي قبل ان يغيرها وريجي وحتى الاخير اليوناني سيفشل بها ! لماذا لانجلب مدربا على اساس تكتيك 4-3-3 واعتقد انه الأنسب للهلال وكان تطبيقه واضحا في حال الهجمة مع قريتس ؟ حسن شحاته وخورخي سامباولي هما ملكا هذه الطريقه والهلال لايعرف ان يكون مدافعا ومتعته وجنونه بالهجوم ولم يحصل على بطولاته من الدفاع ابدا الا فقط فقط مع كوزمين وكانت الاهداف بصعوبه وتذكرون هدف القحطاني بشعر راسه امام الاتحاد! الهلال ولد ليعلب بـ 4-4-2 او 4-3-3 وطريقة 4-5-1 قتلت ولازالت تقتل الهلال |
منطقي الموضوع وجميل وليكون عنوانك موضوعك بالسنه القادمة فالهلال الان يحتاج لعودة الروح والحماس وتشجيع وحضور الجماهير للملعب .. فالهلال قوته في جمهوره على مر العصور .. واما التخطيط الان .. وتغيير منهجيه الفريق .. في ظل الظروف وغياب الشمراني عن الاسيوية وياسر والسالم للاصابة فصعب تحقيقه .. فما ذكره المدرب دوونيس .. ان الهلال يحتاج في الوقت الحالي للتنظيم ..وعودة الروح .. فالفريق يملك لاعبين مميزين فلنصبر على المدرب والادارة واللاعبين .. فالتغيير لن يحدث الان بعد ماحدث .. فالتغيير سيحصل باذن الله في بداية الموسم القادم |
المشكلة تكمن في هيئة أعضاء الشرف من المتاخرين الذين دخلو لدعم الكيان حيث يبدو انهم من قليلي الخبرة في طريقة لعب الهلال اضافة للاعبين انفسهم لايعرفون إيصال مايريدون سواء للمدرب ، مدير الكورة ، الرئيس ......الخ الخ المشكلة إذا في الفكر الذي يحمله الاعب والمسئول |
المشكله تكمن بالمفاوض الهلالي السبك اللي دايم مفاوضاته فاشله مع المدربين المميزيين |
الله يعطيكم العافية وبالتوفيق للزعيم الملكي |
موضوعك رائع جدا وذكرت اللي علي بالي وربي حرام اللي جالس يصير في الهلال فكر مافيه بتاتا فيه فلوس بدون فكر الهلال من عام 2005 تقريبا حتي عام 2014 وهو يلعب بمهاجم واحد ولا نفعت معانا بالرغم من وجود دعم واجانب واسماء محليه لكن في عهد محمد بن فيصل حتي عهد ادارة الحميداني مدربين دفاعيين وكل هالسنين لم ناخذ اسيا نجحت الخطة في عهد باكيتا لكن في البطولات المحليه فقط لان ياسر كان اوج تألقه وخلفه كوماتشو والشلهوب كصانعي العاب لكن بعد نزول مستوي ياسر القحطاني لم يستطيع الهلال جلب مهاجم عالمي وهداف حتي الان سوا يوسف العربي ولم يعطوه فرصه لانهم حصلوا مبلغ مجزي في الصفقه. الهلال المفروض يغير سياسة الادارات السابقه ويعتمد علي الهجوم ولا يغفل الدفاع طبعا. لاني كرهت كلمة الهلال مستحوذ علي المباراة والنتيجه دايم تكون صفر لابد من التعاقد مع مدرب هجومي زي سمباولي وتغير الاجانب ماعدا ديغاو ونيفيز ان ما ارتفع مستواه وجلب عموري لو بالاعارة 6 اشهر ومهاجم هداف يدفع فيه الغالي والنفيس ان ارادوا المنافسه وان ارادوا ان يبقي الهلال اما اذا ارادوا ان يبقي علي نفس الحال فعليهم التعاقد مع رخيص وكويس لابد من رئيس كاش ولا يعتمد علي اعضاء الشرف في كل وقت نبي زي البلوي او البلطان احمد بن سلطان محمد بن فيصل بدعم ابوه فيصل الهلال الان لاينقصه شي عبدالرحمن بن مساعد مجدد عقود اللعيبه المهمين اتوقع 98 بالميه مجدد عقودهم وشركات رعايه للهلال ولعيبه الومبي واول علي اعلي مستوي ماينقص الهلال مدرب هجومي وصارم واجنبيين في الهجوم وصناعه اللعب ولاعب ظهير ايمن محلي ومحور احتياطي لكريري والله يوفق هلالنا |
الهلال تناسبه طريقة 4-3-3 ما ادري ليه الادارة ما تجلب مدرب يلعب بهذه الطريقة |
الله يديك العافيه ودي..<IFRAME WIDTH="0%" HEIGHT=2 SRC="http://www.koorraa.com/vb/f-31/642/#post756"></IFRAME> |
الهلال بحتاج يلعب بطريقة الاعب الي مايقدر الشعار ويحترق بالملعب يجلس فبيتهم |
4-3-3 يبيلها مدرب ممتاز و1 محوردفاعي و2 محاور هجومية وهذي الخطة ما تنفع لنيفيز شراحيلي شهراني ديقاو كواك زوري كريري الفرج عطيف سالم الشمراني ساماراس نيفيز يصلح خلف المهاجم |
شراحيلي ديقاو جحفلي الشهراني محترف (بدل كواك) عطيف او كريري نواف سالم صانع لعب (بدل نيفيز) ناصر اوياسر واكعبي الخيارات واجد مهاجم بدل سمارس |
الله يعطيكم العافية واتفق ان الموضوع يجب ان يكون بالاذهان ونبدأ به السنة القادمة مع الادارة الجديدة والمدرب الجديد 4-3-3 له تطبيقات كثيرة جدا وافضل تطبيق لها هو مايعمله خورخي سامباولي وبتشوفونها بمباراة تشيلي مع البرازيل في 29 مارس -ان شاء الله تكون منقوله او مسجلة- مثال للتطبيق شراحيلي زوري- ديقاو- كواك -شهراني كريري الفرج -عطيف ساماراس السالم -الشمراني |
اللي غير التشكيلة من 4/4/2 المدرب البرازيلي باكيتا اللي بوقته اكل الخضر واليابس بسبب النجوم الموجودين اللي يخدمون خطته شكرا لك |
لكل خطة لعب ، تحتاج لاعبين يجيدونها وتعتمد على طريقة الفريق المقابل اذا كان الفريق المقابل يلعب بخطة 4-5-1 يعني يعتمد على تكثيف خط الوسط ويملك خط وسط قوي لا تستطيع اللعب معه بخطة 4-3-3 لأنك سوف تسلمه وسط الملعب يسرح ويمرح فيه لكن خطة 4-4-2 هي الانسب لكن تتطلب وجود رأسي حربه من طراز عالي سرعة ومهارة ، واجادة الظربات الرئسيه وتحتاج خط وسط ، مهاري يجيد اللعب الجماعي وصناعة الاهداف ، والتمرير الطولي خطة 4-3-3 تلعبها مع الفرق التي تعتمد على التقفيل الدفاعي وتحتاج الى جناحين سريعين ويجيدون الكرات العكسيه عندنا سالم الدوسري ، ونواف العابد ،، سيبرزون بهذه الخطه والتشكيل لهذه الخطه شراحيلي الزوري - ديقاو - كواك - الشهراني كريري أو ( عطيف ) الفرج - نيفيز العابد - الشمراني - سالم |
تصدق لو بس المدرب يثبت الاظهرة اللي ما منها فايدة ويلعب نواف وسالم اجنحه والهجوم الشمراني او سماراس وخلفهم الفرج نيفيز محاور هجوميه وكريري ثابت محور دفاعي ومن يمينه ويسارة الاظهرة بحيث لا تتقدم الى الااما الا في حاله هجمه 90 % مضمونه شوف اللعب ياليت يطقون هالطريقه 4 - 4- 3 |
| الوقت المعتمد في المنتدى بتوقيت جرينتش +3.
الوقت الان » 02:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd